السلام عليكم ورحمه الله وبركاته ...

صباخ الخير ..

من سنه تقريبا واختي تتعالج للأنجاب ... بس للحين ماصار حمل ... والحمدلله على كل حال ... هي اخذت

ابر لتكبير المبايض لانه عندها المبايض صغيره ... لكن مافيه فايده ...

الحين نصحتها الدكتوره انها تسوي الصبغه للحمل ... انا مدري كذا يسموها...بس هي خايفه كثير ...

فـــ الله يجزيها خير الي تعرف عنها او مسويتها او تعرف احد قبل سواها ..

هل هي ناجحه ... كيفيه العمليه ... وألمها كيف قصدي بعد العمليه يطول لأيام او عادي ...

جزاكم الله خير ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

اللي اعرفه انه فيه شيء اسمه اشعة الصبغه للكشف على انسداد قناتي فالوب

اماعملية الصبغه اول مره اسمع بها
تأكدي من الاسم عزيزتي واذا طلعت الاشعه فانا بالخدمه

لالا ام المهدي مو اشعه عمليه ... وللتأكيد قالت لها الدكتوره بعد غسل الدوره مباشره تروح المستشفى ..

علشان يصير حمل بأذن الله ويتثبت ...وبعد تتنوم يوم كامل بالمستشفى علشان صحتها ...

عالعموم جزاك الله خير اختي ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

انا مع اختي ام المهدي ما سمعت عن عملية صبغه

انا سويت اشعة صبغية للرحم وبعد غسل الدوره مباشره للكشف عن الانابيب بالرحم

وكان فيه الم بس خفيف الحمد لله

والله يرزق اختك الذرية الصالحة

مشكوره اختي حلا ... لكن بسئلك حملتي ولالا بعدها ... لك الف شكر ..

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

أوصي أختك بكثرة الإستغفار قال الله عز وجل: ( واستغفروا ربكم إنه كان غفارا* يرسل السما عليكم مدرارا* ويمددكم بأموال وبنين ويجعل لكم جنات ويجعل لكم أنهارا) والدعاء ثم الدعاء. أسأل الله أن يوتيه سؤلها ويزقها الذية الصالحة. أما سؤال فللأسف ليس عندي فكرة ولكن الإستخارة مع الإستشارة فلا خاب من استشار ولا ندم من استخار.

أمر آخر التوقيع كأن فيه إعتراض على القضاء والقدر والمؤمن لا بد أن يكون راضيا بما قدر الله له غير متسخط حتى لو نسب الكلام إلى الدنيا فإن الدنيا لا تستطيع عمل شيء ثم لا يتمنى أحدكم الموت وإن كان لا بد قائلا قليقل (اللهم أحيني ما دامت الحياة خيرا لي وأمتني إذا كانت الوفاة خيرا لي ) كما جاء في الحديث عن المصطفى صلى الله عليه وسلم.

عزيزتي حتى اشعة الصبغه معروفه انها تساعد على الحمل لانها تنظف قناتي فالوب

(يعني اللي فهمته من كلامك بياخذون الحيوانات المنويه حق زوجها ..........؟؟؟؟)

جزاك الله خير اخوي .. والتوقيع تغير ....

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

انا مدري وش قالت لها الدكتوره بالضبط .. الله يهديها من تروح المستشفى تتقلب احوالها حتى ماتنتبه

وش قالت الدكتوره بالضبط ...انا راح اسئلها وارد لك خبر ...هي بس قالت لي شوفي ان كانت لها الم قوي

ولالا...

شاكره لك اهتمامك اختي تسلمين ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "