السلام عايكم ورحمة الله مبارك عليكم الشهر..زوجي طبعا بالبدايه ماكنا نعرفه جاء عن طريق واحد من المعارف يعني زميل له بالشغل تقدم لخطبتي ووبعد اسبوع تمت الموافقه طبعا هو متزوج وعنده حرمتين ولما فاتح اخواني بالموضوع ماقال انه عنده 2حريم قال لما سأله اخوي انت متزوج قال الحمدلله متزوج وعندي عيال بس واكتفئ بهذا الشي , تمت الموافقه ع هاذا المنوال وتمت الملكه وجاب الشبكه لي واخذ رقمي من اخوي وجلس يراسلني ويكلمني المهم وهو يراسلني. يقول انه اعجب بتوبيكاتي وصورة العرض عندي وانه ماكان يتوقعني هكذا باسلوبي معه المهم. لاحظت عليه شي غريب صور العرض والتوبيك كله بعض الاحيان غزل وبعض الاحيان عتب وبعض وله.وانا كنت اكتب عنه كلام غزل وحب واحط صورته , كنت اضن انه يقصدني .مضى اسبوع وكل يوم اتفجأ بشي جديديوجع قلبي منه كقوله(لو يقول لك اخوك الرجل هاذا مايصلح لك ولازم تطلقي منه ايش بتكون ردة فعلك )انا ع ناياتي قلت اقول هاذي حياتي وانا حره..قال احسنتي..المهمواخذت فتره قال فيه واحد اتصل علي يقول ان. فلانه باكر ماراح تجلس عنده راح يطلقها مثل ماطلق بنات خاله.قلت له من هالشخق اللي اتصل عليك وقالك هالحكي قال واحد نسيت اسمه خليه بحاله اهم شي اني واثق فيك وانتي واثقه فيني.وبعد فتره فجاأني بشي جديد قال والله فيه شخص عزيز علي والله اعلم بغلاته عندي قلت من هي امك قال واحد وباكر تعرفي تعاملي معه. الهم مشيت الموضوع.بعد فتره وقرب موعد الزواج قال الحريم. ماينفع معهم الا العين الحمرا قلت ايش فيه قال باكر جيتي بيتك تعرفي كل شي وانا قررت اسوي اعادة نظر في تصرفاتي واغير نمط حياتي امشي كل واحده ع الصراط خفت منه قلت ليش انا سويت لك شي قال لا .بس انا قررت راح تشوفي هالشي امام عينك اذا جيتي خفت من كلام. وقلت له انا خايفه من هالزواج قال هو ليش تخافي ماراح يحصل الا الزبن ان شاالله المهم مو مرتاحه من كلامه وبعد ليلة الدخله لما طلعت عليه قال انتي تشبهي زوجتي فلانه سبحان الله..فوت الموضوع.ثاني يوم من الزواج يفتحة الجوال يراسل زوجته ويكتب لها اشعار بالتوبيك و وغيره, وثلاث ايام من ايام العسل ورجعنا وكان ع اتصال فيها يراقبها ع الواتساب ويراضيها المهم كان ناوي نروح عمره كنسل الرجال.وكان معصب كان قبل يقول نبغي ناخذ شقه بروحنا ايام العسل وتفاجأت اني اسكن بنفس الشقه اللي اخته وعيالها مستٱجرتها يستٱجرها سكت انا, وجلسنا يومين وبعدين قال مشينا نبغي نرجع , واحنا فالطريق كان يقول ترا بيطلع وجهي الاخر انا اذا عصبت الجنون تهرب من وجهي..اكتشفت اخيرا انه يخبر زوجته بكل صغيره وكبيره وانها ع علم بكم يوم اخذنا و و وكل شي تعرفه عني وعنه..وكل شوي يذكر محاسنها عندي وانها. وانها .ينبسط اذا سمع اسمها او احد تكلم عنها بالايجاب الهم بعد فتره تقريبا اسبوعين راح وجابها. تغير شيئا فشئا كان يقول الليل راح انامه عندها والنهار راح اجلس عندك انتي والاولى. احتجيت ع الموضوع وانه غير عادل ..سكت جلس ينام بالليل عندي بس مو بالغرفه بالصالون لما قلت ليش ماتنام بالغرفه قال مااحب الغرفه تجيني حاله نفسيه منها, , عرفت ايش يقصد ..انه ماراح ينام عندي دام هي موجوده لانه وافي لها ومخلص لها..ولان. مايناديني إلا باسمها واعصب ولايبالي بمشاعري قبل يام كان يقول يويلك منها راح تجي وتتوعد فيك وتقول والله لاسحرها, , , وكم مره يلمح لي انه يحبها و و و مره قال ايش رايك تعطيني ذهبك امشيه لك قلت افكر قال بكيفك ع راحتك ماراح اجبرك ع شي قلت افكر قال بسرعه قبل اروح الدمام انا قرصني قلبي لان مقر زوجته هناك لانها تقيم عند اهلها وهو في مدينه اخرى ويسافر لها كل اسبوع الف كيلو خمس مئه رايح وخمس مئه جاي وع هالمنوال, شاورت اهلي بقصة الذهب رفضوا ذلك قالوا هاذا يخطط ع شي..حسيت انه تغير علي شيئا فشيئا, بعد فتره ليست بالطويله كلمني اني اشتري له سياره كمافعلت زوجته قلت ليش انت هدفك مادي اجل قال عادي هديه لزوجك فلانه شرت لي سياره ب150ومع ذلك تزوجت عليها , , حست بخوووف منه وبعد امان معه, , كان كل مايسافر يمها كان يرسل علي رسايل تهديد. وانا ماعملت له شي كان اذا زعلت منه يحط حرته فيني ويرسللي وهي تشوف يتمرجل امامها فيني ..وتالف علي قصص وروايات ويصدقها يرسل لي ويهددني ويقول والله لاوريك شغلك ليش تنشري اسرار بيتي واهو من ينشر اسراري معه عندها..حتى الوات ساب يدخل فيه ويحط من الحبه قبه ليش تدخلي مخفي وليش وليش.مع العلم انه معطيها رقمي وتراقبني متئ ادخل ومتى اخرج وايش هو التوبيك وصورة العرض هل يراسلني اولا تشوف التوقيت واذا اخفيت الوقت عصب علي وجلس يهدد ويتوعد بس حتي مايزعلها , , , كان يهددني اذا زعلته راح يتزوج الرابعه , , وكل مايسافر عندها كان يجي متغير ويقول من هنا ورايح راح يتغير نمط حياتي وكل يوم عن يوم اخاف اكثر يقول المراه عندي ماتسوئ شي مثل الجزمه وراح اطلق 2منكن اصفي ع واحده وبعض الاحيان يلمح مزحه برزحه ويقول روحي اهلك ماعاد لي شده ع الحريم, , تقول امه انه تزوجك لانه يقول انها عنيده يقصد زوجته وابغي انزل راسها بالارض من كثر ماقهرته بعنادها ماهو رخص فيها وكمان يقول انه ذبحه البعد , قلت ياريت كنت ع درايه كان والله مااوافق ع هالزواج, , الان يدخل علي معصب ويهاوش وهاذا لاتلبسينه والعطر هاذا لاتحطينه و و و وحتى وهو عندي شغال يراسلها ولا يجلس يسولف معي ولا يعوضني عن الذي حرمني اياها ومقصر بحقوقي الزوجيه حتي زيارة اهلي مايوديني اخواني يجون لي وياخذوني. واذا قلت ياخي وصلني اهلي قال انا مو فاضي ..يومين من الاسبوع عندي وخمس ايام يسافر يمها يقضيهن معها, ويسحب عالدوام ويسافر هو وهي الرياض وجده ومكه والطايف و و وكل اسبوع وانا اجلس بالبيت لحالي..مع العلم اني اجهضت وكان السبب ان نفسيتي تعبانه بسببه وهو السبب الرائيسي بالاجهاض ورحت اهلي وتنومت وسوو لي تصفيه بخصوص الاجهاض وطلعت وهو حتى مازارني ولاحتى كلف نفسه بمسج يطمئن لي فيه , , كلمه امي بالموضوع زعل, قبل اسبوع ارسل علي مسج تهديد قلت شوف انا راح اخبر ابوك بالموضوع هاذي مو حياه زعل وعصب قال ورب الكعبه اني ماارجعك خلي لسانك ينفعك قلت انت تدور ع كذا تدور اللي يطفشني حتى اطفش واطلب الطلاق حتى تخرج من الملامه..وانا راح احققه لك,.. وبعد اسبوع اتصل ع اخوي قال شوف ترا اختك ماتصلح لي ولا انا اصلح لها.. ولاعاد انا جاي مره ..هاذي تطول لسانها علي تبغي تخبر ابوي علي وتحلف علي وانها راح تغير رقم جوالها وتقول لاتنام عندي ولولا حشمتكم والله لاضربها قال اخوي له ..تضربها ليش هي مااحد مد يده عليها في بيت ابوها. عاد انت تبغي تمد يدك عليها, , سكت وقاله اخوي تجي ونتافهم قال خلاص.. المهم اتصلت علي امه تقول انه يقول ماابغيها لاتجبريني عليها تبغي تجبريني عليها وهي تقول والله لاخبر ابوك عليك, , تقول اني توعدت فيه وقلت والله لويجيها شي اني ماكلمك طول حياتي وجاء امس ولا طلعت اخواني كانوا بمواجته واخيرا دق علي وطلبني قال تعالي قلت ماراح اجي الدكتوره منعتني من التوتر قال تعالي هي ماهي هوشه المهم رحت وكل قلت شي قلبه لصالحه وانه رجل عملي وانه مشغول وعنده ضغوط وانه حتي عياله مايشوفهم من كثر اشغاله. ويقنهم, , وبعد انتهاء الجلسه اخذني جانبا وقال فضحتيني عند اخوانك ثاني مره اي شي يحصل بيني وبينك ماتروحين تبربرين عن اهلك ترا فلوس ماناقصني فلوس والله لاحط وحده مكانك, , ادري ان قصتي طويله وممله بس والله اني ماطرحت قصتي بها النتدى الطيب الا بعد مااطلعت ع نماذج من القصص هنا اللي بعضها وجد لها الحل أأمل ان اجد حل. اومساعده لقضيتي لانها والله ثم والله تعبت نفسيتي منه, مع العلم اني حامل الان بالشهر الثاني وانا ماابغي الانفصال بس انا وقعت ضحيه لرجل ميت ضميره مع العلم انه لايصلي افدوني جزاكم الله خيرا
10-07-2014, 02:22 PM
ضوابط المشاركة
العرض العادي
