السلام عليكم ورحمه الله وبركاته

انا متزوجه من سنتين .. وزوجي هوا طيب وحنون وكل شى وماينعاب بس مشكلتو لو زعل يطول في زعلو ونكدو ومايرضى بسرعه ..

وانا مشكلتي عصبيه واتنرفز بسرعه ودايما اعصابي مشدوده ما اعرف من ايش ..

اخر مررا انا كنت مضايقه واعاصبي مرررررا تعبانه .. وقلتلو لا تستفزني ولا تعصبني .. وهوا من طبعو استفزازي شويا

قام يسوي الاشياء الي ماحبها .. زي مثلا اكلمو مايرد عليا يطنشني وزي كدا .. وانا عصبت وانفجرت في ..
وهوا زعل .. ولو اسبوعين مايكلمني الا كلام محدود وباررد وحتى سار مايلمسني ولا يقربني ..
وانا كل ما احاول اتقرب منو واحاول اراضي برضو
وسار يتعمد يتاخر لمن يخرج من البيت ولمن استنى اتعب وانام واصحى الاقي نايم .. وعلى دا الحال ولمن اتفاهمت معاه يقلي مو مشكله ويسوي نفس الحال ولا كاني كلمتو
ودحين بنكمل 3 اسابيع واحنا على دا الحال

بالله افيدوني انا مررا تعبت ويعني كمان لسه دوبنا سنتين ودا الحال كلو ..

وكمان مو كأنو الفتره طولت 3 أسابيع طويله

وانا بحاول قدر الامكان اخلي يرجع زي اول بس هوا ابدا مو راضي

ابى شوركم الله يرضى عليكم

اختكم أم أياد

السلام عليكم
.
.
.
أولاً ... أهنئك على اعترافك بحسنات زوجك قبل سيئاته

ثانياً ... الرجل منا ما يحب إنه زوجته تعصب عليه أو تتنرفز أو تعلي صوتها
الزوج يحي الزوجة الهادئة إللي تاخذ إللي بدها ياه بس بأسلوب الأنثى

أكيد طبعا أسبوعين وثلاث كثير
بس انتي الله يهديكي ... حاولي تتقربي ومنه وتفهميه إنه العصبية مو بإيديك
وإنك إن شاء الله راح تحاولي تسيطري على نفسك
وانت الله يهديك قمت تعصبني بزيادة بدل ما تهدي مني

بعدين اختي الكريمة ... انتي شكيتي إنه ما يرد عليكي وانتي معصبة ... وهذا تصرف صحيح
لأنه لو رد عليكي وقتها راح تردي وكلمة منك على كلمة منه ... خربت الدنيا

نصيحتي هي الهدوء والتروي والتراضي
زوجك طيب وحنون وأكيد يحبك ... العبي على هذه الأوتار
والله يهنيكي
.
.
.
أسأل الله العفو والعافية
والله المستعان

__________________

يعطيك العافيه والله .. صح انا اعترف اني عصبت وكترت في الكلام وهوا من حقو يزعل وكدا ..

بس انا لو مكانو اراعي الطبع دا .. وانا كمان احاول اضبط نفسي .. بس هوا الله يهديه عنُدي وراسو يابس ممايرضى بسرعه

اليوم كنت عند بيت اهلي ازورهم .. وانا من قبلها استنى ودقيت عليه قلتلو بروح لاهلي ازورهم وكدا قلي طيب .. واحنا العاده ندق على بعض ونطمن ونعرف ايش سوينا وكدا يعني ناخد الاخبار من بعض اول بـ اول ..

جلست ادق عليه على اساس يرجعني مايرد وادق وادق الين خفت عليه مررا في الاخير لمن رجعت مع اخويا لقيتو بيتفرج تلفزيون اقلو ليش ماترد عليا يقلي ماسمعت الجوال ..

يعني حتى تعاملو سار مدري كيف .. انا تعبت والله

لا تركزين على تصرفاته ركزي شلون ترجعينه كما كان ...يبالك اولا وقت اللي تحسين بعصبيه تتوضين وتجلسين تسبحين وثانيا اعملي اجواء رومنسيه ...وحاولي تحسسيه بقدره عندك وغلاته واعتذري له بطريقه مبتكره تاخذينه من النت ومتاكده انه راح ينسى اهم شي لا تتناقشين معاه فيما صار كوني طبيعيه وانسي ...والله يهديكم لبعض