07-02-2011, 03:28 AM
|
مشكلتي اني تزوجت من شخص منذ فترة قريبة من بداية موضوع خطوبتنا اشعر بالضيق لم ارغب بهذا الزواج ولكن ليس لكل فتاة خيارات كثيرة اهلي مصرين بقوة اني اتزوجه( وسبب تصرف اهلي بذي الطريقة اني انخطبت قبل كذا وانفكت الخطبة كنت ماني مرتاحة ولا مقتنعة مع ان الولد ماعليه برايهم انا كان لي راي ثاني ولا انكر اني غلطت بس كنت صغيرة) يحسبوني ما افهم بمصلحتي غبية ولا مالي مخ واهلي لها سبب قررو يغصبوني على اقرب واحد بعدة وهددوني كم مره انهم يزوجوني بلغصب لولد خالي والولد هذا انا مايعجبني لاني شفت عليه حركات قذرة دايم يلاحقني يقول لي كلام يعني مارفضته بدون سبب واهل اكيد مايدرون عن حركاته او كان ياويلة قمت خفت وافقت مبدأيا اني اخذ هذا لانه انسان خلوق او كذا كنت متخيلته يكون من سمعته اللي سمعنا عنه بعد النظرة تمت الخطبه تمت بدون رايي طبعا بعدين جابو لي شبكة حلوة الماس وانا فرحت بها ما انكر (بس ايش فايدة الذهب والالماس ماجاب لي سعادة ) ندمت اشد الندم اني فكرت حتى بالزواج وجتني حالة الاكتئاب بعد الخطبة واهلي اصرو على الخطبة هم يدرون بوضعي خذيت ادويه للاكتئاب ما استفدت منها الكآبة نفسها موجودة على بالهم اني تحسنت ابوي كان يصرخ علي ويخانق كل ماقلت لهم اني مابيه ولاماني مرتاحة تعبت منهم وسكتت امي مريضة تعبانه مره ما اقدر ازعجها اكثر من كذا هي حاسه بوضعي من حزنها علي مرضت وسوت عملية بالظهر قررت بعدها اني ماقول لها شيء عن مشاكلي حتى لو مت من الحزن حتى زوجي مره صارحته قبل الزواج انه معي اكتئاب واني حاسه اني مابي الزواج هذا يتم بس بعدين اعتذرت له لان مافيه سبب يخليني ارفضة هذا طلب اهلي ولا قدرت اناقشهم اكثر من كذا زوجي انسان احواله ضعيفه اقصد عيلته ابوه وهو يصرف على اهله دائما احس بطمعه بي وباهلي وحالنا احيانا يقول ليش ماتدفعي انتي مصاريف العشاء لما نكون في بيت اهله صرت ماحب اسير على اهله كثير مع كل هذا وتحملت اهله اطباعهم اللي يتسابون ويتلاعنون ويتهاوشون شيء عادييي مره وطبيعي عندهم وانا بس مستغربة شلي قاعد يصير يعني هو مثل مافهمت من اسلوب اهله معه مايمشي الا بالشدة والصراخ والسب والشتم وانا انسانه هاديه موب هذا اسلوبي يعني مقدر اتعامل لا معه ولا مع اهله لايصرف علي الا شيء قليل وبطلب مني والحاح,لما قلت مره هذا الكلام قدام ابوي قال انتي ظلمتيني انا كل شهر انزل للك المصروف بدون طلب وهو كذاااااب لسانه سليط وقوي شخصيته قوية مره بمعنى كلمة قوية لا والمصروف اللي يعطيني يقول انه لازم ينقطع لما افتح لك بيت لايصلي وانا حريصه على الصلاة حمد لله ..مع انه قبل الزواج يقول لي انا ما اترك صلاة المسجد طلع كذاب وهذي كانت صدمة كبيرة بالنسبة لي انا واهلي كلنا متربين على الدين والصلاة لمن اقول له ينكر يقول انا اصلي انتي ماتشوفيني وصلاتي لربي مو لك وانتي ماتشوفيني دايم انا راقبته كثير الفروض كلها ما يصليها حتى اذا ذكرته مايصلي ومااذكر اني شفته يوم يصلي كل الصلوات اذا صلى مره وحدة يكون شيء حلو ونادر بعد وقبل زواجنا الشيء الوحيد اللي حبيت فيه انه على كلامه مايترك صلاة المسجد طلع كلامه كذب وافتراء عنده مشكله عندما يغضب يقول كل شيء اشياء لايتحملها انسان ولايرحمني احس انه قلبه اسود من ناحيتي ولايحس ماعنده احساس بشيء وانا اتالم واقول له كيف تقول عني كذا بعد مايهدا ينكر يقول لا انا ماقلت الكلام هذا يعني لما يعصب يفقد الاحساس ويقول اشياء ينكرها بعدين يسبني ويشتمني ولا اقدر ارد كل حياته مخصصها لاهله وانا شيء جانبي بالنسبه له لا واذا جاء كل وقتنا مخصص لزيارة اهلة مرت مدة طويلة على زواجنا ولم يسكني في بيت زي الناس يعني كنه متزوجني مسيار يشك فيني كثير اي تصرف مني يفسرة بالف احتمال دايم يفتش في جوالي يدور علي اخطاء وزلات لو شاف مني اي شيء او غلط جلس ييذكرني فيه طول عمري لايحسسني بمحبته لي ولاشيء ولايكلمني من ايام الخطبه وهو يقول لاتتصلي علي ولاتزعجيني كنت استنكر هذا الشيء بس طبعا مو بيدي ارفض الخطيب خلاص احنا مملكين وكل شيء اهلي لازم يكون عندهم سبب قوي لترك الخطيب وانا صابرة من اول المفروض انا لمن حسيت ببروده من اول حكيت الكلام لاهلي بس انا كنت متوقعه انه بتغير لمن نكون مع بعض مانعني من العمل مع العلم اني اقدر اعمل معي شهاده جيدة وانقبلت بشغل مره لخبط الوضع علي يقول مستحيل اسمح لك تشتغلي قبل الزواج كان مايمانع الشي هذا وهو يدري حتى اخته موظفة وتفكير الرجال القدييييييييم ما احس بمودة تجاهه بسبب امور كثيرة من ضمن الامور هذي مظهرة وجسمة وملامحة وريحة فمة كنه زبالة وشكله للحين ماقدرت اتقبل ولابشكل ادرييي انه هذا مو ذنبه هذا من الله بس ماني قااااادرة فيه شيء بوجهه موب مريحني احس بملامحة قسوة ونذالة يمكن كلامي سخيف بس ليش ربي شرع لنا النظرة الشرعيه انا يوم النظرة ما ارتحت قلت بكلم امي اقولها مابيه من بكرا جاء العريس مع ابوه كلمو ابوي وصارت الخطبة بدون حتى مايستاذنون من امي انا وقتها جتني حالة انهيار من الصدمة من عقبها بدأت حالة اكتئآب هو مايتكلم عني قدام اهلة يغار علي كان يحبني كثير بس مدري وش صار يقول انه يخاف من الله بس بديت اشك بهالشيء يسمح لي اجلس مع اهلي يحب النظافة والمظهر الجميل غير مكان عمله كله عشان يريحني اذا مرضت يحرص علي غلطتي انا اعترف اني يمكن ماحاولت كفاية صار بينا شيء من اول زواجنا ابعدنا عن بعض وهي كثرة المجادلات والخلافات خربت علينا ولاني طلبت منه يغير مكان عملة في تبوك واني ضقت من موضوع حياتي هناك يمكن هذا ذنبي اللي ابعده عني مع اني عارفه انو ممكن يتغير بس يتغير بعد ايش اذا كانت هذي هي اجمل ايامنا واحنا تونا عرسان وضيعها علي وعاملني بهذي الطريقة احس صعب اسامحه خاصه انه كذب علي صور نفسة باحمل الصور قبل الزواج وطلع كذاب []وبعد الزواج قال عني انه ماتهمه حالة الاكتئاب اللي انا بها ولايحزن حتى علي ولايهمه امري دايم يكرر انه وده لو اننا نتطلق بس خايف من زعل اهلي يقول لي انه مخنوق من وضعنا وبيجيه يوم يطلع من طورة وانا مدري شسوي بصراحة ماحب اناقشة ابد لانه لمن يعصب يجرحني بالكلام حتى صرت اتجنب مكالمته واهرب منها حتى مايصرخ علي ويجرحني مااقدر اناقشة بشي تعبت خلاص صار له مكلمني الاسبوع هذا كم مره ولارديت لاني اخاف يكون معصب ويصرخ علي عايشة بحالة رعب منه ولا ابي الحمل صرت اكل حبوب منع حمل وبديت اخاف من تاثيرها انا راضيه يارب ا بكل شيء كتبت لي حتى لو كان الم ومصاعب يارب لا اعتراض على قضاءك ولكني محتاجه لنصيحه شخص يمكن اكبر واعلم مني وعنده خبره |
|
وانا كنت احلم طول الفترة اللي راحت بشخص يعوضني عن اللي فات واحس معه باحساس لطيف بس للاسف ماحسيت مع زوجي كذا ولا اكتشفت فيه صفات تعجبني والاسوا اني انصدمت فيه تخيلته انسان خلوق طلع موب مثل ماتخيلت هو مسكين كان يحبني مره بس اتوقع حس اني ما حبيته كثير ومل مني |
|
مايتكلم عني قدام اهلة يغار علي كان يحبني كثير بس مدري وش صار |
|
احبني مره ويخاف علي ويغار علي كثير غير مكان عمله كله عشان يريحني اذا مرضت يحرص علي |
| غلطتي انا اعترف اني يمكن ماحاولت كفاية صار بينا شيء من اول زواجنا ابعدنا عن بعض وهي كثرة المجادلات والخلافات خربت علينا ولاني طلبت منه يغير مكان عملة في تبوك واني ضقت من موضوع حياتي هناك يمكن هذا ذنبي اللي ابعده عني |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
