سلام عليكم ....انا مشكلتي اني احب وحده هي بنت خالتي وهي تحبني دايم المح لاهلها وهي تلمح لاهلي انها تحبني ...دايم تسال اختي عني وعن الاكلات الي احبها هي عمرها 17 وانا عمري 24 انا الحين الحمدلله الحين توظفت...بس المشكلة اني اخذت رقمها من جوال اختي وارسلتها رساله اني احبها واني مابغا غيرها وهي ردت علي قالت انها تبغاني ...المهم قطعت الرسايل الي بيننا لمدة اربع شهور ...وقبل كم يوم ارسلت لي من جوال خالتي رسالة فاضية انا حسيت انها هي وبعدين اتصلت على جوالي وكان يتكلم اخوها الصغير ..واتصلت على جوالها وكلمتها وكلمتني وقلتها اني ابي اخطبك وقالتالها ايش جوابك قالت الجواب راح اقوله لاختك ...قالت لي ان بنت عمها سوت فيها مقلب واتصلت علي علشان تسمع صوتي...واهلها درو انها ارسلتلي واخوها دري واخذ منها الجوال .....انا تحطمت لاني اعرف اخوانها مرررره عصبيين وشكلهم اضربوها حتى ...المهم قلت لاختي السالفة واني كلمتها وكلمتني ....قلتلهم كلمو خالتي ابي اخطبها ..كلمو خالتي قبل يومين وسالت ابوها ...ورررفض ابوها يقول هي تهتم بجدتها ام ابوها علشان كيذا قال مابي ازوجها ...قال اذا ماتت جدتها راح ازوجها ...يعني عذر اقبح من ذنبه ...الموضوع ذا حطمني ...قالو لي اهلي خلاااص ابوها شكلة مايبغاك ...راح ندور لك غيرها .....انا محتار ورررررررربي مدري ايش اسوي ...صرت مانام ولا اكل زي الناس والسبب الموضوع ذا اخاف علقت البنت فيني .......ابي ردودكم .........ومشكورين

الله يهديك ياخوي لية التلميح والكلام بينكم كان من الاول جيت للبيت من الباب
عموماً نصيحة لاتخطب بالفترة هذي انتظر لين يهدا الوضع
وخوفك من تعلق البنت انت سويت الي عليك خطبت وابوها رفض مو ذنبك
وانا اشوف 17سنه صغيره ومراهقة الا طفله توها على الزواج
تكبر وتنسى

طيب يا اخوي انت خوفك بس انك علقت البنت فيك ؟؟
يعني انت ماتعلقت فيها وماعندك مانع تخطب غيرها ؟!

صلي الليل وأدعي واستغفر وأطلب من الله انها تكون لك ومن نصيبك
وأستخير أكثر من مره واذا أبوها أصر على الرفـض أنتظر فتره وأرجع أتقدم مره ثانيه واذا رفضك خلاص انت سويت اللي عليك وهذا قضاء الله وقدرهـ ,,,

أسأل الله ان يوفقك ويسعدك ,,

يابعد قلبي انت والله انك تستاهل كل خير
انشب له الين يزوجكياها واذا عيا وصف لي بيتهم انا اروح اجلده لك
ماعليك اصبر مع الالحاح بينجبر ويزوجك وخصوصا انها تبغاك وانت تبغاها
الله يوفقك

عادي قوله ياعمي انا ابي اخطب بس والبنت لسى صغيرة ماعندي مشكلة اصبر لين تكبر وتنهي دراستها وانا اكون كونت نفسي اكثر انا بس ابي احجزها
عاااد كرر هالمسئلة معه وراح يلين بالذات لا كانت امها موافقه عليك بتاثر عليه

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

أكبر خطــأ أرتكـبته تلميحك للبنت ..
..
وهنا نقول .. هذي كبوة جواد منك ..
وبأذن الله بتعدل غلطتك ..
لكن لا تيأس ..

البنت عمرها صغير والأكيد أنها لسى تدرس ثانوي ..
والشي هذا يعتبر لصالحك ..

حاول تتقرب من والدها أكثر ..
وأثبت له أنك شاري بنته ..
تقرب من العائله وأحضر عزايمهم ..
وأجتهد في تأسيس مستقبلك ..
ألى أن تتغير نظرته تجاهك ..
وبعد كــذا أرجع تقدم لها مره ثانيه ..


طبعــا الكـــلام هذا كله ..
أذا أنت فعــلا شاري البنت ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

انت باين انك ماعندك أحد يعني بالعربي ماعندك مشكله تدوّر ع غيرها
لو فعلاً تحبّها ماكتبت موضوع بما إن عمرك مثل عمري كان انا حطيتها براسي لو اقعد عزوبي لين 50 سنه ماني متزوّج الا هي
عندك اكثر من طريقه تتوسط لامك وتخليها تكلم خالتك ارسل ابوك لابوها
واذا مرّه مانفع ياخي تعال زورهم يوم وسلّم ع جدّتها وكلمها بينك وبينها وقول لها مشكلتك عشان تكلم ولدها اللي هو زوج خالتك وبيّن لها انك تحب بنت خالتك وتبي تتزوجها
عندك طرق كثيره بس شغّل مخّك وطرقي هذا إذا فعلآ تبي تتزوج بنت خالتك مهب بس تقول اخاف علقت البنت فيني
اكيد البنت تتعلق فيك لان البنت طبيعها كذا

أكثر من الإستغفار فهو علاج لكل مشكله :
من ثمار الإستغفار :
1- إنشراح الصدر والراحة النفسيه .
فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) .
2- أنه حل لك مشكلة ولكل هم .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .

3- الرزق ( المال والولد ) .
قال تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) .
أبتعد عن المعاصي < سعادة المعصية وقتيه ، عليك بالطاعات والمباحات < سعادة الطاعة حقيقه تستمر طول اليوم

__________________