..



..


..


أكببببببر غلط .. إنا نعتقد إذا أحد قدم لنا شيء يكون يبغى مقابل ..!

أو إذا قدمنا لاحد شيء ننتظر منه مقابل ..!

( لأنا راح نعيش كذا بإحباطات مالها أول ولا أخر )

لكن هذا الأمر صار شااائع جدا حتى بين اقرب الناس لبعض اللي هم الزوجين ...

" بتكلم عن نفسي عشان لأحد يقول لا تعممي .. "

أنا إذا أعطيت وربي ما أنتظر مقابل لآني ببساطة أعطي عن طيب نفس <<< مو مدح بنفسي للتوضيح بس ..

وكمان إذا أعطانا أحد شيء ما أفكر كيف ارجعها على أساس إنه ما يبغى مني جزاء << أدري البعض بيقول خطا

بس هذى قناعاتي ...

...........


المهم اللي خلاني أقول دى الكلام موقف صار بيني وبين زوجي ..

ما توقعت بيوم بيصير ولا جاء على بالي ابد ..!!!

زوجي تخرج قبل كم يوم برتبة ملازم , بعد تعب وجهد ومشاكل , لكن قدر يحقق حلمه وكان فرررحان بيوم التخرج ..

سواله أبوه حفلة كبيييرة وكل أهله إحتفلوا فيه , بوفيه وتوزيعات وهدايا .. أخواته وعماته وأخوانه كل واحد منهم جابله

هدية ساعة أو عطر أو بوك جوال اشياء تقلييدية ..

وبعد يومين من كل دى , قالي زوجي شاهي : ليش ما سويتيلي حفلة , ووين هديتي ؟ كأنك مو فرحانة بتخرجي ..

( للمعلومية زوجي كذا مرة يجبلي هدية بمناسبة وبدون , وأنا ولا مرة جبت له << لاني ما فكرت إنه لازم أردها ؟)

المهم أنا كنت مجهزة له مفاجاة قبل يقول لأن صراحة المناسبة كبييرة ..

فقلت له : افاا عليك حبيبي , فرحك هو فرحي , وشيء كذا ما يطوفني بس مناسبتك كبيرة وعليها بتكون هديتك ..

وإلى الان ماجهزت بس تخلص أجيبها لك ..!

طبعاً فرح وتشوق يعرف هي إش ..

" هو كان راسم على حفلة وانا مالي بالحفلات ولا أحب تجهيزاتها أحسها روتينية ممله , وطبعاً الفضوليات كل

وحده منهم تجيب لي فكرة وتخطط لي حفلة بسسس ما طبقت ولا شيء من تعليماتهم <<< وأنا اللي خسرت بعدين .

كنت أبغى شيء على الطااااير مفيد ومميز وغير مكرر .. و صراحة كنت عارفة إن زوجي خاطره بسيارة معينة

بس ظروفة ماتسمح يجيبها ...

فقلت فرصة اجيبها له يفرح وتكون معاه على طول يستفيد بدل من عطر وساعة واشياء كلها عنده ..

رحت كلمت ابويا , قلت يأبويا أبغى السيارة الفلانية عشان أهديها زوجي بمناسبة تخرجه .. قالي أوكيه , كلمي أخوك

" السيارة من حسابي مو من ابويا ولا أخوي , بس جبتها من معرض أخوي عشان يسهل لي التحويلات والشراء و

يجيبها لي البيت .."

ويوم جاء زوجي , قلت له مبروووك حبيبي ودى هديتك وأعطيته المفتاح <<< وصار ما لم يكن بالحسبان ..

زعل وتنكد وقالي محااظرة طوويلة ..

قال هديتك مقبولة بس ما راح أخذها لأنها بصراحة غااالية .. من وين جايبتها ؟ من أبوك ولا أخوك ؟ قلت له شريتها بفلوسي ..

قالي ليييش ما شاورتيني ؟ كم مرة أقولك لا تتصرفين من نفسك ؟ ليه منتى قادرة تسيطرين على نفسك . أي فكرة

تجي ببالك على طووول تنفذينها ولكن حولك احد ....<<< لو شاورتك كيف تكون مفاجاة ؟!! قال : فعلاً مفاجاة

وحياتي معك صارت كلها مفاجات .. ماني عارف لك .. أحيانا تكونين بسيييطة وأحيانا تفاجيني باشياء كبيرة

قلت له : الحين قبلتها من الكل ورفضتها مني ..!! آسفة حبيبي خلاص لا تزعل نفسك , والهدية اللي بتنكد

عليك فرحتك بلاش منها ..

............

مادري لييه كل هالتعقييد ؟؟ وعلى إش شايف عمره ؟؟ و هالكرامة اللي مالها سنع قلت له هدية مو صدقة ..!

أول مرة اجيبله شيء ويررفض ... وربي كسرررر بخاطرري وندمت إني فكرت أجيبله هدية .. حسسني إنى و

لا شيء وإني أبغى مقابل .. !!

إلى الآن بنظره طفلة فاقدة الأهلية كل شيء تسويه من أبوها ومو لازم تتصرف إلا بشور أحد ..!!

وحسيت إن قلبه مو صافي ناحيتي ..
............

رجعت السيارة وخاطري مكسسور , وقال لي أبويا معليه حبيبتي سويله اللي يبغى وجيبيله اللي يرضيه ..

قلت والله يابويا لو يحطونه وزير الداخليه ما جبت له شيء , أصر علي ...

رحت وسويتله حفلة صغيرة وقاتوه عليه صورته ببذلة التخرج , واي فون ..! كله عشان يرضى بعد زعله ..

واعتذرتله مع إني ماسويت شيء ,, وقلتله آسفة حبيبي انا كان قصدي أجيبلك هدية من قدرك ..

طبعاً بعد كل هالمهانة اللي جازاني فيها رضي قالي ما أبغى شيء إلا أنت بس ..

وتوووبة اجيبله شيء , وربي إلى لآن مضايقة من تصرفه دائماص ودي أسعده وتطيح براسي ..

دايما الهديه بمعناها مو بقيمتها
انتي ودك انه يتفاجأ ويطير من الفرحه!!
لكنه شافها من زاويه ثانيه!! سياره من معرض اخوك او من فلوسك اللي هي بالنهايه فلوس ابوج!!
يمكن الملازم اعتبرها رشوه!!!
المهم لاتزعلين نفسج .. تعاملي مع زوجك ببساطه وتجنبي الامور الماديه واضح انه يتحسس منها!!!

__________________
اللهم احفظ لي زوجي وسخره لي واحفظ لي اولادي

الصراحه أهنيك على عقلية ابوك

هو فكر انو فلوسك يعني فلوس ابوك واعتبرها اهانه ياغاليه
لاتزعلي نفسك حبيبتي
والهدية بمعناها مو بقيمتها

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

خلاص انتي كدا عرفتي طبع زوجك يحب البساطه
وانو الهديه الكبيره اللي تتفوق عليه ماديا تجرحه خلاص انتي بعد كدا اتعاملي معاه بالبساطه
موفقه اختي

حبيبتي انتي سويت الي عليك وعرفتي ان زوجك يحب الشي الرومنسي اكثر مثل حفله او هديه بسيطه والله يوففقكم

خلاص تعلمت كثييير الأشياء اللي بتجنبها ..

فديته انا , ابويا كله على بعضه حلو

مشكوور أبو سعود

أهانة إني جبت له شيء خاطره فيه وهدية مو صدقة ..

وهو كان نفسه يتخرج واتخرج ونفسه بالسيارة وقلت اجيبها ويكون حصل كل اللي بخاطره

بس الله يسامحه على تفكيره ..

ليش ما فكر إني ما ستخسرتها فيه ؟؟؟!!! بس الظن السيء يسبق الحسن ..

مشكورة أختي ..

بصراحة ما كنت أدري هاذى اول مرة اهدية ..

وهو عمره ماقصر معي بهداياه وكلها غالية ولا فكرت تفكيره ..

بس الأيام جاية وإحساسي اللي حسيت بيجربه ........