السلام عليكم ورحمة الله وبركاته ....
مادري من وين ابدا بس تعبت ... احب زوجي بجنون وصار لنا متزوجين 6 سنوات وعندي منه طفلين المشكله بدت في زوجي بعد ثلاث سنوات زواج دايم مخنوق متضايق سئلته كم مره حاولت مو راضي يتكلم رحت لاهلي كم يوم علشان يرتاح جيت قالي انه ارتفع ضغطه وطاح وودوه اهله للمشفى... حاولت زنيت اعترف لي انه مو مرتاح معاي من ناحية ال... )) وانه يبغاني وحده بيضا ونحيفه لدرجة كبيره ... وانه طاح على اهله بسبب هالموضوع ...طبطبت عليه وقلت ولايهمك ابسوي اللي اقدر عليه وبحاول انحف واريحك اكثر مع اني مرتاحه ورضاي في نفسي كبير ... ومن يومها وانا احس بالنقص في نفسي مهما لبست مهما حطيت مهما ابدعت في قرارة نفسي دايم اضننني ناقصه في نظري ... تعبت بكيت انخنقت ..ومو حاس فيني .... جات الصدمه الثانيه انخنق نفس الشي ضغطت عليه واعترف برضو بانه ماارتاح وجالس يدور يبي يتزوج مسيار.... طبطبت عليه وقلت ماعندي مانع بزوجك لو هذي رغبتك ....بس انا من يلبي لي رغباتي مثل ماانت فيك قوه انا اقوى منك ... قال اوعدك اذا نحفتي اشيل الفكره ... جلست اسوي دايت وحوسه ونفسيه زفت نزلت عشره كيلو
وفي وقتها كل ما كنت اتحمم والبس لبس نظيف واتعطر وانسدح مع زوجي ف السرير كان يقولي ترا خنقتيني فيك ريحه مو حلوه واللله صرت اشك في نفسي حتى اهو يقول لوماني شايفك تتحممي كان قلت انك وصخه بس مدري وش المشكله لدرجة انه مره قالي هالكلام قمت وقفت قدامه قلت بسرعه طلع لي مصدر الريحه شممته فمي وكل مكان يقول عجزت احدد مكانها ........ تركت الدايت ومن يومها وهو معد اشتكى .... رجعت من السفر انا وياه بعد العيد رجعت بديت دايت من جديد ويقول نفس الريحه رجعت يقول اقري على نفسك ... صرت دايم معصبه مزاجي متقلب نفسيتي زفت الكل ملاحظ علي يقول الناس تنحف عادي بس انتي شكلك مريضه اللي يقول لامي اقري عليها واللي يقول وديها طبيب نفسي معد لي خلق احد افكر وش سوا وين راح ليش كذا ليش مايقول لي كلام حلو ليش مو مقتنع فيني وش قصرت وسواس يروح وسواس يجي وبرضو فيني حكه في جسمي موطبيعيه منكده علي عيشتي المكان سليم بس احكه لين يطلع الددم وماخليت مستشفى اللاحللت عنده يقولون مافيك شي وكريمات قطعي ...... وحبوب تسكن بس ماتحل المشكله .... صرت احسد اي وحده نحيف وبيضا صرت اكره اناظرها واذاكنت في مكان عام وكنت فيه انا وزوجي ومرت ينقلب مزاجي 180 درجه .....
دايما لما اشوفه مقصر معي مفي كلام حلو اندب نفسي اني مو اللي في باله ....
حاسه اني مجروحه ...
...واخر مشكله مخنوق كعادته وانا مخنوقه زيه سئلته قلت بضغط على نفسي واسئله راحته الزم علي من راحتي مو راضي يعترف قلت له فلان ترا تعبت خلني اشوف طريقي انا لسه صغيره ومافيه شي ناقصني انا عارفه انك مخنوق من هالشي وعارفه انك تعبان منه وعندك بروستاتا معذبتك واحتلام كل فتره .... والسبب انك مو مرتاح معاي ايش يصبرك وليس انا راضيه فيك بكل عيوبك وحابتك بكل مافيك وانت تعبان ومتعبني كل مااشوفك مخنوق اختنق اكثر خلي كل واحد يشوف طريقه انا لسه في بداية شبابي وماناقصي شي بشوف طريقي مع واحد يرتاح معي لان ال.... اساس الحياة الزوجيه اذا كان فيه خلل كل شي راح يختل وعيالك لك ماراح ابيهم قال مايحق لك تفكرين بهالطريقه ... قال لي انتي مالك دخل فيني وانا مرتاح معك كزوجه واحبك واحترمك ومااستغني عنك ,,,, وبالنسبه للزواج راح اصبر نفسي لين اائمن لنا بيت مستقر ودخل وقتها راح اريح نفسي وصدقيني ماراح افرط فيك مهما كان الثمن ..... وابعدي الشيطان عنك ... وارضي بعيشتك ... قلت له انكر انك ماتسوي العاده السريه قال وش الدليل عندك قلت واضح مايحتاج دليل تلبك وقفل الموضوع وقال لاتلزقين فيني ترا طفشت ....
اذا جلس جلست جنبه اذا راح رحت معه انا عارفه ان هالشي غلط بس مو قادره غصب عني ماادري وش المشكله ... مع العلم اني مو ناقصني شي ولله الحمد مقبوله من جميع النواحي قايمه بشئونه بشكل فوق الطبيعي اهله يقولون دايم نحس بالتقصير مع ازواجنا اذا شفنا اهتمامك فيه ... صرت اشك دايم انه مايحبني دايم اقوله قلي كلام حلوه دايم اقوله انت ماتحس فيني .... واللحين بعد اخر مشكله احس حاليا اني خلاص حكم علي بزوجه ثانيه تعبانه احس بالم نفسي في جسمي كله ... الاكل معد اكل ... تنميل في راسي .... دمعتي على خدي .... الغيره ماكلتني ...
مشكلتي احبه بجنوووون تعبت ادور رضاه وهو تعب من كثر مااعطيه حنان وادلع فيه واهتم فيه نسيت ملامح شخصيتي نسيت من انا ...
حاولت اتجاهله واعيش حياتي عجزت ماقدرت صرت ادعي ربي ينزع حبه من قلبي وقتها راح اقوم بواجبه بدون ماانط له كل فتره واقوله تحبني ....
على فكره حياتنا مثاليه نسبيه محد مقصر عن الثاني كل واحد فينا اخلاقه احلى من الثاني مزحنا دايم كننا بزران مو كبار ... انا مهتمه بديني لاكن زوجي حتى الصلاة نادرا يصلي واذا قلت له صليت يكذب يققول ايه ....
دايم اقول اللي مايراعي ربي ربي يبتليه واحس ربي يعاقبني لاني ساكته عليه مايصلي بس حاولت تعبت .....
ماادري انا طبيعيه ولا اروح لطبيب نفسي ولا زوجي اللي مو طبيعي .....
تعبت .....
اسفه ع الاطاله والحكي الملخبط بس تعبت وانا كاتمه ....
26-10-2010, 06:26 PM
ضوابط المشاركة
العرض العادي
