بسم الله الرحمن الرحيم
السلام عليكم و رحمة الله و بركاته

يسعد مسآكم خواتي

طبعاً كلكم عارفين الأمر اللي نمر فيه شهرياً و اللي كتب على بنات حواء
لكن اللي بتكلم عنه تلازم هالشي مع آلام و صراعات نفسيه

انا عن نفسي
شهرياً و قبل الموعد ب اسبوع او مرات عشر ايام او مرات ٥ ايام ( تتفاوت المدة )

يبدأ مزاجي ينعفس
لدرجة يعيقني عن مواصلة أي أمر من امور حياتي الرئيسية
لدرجة امر بحالة من الكرب النفسي العظيم
اجاهد نفسي عشان اصلي

و شدة الالام النفسية او حتى تواجدها اصلا يتفاوت بين البنات
الاحظ بعض صديقاتي تقول العكس : شهرياً لما يقترب الموعد تتعدل نفسيتي و تصير عال العال

و بعضهم ما تفرق عندها
و بعضهم تتعب نفسيتها بس بشكل خفيف

انا من النوع الأصعب

و اتوقع هالشي وراثة لأنه موجود بكل قريباتي و ب والدتي

اصير حساسة جدا و عصبية جدا و تسيطر علي افكار ظلامية تشاؤمية سلبية
و للأسف حتى المحيطين يتأثرون و كل جوانب حياتي يصيبها نوع من الشلل

مثلاً قومتي الصباح تتأثر ، ما اقوم نهائيا
الصلاة اصير أأخرها لأني اجلس اجاااااااهد الين ما اصليها
الاستغفار و الذكر يقل
و القرآن ما اقدر اقرأه ب تركيز نهائي
كل شي يتأثر فيني
بالمقابل نومي يزززززززززيد و مشاعري تتضاعف بالعموم
و ما اخلي احد ما اتهاوش معه

هالشهر بالذات احس كان عنف النفسية شي غير
طبعا مرات النفسية تكون متغيرة بشكل طفيف
و مرات قوي
لكنها هالمرة عنيف جدا

تهاوشت مع كثييييييرررر معاي بالجامعة
و للأمانه كانوا يستحقون

يعني شفتوا النوعيات اللي تنرفز و تقهر كل الناس ؟
بس انا المصيبة اني رديت عليهم ب طريقة مباااالغ فيها

بالعادة اطنش و احاول ادفع السيئة بالحسنة
لكن صادف هالفترة وجودهم بفترة تدهور نفسيتي مع مواقف تنرفر منهم
ف انفجرت فيهم و شافوا مني وجه ثاني

..

طبعاً اول ما اتجاوز هالفترة
اجلس اراجع تصرفاتي و اكتشف اني كنت مو طبيعية جد
و اضحك على نفسي

زي مرة كنت اقرأ رواية و حكيت لصديقاتي عنها
و كان البطل بالقصة حارم زوجته تنام بالمستشفى مع انها تعبانه
و مريضة مرض خطير
يبيها ترجع البيت تكوي له و تغسل و تنظف
ف كنت احكي لصديقاتي قد ايش هو متجبر و متسلط
هم قاموا يضحكون علي و يقولون ترا الإنسان لما يخاف من شي او يكرهه
ترا يجيه
و يمكن ربي يرزقك واحد زي هذا
انا لاشعوري قمت اصيح من الخوف !
ههههههههه للحين لما اتذكر هالموقف و سخافة ردة فعلي أضحك
اساسا حتى هم ماتوا ضحك


قد مريتي بمواقف زي كذا حسيتي نفسك فيها مبالغة ب ردة فعلك بعدين ؟
و هل نفسيتك تتعب بهالأوقات ؟
و كيف تتغلبين على تعب النفسية و كيف تقللين من حدة مشاعرك ؟

يوووه
انا اذكر بالدوام صحباتي يعرفون انها قربت من نفسيتي و هواشي معاهم 😂😂
كذلك زوجي و اهلي

و على قولتك اذا خلصت و هدت نفسيتي اراجع نفسي و اقول ليه كذا و ليه ما تحملت وو

كيف اسيطر على هالمشاعر
اشغلي نفسي هالفترة بشكل مكثف و لا احتك باللي حولي كثير لين تشرف و ارتااااح


الله يعظم اجرناا

__________________
ي رب رضاك و الجنة

ام الشبل
اشوا في احد زيي
و انا ليش لما اسولف مع اي وحدة تحسسني اني لحالي اللي كذا

انا زيك احاااااول انعزل
و يالله يسلمون من شري لانه عندي الجوال و الواتس

وعليكم السلام ورحمة الله وبركاته..

مرحبا حبيبتي بنت الكرام..

شو ناوية تتضاربي معانا كمان

بالعكس أكون أكثر هدوؤ وتحت البطانية وبس دموع عااصامت ..

حاولي تشربي أشياء مهدئه نعناع مع حليب، زهورات..

وضعي لك خس وكلي بأي كمية وموز مو كرتونة ههه انتبهي..

لا تخافي أمر طبيعي جدا..

الله يسعدك حبيبتي.

فيه كثيييير زييك لكن تتفاوت االاعراض بين البنات وحتى شدة الازمة كل شهر
اذا بس مزاجك اللي ينعفس وتحسين انك تتضاربين مع اللي حوللك
انا احيانا ابغى اتضارب مع نفسي وموبس مزاجي واخلاقي تضيق عليَ
حتى جلدي يضيق علي ،، ازيد كم كيلو من احتباس السوائل وياويل احد يمشي من جنبي
بمسافة قريبة لانه ممكن يصير احتكاك وتصير مذبحة هههه
طبعا مو كل شهر حالات مزاجية حسب مقدار لخبطة الهرمونات

غير طبعا الافتراء في أكل الشوكلاتات والكسل والخمول الشديد واحيانا النوم

بس الحمد لله تكون ايام قليلة 5 ايام او اسبوع بالكثير وبس تنزل تختفي كل الاعراض
وصرت انتبه على نفسي وأكلي في الاسبوع هذا ..

اول شي احذف الملح من الاكل عشان احتباس السوائل ...واحاول قدر الامكان
اقلل من القهوة ومشتقاتها واستبدلها بالاعشاب المهدئة مثل اليانسون والنعناع
والبردقوش تأثيره خطييير على الهرمونات 90% اختفت الاعراض هذي
من لما صرت اشرب كوب في الصباح وكوب في المسا

2_ المشي في مكان مفتوح يريح كثير

3_ الاكل يكون صحي وغني بالخضار والفواكه

بعض البنات تتعب أكثر حتى مع نزولها ومسكنات وابر الله يكون في عونهم
انا الحمد لله في الشديد القوي آخذ مسكن في اليومين الاولى بس ..

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

مثلللللك ...
كانه ادخل كف مظلم ...وكل ما يمر يوم الكف يزداد ظلمه
الصلاة نفس الشي .
البكاء حدث ولا حرج ....
الصراخ يجي من الشارع
الحزن ...تخيلي اروح اسمع اشياء حزييينه ..كاني ناقصني حزن
بس هكذا يصير مزاجي ...
السكر ...اصير نمله ....ادور عليه في ارجاء البيت عن اي شي يحتوي سكر زيااااده ...هههه
التركيز ....يقل ...الصبر ما في ...
من غير الوجع اللي يصير لي .قبلها ...كاني متسلقه جبل ..
مع اني اكون عاادي جدا ما علمت جهد .... بس احس اني صعدت هضبه ..وتكسرت

الله يأجرنا ...

😢😢 حاليا أمر بهالأزمة
اذا رجع مزاجي الطبيعي برجع اكتب لج معاناتي معاها
😢😢😢 حاليا على وشك البكاء

__________________

حاجة الناس إليكم من نعم الله عليكم ، فـ لا تملوا النِعم ☁✨

و عليكم السلام و رحمة الله و بركاته
يشهد الله اني احبك فيه يا سقيا

لا ابد ابشرك ما بتهاوش
حاليا انا بالايام السهلة

مالاحظتي موضوعي كله فيسات

انا بصراحة اكون معظم ايامي دموع مع عصبية وغضب
بدون هدوء
يعني مزيج غريب
مثلا لو تهاوشت مع احد تكون دمعتي بعيني
اخاف يجرحني و ابكي
بس انا اجرح عادي هذيك الفترة هههه

شكرا على نصايحك استفدت منها

بقولكم شغلة و يمكن محد يصدقني
انا تخترب معظم علاقاتي سواء المقربة او السطحية
بفترة الايام الصعبة

لكن الاصعب انه بعد ما تنتهي هالايام
اجلس احاول امد جسور الود و اعتذر و اتفاهم
هالمرة من نعمة الله علي صادف انه معظمهم متفهمين

بس مو كل مرة تسلم الجرة
شي يحزن
فعلا الله ياجرنا

لاحظت شي سحابة و مدري يصلح اعمم ولا لا
بس كلما زادت الالام النفسية زادت معها الالام الجسدية

انا ترا من عرفت نفسي الله يكرمك
استفراغ و ترتفع حرارتي
لازم ينزل ضغطي
لازم يغمى علي
لازم ابر
و مرات اكثر من ابرة باليوم

الحمدلله مع مرور الايام صرت انتبه لنفسي
اتدفى و قاطعت الغازيات

للحين اتعب بس مو كل شهر
مرات ايه و مرات لا
بس النفسية لازم دمار

ترا اول مرة ادري انه تصيرين تحبين النوم
و السكريات
لاني لاحظت هالشي انام 12 ساعة
و اقوم و فيني نوم
و اول ما اقوم هجوم ع الحلويات
مع اني مو مرة معاها

سبحان الله
بس حلو حسيت نفسي طبيعية