بسم الله ....ادرى انى اتاقلت عليكم كتير واعلم انى زودت فيها وبصراحة محرج اتكلم فى اى شىء من فترة وحتى انى صدرى ضايق ومحرج منكم والله حاس انى زودت فيها لكن ما اعتقد فى احد خاطب وحياتة كلها هم ونكد مثلى ...انا الان وانا اكتب لكم لا يعلم حالى الا الله ....انا قلت اسرد اطراف الموضوع مع الاختصار فى نواحى كثيرة وركزت على المهم وفقط .....

انا هتكلم عللطول ان شاء الله دلوقتى يا جماعة انا خطبت انسانة رائعة بشتى المقاييس فيها من الصفات ما يتمناة اى رجل ولله الحمد والمنة عقدت عليها وفى بداية الخطوبة كانت الامور ماشاء الله تمام وكنت مبسوط جداً الا انى كنت احس من كلامها ببعض الجفاء وهو فهم خاطىء لحياءها ....فأنا فهمت هذا الوضع فى البداية بالخطأ ولكن لم اكن اعبأ بهذا المهم فى يوم من الايام كلمت واحد صاحبى وقلت لة مش عارف خايف اكمل مش حاسس انها دى اللى هتعفنى وتكفينى خصوصاً انها ما كانت تتجاوب بكلام حب وكدا لان دة طبيعى احنا ما زلنا بأول العلاقة وهى ما لها اى تجارب سابقة ولا عمرها اتخطبت خصوصاً ان سنها صغير 17 سنة ....كانت بالاول احس انها معطيانى مقام كبير جداً وتحترمنى جداً حتى صوتها لم كن يظهر ابداً وما كانت تنظر فى وجهى ابد ولا تعرفع عينها بعينى وكانت اذا تكلمت معى تضحك بكل كلمة تقولها ....حتى كلامها كان يبان فية كأنها تعمللى الف حساب ....خصوصاً ان خالتها اللى هى معرفانى عليها كانت اعطتها فكرة كبيرة جداً عنى وعن شخصيتى رائعة ولكن يبدو اننى غيرتها من خلال تساهلى جداً بأمور كثيرة .....كانت تخاف انى ازعل بشىء حتى كانت ممكن تيجى على نفسها علشان مزعلش ....حتى طلبت منها مرة نخرج وكانت عندها امتحانات وما رفضت ....كنت اطلب منها اشياء تعملها واتفقت معها اى شىء بيننا يفضل بينا وامها ما تعرف اى شىء ولا ابوها ....وكانت مبسوطة جداً ....ولكن بعد ايام تغير هذا الوضع خصوصاً انى فى يوم كنت متضاااايق جداً و كنت زعلان منها من موضوع حيائها اللى انا كنت فاهمة غلط وبعدين حكيت لوالدتى انى متضايق منها قامت والدتى اتصلت عليها و سالتها لية كدة انتوا دلوقتى تقريباً ازواج وكلام من دة المهم هى زعلت وبعدين لقيتها عدت الموضوع بسهولة ويسر وقالت خلاص محصلش حاجة عادى ...المهم انا رحت قلتلها لا انا اسف انا اللى غلطان ونزلت اشترتليها هدية ويبدو انها فهمت الموضوع على انة ضعف ....المهم الموضوع تمادى وبدأت تزيد فى موضوع التقل تدريجياً و فى يوم من ضيقى قللتلها ...( انتى عايزانى ولا لاء ؟؟؟) والسؤال دة زعلها جداً وقلب حالها المهم جلست مع اختها ومش عارف اتكلموا فى اية المهم والدها اليوم دة قعد معايا ومعاها طبعاً هى حكيتلوا .... وبدأ يكلمنى بطريقة لم اعهدها علية من قبل وكأنة بيزعقللى وبدأ يتهمنى ويغلطنى انت ازاى تقولها كدة المهم انا مرديتش ولا قلت اى شى غير لما خلص كلام قللتلة انا مش هقول هى كانت بتتصرف معايا ازاى بس خلاص انا مش هتكلم ومن اليوم دة وهى بقيت حاجة تانية ممكن اجى اكلمها فى التليفون متردش على كويس والرسائل كانت بينا مبتنقطعش فجأة قطعت الرسائل تماماً حتى انى سألتها قعدت تحجج وتقوللى انت عايزنى ابعتلك رسائل يعنى طيب المهم بعدها بيوم بعتت رسالة ومتكررتش تانى ....المهم الوضع فضل على كدة كلامها معى قليل ولا ترد واصبح الوضع أمر من الاول المهم انا حاولت اداوى الوضع ذهبت ليها بهدايا و هذة الاشياء ولكن لا حياة لمن تنادى اقول كلام حب لم اقلة فى السابق ولا شىء اعترفت لها بحبى ولا شىء ولا اى اثر سألت كثير وذهبت الى شيوخ وكل ما افادونى بة لم يأتى بأى مفعول ..والله كنت ايام اكلمها فى التليفون احس كأنها بتزعق فى وفى ايام بترد بطريقة مش كويسة وايام تكلمنى كأنها تعلم عيل فى حضانة تقوللى (( لا متعملش كذا ...اوعى تعمل كذا )) وبطريقة كأنها بتروض طفل صغير ..المهم فى يوم كلمتها فى التليفون أسألها اية اللى مخليكى تعاملينى كدة ؟ وبعد الحاح وسؤال اكتر من مرة وطبعاً هى كل اجاباتها مفيش عادى وانا مفيش اى شىء ......فى يوم ردت على قالت عايز تعرف فى اية قللتلها طبعاً قالت تعالى وانت تعرف قللتلها طيب نخرج طبعاً هى كانت رفضت الخروج تماماً طول الفترة اللى فاتت نهائى فطلبت منها نخرج نفك برة شوية قالت لا يمكن طبعاً تعالى عالبيت وكل شىء يتحل هنا قلت طيب مش جاى قالت براحتك المهم فى النهاية قللتلها خلاص اوك انا جاى ....رحت ولقيت ابوها مجهزلى نفس القعدة وبدأ ( انت عايز اية بالظبط يابنى انا تحت امرك شوف لو الموضوع مبقاش عاجبك خلاص اللى انت عايزة هو طبعاً متأكد انى متعلق ببنتة )) المهم قللتلة لا انا عمرى ما هتنازل عنها وكدة ...فقاللى هى زعلانة انت كنت حكيتلها مرة انك كنت تعرف واحدة قبل كدة قللتلة لا وانا كنت ناسى المهم لما افتكرت قلت دى كانت من زمان جداً وبعدين كانت زميلتى فى الكلية وانا كنت بقولها كدة يعنى بقولها انا عمرى ما عرفت بنات دى كانت اقصى علاقة لى ببنت كانت زميلة فى الكلية واتصلت على فى البيت علشان اخد منها ملازم وبس وهى كانت دى مش اكتر .....المهم هى مشت الموضوع واتاكدت انة كان سؤ تفاهم ...ولكن معاملتها لم تتغير والله احترت فيها ....هى ماشاء الله رغم سنها الصغير الا انها بتفكر فى كل شىء قبل ان تتكلم وقبل ان تتخذ قرار فية ....صراحة يا جماعة انا كنت اطلع صورتها الاول ابص فيها احس بالحب والحنان ناحيتها لكن الان كل ما ابص فى صورتها احس بالخوف من مستقبلى معاها وافتكر وجهها العابس وطريقة كلامها معى وكأنها ستعلمنى الادب....على فكرة اخر شىء انا كنت كلمت والدتها امبارح وقاللتلى هتيجى امتى قلتلها خلاص هعدى بكرة على انهاردة وانهاردة امها اتصلت على قالتللى دا اصحابها جايين لها انهاردة ....والله حسيت انها تتهرب منى والدتها تقوللى تعالى متأخر شوية قللتلها لا خلاص مش هاجى لانى اتقفلت اصلاً صراحة يا جماعة كل موقف من المواقف دى بيغير قلبى ناحيتها وما اصبحت احبها مثل الاول او مش عارف اية الاحساس دة ؟؟؟؟؟؟

" اللهم اجعل لي فرجا ومخرجا , ودبرني فإني لا أحسن التدبير "
*

شوك أحبكِ في الله
فكوني قوية وابتسمي لتبتسم الدنيا

المشاركة الأصلية كتبت بواسطة مطرية اخى أولا بداية العلاقة يكون مختلف بيها كثير من الاحترام والخجل والمحاولة لمعرفة المجهول بخصوص شخصية المقابيل فكانت تعاملك بحذر حتى تتعرف عليك واضح أنك أعطيتها احساس أنك ضعيف الشخصية وانك متعلق بيها لدرجه مهما تصير مراح تتركها أخى حاول أوقات اللقاء مره تكون رومانسى وحنون وفجاة انقلب بارد وجاف بطريقة تخوفها وماتعرف شنو يدور براسك حاول أوقات تكون مرن وأوقات تكون ثقيل هذه الفتره خليك ثقيل لاتسال عليها ولما تتصل لاترد بسهولة وتحجج بالشغل لاتخليها تحس أنك تتعمد بل وصلها الاحساس أنو هذه شخصيتك لما تكون راضى عنها أخذلها هداية بأعتبار البنات يحبون الهداية ولما تبدا الثقل والجفاء هملها من كل النواحى لاتحسسها انك متمسك بيها حتى لو أسائت لك ليس كل البنات يقدرون هذه المشاعر

المشاركة الأصلية كتبت بواسطة سيدة الموقف :* يا أخي مازلت أكرر تأكد هل الفتاة راغبة بك أم لا...؟؟ هل هي تريد الزواج منك أم راضخة لرغبة أهلها بك..؟ بصدق تصوري عن الموضوع كالتالي: الفتاة صغيرة لم تكن تفكر بالإرتباط والزواج فجئت أنت ووجد فيكِ أهلها فرصة جيدة ورجل مكمل نفسه وعنده القدرة المادية للزواج فوافقوا عليكَ وأرغموها عليك وهي لم تتقبلك و90% فارق العمر بينكما كبير وربما الفتاة لم تجد لك قبول في قلبها وعلى هذا الأساس تتعامل معك مشكلتك ماهي...؟ تحبها وأعجبتك كثيراً وتريدها مهما بدر منها وبنفس الوقت حزين لأنك في قرارة نفسك تعلم أنها لاتبادلك الحب والمشاعر وتحاول إيجاد بصيص أمل أنها ربما ستتغير بعد الزواج نصيحتي لك: كن جاداً في مشروع عمرك أجلس مع البنت وأهلها وتحدث بكل مايجول بخاطرك وقل لها إذا كنتِ ستستمرين في هكذا معاملة جافة لي أخبريني من الآن ودعينا كل منا يرى نصيبه إذا كنتِ لاتشعرين بأي ميل وقبول لي فأخبريني قبل أن نتزوج ونتخسر أكرر كن جاد وتأكد من أسباب جفاءها الغريب معك فما تفعله لايمكن أن أصنفه تحت بند الحياء والخجل وعدم التعود مهما بلغ الحياء لايصل لهذا الأسلوب من القسوة والتعامل بفوقيه :* أما إن كنت تجد أنك تحبها حب لايمكنك من تخيل حياتك بدونها وتعلق قلبك بها فتحمل كل ما يأتي منها وتزوجها لعل بعد الزواج يحدث الله بعد ذلك أمرا :*

المشاركة الأصلية كتبت بواسطة رجل حليم اخي الفاضل .. نفس السيناريو الذي تحكيه مررت به مع جميع من خطبتهن او تقدمت لهن .. حتي حفظته عن ظهر قلب .. و مستعد اسمعه و انا مغمض العينين .. انها محاولة للسيطرة التامة عليك او علي الزوج .. اما برغبة من الاهل ثم يقنعون ابنتهم او برغبة من الاهل و البنت .. و اعراض ذلك .. البنت كانت مهذبة معك في البداية ثم تطاولت عليك .. الاب يكلمك كانك عيل صغير او موظف عنده و بيحاسبك علي كل كبيره و صغيره و بدل ما يعاتب ابنته و يقول لها عيب تعاملي زوجك بهذه الطريقة بيقول لك لو عايز تمشي امشي و لا يهمنا و الام تجعل زيارتك اقل اهمية من زيارة اصحابها رغم انهم يعلمون يقدومك قبل علمهم بزيارة اصحابها كل هذا محاولة للسيطرة عليك .. ادواتها .. الاهانة .. ثم الاهانة .. ثم الاهانة السحر ليضيق عليك في رزقك حتي لا تستطيع الطلاق السحر لتهيم بها حبا معني سلوكهم هذا المسلك .. انهم لا يعرفون الله و لا يرغبون في معرفته و انهم سيكونون ألد أعدائك .. رد فعلك الطبيعي .. الطلاق بلا تردد او تباطوء .. حتي و ان عدلوا اسلوبهم .. لانهم سينتظرون لحظة ضعف منك ليعاملوك مرة اخري بهذه الطريقة المهينة .. و لكن الاهانة هذه المرة ستاتيك وقت ضعفك و سيكون ألمك مضاعفا .. يا اخي .. لا تسمح لاحد قط ان يعاملك بهذه الطريقة .. و تذكر المثل القائل "تجوع الحرة و لا تأكل بثدييها" و هذا للنساء فمابالك بنا نحن الرجال .. عار علينا ان تعاملنا نسائنا او اهل نسائنا بهذه الطريقة .. بطن الارض حينها خير لنا من ظهرها ..