أمي وأبي أرحماني وأخواني من فعلكم!! - منتدى عالم الأسرة والمجتمع

30-01-2006, 01:19 PM

dannona18

عضو جديد

تاريخ التسجيل: Apr 2004

المشاركات: 7

أمي وأبي أرحماني وأخواني من فعلكم!!

يعطيكم العافيه

صدقوني ما تدرون شكثر قعدت أفكر بطرح هالموضوع أو عدم طرحه

قعدت أكثر من أشهر وأنا أفكر

مع ان الاسم مستعار وماحد يعرفني بس كنت أخجل من نفسي شلون بتكلم عن أغلى شخصين لي بالدنيا

بس لقيت الحل الوحيد إني أستشير أحد عساني ألقى الحل

مشكلتي بدت بعد الثانويه العامه

يمكن لاني نضجت ودخلت الجامعه والمنتديات وقمت أفهم شنو يعني علاقه جنسيه بين اثنين

يمكن ما كنت ألاحط هالشي في البيت رغم وجوده لاني ما كنت افهم أو يمكن الشي اللي قاعد يصير زاد عن حده نظرا لتقدم عمر هالشخصين

أكيد عرفتوا منو أقصد بهالشخصين : أبوي وأمي

وللأسف هذي المشكله اللي أعاني منها أنا وإخواني اللي أصغر مني

أدري انهم يعانون من نفس المشكله لانهم يسمعون ويشوفون اللي أنا أشوفه

أدري طولت عليكم ويمكن كثير منكم ما فهم اللي أقصده بس صدقوني الموضوع حتى بالكتابه مو سهل

المشكله ابوي وامي (الله يطول بعمرهم يا رب ويحفظهم) ما قاموا يختارون الأوقات المناسبة للجماع !!

في كثير أوقات نكون أنا واخواني قاعدين نطالع تلفزيون ونشوف الوالد يطلب من الوالده تروح الغرفه واهي طبعا ترفض احيانا لوجودنا او لانها تعبانه او لانها مشغوله بشي ثاني

وطبعا لان البيت طابق واحد والغرف متقاربه نسمع كل شي ونفهم كل شي

مره شفت اخوي الصغير واقف على باب غرفتهم

وما تتصورون شلون الدنيا لفت فيني

كرهت نفسي وكرهت كل شي

يمكن لصغر عمري ما عرفت اتصرف وقتها التصرف الصحيح

اللي سويته اني بينت لأخوي اني شفتك واقف ورا الباب وما قمت اكلمه علشان يحس ان اللي سواه غلط

صدقوني تعبت وايد من هالموضوع لانه بدأ يأثر على نفسيتي

أحيانا بيني وبين نفسي أقول إني أكره أبوي وماااا أحبه وأقعد طول الليل أبجي

في مره تشجعت وقلت لازم أسوي شي

وطبعا لاني استحي اكلم امي بهالنوع من المواضيع

كتبت لها رساله وقتلها اللي في بالي بس بطريقه مختصره

لا تسألوني شلون كانت ردة فعلها ثاني يوم لاني كنت مستحيه من نفسي .. شلون أقول حق أمي كلام جذي

بعد فتره تكررت نفس القصه

طبعا الوالد اهو اللي يطلب من الوالده

قلت يمكن الوالده ما كلمت الوالد بهالموضوع

رديت وكتبت لها رساله

مر الوقت وردت هالقصه تكررت

اهم على بالهم احنا ما نسمعهم لانه قاعدين بغرفنا

بس مثل ما قتلكم بين الرفض والقبول وتقديم الأسباب نكون سمعنا كل شي وفهمنا السالفه

ما تدرون هالشي شكثر مأثر على نفسيتي

حتى قمت أقعد اسبوع كامل ما أكلمهم لا امي ولا ابوي قلت يمكن ألاقي نتيجه

بس للاسف يمكن الوالده مافهمت سبب تصرفي

ونادتني بعد اسبوع وسألتني شفيج متضايقه من شغلج!!

ما قدرت أرد عليها وأناقشها لانه صج ما عندي الجرأه أكلم أمي بجذي موضوع

هذي اهي مشكلتي

وادري أغلبكم بقوللي كلميها بس للاسف ما عندي الجرأه

لازم الاقي حل ثاني

ومشكورين مقدما

تحياتي لكم

30-01-2006, 11:51 PM

حائزة الأمل

عضو المنتدى الفخري

تاريخ التسجيل: Aug 2005

المشاركات: 10,658

لاحول ولاقوة إلا بالله العلي العظيم..

عزيزتي..يجب أن تتحدثي إلى أحد خالتك كي تحادث أمك بهذا الخصوص..ان تصرفهم خاطىء..واشغلي وقتك

بسماع القران الكريم وقراءة الأذكار وحاولي الإبتعاد عن غرفة نوم والدك والنوم في مكان أخر ان امكن..

والله يعينك

_ينقل إلى عالم المقبلين على الزواج_

تحياتي

حائزة الأمل

__________________

31-01-2006, 03:12 AM

قطرة مطر2

عضو نشيط جدا

تاريخ التسجيل: Dec 2005

المشاركات: 807

مع احترامي لرأي اختي العزيزة حائزة الامل فأنا لست معها في رأيها لأنك اذا اخبرت احدى خالاتك فأنت بهذه الطريقة أفشيت سرا من اسرار البيت واي سر انه سر علاقة والدتك بوالدك.. واذا فعلت ذلك فاعلمي ان والدتك ستغضب منك غضبا شديدا ...

عزيزتي الحل : اكتبي رسالة ثالثة لوالدتك وضعيها في مكان واضح حتى تقرأها كأن تضعيها تحت مخدتها مثلا....... فربما تكون لم تقرأ الرسالتين السابقتين او انك لم تكوني واضحة في طرحك للموضوع ....

اخيرا عزيزتي حتى لو استمر والديك على هذا الحال فاعلمي ان هذا امر طبيعي بين اي زوجين وعندما تسمعين ما يدور بين والديك فارفعي صوت التلفاز او الراديو حتى لا يسمع اخوتك مايحدث.....

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه