السلام عليكم ورحمه الله وبركاته


اشلونكم اخواني واخواتي


لي صديقه مقربه مني كثيرا ...وانسانه طيبه احسبها كذلك ....وجميله وانيقه حتى وهي حامل تهتم بعمرها ومحافظه على رشاقتها حيل .. وربه بيت ممتازة ...ماشاء الله عليها ..

المهم رفيجتي هذي ..عندها مشكله متعبتها واجد ...حبيت استشيركم فيها ..عل وعسى اجد لديكم الحل لاني ماقدرت اعطيها الحل ..

السالفه انها تزوجت زواج عقل يعني الشخص اللي تزوجته تزوجته زواج العادي بدون حب وخرابيط ...تزوجته

باختيار دون مراعاة لعواطفها ومشاعرها باعتبار ان الحب قد ياتي كما تسمع بعد الزواج ..:14: طبعا استخارت كذا مرة وتوكلت على الله ..وعلى فكرة الشخص اللي تزوجته يقول انه كان يحبها من يومهم اصغار ...لانه يصير لها ولد عمها ...بالنسبه لها تقول ماكنت ابادله اي مشاعر نهائيا ...( تقول لي وهي تضحك شاسوي عندي قلب مايحب بسهوله ... )بالعكس تقول كنت احس بنفور منه شديد ..
شوي قبل مايخطبني بفترة بسيطه ...هدت نفسيتي من ناحيته ...( النفور ) وصار انسان عادي بالنسبه لي ...وبعدين تقدم لي ..وكنت مترددة واجد ..وعزمت وتوكلت ..وخصوصا تقول انه يحبني ... ..المهم

تزوجته ..تقول الحمد لله ماقصرت فيه وكنت له خير الزوجه بشهادته واعترافه وانه مستانس اني كنت من نصيبه خصوصا ان كذا واحد كان يبيني ...تقول ماكاد شهر العسل ينتهي اللى انصدمت ذيك الصدمه اللي هزت كياني كله ...( السالفه فيها تحرش ) تقول طبعا واجهته وانكر بالرغم ان الطرف الثاني ( مراة ) اصرت وهي تبكي ان اللي صار حصل صحيح ...طبعا انه صدقتها لانها ثقه ثقه ثقه وقريبه مني واجد وعلى فكرة اهي كانت صغيرة يومها ...تقول تدرين شاللي خلاني اصدقها ...احساسي عمرة ماخاب ....جاني احساس ان فيه شي صار من وراي ...رحت اشوف وينه لقيته بالمجلس ...قاعد بروحه ..بس شكله غريب وصمته اغرب واغرب ومجرد ماشافني ماقدر يحط عينه ابعيني ...وتحلف تقول لين الحين انا ماعرفت لكن قلبي نغزني ...( واحساس المراة مايخيب في زوجها ) المهم تقول تركته ...ورحت اشوف وين راحت قريبتي

لاني بذاك الوقت كنت اطبخ وضننتها راحت عند مرة حماي بنفس البيت ..دورت دورت مالقيتها ...وكان جايني شعور غريب عجيب المهم تقول دورت في الحوش الا اسمع صوت نحيب من ورى البيت اللا طلعت قريبتي الصغيرة اتصيح من قلب ..وويها متغير تقول قلت اشفيج حبيبتي ...ماردت وتمت تبكي تقول قسم بالله قبل ماتنطق وتعترف بضغط مني والحاح كنت عارفه ان السالفه فيها زوجي ليش مادري( على فكرة رفيجتي هذي حاستها السادسه قويه حيل ) ماشاء الله عليها ..
المهم اعترفت البنت وهي خايفه تقول انه تحرش فيها تقول انا حاولت اقنعها انه مايقصد وانها يمكن فهمت غلط لكن البنت مصرة ان الحركه البايخه اللي سواها كان قاصد قصد ماسخ ...المهم تقول انا هديتها ومسحت ويها وطرشتها على بيت قرايبينا وخبرتها لاتخبر حد واني ماراح امرر السالفه على خير ...

المهم تقول في قرارة نفسي انا متكدة انها صادقه لانه يومها مب قادر يحط عينه ابعيني وكانه مسوي شي ..

المهم في الليل تقول واجهته وانكر كل شي وحلف ..لكن كل شي كان يدل على صدق كلامها لانه في النهايه انهار بدون مايعترف بس انهار امامي .


تقول زعلت وبعد فترة تصالحنى وبالعافيه رضيت ...المهم ان السالفه هذي بالاضافه لاشياء ثانيه مالقيت لها دليل اثرت السكوت فيها وقلت الله يكشفها لي .. تقول اثرت بنفسي وايد ..خصوصا انا كنا باول شهر ...وين اللي يقول انه يحبني ويموت فيني هذي اول طعنه خلف الله ...اشلون الجايات ... .
المهم مشت الحياة ...وكان تعاملي معاه برغم اللي صار نعم الزوجه المهتمه بنفسها وببيتها والكل يشهد لي ...لكن بعد 3سنوات انصدمت الصدمه الثانيه واللي اقوى من الاولى وطبعا انكر واصر اني مريضه نفسيا وشكاكه ومن هالكلام اللي مايمر على ...طبعا انا كان عندي دليل قوي رحت لين عند التلفون وقلت يعني انت شايف كذا اني مريضه ومعقدة وشكاكه ...اوكيه بتصل بالطرف الثاني بالموضوع ...وبتشوف بنفسك اذا كنت شكاكه ...تقول برغم اللي صار كنت احس بقوة داخلي قوة عجيبه بالانتصار ...خصوصا مع توافر الادله

ورفعت التلفون ...على طول شال التلفون من يدي وانكسر امامي والله انها قمه الذل ان يحط انسان نفسه كذا مرة بنفس هالمواقف البايخه ..المهم اعترف بكل شي وقال اسفه قلت ماتنفعني وين اصرفها ...المشكله ان اللي يتحرش بهم اقل منها بكل شي ..ومب ستايله يعني بالعكس هالنوعيه يحب يطنز عليهم ....المهم تموا متزاعلين فترة ...وتصالحوا بعد ان تعهد لها بعدم الرجوع لمثل هذي الامور ...

قالت له غلطه واحدة والله مارجع لك بعدها ..وبتشوف قول لي انا مقصرة فيك قال شهادة لله لا عجل ليه تسوى كذا قال الشيطان ..واوعدج معاد يصير شي من هذا انا احبج وانا ماستغنى كانت زله وقلبج كبير ومن هالكلام اللي مايجي معاي..

على فكرة نسيت اخبركم عن زوجها اهي تقول زوجي قلبه طيب ..واب ممتاز وكريم بعض الشي ..ولا له في الدوارة بالاسواق ..وماهوا راعي مغازل وتلفونات وسفرات بس من عيوبه هالشي وغموضه اللي مايريح ونكرانه رغم اني مساعدته ماديا بكل شي ..مرات ينكر ومرات يعترف ويقول مافيه مثلج ..والله احبج ..


المهم تقول رفيجتي مامر على هالموضوع فترة بسيطه اللي بالشغاله تشتكي منه ( تقول قسم بالله صار قبل ماحد يجيني يشتكي اكون حسيت ان فيه شي بالطريق جاي من هالمشاكل ..والغريب اسوي له كل شي كل شي يانـــــــــــــــــــــــــــــــــاس بالعكس اهوا اللي مقصر فيني من نواحي كثير ...وماني مهمله لدرجه مرات يقول واجد تهتمين بعمرج ...بالله حق منوا اهتم ...) ارجع حق سالفه الشغاله مرات تقول لين احرص اني ماترك له فرصه يكون معاها بالبيت بروحهم احرص من دون مايشعر ...لكن مرة فاجئني بانه ماخذ اجازة شهر من الدوام انصدمت وقلت بس مايصير عندي دوام ..قال عادي روحي دوامج محد مانعج قلت اوكيه بس باخذ العيال والشغاله واحطهم بيت هلي قال وشو ...ليه ..وعصب ..
قلت بعد مايصير تتم انت واحدة غريبه بالبيت قال :: ليه باكلها ...اقول لج انتي مريضه وشكاكه تقولين لا ..

قلت الله يقول ماخلا رجل وامراة اللا كان الشيطان ثالثهم ..قال :عاد من زينها عاد ..قلت المشكله ان الشيطان يزين لكم ..وانتوا ماتقصرون ...قال المعقدة سكري السالفه وماهي والعيال رايحين ...وماراح يصير شي ولا باكلها ويوم افكر مافكر بشغاله اذا كان وصل فيج مرض الشك للخدم ...وراح وتركني ..وانا داخلي يقول الحق الكذاب لين باب البيت ...على فكرة رفيجتي من النوع اللي تلتمس اعذار للاخرين واولهم زوجها وماتواجه بشكوكها اللا لين تحصل على دليل قوي..ودايما احساسها يجي صح بالذات بزوجها ..

تقول بعد اسبوع بس من الاجازة صار تحرش وكالعادة اتهمته وانكر وسبني وانتي وانت وانت ...ماخلا سبه الا قالها .على فكرة اهويحسب انها مجرد احاسيس وكان ماسك يحلف بالقران ..توة بيحلف .قلت اقول يافالح بروح اجيب الشغاله وتكلم معاهالانها اهي مخبرتني..عنك وناديتها ....تعالي ويركض يصك الباب وانكسر كالعادة قدامي ...انا اسفه كنت اختبرها اشوفها محترمه ولا لا ..وانت اشخصك اختك ولا بنت عمك ولا من العايله تختبرها ..عموما حبيبي اهي نجحت بالاختبار وانت رسبت بدون اعادة وقضيت على كل شي بداخلي كل شي كل شي ..وتركت البيت له واخذت شغالتها وعيالها وعلى بيت اهلها ...واصلحوا بينهم الاهل ..بعد ان مات كل شي بداخلها كل شي حتى تقول والله كلما مابديت احبه قفل قلبي مرة ثانيه من هلامشاكل ويقضي على كل شي ..والحين تقول عايشه معاة بدون قلب بدون ثقه بدون مشاعر ...فقط عايشه على كلام عمر رضي الله عنه ( ليست كل البيوت مقامه على الحب ) تقول والله اني ماقدر اقول ياعمري اللا بالعافيه وبغصب مني لاني احس اني منافقه بس اقولها بالغصب ادعي الله ان اقدر احبه بس ماقدرت ...تقول احسد كل واحدة تقول زوجي فديت عمرة واللي تقول لو يصير له شي باموت ومنها الكلام ...تقول اكثر شي محزني اني فقدت الثقه فيه فقدت الامان ببيته معاد احس بالامان ولا عاد اثق بالرجال ولاعاد احس بالامان ..وحتى هالحب اللي تقولون بعد الزواج ماعمري حسيت به فقط عايشه معاة لوجه الله ومايرضي الله ورغم كل شي محسسته اني اموت فيه . اما الحب الحقيقي لايوجد ..ولين يقول احبج احسه تمثيل ...وخلاص تقول انا قررت لو صار شي من هلاشياء والله مارد وهو حر يسوي اللي يبيه ..وهو الخسران ..ميلاقي مثلي ...يكفيني انه يقول انا احبج وانا وانا وكل هذا وهوا يحبني اشلون لو ماكان يحبني اشبيسوي ..

اسفه طولت عليكم ..اخواني واخواتي اشلون اقدر اخليها تشيل هالنظرة اشلون اذا عندكم طريقه تخليها تحب زوجها قولولي يمكن اقدر اساعدها ..اشلون يقدر انسان انه ينسى الطعون والجروح ويصفح من دون ماتتم هالطعون حاضرة بباله ..وخصوصا انه صار يحس انها راح تتكرر اشلون تقدر تحب زوجها ؟؟؟؟؟؟


اخييتي الجازي

ارجو تغيير الصوره الرمزيه عاجلا


الاداره

بسم الله الرحمن الرحيم


السلام عليكم ورحمة الله وبركاته



أولا جزاك الله كل خير لاهتمامك بمشكلة صديقتك ورغبتك فى مساعدتها



جعل الله ذلك فى ميزان حسناتك يوم القيامة ورزقك ورزق صديقتك وكل المسلمين راحة البال والسعادة فى الدنيا والآخرة



أخيتى



من الواضح جدا جدا ان صديقتك هذه إنسانة ذكية أحسبها كذلك ولا أزكى على الله أحدا




السؤال الذى من المفروض أن تبحث له عن إجابة



ليس



كيف أقدر أحب زوجى؟؟




ولكن السؤال الجيد والذى لا بد أن تبحث عن إجابته هو





كيف أجعل زوجى يحبنى وينشغل بى؟







حدثينا أكثر عن الزوج إذا كنت تعلمين شىء



عمره ..........عمله..............علاقته بأهله و بأولاده وبأقاربه وبالناس


صفاته الحلوة


حدثينا عن جزء من طفولته إذا كنت تعلمين عنها شىء



هل هو مدلل من أهله أم لا ؟؟




كيف ساعدته صديقتك ماديا؟؟



كم عمرها؟؟




راتبها أكبر أم راتبه؟




عسى أن تجدى بيننا حل إن شاء الله






وفقك الله ورزقك رضاه

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

معليش انا بوجه كلامي لصاحبة القضيه:

يا اختي الله يعينك بسالك اشلون تمسكه بواجباته الدينيه هل هو محافض على صلاته

حبيبتي الخوف من الله هو الاساس وبالاضافه لذالك واضح ان زوجك عنده مشكله ماهي سهله حاولي

تسالي عن مثل هاالحالات في الطب النفسي يمكن تلاقي حل لها

وبعدين من كلامك تقولين ان عمرك ما حبيتيه وانك تمثلين عليه ياختي الا الحب ماينفع فيه تمثيل

الرجال يحس بالمشاعر الصادقه وحتى لو سكت مو معناته انه مو فاهم وهاذا الامر صعب جدا في الحياة

الزوجيه

اختي مو كل من لبست وتكشخت وقدمت لزوجها اطيب الاكلات واهتمت ببيتها وعيالها انها ماشالله قامت

بكل شي فيه اشياء تنحس ما تنشاف وتاثيرها في الحياة الزوجيه تاثير السحر واهمها الحب الصادق

وطبعا انا ما اعطي مبررات لزوجك فالذي يفعله ماهو سهل ابدا

لاكن انبهك لاخطاء ممكن تكوني وقعتي فيها وسببت الي انتي فيه

وها الحريم الي تحسدينهم على حبهم لازواجهم ما تدرين عنهم يمكن بعضهم شايفين من رجالهم الويل

اقصد اني اذا قلت احب زوجي ممكن اطلع العديد والعديد من الصفات الي تخليني احبه وفي نفس الوقت

اذا قلت اكرهه باطلع كثر المزايا عيوب تبرر كرهي له نفسه

الله يسهل لك كل ماهو عسير

اي حب ؟ بعد اللي صار تبينه تحبه والله مافيه شي ينحب ...

صح كلام الاخت .. صديقتك ذكية واحسن شي انها تواجهه كل ماتصير مشكله ....

جاوبي على الاسئلة يمكن نلقى حل...

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

والله ما اعرف شو اقولج لأني ما اتزوجت بعدني.... عرسي شهر 7 ان شاء الله ادعولي

بس الرجل اللي يخون مره يخون ألف مره والمره هم نفس الشي! إلا اللي يتوب توبه لوجه الله عز وجل ويرجع لدينه وربه

الله يهديهم ويصلح من بينهم ان شاء الله تعالى

__________________
ادعولي ربي يفرج همي... محتاجه لدعواتكم

بسم الله الرحمن الرحيم

الله يصلح حالها و حال زوجها

لا ينبغي قول ذلك ، ربنا عز وجل يعلم خائنة الأعين و ما تخفي الصدور .

ذلك حديث و ليس آية عن ربنا تبارك وتعالى

قال صلى الله عليه و سلم ( ماخلا رجل بامرأة إلا كان الشيطان ثالثهما )

وبالله التوفيق.

ياهلا اختي ام عبيد


عمره ..........عمله..............علاقته بأهله و بأولاده وبأقاربه وبالناس


صفاته الحلوة

عمرة تقريبا كما قالت لي 33 سنه او 34 سنه تقريبا ...عمله :: تابع للحكومه ..

اهله بديرةاخرى اقصد ابوة وامه ....علاقته بوالدته ممتازة ...حتى زوجته دايما تشجعه يبرها تقول اللي فيه خير في هله فيه خير للناس ....علاقته باولاة يحبونه حيل لانه يعاملهم زين ...وحنون عليهم ...حتى تقول وهي تضحك ...لاساوو شي غلط ينحاشون مني عندة لانها عصبيه اشوي .وهو بعد عصبي بس تعامله زينمع عياله ...علاقته بالناس انقطع بربعه من ايام الثنويه مادري بس تقول ماله ربع يجونه ويروح لهم غير قرايبه واخوانه ..هذا اللي تشوفه .....صفاته الحلوة قلبه حنون وطيب .وتقول وواثق مني .....لكن مادري ليه يحاول دايما يحسسني اني ضعيفه شخصي مع اني العكس.. من يوم تزوجنا وهوا يسمعني هالشي لين تزاعلت معاة وقلت انت الوحيد اللي تقول هالشي وغيرك يقول العكس تقول بالبدايه هالشي كان يحزني لين يقول عني هالشي بس بعدين ماصار يفرق معاي بالعكس زادت ثقتي بنفسي ....


حدثينا عن جزء من طفولته إذا كنت تعلمين عنها شىء

هل هو مدلل من أهله أم لا ؟؟



لا اهو مو مدلل وعاش بعيد عن امه ...




كيف ساعدته صديقتك ماديا؟؟



ساعدته بتسديد ديونه وترك سالفه الدين وفتحت له احساب وجمعت له مبلغ من المال على مبلغ كان قد اودعه لديها ...واشياء اخرى تقول مافيه داعي اذكرها ...

كم عمرها؟؟


تضحك وتقول لازم لازم الاحراج ...تقول شوفي العمر ثابت على 20 بس علشان تنحل هلمشكله يقولون يقولون هذا اللي يقولونه بالبطاقه ....30 سنه بس هاة مالي شغل بالبطاقه ..
\









راتبها أكبر أم راتبه؟

راتبها اكبر من راتبه وكلماله يكبر والحمد لله ...بس تقول من ناحيه راتبها صارت مشاكل وايد معاة من قبل ماتستلم اول راتب ...مع انها موافقه على مبدى المساعدة من اول شي الا انه حاول كذا مرة يسمعها ان الراتب مفروض يكون كامل له وهو يعطيها مصروفها.... طبعا اهي رافضه وتقول انا بساعدك باللي تبيه ...وراتبي من حقي ...قال انتي وما ملكتي لي ...طبعا صارت مشاكل ومشاكل علبال ماغير فكرته ...طبعا مالكم بالطويلة سالفه الراتب ...قضت على باقي ثقتها وزادت الطين بله ومن بعدها صارت تحس بعدم الامان برغم انها تقول الحين زين من هالناحيه ..احسبه كذلك وحسيبه الله ...



تحــــــــــــــــــــــــــــــــــــــــــــــــ ـــــــــــــــــياتي

اوكيه اختي ....ناخذ اللي قلتيه حبه حبه ...على لسان رفيجتي ( الرد )


الصلاة تقول الحمد لله محافظ عليها مانكر فيه بعض التقصير وكلنا فينا بس احسن من غيرة ..


.وبعدين من كلامك تقولين ان عمرك ما حبيتيه وانك تمثلين عليه ياختي الا الحب ماينفع فيه تمثيل



من ناحيه الحب تقول سبحان من بيدة القلوب يقلبها كيفما شاء ...ماهو بيدها وهو كان السبب ولو قريتي الموضوع عدل راح تلاقين فيه وهو الموضوع الاساسي انها تقول اشــــــــــــــــــــــــلون اقدر احب زوجي ؟؟؟؟؟؟


يعني ماهو بيــــــــــــــــــــــــــــدها ...والله تقول كن الله مقفل قلبي عن حبه تقفيل ...على فكرة اهي تتعامل معاة بالود والرحمه وتسويله كلما يبيه ...ويمكن احسن من الحريم اللي يحبون رجاجيلهم من قلب لكن مهملينهم ....لكن شتسوي ....تقول بروح اعتمر عل ربي يشرح قلبي وصدري لحبه ...





الرجال يحس بالمشاعر الصادقه...........


والله انا اللي صرت احس بان حبه وزواجه مني كان كله تمثيل في تمثيل ...لوجه الراتب ... ولا اللي يحب مايسوي عمايله واخر شي قال ايش احب قال



تحياتي

هههههههههههههههههههههههههههههه المحاوله الاخيرة ...اللي ياتصيب يــــــــــــــــــــــــاتخيب ...


على الاقل تكون الرايه بيضاء . .



تحياتي