السلام عليكم ورحمة الله وبركاته

انا عضوه جديده هنا لي فتره اتابع مشاكل البعض واقتراحات البعض
اللي شجعني اسجل ارائكم الرائعه في كل مشكله اقراها

فحبيت اطرح مشكلتي وابي رايكم فيها بكل صراحه

..

انا حاليا مملكه على شخص لي تقريبا 10 شهور وهو من قبيله غير قبيلتي
لانعرف عنه شي جاني عن طريق زميله دراسه وقالت لي انه كان مطلق قبل عشر سنين
وملك على وحده قبلي وطلقها على اساس انها مسحورة وخدعوه فيها ."
لكن اللي اكتشتفه بعدين مماطلته للزواج معها وتدخله في خصوصيات اهلها خلاها تطلب الطلاق منه !

ملكنا وتم كل شي على خير وكنت مبسوطه فيه جدآ كلمته وبانت لي شخصيه مرحه
انسان متفهم وكل شي حلو فيه مشى معي على هالمنوال تقريبا 7 شهور مبين لي انه شخص
متفهم .. وانه راح يسعدني باللي يقدر عليه .. كان يجي بيتنا ويجلس معي كثير احيان اهلي معي
واغلب الاوقات نجلس لحالنا .. طبعا صار بيينا اشياء كثيره ..يطالبني فيها على اساس انه زوجي ويحق له
انه يلمسني اوقات كثيره ارفض لكنه يصر علي
اشياء سطحيه ماتعمق معي فيه لانه ماكان ماخذ راحته ..
..
زواجنا المفروض يكون بعد شهرين من الملكه لكنه قال لسه ظروفي ماتساعدني اتزوج الحين
نخليه بشهر 8 شوي قال نخليه ع العيد ومر العيد قال نخليه بعيد الاضحى الين ماطفح الكيل معي
يطالبني باشياء تزهق الواحد مثلا يجيني يوميا عندنا بالبيت عشان ينزل شهوته بس من برا برا
ويقول الدكتور قاله اذا حبس شهوته راح يضرني انا بعدين ويقنعني بكلام يقوله الدكتور له
واسمع كلامه واعطيه اللي يبي بس مايتعمق معي كثثير كنت خايفه وبنفس الوقت افكر ارضيه واسعده
ووماجاا في بالي بيوم انه يطلع واحد حقير ؟؟

وكثير يدور معي المشاكل يزعل من اشياء تافه ماتزعل !
اذا مارديت على جوالي يزعل ويسحب علي اسبوع لارسايل ولامكالمات !
مع اني ادور رضاه وودي اسعده ومايشوف مني شي يزعله !

اخر مرا زعل مني عشاني مارديت على جوالي .. وقعد يسب ويسخط
انا استغربت ردة فعله .. وين كلامه قبل وين اسلوبه كل شي تغير وانقلب صار انسان لايطاق وسحب علي شهر لااتصال ولامكالمات ولافكر يتصل يتطمن علي غير هذا لانفقه ولا عيديه ولادرى عني ميته حيه !
كل هذا يصير وابوي ماعنده خبر يوم شفته زودها معي كلمت الوالد قال لي انا مو مرتاح له من زمان
بس شايفك مبسوطه وسكتت ؟؟

كلمه الوالد عن الزواج ومتى يحدده قال بعد سنه او سنتين لانه ظروفه ماتسمح له الحين ومدري شنو ؟
قاله الوالد : معك شهر ونص اذا ماخلصت امورك توكل على الله و تعال البيت خلنا نشوفك مالك حس ؟؟

المهم جانا البيت وقاله ابوي خلص والا طلق قال اذا تبون الطلاق هاتو مهري ؟؟؟
مع العلم مااعطاني المهر كامل ناقص 1000 ريال منه وقالي بعدين اجيبها لك
مهري اخذته منه بعد تقريبا 4 شهور من الملكه بس ملكنا بدون مهر وانكتب بالعقد اني اخذت منه مهر
كان ناوي يعطيني المهر اذا جهز نفسه !! لكن الوالد اصر عليه يجيب المهر والا انا ماطلع واجلس معه؟
جاني بعد فتره وطلبني من مهري 1500 واخذها على اساس يتعالج وعطيته
وكل هذا دون علم ابوي
..

قال لابوي هاتو مهري كامل ؟؟
لاني ماعتبرها زوجه لسه ..يحق لي بالمهر كامل ؟؟
..
الحين انا بسال اهل المعرفه والخبره بهالامور هل يحق له المهر كامل ؟
مع انه اعطاني فقط 600 ريال اول شهرين بعدين ماشفت منه شي .. يعني ماانفق علي كزوجه ؟
وغير تواجده في بيتنا وجلساته معي وخلوته فيني اكثر من مرا ؟؟
ماحد يدري من اهلي اللي صار بيينا وماقدر اقول لاني اخاف من رده فعل الوالد
لانه دايم ينبهني ماجلس لحالي معه ؟؟

سالتكم لاني بقدم قضيه خلع بالمحكمه بس ابي اتاكد يحق له المهر كامل
والا لا؟؟

انا مقدمه على خلع
واخوي سال محامي وقال ايه يرجع له المهر والهدايا مثل ذهب ومدري ايش
اما الاشياء المستهلكه مثل عطور وكذا فلا ماله حق فيها
هذا كلام المحامي عاد والله مدري كيف وضعه هالمحامي

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

والله ياعزيزتي
اتذكر درست في مادة الفقه
اذا صار طلاق خلال العقد تاخذ البنت نص المهر
جبرا لخاطرها هذا ما اتذكره من دراستي
اذا هالمعلومه خطاء ياليت احد يصححها لي
وارجع اقولكم ماني متاكده ابرااءً للذمه
الي يعرف شي عن هالمعلومه ينورني
لكن اعتقد ب الخلع يختلف عن الطلاق

الله يكون في عونك

انتي تركتي له الحبل على الغارب وتتحملين جزء من المسئوليه
لكنك لاتلامين على ذلك ابداً
اقطعي كامل صلتك به وليكن التفاهم بينه وبين والدك
اعطوه المهر كامل وفراق شخص بهالمواصفات حياة جديده لك
لانه وعذرا على هاللفظ شخص ( اصابني بالتقزز)

الله يجزاك خير على مداخلتك .. ويعينك على مابلاك
وان شاء الله ترتاحي منه باقرب وقت

ايه انا اذكر انها ترجع له نص المهر .. لكن ماندري عن بعض القضاه يفتي لنا على كيفه!!
الله يسعدك على تواجدك ماقصرت .."

ايه صادق انا عطيته وجه وحشمته والا هو مو كفوو حشميه !
انا قاطعته صلتي فيه لي تقريبا شهرين .. المهر كامل برايي لايستتحقه بعد اللي سواه معي!
وكلامه اني لسه مو زوجته احس باهانه وودي ارد كرامتي شوي
ومطلعني من كرت العايله ولسه مو زوجته اهـ بس يالقهر


مشكور اخوي على تواجدك ورايك ربي يوفقك ويسعدك مشكور

المفروض ما يحق له المهر لانه استمتع فيك ..
و على اساسه يكون لك نصف المهر ان هو طلق ..

لكن هو يبتزكم عشان انتم تطلبوا الخلع ..

ماعندك اخوان رجال يرحون له و يعلمونه ان الله حق ؟!!!!

صارت مع بنت عمي والله اخوها هدد الرجال وتنازل عن المهر ..

و بعد الطلاق راح له هو و واحد من ربعه و طاحوا فيه ضرب ...!

لكنه ماتاب رجع و عاد نفس الحركة مع بنت ثانية ...

على العموم هذا ما ينفع معه الطيب لازم واحد شري يتعامل معه بنفس اسلوبة و الله حرااااام فيه الريال ..

هذا الشخص مايستاهل منك التقدير
ماله الا نص المهر ويخب عليه

أكثر مايقهري بالدنيا وجود مثل هاؤلاء من أشباااااااه الرجال لاشيمه ولانخوووه...
ومثله وأنا أختس فرقاااااه عيد..

أختي على ماأظن بما أنك أنتي الي طلبتي الطلاق مش هو فأنتي تدخلين في حكم الخلع والخلع لازم دفع المهر كامل,,

بس لو هو طلق يعني من كيفه مو أنتي الي طالبه فهذا الي يستوجب فيد دفع نصف المهر..

قلبي معك خيتي وداعيلك الله يفرجها لك..