السلام عليكم
بطرح موضوع سريعاً وآسفه على جرآئتي

امس كنا سهرانين وبنتي نامت حطيتها بالغرفتي وجيت
نكمل السهرة.. غفت عيني شوي الساعه 3 الفجر تقريباً
اثاري بنتي بكت وماسمعتها ( نايمه ياناس)

قاعد ومنتظرني اصحى من نفسي واروح لها
تخيلو كذا قاعد يسمعها تبكي حول 10 دقايق
لما شافني ماقمت.. جاني وصرخ بصوت عالي
حرام عليك قومي البنت بتموت من الصياح
انا انفجعت والله ماعرفت شنو السالفه
قمت ورحت لبنتي وهديتها ونومتها مره ثانيه
جيته وقلت له حرام عليك تصحيني كذا وربي فجعتني
قال لي اذا بكت البنت ماراح اصحيك الا كذا!!!!!
حطيتها بخاطري والله جد شي يزعل
طيب الواحد ماينام!!! مايغفى!!! اعوذبالله

المهم..
نمت وتركته وطبعي ماحب طول الزعل
جينا لليله اللي بعدها
اثاري الأخ مطنقر ونفسيته محمضه من سالفة امس
بالله منو المفروض يزعل انا ولا هو !! 😳

المهم جيت اسولف معاه عادي تكلم وسولفنا شوي
جيت اقرب منه مبوز وهنا مشكلة زوجي تكفون ركزو معاي

قال لي لا تقربين لو سمحتي انا اذا ليله تمر مايصير بيننا شي. عادي اقعد فترة طويله بدون مانقرب من بعض!!!!!

امانه تقولون لي حد مثلي يعيش كذا !!!!
قلت له يافلان ياعمري ياحبي انت اذا تقصد على امس نمت وتركت هذي ردة فعل ياخي خذيت بخاطري شوي زعلت من طريقتك وانت تصحيني..كان لحقتني وبتكون ليلتنا حلوة
قال لا يعني لا
انتي لازم تبادرين.. وانتي لازم تحاولين معاي الف محاوله ومحاوله في الليله الثانيه اللي بعد الزعل ولا تتركيني كذا
لان لو تركتيني كذا افقد اعصابي ويزيد زعلي ومايهدا بالي

سؤالي..
احترت معاه انا احياناً احس بالزعل احس تضايقت منه ومن حقي انام واتركه بس ارد وافكر مره ثانيه اقول مافيني حيل بكره اقعد اتقرب واساحل فيه كني سويت مصيبه
زعول بخصوص هذا الشي بشكل ماتتصورون كيف
بس من حقي اعيش حياة طبيعيه اطنقر واروح اتركه

ريحو بالي تكفون..

كتبت ومارجعت قريت المكتوب آسفه على لخبطة كلامي

اقلبي عليه
وازعلي انت و ابكي و قولي. مرة حسيتك قاسي علي لما فجعتني بصوتك
و قولي كلام كثير محزن

__________________

بتقلب ليلتها نكد يا مسز داني...

مرة طنشيه وتعاملي طبيعي
ومرة ساحليه...
ومرة عاتبي

__________________

حاجة الناس إليكم من نعم الله عليكم ، فـ لا تملوا النِعم ☁✨

مع مسز داني
زوجك معدد صح

ليش تنقلب ليلتها نكد
هو مو حاس انه ايضا ضايقها
لكن لما يشوفها زعلانة. بيتحرك احساسه
ثانيا هي بتبكي. ما بتصارخ
يعني القصد تتمسكن

__________________

بصراحة ماني شايف قسوة
ويوم يقومك عشان البنت اكيد
شبعانة صياح وهذي ردات فعل
اب حنون على بنيتة والاخت نايمة
الضنى غالي
وممكن يفكر يقول لو ماني موجود
كان ماحد درى عنها
بس انا ملاحظ عليك انك حساسة
فوق الحد الطبيعي وهذا يرهق
الرجل ويجعلة عصبي من طريقتك
وسلوبك..الله يوفقك

__________________
سبحان الله وبحمده سبحان الله العظيم

طنشيه


لا تكلميني ولا تبررين له ولاشي خليه وطنشيه

__________________
لا اله الا انت سبحانك اني كنت من الظالمين

اختي صاحبة المشكله...عاتبيه وبيني له انه غلطان بطريقته بتقويمك من النوم ...قوليله كنت مستغرقه وماسمعتها مالك حق تعاملني كذا...واكيد بينتبه لغلطه ويتداركه المرات الجايه مع التنبيه حتى لو كابر الحين وبين عكس ذلك،،

فقط يقضها من نومها لان البنت شبعت صياح
وشفيها يعني وليش غلطان ...بس صاحبة الموضوع
حساسة من كل شي وراح تتعب في حياتها سوا من
زوجها او من غيرة

__________________
سبحان الله وبحمده سبحان الله العظيم

عن عبدالرحمن بن أبي ليلى قال :
حدثنا أصحاب محمد صلى الله عليه وسلم أنهم كانوا يسيرون مع النبي صلى الله عليه وسلم، فنام رجل منهم فانطلق بعضهم إلى حبل معه فأخذه ففزع، فقال رسول الله صلى الله عليه وسلم: لا يحل لمسلم أن يروع مسلما. رواه أبو داود وأحمد، وصححه الألباني