ترددت كثير قبل اكتب بموضوعي... لكني تعبت ومحتاجه افضفص... زوجي من تزوجته كل صلاواته بالبيت مايصلي بالمسجد ابد... وياما نام عن الصلوات واذا صحيته عصب علي... رغم اني اصحيه بدلع واحيانا اطنشه واحيانا ما اتحمل استهتاره... تخيلوا من دخل رمضان ماصلى ولا جمعة بالمسجد.... وامس ناديته بهدووووء يافلان قال هااه قلت ترى الساعه 11 ونص.. قال افف وغطى وجهه ونام... تركته انا ورحت جلست بالصاله مع بنتي... ولما صارت الساعه 2 قام زوجي وهو معصب وقال تعالي يافلانه... دخلت الغرفه الا القى قدامي وحش.... كان يسب ويشتم وانتي ايش دخلك فيني ويحلف مايدخل المساجد وانتي تبغين تمشيني على كيفك.... حاولت اهديه واطلب منه يأجل النقاش لبعد الفطور... قام دفني عالسرير وعمل حركات قذررره ما اقدر اوصفها لكم وانا كنت ابعده وهو حاول يغتصبني بنهار رمضان بالاخير انا عضيت لسانه بقوه وطرت وقفلت على نفسي باب الحمام.... كسر الباب علي وسحبني وعطاني كف علم على وجهي وصار وجهي مشوه من علامات اصابعه النجسه وكله ورم مرعب... وراح اخذ جوالاتي وفصل التلفونات حتى ما اكلم اهلي.... وراح طلع بعد ساعه جاء ومعه فول للفطور.... دخل علي على اساس بيبوس راسي.... دفيته وتفلت عليه بمكان وقفته وقلت له يطلع احسن له... جلس يصيح ويبوس ويقول انا مدري ليه يصير معنا كذا ويترجى..... انا وقتها انفجرت عليه انت لو رجال ماتسوي كذا انت سافل انت اخس انسان ومن هالكلام.... وهو يقول صح صح ايش تامرين... قلت له من اليوم ورايح لاتعدني زوجه لك واذا تبي رح تزوج وفكني لاني اكرهك كره العمى... قعد يقول انه يحبني ويدعي على نفسه بالشلل والموت... بالاخير اتفقنا انه ماينام معي بغرفه وحده.... ولا اجتمع معه على سفره وحده.. ولا يكلمني ولا اكلمه... بالبدايه رفض بعدين وافق... وانا حلفت ما اذكره بأي فرض ديني بعد ما اقيمت عليه الحجه اليوم... طلع هو ورجع للبيت عالساعه 11 معه بوكيه ورد كبيييير وجايب السحور من برا.... عطاني الورد ورميته عالطاوله وقال تسحري قلت ما ابي... اكل هو لحاله وانا تسحرت خفايف لحالي..


انا كارهه زوجي من مواقف كثيره.... احتقره وانفر منه ودايم ارفض اعطيه حقه الشرعي لانه مو كفو... والمصيبه انه من فتره قريبه طلقتي طلقه اولى ورجعت له بعد واسطات كبيررره... تسنع فتره بعدين انتكس... وانا للاسف رجعت خوفا على نفسي من الطلاق وعشان بنتي... والحين اخذ حبوب منع حمل لاني ما ابي ارتبط فيه بعيال... واهلي مسافرين بعد يومين وبيجلسون 10 ايام بين مكه والمدينه... ولا ابي اخرب سفرتهم...




انا تعبانه نفسيا وعضويا... عايشه مع واحد تمادى فوق اللازم بكل شي... كارهته ودعيت عليه بكل فرض امس من حر مافيني... حسبي الله ونعم الوكيل..

لابد ان تعرفي اهلك

الموضوع لابد من تدخل طرف يعالج الموضوع بهدوء

قديما قالوا : من ضيّع فرضه فهو لما سواه أضيع ، وقد صدقوا .
مضيّع الصلاة لا يوفقه الله في حياته سواء الاجتماعية أو الزوجية وتلوح له بوادر ذلك في كل حياته ، مثل هذه الأجواء تنعكس على الأبناء أولا ، تضرب الأم ، تغلق الباب على نفسها فيكسر ؟!

أؤيدك في عدم الحديث معه أو الأكل أو الجلوس ، وليس كل خطأ يمكن قبول الاعتذار منه ، ونصيحتي لك انتظري مجيء أهلك واذهبي إليهم وابلغيهم بما تعرضت له ، فإما أن يصلح من نفسه ويعاملك بالحسنى أو تسريح بإحسان .

هو بعد ماطلقني ورجعت له ابوي حلف انه اذا ماترك الطيش وعاملني بما يرضى الله انه يطلقني منه اليوم قبل بكرا.. واهلي يعرفون انه سبق وضربني وسبق وراح لهم واعتذر ووعد مايعيدها... وانا عطيته مليون فرصه وفرصه لاني بالبدايه حبيته بعدين صرت من افعاله اكرهه وانفر منه وهو يضغط علي ببنتي وبالماديات اللي يقدمها والوعود والاعتذارات المتكرره.. انا كرهته وكرهت شكله واذا شميت عطوره اختنق حتى ملابسه اتقزز وانا امسكها واتقرف من قربه مع انه محافظ على نظافته لكن شخصيته مقرفه... الناس تشوفه برا البيت تحسبه محترم وجنتل وجوا البيت يسمعني اوسخ الالفاظ واشوف منه اقذر الاساليب اذا تضايق..



باختصار اهلي ملوووووا منه
وابوي قال لي كذا مره هالرجال تعبك كثير اذا ماتبينه بيتي مفتوح
يقول اخاف تجيك امراض بسبته

دخلت اهلي اكثر من مره بعد ما يأست منه..
وهو تعود يعتذر ويوعد بعدين يرجع اردى من اول..
فكرت ادخل طرف من اهله لكن انا رسميه وكتومه معهم
ولا ابي سيرتي تصير على كل لسان.،

صدقتي..
هو مافيه خير لنفسه ولا بعلاقته مع ربه حتى يصير له خير فيني


24 ساعه يسمع اغاني حتى وهو صايم
واذا طلبت يقصر الصوت عصب علي
واقرفني بريحه الدخان اللي ياما وعدني يتركه
ومن تزوجته اقسم بالله ماشفته يفتح المصحف
وعادي عنده يقذف اعراض الناس بكلامه
فوق كذا المسجد جنبنا وبعمره ماراح يصلي فيه
ينقر الصلاه بالبيت واحيانا كذا فرض ورا بعض
وفوق هذا اخلاقه سيئة
وكل مايغلط علي يروح يشتري شي والا يطلعني
قرفت من هالعيشه
حتى البيت كل شي فيه يتكسر اذا عصب
اليوم راح جاب نجار يصلح الباب
وذاك اليوم كسر جوالي وراح جاب بداله
ومره كسر عطوري وراح جاب بدالها
هذا غير الاثاث اللي يتكسر منه اذا عصب

انا احتقره واتعس شي لما زوجه تحتقر زوجها

لاحول ولاقوة الا بالله
الله يفرجها عليكي يارب ...

__________________

تعتقدي انه طبيعي ؟

شكله عصبي ؟ يبغالو طريقة معينة في التعامل
الله يعينك
انا توقعت اول مرة كنت بقولك اعتذاره حلو ومرريها له واذا كرر نشوف بس اللي مخوف هو شكله عصبي مررا يخوف يضرب ويكسر ويتعدى في رمضان ومع كل هذه العصبية له نفس في الجماع ماشاء الله تبارك الله

اممم او الشغلة عناد يعاند لان هذا الشيء المفروض ما يفعل ذلك العاقل
بصراحة اشك انه طبيعي هذا اما عصبي مرا او فيه عين أو ..... الخ



بس تدري كله كوم و التمرد على شيء في الدين والشرع كوم تاني

الحل عندي
1/ لا ينتبه لامر ما انه مهم عندك حتى ما يعاند تاني
2/ يبدو لي انو عنيد وعصبي الله يعينك تجيبي طريقة في التعامل معه جديدة تمشي معه


الله يفرج همك

هلا حبيبتي هديء من روعك
اول شي حبيبتي انا ضد انك تقولين لاهلك ليش؟
اول شي مارح تستفيدي شي غير انك خربتي بيتك وبنتك رح تعيش بينك وبينه
انتي تبي تأدبيه صح ؟
طيب اعملي اساليب الزعل علشان يتغير
اهم شي بالنهايه اعتذر لك وعارف نفسه غلطان واحد ثاني يخليكي تزعلين وما يسئل فيكي
المهم انتي حبيبتي لا تقولين لاهلك اجلسي معاه وقولي له اذا ما شفتك تغيرت بالكامل رح اقول لاهلي وانسى انك تزوجت
زوجك يحبك نعم يحبك مع كل الي عمله لكن الشيطان مسيطر عليه والدليل انه اعتذر واعترف بغلطه
حاولي اصلاحه ودعيكي من خراب بيتك فكري بأبنك قبل كل شي
اهلك بتحملوكي شهر شهرين بعدين شوفي المصايب الي بتسير تيجيكي حتى لو اهلك احسن ناس
نار الزوج ولا جنه الاهل
لملي نفسك واستخيري قبل لا تعملي اي شي وادعي لزوجك بالهدايه الايام هاي فضيله ولا تتركي الدعاء له
الله يسهل امورك ويهديلك زوجك عليكي بكثر الاستغفار وسوف ترين النتائج !!!!

__________________
سبحانك اني كنت من الظالمين