السلام عليكم ي اخوان ويا اخوات

طبعا انا طرحت موضوع هنا في السابق بسبب النحافة الكبيره الي بجسم زوجتي ، والي وصلت الى مرحله سيئة من الحاله النفسيه التعبانه بسبب اني ماني جالس اشوف اي زيادة في الوزن عندها .

خلونا من هالكلام ذه كله ، انا الان جالس ابحث عن طرق فعالة جدا في زيادة الوزن ، اذكر احد الاخوات ماقصرت سجلت بالمنتدى بس عشان تحاول تفيدني في موضوعي السابق ، لكن ما وجدت استجابه من زوجتي في انها تلتزم بالخلطة الي وصفتها لي بحجة ان حليب الصويا جربته وحده من قريباتها ومافادها بزيادة الوزن .

والان أنا مسجلها بنادي رياضي ، انا اتمنى اشوف فايده لاني توني مسجلها من فتره بسيطه .... الي خلاني اسجل هذا الموضوع هو تخوفي من شيء ، اني خايف ماتكون هناك فايده برضو ، فعشان كذا ابغى تفيدوني بوسائل تسمين قوية جدا ، لانها قبل جربت اشياء كثير ، خلطات وخلطات وجربت الحلبه والعسل ماجاب معاها اي فايده ، وصلت لمرحله اني جالس افكر بعمليات التجميل ، بس ابغى تدلوني على شخص اروح عنده عشان اشرح له بخصوص بعض الامور الي تتعلق بتركيبة جسمها ، في وساوس تدور داخلي ابغى اتأكد منها وما احب اطرحها هنا ،

اتمنى توجهوني ، والاشخاص الي يقدرون يفيدوني بالموضوع لا يقصرون ، بالخصوص البنات الي كانو يعانون من هالمشكله ولقو لهم حل ، لان خلال بحثي في الانترنت شفت ان هاذي مشكله منتشره بشكل كبير ، عسى الله يخلص زوجتي وكل بنت من هاذي المشاكل . وراح تقولون لي انها بعد الحمل تمتن ، انا ابغى حلول غير هذا الحل . والله يجزاكم خير .

جربت خلطه الخميرهرلزياده الوزن
اخت صاحبتي كانت جدا نحيفه استمرت بشرب الحليب مع المكسرات الزبيب وزاد وزنها

سويلها تحليل للغدة الدرقية

وعليكم السلام ورحمه الله
اول شيء اخوي ضروري تأخذها ع المشفى
وتسوي لها تحليل شامل سواء من غده درقيه الى مستوى الدهون والسكر الى آخره
اذا تاكدت ان مافيها طفيليات وتحاليلها سليمه خذها لأخصائيه تغذيه اذا هي من النوع الكسول
وه الشي طبيعي لان طاقه جسمها منخفضه ف ع طول الوقت تحس بخمول وكسل.

عموما خلها تأخذ ملعقتين كبار من الفول السوداني
ونفسها نوتلا
ونفسها حلاوه طحينيه
ونفسها مكسرات مطحونه ورشه حلبه مطحونه
تخلطها بيدها زين وتحط عليها شويه حليب سعوديه وتحركه لحد مايصير لا سائل ولا ثقيل
وبس.

وتأخذ 3ملاعق كبار منها يوميا وحده بعد الظهر وحده بعد المغرب وحده بعد العشاء
وترا طعمها لذيذ يمي يمي.
وتفتح الشهيه بقووووه تحس طول وقتها جوعانه
وهم خلها تأكل اندومي باي نكهه تحبها وقبل لاتنام تأكل موزه او موزتين وعليها نوتلا طعمها سعااااده
ومعروف بعد الموز يزيد الوزن

واخيرا خلها تشوف تجارب البنات بالنت عشان تتحمس
خلها تكتب تجربتي مع خلطه النوتلا للتسمين في الي سمنت بعد 15 يوم وفي الي بعد 3 ايام بدت تزيد كيلو
خلها تفتح وتشوف تجارب البنات وتتحمس
وحليب الصويا بعد يسمن مالها ومال بنت خالتها يمكن بنت خالتها ماكانت تأكل حدها ع الحليب بس
وكأنه مشروب سحري بتسمن بالحالة من غير اكل
وشنو بعد اي والرياضة بعد تمتن مو مثل بعض الناس الي فاهمه الرياضه للتنحيف فقط
اهم شي تكون المدربه حقتها فاهمه او خلها تسوي التمارين بالبيت تمارين بناء العضل تسمن وتكبر مناطق انثويه بجسمها
خلها تكتب بالبحث تجربتي مع تمارين عذاري للتسمين وتشوف النتيجة بس اهم شي تتحدى نفسها وتكمل شهر
ومع ذا كله تأكل وجبات خفيفه فيها سعرات عاليه بين الوجبات جيب لها مفرحات شبسات عصاير مكسرات
تأكلها كلما حست بالجوع لان خلطه النوتلا تجوع ع طول وبس وسلامتكم

الله يجزاك خير ، بس شنهي خلطة الخميرة ، وبالنسبه للحليب ماتحبه 🙄 بس بحاول معها

الغدة الدرقيه سليمه عندها 🙄

انا ضد الاكلات ومعرف ايش مستحيل يزيد الوزن عليها لاني اتكلم من تجربة
والاغلب اكتشفت انهم يسوون عمليات تجميل ويخفون الموضوع ، قريبتي كانت نحيفة جدا ولما شفت وجهها بعد فترة كان رويان وممتلي بشكل حلو .. طبعًا سالناها قالت هذي خلطة الخميرة
طبعا المضحك ان خلطة الخميرة ماحابت نتيجة الا يوم توظفت 😂 طلعت بالنهاية مسوية فيلرز تعبئة للوجنات والشفايف وماتبغى تقول لاحد .
ووحدة بايام الدراسة كان جسمها مرة ستريت مافيه اي كيرفز .. وشفتها بعد فترة كانت عاملة عملية للصدر تكبير والنتيجة جدا واضحة للخبير انها عملية لكنها اصرت انها تشرب حليب صويا وكبر صدرها 😂 طبعا مستحيل الا لو هو سحر ، صح يسمن حليب الصويا لكن بشكل بسيط جدا جدا واصلا كثرته مرة مضرة للهرمونات وتزيد امكانية الاصابة بسرطان الثدي كفانا الله الشر ..

بالنسبة لي الشيء الوحييييد اللي زاد وزني هو الحمل 😂
وكل السنين اللي راحت وانا اراكض من خلطة لتمرين لمدري ايش كانت هباء وتعب ع الفاضي بصراحة

من رأيي الشخصي عمليات تجميل الصدي من اسهل العمليات والمضاعفات شبه معدومة اختار طبيب مضمون وخليها تعمل تكبير للصدر بالسيليكون وبتتغير حياتكم 180 درجة لان اصلا الصدر من النااادر انه يكبر واللي يقول غير هالكلام مع احترامي ما عنده سالفة كل الجسم يسمن الا الصدر يتغير تغير بسيط جدا .. ابحثوا بالمت عن طبيب بمنطقتكم وخليها تتوكل على الله وتعملها الحين الكل يسويها مو شيء صعب ولا مستحيل ..

والوجه اذا وجهها نحيف وانت مرة متضايق من هالشيء فيلرز 9 شهور وهو رايح شوي مع الخد وشوي ع الشفايف ويطلع الوجه رويان وجميل بسسسس اختاروا احد ثققة ع فكرة بتسوى الفلرز باي مكان وببنج موضعي والنتيجة فورية واختاروا مادة امنة 👌🏻

انا الحزء السفلي بالجسم هذا بسهوووولة ينزسم بالنادي وبالتمارين عن طريق بناء العضل واكثر الحسابات الرياضية النسائية بالانستغرام يعملوها النتائج انثوية وجميلة بس اكد ع زوجتك تقول للمدربة تركز ع الجزء السفلي من جسمها وبعد التمرين تشرب بروتين يكون نسبة الفات فيه عالية لانها نحيفة .


هذا من خلاصة تجربتي مع النحافة سنييين كثيرة ..

__________________
سبحان الله وبحمده ، سبحان الله العظيم

اشكرك اختي عالمشاركة القيّمة جدا ، بخصوص المستشفى انا اخذتها الى مستشفى وعملت تحليل للغده الدرقيه طلعت سليمه ، وبالنسبه للكسل ماعندها كسل ، فيها نشاط وحيويه البنت ، ما اشعر ان عندها خمول .

بخصوص الخلطات الي قلتي عنها باذن الله راح اخليها تطبقها ، وراح ابحث عن الاشياء الي قلتي عنها ، واما بخصوص النادي انا هذا انتظر النتايج باذن الله بعد شهرين او ثلاث 🙄💔 كثير الانتظار بس يلا انشاء الله راح القى نتايج ،

بس الي محطمني اهي شهيتها ضعيفه ، مرات حتى ما تتعشى بحجة ان كبدها تقلب ، بس متأمل خير الفتره الجايه ، وراح ابحث عن الاشياء الي ذكرتيها ، والله يجزاك خير اختي

هو هذا المشكله ان عمليات التجميل ممكن تسبب احراج وكذا عشان كذا مايحبون يتكلمون 😅 ، وويعني من وجهة نظرك ان التغذية ممكن ما تجيب ذيك النتيجه الكبيره ، وانا عن نفسي ودي اني اشوف وسايل نتايجها سريعه جدا جدا 😅 ، بس يعني ما ادري كيف ادخل معاها في الموضوع لو بتطرق لها لعمليات التجميل ، يعني اقول لك الوجه نحيف واشعر بصراحه ان حجم الجمجمة صغير ، ما ادري هل بسبب النحافه او هو عظمها ضعيف ، وبرضو الاكتاف ملمومه مافيها ذاك العرض ، يعني هذا انا من خلال الرياضه ابغى اخليها تعرض شوي وتعمل على الاشياء الي قلتي عنها ، انا هذا موعدي معاها بعد شهرين وعليها ، وباذن الله الاحظ الفرق ، وبخصوص البروتين هي رافضه انها تستخدمه ، تعبت معاها لانها جربته وماعجبها طعمه 😅 ،

حاب اشكرك ع المشاركه اختي ، الله يجزاك خير

الي عنده اي معلومات او تجارب مرت عليه او سمع عنها اتمنى انه ما يبخل علينا ، والله يعطيكم الصحه و العافيه