السلام عليكم

سبق ان طرحت مشكلتي مع زوجي في خلافاتنا في امور تافهه تحصل بيننا

واستمعت الى نصائحكم

وفي طرحي للمشكله الاولى ذكرت لكم انه قد اكتشفت انه يراسل فتاه

ومضت على المشكله فتره وانتهت

وللاسف وجدت من يومين رساله في جواله من نفس الفتاه

ومازالت المراسله مستمره بينهم

الى الان لا اعرف مدى االعلاقه ولا الى حد

فقط مااعلمه انها علاقه قديمه من قبل الزواج والى الان مستمره


/

لااعلم ان كانت هناك اتصالات بينهم ولا اكثر

هي علاقه من انترنت وتبقى بعض الاسئله عن تلك العلاقه اجهلها

انا انسانه متفهمه بعد ماعلمت انه الامر مستمر

ناديت زوجي وجلست معه وقلت له انا مو زعلانه والي اتمناه ان نوصل لحل وننتهي

وانت صاحب المشكله وحلها لي عشان تكون برضاك افضل


كانت ردوده انها مسجات اخويه .. ويطلب مني ان اخذ الامر بشكل عادي وطبيعي ولا اعمل منه مشكله


عندما سألته سبب عدم انهائه لها قبل الزواج كان رده لم اكن فاضي

طلبت منه انه يرسل مسج ينهيه العلاقه ولكن رفض وقال انتي ارسلي انا ماراح ارسل


هنا انا لا اعلم هو لايبحث عن حل وانا لم اقبل وجود هذا الشي في حياتي


ليس لدي اي اخوات ربما وجدت من احدهم صديقه واستشيرها

ولكن اجد امي صديقتي جن جنوني وأستشرت امي

طلبت مني ان اترك وظيفتي ولكن انا لاجده حل خصوصا انه يملك مرتب بسيط راتبي يساعدنا كثير الحمدلله


مالحل ماذا تنصحوني

..

ارسلي لها رساله قولي لها انك زوجة فلان وعيب هاللي تسويه

واذا زوجك اصر على العلاقة الافضل تخيرينه بين هالعلاقة وبينك

انا ما اادري حقيقة لكن انا اشوف من وجهة نظري كرجل لما تكون ردة الفعل بسيطه وضعيفه من المرأه الرجل لن يتوقف عما يفعل

لكن لما يحس ان هالمشكله بتهدم حياته وتفرق بينه وبين زوجته واطفاله يتشتتون يفكر ويختار القرار الانسب

ولما يقول مسجات اخويه قولي له وشو اخويه ما اخويه يعني لو اراسل واحد واكلمه بعذر انها مسجات اخويه بتقووولي عااادي ؟

الله يسهل امرك

السلام عليك يااختى
ارى رد زوجك غير مقنع، كيف لا يجد وقت لايقاف مثل هذه الافعال . لو فرضنا جات من عندك انت كيف كان سيكون رده؟
قومى انتى عزيزتى برد حدى رسائلها من جواله بكى تكف العبث الصبيانى وتتركه فى حاله
لا تترددى فى ايقاف هذه المهاترات.
وفقك الله.

__________________
أم علاء 7777

اخواني انا طلبت منه سرل رساله وينهي كل شي

وكان رده ارسلي انتي اناا ماراح ارسل

وانا اخذت الجوال ورسلت رساله

واخذ الجوال مني ومن بعده لا اعلم ماحصل

ورمى علي كلمه انه اصلا مو عاجبه شي فيني

وقلت له لو انا حاصل لي نفس الشي بتقولي عادي والموضوع عندك طبيعي

قالي لاتقارنين انا رجال اسوق سياره تبين تقولين انك تسوقين سياره بعد مثلي

وعندما طلبت ايجاد حل يقولي بضحك خلص اتصل عليها واقولها لاترسلين خلاص

وربي ردوده كله تقهر الواحد

أختي الكريمه

يظهر لي أنك تتحملين جزء من المشكله بسبب برودك الذي لا أجد له أي تبرير

في مثل هذه المواقف لا شيء غير الحزم والشده ينفع

تعتقدين أن زوجك سيرتدع وسيقطع علاقته وأنتي بارده معه تجاه علاقته ؟

أختي الكريمه

لاتستهينين تجاه هذه العلاقه فاليوم مكالمه وغدا مقابله وبعده سهره والله أعلم متى تكون النهايه

بيني لزوجك غيرتك وغضبك وانزعاجك وقولي له يا أنا أو هي أنا لا أقبل أن تكون معي امرأه تشاركني حياتك

قلي وش مقصره فيه وأنا أعدل نفسي مافيه انسان كامل

اجعليه يعرف قدرك ولا مانع أن تبيني له أنك زعلانه ليوم أو يومين حتى يراضيك وتتفاهمون على كل شيء بينكم

اكرر هذه الجمله

لاتستهينين تجاه هذه العلاقه فاليوم مكالمه وغدا مقابله وبعده سهره والله أعلم متى تكون النهايه

__________________
إن بعض القول فن ، فاجعل الاصغاء فناً ..
>> المعرف لرجل <<

حسبي الله ونعم الوكيل

صراحه زوجك وقح ومجاهر

حتى ماحاول يطيب خاطرك ومصر انه له الحق انه رجال يسوي كذا

رجال اخر زمان حسرة على الشباب في امه محمد

اختى الله يفرج همك وظيفتك لاتتركينها مهما حصل

الحل بسيط يبغالة فكرة بسيطة جدا لا تستغرق اكثر من خمس دقائق تنفيذها

وضيفتك لا تتركينها

قولي له خلاص .. اذا مو عاجبك شي فيني ليش مستمر معي؟؟
دامك تشوف انها علاقة اخويه ...
خلاص انا بتعرف لي على وواحد اتراسل معه واشتكي له همومي ... ويشبع لي فراغي
بمجرد الرسائل ... وخليه لاتكلمينه
وكل مالقيتيه راح للجوال امسكي جوالك وسوي نفسك تكتبين ....
اكتبي همومك برساله وخليها احفظيها كل مره كذا
حتى لو صادك مايلقى شي غلط ... يقرأ عيوبه اللي انتي تكتبينها...
اذا اضطر الوضع ..قولي له انا اراسل واحد مو من هنا وامسح السجل
حتى ماتغلط عليه ...!!!!!!

بس اذا شفتيه عصب وقلب الدنيا ... اعترفي له انك تكذبين
وقولي له روح شوف الاتصالات يعطونك سجل محادثاتي حتى لو كانت شريحتي بدون اسم
زوجك بارد يبي له صفعه قويه ..هو مو حاس بالنار اللي انتي فيها
الا اذا صار بنفس الموقف وشك لحظه انك ممكن تخونينه باسم الاخوه بيموت ...
وبينشغل عنها ..فيك انتي

بس لاتنفذين خطتي الا بعد موافقة الاخوه
يمكن نوعية زوجك مايصلح له كذا

مع الاخواان بكل شي
بروودك هو سبب في المشكلة

لما جييته وقلتي له انا مو زعلانة وشوف حل
لقاك باردة وقالك انتي ارسلي

المفترض مع كذا زوج
تكووني حازمة وجادة
تقولي له ما اعتقد بين واحد ووحدة علاقة اخوية وش الهدف منها ؟. وليش ؟
وهالعلاقة الاخوية بتظل طول العمر اخوية ؟ شي طبيعي الكلام يجر كلام , وامور كثيرة تصير عقب
ما اعتقد له داعي ان تكون ف حياتك اساسا
وما اعتقد ايضا انك ترضى اروح ارسل لواحد واقولك والله علاقة اخوية اشوف اذا ما قلبت الدنيا ولا قعدتها
ولا صوبك غفوور رحيم وصوبي شديد العقاب
هذا غلط واللي مو عدل مو عدل

بعدها عطيه خيار او انه ينهي علاقته فيها نهائيا او انه يشوف له حل
اما ان الوضع يظل جذي فهذا اكبر غلط
وبروودك معااه مشجعه

حسسيه انك مستاءة , متضايقة . في شي غلط مكركب ما يصير

يبي له صفعة قووية مثل ما قالوا عشان يصحى

شووفي حبيبتي اللي تجسينه صح واعمليه
وربي يساااااااعدك في كل شي ويهدي زوجك قاااااادر يا كريم ...........