السلام عليكم ورحمه الله وبركاته

انا احس زوجي مريض

بقولك عن الاشياء اللي لاحظتها على زوجي وتدل على انه انسان مو طبيعي

اولا من فتره الملكه كانت تصير بينا خلافات كثيره وكان وقتها يقولي انتي بطريق وانا بطريق باكثره من مره بس انا اراضيه وااقوله اللي تامر فيه بيصير واساسا كل خلافاتنا تافه مثلا ليه طالعه وماقلتيلي وليه اساسا تطلعين ومن هالحكي
ولما عرف اني اللبس عبايه على الكتف جن جنونه وخلاس كان ناوي على الطلاق بس انا اللي رضيته وقلت مستحيل نخلي مشاكلنا سببها عبايه رغم انه لاهو المتدين ولاهو الملتحي ولا اللي مقصر ثوبه بالعكس علشان اعذرة هو مدخن وبشراهه
وكان يسالني انتي قد مارستي العاده السريه وهل انتي تعرفين كيف تمارس وهل انتي تعرفين كيف تفض البكاره عن طريق العادة السريه وللاسف بعد الزواج اكتشفت انو هو اللي يمارسها وسالني اذا قد مره اشتهيت شاب !!
اشياء كثيره عيب الواحد يقولها لخطيبته بصراحه انا استنكرت طريقته
بعدهاا تم الزواج طبعا من اول يوم تزوجت ماحسيت اني عروسه يعني لاهدايه منه ولا من اهله لاسفر لاطلعات
لا تلفزيون ولا شي حتى المطاعم مارحت الا قليل

لاحظت عليه الانطوائيه الغير طبيعيه لايروح لاحد لااحد يجيه ماحد يكلمه من اصحابه من يصبح و يمسي نفس مكانه ومايغيره الا اذا بيدخل لمجلس الرجال يدخل طبعا هذا المجلس محرم علي ادخله دايم مقفل و مفتاح المجلس معه واللي لاحظته بعد انه انسان احيانا مايعرف ينام ابدا يعني يمكن ماتصدقوني بس مايعرف ينام واذا نام يعني ساعه و اقل احيانا وممكن ينام اكثر بس في الاغلب ماينااام
الاهم من هذا كله كل ماطلعت لأهلي يقولي لاترجعين للبيت طيب ليه مادري؟ ويحلفني بالله وبالقران حاول كذا مره انه اذا طلعت لاهلي ياخذ المفتاح باخر خلاف بيني وبينه اخذه وقال اساسا ماله داعي يكون عندك مفتاح لشقه وانا ماعطيتك المفتاح الا علشان تحطين اغراضك بس وسحب المفتاح مني
وكل مارجعت من بيت اهلي يقولي انتي متغيره مع العلم اكون توني طالعه من البيت وراكبه السياره امداك تلاحظ اني متغيره !!! وممنوع علي صديقاتي و جمعات البنات و الطلعات مع بنات عمي وخالتي
بعدها طلعلي بحكايه جديده انا بتزوج عليك واي خلاف بينا يهدد بالطلاق وعلى الطالعه والنازله يقول بيتزوج وبضربك ومن هالتهديدات
بصراحه انا تصرفت تصرف عقلاني وماارد عليه ولا الاقي له بالي لانه اعرف يبي هواش وصراخ علشان يلاقي عذر ضدي
بعدها لما شاف معي جوالين كوني موظفه واحد لعملي وواحد لي ولاهلي زعل وكبرها وقال ماله سنع يكون عندك اثنين و انتي على ايش شايفه نفسك بارغم انو عنده جوالين وتجيه ازعاجات ورسايل من معجبات و تعارف هو بنفسه موريني المسجات وارقام بنات يقولي انهم يزعجونه البنات
طبعا لاي خلاف يصير بينا على طول يروح لاهلي من دون حتى مايبلغني يقولهم بنتكم فيها وما فيها
وكلام كثير يقوله على لساني من بين الكلام قال اني انا قلت له ابي اطلع واروح على كيفي وراح يشتكي لابوي اني حذفته من البلاك بيري طبعا ماحذفته الا لما طلعت من بيتي لبيت اهلي بسبب خلاف الجوال

وربي البيت اني لاقلت له ولا جبت طاري طلعه وروحه على كيفي ابدا احسه فعلا انسان مريض واللي خلاني ابصم بالعشره انه مريض الانطوايئه و التلعثم بالكلام و مايفهم بشكل واضح دايم محبط ونظريته للحياه تشائميه ولاهم انه مايحافظ على صلاته يعني ياخر صلاته عادي بس مو معناته مايصلي هو يصلي بس مايصلي بالمسجد و ياخر يعني عادي عنده العصر مع المغرب والمغرب مع العشاء
عادي جدا عندة ياذن العصر ويروح ينام و اذا صحى للمغرب راح تفرج على مسلسلات المغرب وبعدين يصلي وطبعا نصحته وبينت له حكم اللي ياخر صلاته عمدا حكمه حكم التارك ومااخفيكم انه يحاول يجرني معه بتاخير الصلاه
بانو مره كنا بجمع تجاري واذن المغرب وقلت له يلاه نصلي قل لانصلي بالبيت قلت له المغرب تفوت على طول ورفض وقال من قالك انها تفوت مافي صلاه تفوت !!
للاسف ذاك اليوم ماصليت المغرب الا مع العشاء حسبي الله ونعم الوكل وفي مواقف ثانيه يحاول يجرني معه لتاخير الصلاه
الله يسعدكم ويفرج همكم افيدوني مع هالزوج احسه ملاني مني ويدور اي عذر ضدي

السلام عليك ورحمة الله وبركاته
بارك الله فيك لتعاملك مع زوجك بتعقل وحرصك على حل هذة المشكلة
أختي أظن كل ما ذكرتي عن زوجك وتخبطه وشكوكه بسبب هذة العادة السرية ..والحل يكمن به شخصيا لو يتوب
عن هذة العادة ويرجع الى ربه لتبدل حاله وانتهت جميع الوساوس والمشاكل ...
أختي في الله حاولي بقدر المستطاع أن تصرفيه عن هذا الشي أولا خليك دائما متزينة له ولبسي له أحسن الثياب وظهري إهتمامك به ...وبعدها إذا تقدري تتحاوري معه بهدوء وياخذ ويعطي معاك وتطو صفحت الماضي وتبني له إنك تحبينه وإنه أغلى شي في حياتك وتريدين سعادته ....وإذا تعاطى معاك وفيه تحسن عليك نصحه بالتدرج وتبيني له أضرار هذة العادة والذنوب بشكل عام ويبدا يحافظ على الصلاة إن شاء الله بعدها يشعر بالراحة والثقة بالنفس ويصير إنسان آخر
أختي عليك بالصبر والدعاء وربي يكون في عونك وييسر أمرك ويصلح لك زوجك

المشاركة الأصلية كتبت بواسطة @المتفائل@ السلام عليك ورحمة الله وبركاته بارك الله فيك لتعاملك مع زوجك بتعقل وحرصك على حل هذة المشكلة أختي أظن كل ما ذكرتي عن زوجك وتخبطه وشكوكه بسبب هذة العادة السرية ..والحل يكمن به شخصيا لو يتوب عن هذة العادة ويرجع الى ربه لتبدل حاله وانتهت جميع الوساوس والمشاكل ... أختي في الله حاولي بقدر المستطاع أن تصرفيه عن هذا الشي أولا خليك دائما متزينة له ولبسي له أحسن الثياب وظهري إهتمامك به ...وبعدها إذا تقدري تتحاوري معه بهدوء وياخذ ويعطي معاك وتطو صفحت الماضي وتبني له إنك تحبينه وإنه أغلى شي في حياتك وتريدين سعادته ....وإذا تعاطى معاك وفيه تحسن عليك نصحه بالتدرج وتبيني له أضرار هذة العادة والذنوب بشكل عام ويبدا يحافظ على الصلاة إن شاء الله بعدها يشعر بالراحة والثقة بالنفس ويصير إنسان آخر أختي عليك بالصبر والدعاء وربي يكون في عونك وييسر أمرك ويصلح لك زوجك

المشاركة الأصلية كتبت بواسطة ليه الغرور؟ لا ياعزيزتي زوجك مو مريض نفسي ولاشي ونفسيته من احسن مايكون.المساله مو مسألة مرض ونفسيه ,,,لا,,,المسأله مسألة اخلاق يااختي.والمفروض مانربط الاخلاق بالنفسيه....زوجك عديم الاخلاق ماعنده ضمير ولايخاف من الله ولاعنده دين يردعه عن افكاره وتصرفاته وخرابيطه. زوجك لانه هو عنده عنده بلاوي وخرابيط على باله حتى انتي مثله,, طبعاكلن يشوف بعين طبعه,,,.المريض النفسي مايوري زوجته مسجات بنات ويسكر باب الغرفه ويمنعها تدخلها..والمريض مايساال زوجته اسئله وصخه.. هذا انتوا يالبنات. والله اني أحزن عليكم..تكتشفون العيوب من ايام الملكه ولا تهتمون ولاتعطونها بال وتعتبرونها مميزات...مدري ليه تتهاون يمكن عشان تبون تلبسون الفستان الابيض والطرحه وتحسبون الزواج لبس ووناسه...ماتدرون ان الرجال مستحيل يتغير ومستحيل تتبدل عيوبه الي في فترة الملكه الى حسنات بعد الزواج ومستحيل تتغير افكاره..يحط عليك قوانين ويحرمك من اتفه الامور من ايام الملكه وكنتي عارفه وراضيه ..يسألك اسئله وصخه وتافهه وانتي تسمعين له ماجا في بالك انه اسئلته هذي لانه انسان وصخ ومو كفو زواج ولايصلح زوج لك.... غير كذاكان ناوي يطلق عشان عبايه وسيطرتي انتي على الوضع وهديتيه بدل ماتقولين هذا الرجال ماله امان الحين بيطلق عشان عبايه معناه ممكن في اي وقت يرميني حتى لو معي درزن عيال...وبعد ماصار الزواج ورحتي بيته وعشتي معه ماتحملتيه و نفذ صبرك طيب الحين وش الحل؟؟؟ والمجلس هذا ماحاولتي تعرفين وش فيه وش مخبي فيه..طيب جيبي احد من اهلك واقتحموا هذا المجلس شوفي وش فيه..يااختي احسك مرررره بارده يشك فيك ويهددك واخذه الموضوع ببساطه لدرجة يوريك مسجات البنات وصدقتي انهم يزعجونه يعني زوجك برئ وهم الي مزعجينه سبحان الله... والمصيبه والادهى انه متهاون بالصلاه وانتي مستهينه وتقولين هو يصلي بس ياخرها وانتي عارفه ان الصلاه في غير وقتها ماتقبل ,,,زوجك من المتهاونين بالصلاه يعني مصيبته اعظم من الي مايصلي بتاتا...وعقابه أشد ...بدليل قال الله تعالى...<ويل للمصلين الذين هم عن صلاتهم ساهون> ,,ساهون معناها متهاونون. اختي انصحك تأجلين الحمل والانجاب..واستخدمي مانع مضمون لان زوجك صراحه ماله أمان ومايصلح يكون أب..وش اقول بس...الله لايبلانا