السلاااااام
شخباركم يا طباخات المنتدى

بالصراحه انا طالبه مساعدتكم لإني قربت استجن
كل مره امنّي زوجي اني بسوي له بسبوسه و بعدين تطلع فااااااشوووش و امس قلت بسوي الجبنيه اللي حقة ماء القمر و كنت متحمسه لكن زي البسبوسه صارت تسبح في الزيت
ليييييييييييييش اكثر من اربع مرات اسوي و يصير الزيت واااااايد مع اني اسوي نفس المقادير بالضبط و ما اعجنها بإيدي علشان اخاف ما تضبط لالا اعجنها بالعجانه لكن بعد مافي فايده
كأنها تتقلي في الفرن مو تستوي

انا عادةً اقسم المقدار للنص علشان انا و زوجي بس و اسويه في صينيه صغيره و اقسمه بالضبط باكواب المقادير اللي عندي يعني مو من تقديري


شوفووووووووووا لي حل كل مره اتفشل مع زوجي


انتظركم

تحياتي

انا عملتها اول امبارح بمقادير اختنا الامير الله يجزاها خير
هذا ارابط الوصفة
http://www.66n.com/forums/showthread...D3%C8%E6%D3%C9
بس شو طـلعت طيبة
حطي كل المقادير من طيبتها ما يضل شئ

وكمان مو محرزة عجانة مشان بسبوسة اعجنيها بدياتك الله يسلمهن

أم وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

وعليكم السلام

لا تعصبين ههههه ان شاء الله يارب تضبط معاكِ يالغلا

البسبوسه اللذيذه والسهلة جربيها هنا اضعطي ؟

الله يعطيك العافيه ام وليد
بس أنا بالصراحه اعتزلت التجاااااارب ما ابي اخااااف يطلع نفس كل مره وانا استخدم العجانه لإني ما اعرف اعجن اصلاً و علشان بعد لا يكون في منفذ للفشل بس مافي فايده

حبيبتي متعابه مشكوره على تواجدك
بس نفس اللي قلته من شوي اخاف من الفشل كالعاده
انا بس ابي اعرف شنو الحل لهذي المشكله ليش دايماً تكون مليانه زيييييييت ..!!!!!!

كل البسبوسات اللي عملتها اللي كتبوها كاتبين ان المقادير مضبوطه و شكلها حلو بس عندي مافي امل تضبط




تحياتي

اقتباس:

حبيبتي متعابه مشكوره على تواجدك بس نفس اللي قلته من شوي اخاف من الفشل كالعاده انا بس ابي اعرف شنو الحل لهذي المشكله ليش دايماً تكون مليانه زيييييييت ..!!!!!! كل البسبوسات اللي عملتها اللي كتبوها كاتبين ان المقادير مضبوطه و شكلها حلو بس عندي مافي امل تضبط

يا عمري الخوف من الفشل هو الي بيخليك ما تضبطين الطبخ
وصدقيني مره ومرتين وثلاث وعشره إلخ لين يضبط معك الشغل واتبعي المقادير الدقيقة في جميع طبخك
وبنسبه للبسبوسه تعجن باليد وبنفس المقادير وجربي ان شاء الله تضبط معاكِ وحتى لو فشلت حاول مرات اخرى والله معاك ِ

ماما تقول انو الكيك والعجاين ماينفع الا انو تاخذين المقدار كامل مدري ليش تقول اذا قسمتيه نص مايضبط

احتمال من طريقة العجن

او من نوعية الزيت

بالبسبوسة والكيك المفترض تعجني او تخفقي من جهة واحدة

وكذلك من حرارة الفرن


اش هو نوعية الزيت اللي تستخدميه

لانه غريبة تسيح الجبنية بالزيت ؟؟

حبيبتي متابعه تسلمين لي يالغاليه
ان شاء الله بجرب و امري لله و اذا ما طلعت اوكيه يا وييييييلك
امزح ترى بس اختك ما تحب الفشل
مشكوره حبيبتي

اختي sosi-h شكله كلام امك صح لإني مره جربت قسمت الكيك الجاهز بتاع بيتي كويكر ما طلعت اوكيه
بس اذا مارح اقسم المقدار راح يطلع كثثثثثثير و انا زوجي ما يحب يكرر الحلى اكثر من يوم و مافي الا انا و هو و البسبوسه ما شاء الله ثقيله يعني بسرعه الواحد يشبع منها
شكلي بنتظر لين اعزم احد او نروح عزيمه و بجربها بالمقدار الكامل و يارب تطلع مضبوطه
تسلمين لي انتي و امك ياقلبي

اختي خواطر إمرأه انا عارفه هالشيء و اشغل العجانه وهي تعجن لحالها يعني هي تدور على جهه وحده
واشغل الفرن على الحراره المتوسطه اللي اسوي فيها كل الكيكات و لا يصير فيهم شيء 350 فيهرنهايت
اما بالنسبه لنوعية الزيت فأنا جربت اكثر من نوعيه ولا في فايده
لكن هالمره عملت الجبنيه بزيت مازولا
مشكوره عمري

مقادير مجربة و ناجحة على مدار سنوات بفضل الله


2 كوب سميد
نصف كوب سكر
نصف كوب زيت
1 كوب حليب بودرة
1 علبة قشطة
ملعقة صغيرة هرمية بكنج بودر
فانيليا


تخلط المواد الجافة معا ثم تضاف السوائل

تفرد في الصينية و تقطع قبل الخبز

تخبز في فرن حار على رف مرتفع حتى النضج

و يحمر الوجهـ

تسقى بالشيرة ( القطر ) الباردة

نسألكم الدعاء

طيب يصير اقسم المقدار والا ممنوع ؟؟

مشكوووره حبيبتي ان شاء الله اجربها اليوم و تطلع اوكيه


الا صحيح بنات عندي سؤال ..!!
فيه طريقه بسبوسه ذقتها مره بالصراحه تجنن بس ما اخذت مقاديرها لكن اللي متأكده منه انها فيها بسكوت و قشطه ممكن اذا ما عليكم كلافه و تعرفون الطريقه تكتبون لي اياها


مشكوووووووووووورين مقدماً