بسم الله الرحمن الرحيم

((زوجي يطردني من منزلي بعد خلافاتنا ))
بدخل بالموضوع على طول واتمنى الكل يساعدني ب إبداء رأيه
وياليت تفيدوني وتنصحوني ..

أنا متزوجه من خمس سنوات والحين دخلت السنه السادسه وباختصار
صارت معاي مشكله صغيره ف بداية زواجنا ووكانت هالمشكله السبب
في انه الشك يدخل قلبه رغم برائتي وربي وحده عالم وشاهد ..
بس بعدها عدت على خير وعشنا حياة طبيعيه فيها شوية مشاكل
مثل اي زوجين ..

بس الفتره الاخيره لاحظت انه كل ماصارت بينا هوشه ومشاداة بالكلام
على طول يقول يلا شيلي ملابسك وبيت اهلك ومايعطيني اي فرصه ادافع
عن نفسي ..
واروح لاهلي واجلس اسبوع اسبوعين مرات شهر ويكون مطنش الين ابادر أنا
برساله احاول اصلح الامور واحنن قلبه شوي وكانت هالطريقه احيان تصبط
واحيان لا ..

وكل مره على هالموال ،، اخر مره صارت بينا مشكله كبيره وتركني عند اهلي
3 شهور أنا وبنتي عمرها سنتين وكنت حامل وماكان يسأل ولا يصرف
ولا شيء واهلو لما جاهم خبر صراحه وقفوا معاي واتفاهموا معاه وجاء
ورجعني رغم أي ماكنت أبي ارجع له على طول بس قلت يلا ما يخالف
عشان بنتي وعشاني كنت حامل مابي اصير حمل ثقيل على اهلي

بعدما رجعت حسيت انه تغير شوي للأحسن وصار يعاملني افضل من قبل
وانا بعد تغيرت وغيرت من نفسي واسلوبي وطريقتي وكان كل واحد فينا
يحاول يرضي الثاني عشان نتجنب المشاكل ..

بس للأسف قبل اسبوع صارت بينا مشكله وراح اقولها لكم ب التفصيل
عشان احطكم ف الصوره وعلى اثرها تعطوني نصايحكم وارائكم...

زوجي كان جالس على جواله وانا كنت ف الغرفه انيم بنتي الصغيره
وبنتي الكبيره اللي عمرها سنتين كانت تلعب ف جوالي قبل لا تنام
وتفتح طيور الجنه .. المهم سمعت صوته يناديني قلت وش فيه
قال ليه ما يطلع عندي اخر ظهور لك قلت مدري يمكن الشبكه
او معلق ولا شيء .
قال هاتي جوالك اشوف اعطيته الجوال وجلس يفتش وكذا وولما جاء
يرسل ب الواتس من جوالي ل جواله طلع له حظر ..
قال ليه مسويتلي حظر ،، قلت مدري يمكن ب الغلط او يمكن
البنت لما كانت تلعب ف جوالي لانها احيانا تدخل ع الواتس وتقعد
تخربط ..
قال لا تحطينها ف راس البنت .. انتي سويتي كذا عشان
ما اشوف متى تدخلي ومتى تطلعي في الواتس ..
قلت لا والله مو كذا وليه اعطيك حظر اصلا ..
قال لا تبررين انتي وحده مالها امان ومدري ايش
وحركات اللف والدوران هذي ماتمشي علي ان شاءالله
لو كانت امي .. قلت ياابن الناس عيب عليك مسرع حكمت
علي من راسك والله ماسويت شيء الحظر يمكن بالغلط
ولا دريت عنه ،،
قال يلا الحين شيلي اغراضك وملابسك وروحي بيت اهلك
أنا انصدمت صراحه .. مأتوقعت عشان هالمشكله يطردني
من البيت. ..
حاولت معاه بس مافيه فايده وكأنه ماصدق لقاها فرصه عشان
يطردني ،،
لانه قال لي كلام جرحني حيل .. قال انتي وانتي وانا اصلا بتزوج
وان شاءالله ماعاد لك رجعه ل هالبيت وطز فيكي وف بناتك
ماتهموني و و و ..
وقال الحين الحين دقي على احد من اهلك يجي ياخذك والله ماتنامي
هالليله ف بيتي ،،
أنا صراحه انقهرت وقلت له حسبي الله ونعم الوكيل فيك ودقيت على ابوي
وجاء اخذني من البيت وحلف ماعاد يرجعني له الا بشروط قويه ..

هذا كل اللي صار والحين لي اسبوع عند اهلي ..
وحبيت اضيف نقطه :
يمكن تقولون هو قال هالكلام ف لحظة غضب او كان معصب ولا شيء
بس احب اقول لكم بالعكس كان يكلمني بكل برود
وبكل هدوء ولما كنت الم اغراضي ف الشنطه جلس يلعب مع البنات
ويضحك معاهم ولا همه شيء ،،

وهذي مو اول مره يطردني من البيت ..
بس المره هذي حسيتها قويه ف حقي وعاهدت نفسي
اطنشه واعيش حياتي ولا عاد ارسل له مثل كل مره واذل
نفسي واترجاه يرجعني ،،
ف ياليت تفيدوني ي جماعه لان اعصابي تعبانه
أنا كنت متزوجه من قبل وهو بعد كان متزوج وطلق.
ومعاه ولد ،، والحين أنا بين نارين
ما ابي اتطلق للمره الثانيه والله صعبه علي
وصعبه اكثر عشان بناتي الصغار ،،
وكمان حسيت من كلامه انه خلاص يبي ينهي كل
شيء بينا رغم أني قبل لا اطلع من بيتي قلت له
رجاء طلقني لحد هنا وخلاص ماابي افرض نفسي
عليك اكثر من كذا قال ابشري ولا يهمك قلت لا ابي
الحين تطلق عشان اطلع من عندك وانا مقتنعه ان اللي
بينا خلاص انتهى ،، قال طيب اصبري انتي الحين روحي
لاهلك وبتشوفي ..


هذا كل اللي صار ،،
شورو علي ،،. ارجوكم
أنا عمري 27 وهو 35

((تم التعديل ليتناسب مع المضمون))

وعليكم السلام ورحمة الله وبركاته ..
مرحباً أختي الكريمة ..
لاحول ولا قوة إلا بالله ..
الحمدلله بأن الوالد يعلم وضعكِ كله ولن تعودي إليه إلا بشروط ..أرى هذا الأفضل لحالتكِ ..
للأسف زوجكِ من النوع الذي يشك جداً هداه !
هل كان من بداية الزواج وهل صار له أمراً جعله يكون بهذا الأسلوب وهو الشك بكِ ؟!
جبر الله قلبكِ بكل ماتُحبين ..

بصراحه الغلط غلطش ليش سكتي له من البدايه وخليتي الشك يتمكن منه لانش مطلقه وخير ياطير بعد هو مطلق وما خاف من الطلاق انتي دسيتي راسش في التراب مثل النعامه خوفا من الطلاق حتى قريت موضوع لعضو في المنتدى ان بيتزوج مطلقه لان عينها مكسوره ومستسلمه وبعدين بالعقل ليه بتحضرينه عشان يشك فيش اكثر ويحاسبش وانتي تتجنبين المشاكل وليش طلعتي من بيتش استغرب من الحريم لمى زوجها يقول لمي اغراضش على طول تصير مطيعه وتلم اغراضها هاذا بيتش مثل ماهو بيته وبعد يبي يشرط يمكن يمنع عنش الموبايل والنت ويحبسش في البيت والسبب كله من سكوتش على شكوكه الي ما اخمدتيها في مهدها نار شكه كبرت طالته وبطولش انتي وعيالش زوجش للاسف شعر بضعفش وخوفش من تكرار مسالة الطلاق خليش قويه وعلميه درس ماينساه وانتي الي لازم تحط شروط ورضوه بعد خل يتادب ست سنين زواج وبعده يشك لسبب مثل ما قلتي بسيط خل ييوز عن امراضه ولا يتعالج

سر الحياه كان شكاك بزياده ف بداية حياتنا الزوجيه
وانا حاولت بشتى الطرق ابعد هالشك من قلبه
والحمدلله ربي وفقني لاني واثقه ومتأكده أني
ماسويت شيء وهو بنفسه بعد حس بهالشي ..

اختي كوكي ..
أنا ماعمري بينت له أني خايفه من الطلاق بس اسلوبي
معاه ف كل مشكله تصير أني اسكت وقت مايتكلم ويغلط
عليه ولا ارد عليه واطنشه لأن هذا اسلوبي عشان اتجنب
تكبر السالفه لانه انسان عنيد ،،
وكان عدة مرات يجي هو لعندي ويعتذر هذا طبعا لما نتزاعل
ف البيت بدون طرد
بس لما يطردني وأقول له هذا بيتي وماراح اطلع منه وكذا
يهدد ويتوعد ويحلف ايمان مااجلس ف بيته ولا انام لدرجة
احس كرامتي ف الأرض عشان كذا اطلع ..

هو نظامه إذا تزاعلنا وماصار طرد يجي يعتذر مني بطريقه
غير مباشره
بس إذا طردني يخليني عند اهلي ب شهر شهرين
وماعاد يسأل ولا يصرف ..

والحين ماابي يتكرر نفس الموال اللي صار قبل
5 شهور لما طردني وتركني 3 شهور مادرى عني

ابي تنصحوني ايش اسوي هالفتره.
الانتظار يوجع .. يعني مدام مستغني عني
وماعاد يبغاني ف حياته ليه مايطلق وخلاص

يمكن زوجش يحب يكسر الروتين بالبعد عنش وبعده يرجع العاشق الولهان خليه يصرف عن عياله وما يتناسى واجباته انا مثل ما قلتش اطلبي رضوه واشرطي شروط اذا يبي يزعل هو يترك البيت

كوكي هو الفتره الاخيره صارت عليه ضغوطات ف العمل
وبنفس الوقت فتح له مشروع صغير وشارف ع الانتهاء
بس بقت له شغله صغيره ماتوفق فيها للحين وصار يرجع
البيت ويجلس يحسب ع الورق راقام وحسابات وخساير
وطول الوقت يفكر ..
وصرت لما اطلبه اغراض للبيت او للبنات يقول طلبات طلبات
فلوس فلوس .. رغم انها شغلات ضروريه
ف قلت يمكن كل هذي الضغوطات خلته على قولتك يكسر
الروتين بالبعد ..
بس أنا وش ذنبي

ما يطلق لأنه هو نفسه مو عارف شو بدو

متصور أنه راح يتكرر سيناريو كل مرة وبتكلميه وترجعي لحالك

أتركيه الى أن يجي بنفسه وابوك يفرض عليه شروطكم .

__________________

كنت اتمنى تفاعل ونصائح اكثر لمشكلتي بس . . .
الحمدلله على كل حال

انتي غلطتي انك طلعتي من بيتك

حتا لث طردك خلص هو حر يخبص شث ما بدو هادا بيتك و ازا مو حابب يتواجد معك بنفس المان يصطفل يطلع وين ما بدو

بما انو ما بدك الطلاق فاختصارا للوقت و حرق الاعصاب

رجعي ع بيتك و عيشي كانو هو مو موجود بحياتك

احسن ما تضلي عند اهلك و انتي مو حابة تطلقي

قولي لاهلك انو زوجك مريض و اتصل يترجاكي ترجعي يعني شي انو تبيني لاهلك انو هو حاببك ترجعي بس في ظروف بتمنعو من انو يجي ياخدك

سهر الشام زوجي مو من النوع اللي ممكن يتقبل مني هالحركه ..
خصوصا انه أخذ مني مفاتيح البيت وماخلاني اخذ كروت التطعيم
حق بناتي ،،
بنتي الصغيره عمرها 4 شهور وعندها تطعيمة هالشهر
البارح خليت ابوي يتصل عليه وطلب منه يجيب كرت التطعيم
قال ان شاءالله بس ماجابه ولا شيء ..
هو من النوع اللي يحب يقرر كل شيء بمزاجه وبالوقت اللي يحب
هو .. مايعجبه اي احد يفرض عليه شيء او يعطيه اوامر
انسان مزاجي وصارم ..