السلام عليكم ورحمة الله وبركاته


اخوتي الكرام قريبا سأنضم لقسم المطـلقات بعد أيام سيتم الطلاق وابدأ حياتي الجديدة وبإذن الله سأكون

سعيدة ومرتاحة ولا اتحسر على اي يوم عشته خلال التسعة سنوات التي مضت


اتمنى ان تسمحو لي بكتابة قصتي لأني احتاج افضفض واريح صدري من اللي فيه


تزوجت قبل تسع سنوات وكان عمري في بداية ال19 من ابن عمي ....طبعا في ايام الخطوبة طلبو مني ان

اذهب معه لمنطقة اخرى بسبب عمله وانا رفضت لأني بكمل دراستي الجامعية هنا

طلب خطيبي انه يكلمني بنفسه ووافق بابا وكلمته سألني ليش مااروح وقلت له دراستي وانت مقدم نقل

يمكن تنقل في اي وقت وتفاهمنا وقال موافق اني اكمل هنا واتفق انه يستأجر في عمارة بابا عشان اكون

قريبة منهم في ايام غيابه .

تزوجنا والحمدلله وبعد يوم بدأت ابكي من غير شعور واصرخ في نومي ومن شدة الضيق والبكى اقطع

ملابسي اللي لابستها وقمصاني ولم يستطيع زوجي الدخول علية

قال ننتظر ومع الايام بيتم كل شي بس لاحظت عليه امور غريبة ...اوقات يرن الجوال ومايرد ويطلع برا في

الشارع او في السيارة ويكلم لمدة ساعة وانا اشوفو من شباك المجلس ومستغربة

سألته تكلم مين قال هذا صاحبي عندو مشكلة اهله مزوجينه غصب عنه وهو يحب وحدة ثانية ويبغاني احل

مشكلته قلتله ليش ماتكلمه في البيت قال محلفني مااحد يدري عشان كدا اكلم برا

هذا غباء مني طبعا شكله هو المقصود..................

بعد التعب اللي صار لي اخذني لشيخ وقرأ علية واعطانا موية زمزم نرشها بغرفة نومنا واغتسل بها وطلب

مني اقرأ سورة البقرة يوميا وبدأت والحمد لله تم الدخول ولكن مو كامل

حملت على طول والدخول ماتم كامل وابتعدنا عن بعض بسبب التهديد بالاجهاض وكنت اخذ ابر تثبيت

حتى الشهر الثامن وتمت الولادة وربي رزقنا بأول طفل .....حتى بعد الولادة مستمرة تلك الاحلام

الثعابين تجري وراية والصراخ واشوف احد بيهجم علية وكدا ونفس الشي كنت اخاف من الجماع ولم يتم

الدخول وبعد فترة خرجت معاه بالسيارة وفتحت الدرج بأخذ مناديل ووجدت ورقة اللي مكتوب فيها كلام من

وحدة تبغاه تصالحه مع حبيبها وتشتكي منو ....وواجهته قال هادي مو مني وبعدها قال هادي موجودة

في السيارة من قبل مااتزوجك.....قلت لنا 3 سنوات تقريبا وسيارتك اشتريتها واحنا مملكين هل كنت

تسوي هالحركات ومازلت مستمر عليها ؟؟ واتخاصمنا وبعدها اعتذر وقال هادي ماضي انسيه ونسيت


مرضت بعدها وشدت علية الضيقة والوجع لدرجة دخلت المستشفيات ومافي اي مرض ولله الحمد عملت

تحاليل واشعات وكلها سليمة وبدأت رحلتي مع الشيوخ وبدأت تظهر علية اعراض اكثر وصداع والالام

وصعوبة في الجماع والسبب يا حسد يا سحر بينكم انتي وزوجك

جلست فترة اتعالج وسبحان الله مع العلاج والقران تم الجماع بينا كامل وحياتنا بدأت تتحسن اللهم لك

الحمد والشكر وزوجي ربي هداه والتزم وصار من اهل المساجد والمحاضرات ...

لكن زوجي ماترك الخيانات ولا ترك المواقع الاباحية ...مازال يتابعها وانا كنت اتخاصم معاه بسببها وكنت

الوم نفسي لاني مااشبعته من يوم تزوجنا ... تكلمت معاه وقلت كيف حياتنا الان قال الحمدلله مرة مبسوط

قلت وليش مازلت تتفرج في النت هالصور والاشياء قال ادعيلي اتركها

قلتله من يوم تزوجنا وانت تشوفها وتتفرجها وتخوني اكثر من مرة وحاولت تتزوج علية وانا سكت لأني حسيت

انك محتاج هالشي .....الان مالك عذر ......هل تلومني على اللي صار في بداية زواجنا ؟؟؟؟

جاوبني لا ماالومك احنا ما كنا نعرف انه بسبب الحسد او السحر وانتي ماكان بيدك شي وماقصرتي معاية


المهم ....نسيت اذكر لكم اننا من يوم تزوجنا وهو مقصر ماديا معاية ومصروف ما يعطيني

لازم اتشحد واترجى حتى يرمي اللي يقدر عليه...وكنت ماالومه طبعا يمكن متضايق من الحياة هادي







الان احنا لنا اكثر من خمس سنوات مرتاحين واحاول اسعده واريحه واعوضه عن ايامنا اللي راحت ومازال

مسلسل الخيانات مستمر رغم التزامه وتدينه ومسكه لإمامة المساجد .......

سامحت وسامحت وربي يكشفه لي ....حسيت انه مايحبني ولا لي في قلبه معزة بس صبرت وادعي

ليل نهار يارب تهديه ... جواله دايما تجيه رسايل ويمسحها ( اتوقع الكل بيقول انتي تفتشي وراه واقولكم

افتش لأني مو واثقة فيه )

كم مرة خان وكم مرة يغلط بحقي لدرجة كان يكلم وحدة عالمسن ودخلت عليه ولقيته كاتبلها انا مااتأكدت

من زوجتي هي بنت ولا لا وماشفت اي دم,,,,,,,حطيت يدي على راسي وصار يبكي ويترجاني اسامحه

ويسلم على رجولي سامحيني ولا تتركيني انا غلطت انا انا وجلست ايام مااتكلم معاه لحد ما رجعت امورنا

تتحسن



خلصنا من خياناته جاني موضوع اخته اللي مو شقيقته تدخل بيتي وانا مو موجودة ولما اكون فيه يجلسوا

جنب بعض ويتحضنو بعض ومرة طردتهم بسبب هالاسلوب

يقول اختي مسكينة عشانها ماتعرفنا لها سنيني بعيدة مع امها بحاول اصلحها واهديها بس باسلوب غلط

يجيبها بيتي وانا مو موجودة وان كنت موجودة يقولي يلا انزلي تحت عند اهلك اختي بتكلمني بموضوع

خاص فيها ................ وصلت مشاكلنا بسببها للطلاق بسبب اخته وامها

وتركت البيت ورحت لاهلي وجا واعتذر وقال خلاص انا غلطت وانا اسف ووعدني قدام بابا وعمي انه يعامل

اخته زيها زي باقي اخواته ويترك الخرجات معاها والسهر حتى مطاعم وكوفيهات يقول مااروح اغاني

واشكال الله لايوريك.....واخته كان يوديها كل مكان


وحتى بعد وعده لي رجع يكلم اخته وتركته بس رجع نفس الاسلوب والسهر واخر شي تتصل امها تعطيني

كلام يسم البدن وابعدي زوجك عني ....قلتلها انتي امسكي بنتك واتصلت في زوجي واتخاصمت معاه

وكمان رجع يعتذر ويتأسف ويوعدني براحة البال


اطلبه مصروف زيادة ....يقولي على حسب شغلك الليلة اذا عجبني زدتك واذا مو تمام مافي

صرت ابتعد ويحاول فيني واقوله مو انا اللي اجيك عشان فلوس ولا تقربني ابدا .....

كرهني في هالعلاقة ....بسبب هالاشياء اللي يقولها وبسبب انه يتفرج في النت على المواقع الاباحية

وبعدها يجيني ....رغم اني اقسم بالله جميلة ومو ناقصني شي واعمله كل شي يحبه ويبسطه

ادخل منتديات واتعلم عشانه واحاول اسعده وانفذ له كل طلباته لكن مو شايفني انا زوجته للاسف



اخرها قبل سنتين تقريبا كشفته يكلم وحدة وتطلع صديقته اللي يعرفها قبل زواجنا ...واكتشفت انه يكلمها

من زمان وعارفة عني كل شي وعارفة اسمي وعارفة اولادي وكل حياتي

كنت حامل بولدي الاخير بكيت وانقهرت وتعبت ومسكني وقال اخر مرة سامحيني اطلبك سامحيني

واستري علية يابنت عمي وربي لا اولع اصابعي شموع عشانك بس سامحيني

وسامحت .....مو غباء ولا ضعف ....بس قلبي طيب واحب اسامح


بدأ يتحسن فترة لكن جوالاته مازالت رسايل وتتمسح وانا غصب عني اشك

لأن صحبته هذيك هددتني وقالت ماراح اسيبه انا وهو نحب بعض من زمان وماراح اتركه لك

لقيت صورة لها في جهازه وارقامها ....ووصلت يوديلها صابون يجيبه من سفرياته لبلد عربي لحد بيتها

يالله قلتله وانت بهالثوب وبهاللحية وصلت فيك تقابلها ....قال ما قابلتها قلت ماتفرق


كل سنة يسافر مع اصحابه .....وانا اسكت ...يتركني وانا نفاس ويسافر وينقص علية وكان بابا يكملني

ويقول معليش ادعيله ربي يهديه


احس مو مرتاحة معاه ومو حاسة بأمان ....لما اشوفه يرسل رسايل ويمسح اقوله ليش تمسحها

يقولي روحي انتي مريضة نفسيا روحي اتعالجي .....مرضي كان بسببك يازوجي


قبل فترة باع بابا البيت وطبعا زوجي ما كان يدفع ايجار له ابدا......ساعده في بناء البيت اللي باعه باخذ

قرض من البنك وطلب من بابا انه هو يدفع الفوائد من نفس القرض ....يعني هو ما شال الفوائد وهذا شرطه

وجاب لبابا 54 الف وقال يخصمها وماادفع ايجار ....جلسنا بذاك البيت 8 سنوات يعني بالعقل مو كلها اندفع

ايجارها ...زبس بابا كان يتغاضى وما يطلب ويقولي اهم شي انه يسعدك هاذا يكفيني


طبعا بعنا البيت وزوجي ماقدر يستأجر بيت لحالنا ....وبابا كان يدور بيت مؤقت لأنه بيبني بيته الجديد

هذا الكلام قبل 5 شهور تقريبا

قالي نسكن عند اهله قلتله صعب بنفس البيت اخوانك كلهم موجودين وماراح اخذ راحتي ولما رحت لأهله

زيارة كلمت عمتي (امه) وقالتلي والله يابنتي ماراح ترتاحي الاولاد طالعين نازلين واحنا الدور اللي فوق

بنصلحه عشان نزوج اخوه .............ظوهو سامع وعرف وقرر نسكن مع اهلي


سكنا في بيت واحد مع اهلي وماحسيت بالراحة مو متعودة ...مااقدر البس ولا اقدر اسوي شي وحمام

مشترك ومن اول شهر جيته وقلت روح استأجر بيت هي سنة وبعدها بابا مخلص بيته ومسويلنا شقة

قال ماعندي قلتله ادخل جمعية ....قال انتي عارفتني ماادخل جمعيات ولا احبها

وبعد فترة دخل جمعية ب20 الف وقلتله خلاص ناخذ بيت لوحدنا ونرتاح ....عصب وزعل وقال هادي فلوس

السفر بسافر في الاجازة تحبي تجي معاية الله يحيكي واذا ماتبغي بكيفك

قلت له البيت اولى وانت ماعمرك تدفع ايجار ومقصر بمصاريف ...جات على سنة تحسسنا بقيمتنا وتاخذ

بيت لنا

وطبعا اتخاصمنا وبدأ مشوار الزعل


جاني وقال باخذ مسجد وبيعطوني السكن بلاش ...قلت بلاش ...طيب كيف شكله اهم شي يكون نظيف

وجديد قال نظيف وجديد وما انسكن وهي 3 مساجد بخليكي تشوفيها وانتي تختاري قلت طيب الله

المستعان ...وقال نجلس سنتين نجمع راتب المسجد 1500 وبعدها ننقل شقة عمي وافرش لك البيت

طبعا سنين وانا ماعندي مجلس

بعد فترة جاني وقال خلاص اخترت البيت واتفقت مع الرجال قلتله انت وعدتني اشوفو اول قال خلاص انا

قررت ...قلت مستخدم من قبل قال لا جديد مااحد دخله .....في قرارة نفسي ماانكر زعلت واتنكدت

هذا الادمي ماعمره بيدفع وبيتعب عشاني وعشان اولاده

اتصلت عليه يوم وقلتله بروح اشوف البيت قال طيب واخذني عند الباب تحت وقال هذا البيت ولف ورجعني

قلت بدخل قال بعدين وبعد خصام قال صراحة مستخدم ومعدوم وماراح يعجبك

زعلت كثير وحاولت اعجزه بطلبات كثيرة ويغير حمامات ومطبخ وكان يقولي طيب طيب قلت مادام عندك

ليش ماتاخذ بيت اوسع وارتب وجديد وحاولت واترجيته بس مافي فايدة

وبصراحة انا مو حاسة بأمان منه وخفت يبهذلني بحياتي مادام رضيت بالبلاش

طول عمره بخيل علية ومايسوي شي يفرحني ...زوحتى لما يهديني هدايا وحركات ويعرضها بالمنتديات

كله عشان الناس يمدحوه للاسف مو عشاني

الرجل لما يحب يحب بصدق وبدون خيانات وجرح ويحسس زوجته بقيمتها في حياته

جا بابا وسأله اشفيكي بتنقل قاله ياعم انا اخترت المسجد وبسكن فيه وانا قلت له مو راضية على السكن

ياما وعد واخلف وعوده ولا شاورني في اختيار البيت رغم وعده

المهم تركنا السكن في المسجد واتفاهمنا وكملنا حياتنا عادي

حصلت ذاك اليوم مرسل رسايل ومسحها واتخاصمت معاه ورمى جوالاته الاثنين على الارض وكسرهم

قلتله اذا حياتي مو عاجبتك اطلع منها لاني صبرت بما فيه الكفاية وخرج من البيت ورجع بعد كم ساعة

هدينا ومازالت حركاته ...يتركني في البيت ويجلس عند اهله بالساعات وياليته مع امه ولا ابوه

على النت وبشهادة عمتي قالت ولدي مايقعد معاية غير على النت


كل يوم يطلع من قبل العصر يودي عمتي لأمها بالعناية المركزة ويطلعوا بعد المغرب يعني العشا يكون في

بيت اهله ومايرجع الا الساعة 11 .....وكم مرة اقوله انا طفشت ومحتاجتك ولكن لا حياة لمن تنادي

طولت شغلة ابوية وارضه بسبب مشاكل في البلدية واضطر بابا يأخر البناء وقرر ياخذ شقة كبيرة 7 غرف

عشان عفشهم تبع الفيلا مازال في البيت القديم والمشتري طلب نخليه

صار يدور على شقته وكلم زوجي قاله خذ شقة وانا اساعدك في ايجارها اهم شي ترتاحو انت وزوجتك

قال ماعندي استأجر

لما بابا شافه مايدور قالي يابنتي زوجك شكله مايقدر خلاص انا بستأجر شقتين ومنها احط العفش بشقتكم

وانتي قولي لزوجك اننا اخذينها للعفش عشان ماياخذ في نفسه ويحس انه ثقيل

كلمت زوجي ووافق وبدأنا ندور مع اهلي حتى حصلنا وراح مع ابوية يشوف الشقة وسأله بابا عجبتك ياولدي

قال ايوا حلوة وبسم الله اخذناها




من يوم سكنا واحنا مانشوف بعض 3 ايام انشغلت ارتب البيت وهو على عوايده يطلع قبل العصر ويرجع 11

جانا خبر وفاة زوج خالتي وكان صدمة سبحان الله كأنه جدي وانشغلنا طالعين نازلين مكة جدة

وبعدها رجعت من العزا مريضة وسخونة لمدة 3 ايام وجيته وكلمته انت ليش متغير وتاركني خلينا نغير

هالروتين ونرجع زي زمان ...نطلع سوا ونجدد حياتنا وكان مايرد علية ومطنشني واخر شي قال انا اخر

اهتماماتك ومو مرتاح معاكي قلت صبرك دوبنا استقلينا بيت لوحدنا طنشني وراح

ثاني يوم صحيت الصبح وهو يصرخ على الشغالة ويكلمها وجيته قلت ليش تصرخ اشفيك ومايرد علية

واكلمه انا هنا كلمني الشغالة مو فاهمتك وهذا مطنشني قدامها وانا عصبت وقلت له انت متغير وتصرخ

وماتهتم ولا تجلس ببيتك اذا مو عاجبتك حياتي اتركني وروح اطلع من عندي خلاص

خرج وبعدها ارسل رسالة خلي الشغالة تجهز ملابسي والاولاد نقسم الايام بينا مرات عندك ومرات عندي

طنشته وفي يومها مرض بابا واتنوم بالمستشفى كم يوم وهو جالس معاه وكنت ارسله رسايل شوق وحب

ومايرد ولما اروح ازور بابا كان يطلع زي عوايده وبابا سألني زوجك اشفيه مايتكلم ولا يجلس معاية جالس

بالصالة وانا لحالي قلت ماادري والله وبنفس اليوم رسلي رسالة انا بفكر واستخير بحياتي معاكي

خرج بابا من المستشفى وزوجي رجع البيت وانشغلت اعشي الاولاد ونومتهم وجيت غرفتي ليقته نايم

بعد الساعة 12 صحي من صوت الجوال حقه وخرج للصالة وطلعت وراه وجلست قدامه وقالي انا فكرت

وكلمت امي واختي عن قراري بالإنفصال وبرسل مصروف للاولاد وبطلع لولدنا جوال عشان اكلمهم

وانا سكت وقلت طيب ودخلت غرفتي وبعدين خرجت لقيته ماسك الجوال بيتصل وقلتله تتصل في مين ذا

الوقت قال مو شغلك وبعدها رن جواله وكلمته اخته واسمعه يقولها ايوا عندي وعلمتها انا زعلت وقلت اش

تبغى واخذت الجوال وكلمتها قالتلي اخوية طيب وحنون بس يمكن عنده مشاكل شوفيه قلتلها مهما كان

مايفكر بطلاق قالت اخوية اتغير من يوم التزم قلتلها خليني ساكتة قلبي مليان وبكيت واخذ الجوال واسمعه

يقولها نفسيتي احسن الان انا زعلت وقلتله بتطمن عليك وعلى نفسيتك وان لي تراب خلاص اطلع من

عندي ليش جايني خذ ملابسك واطلع من حياتي واخذ ملابسه ولما خرج قلتله ليش الطلاق قال وجودك

في حياتي زي عدمه ومو مرتاح انتي ماقصرتي ورايتك بيضا بس انا خلاص

اتصلت فيه بعد ماخرج وقلتله حشمة الاولاد قالي ورقتك بتوصلك لا خلصتي دورتك وقفل

جلسنا شهر مانكلم بعض وكلموني حريم اصحابه يقولولي انتي غلطتي ويقول انك طردتيه ومو مهتمة فيه

ومو محسسته برجولته وبياخذ شقة ويبغاكي تجي هناك تسكني معاه وبيفرشها لك كلها جديد وتدخليها

زي العروسة اتصلت فيه وقلت عيب تتكلم عني قدام اصحابك وكمان تحملني الغلط وتبغى تقولي شي

جوالي موجود مو ترسلهم لي يبلغوني بشقتك قالي هذا قراري تجي معاية وتدخليها زي العروسة جديدة

قلت له والشقة هادي بابا دافع فيها 40 الف حرام اتركها فاضية ولسه مالها شهر قال مو شغلي ابوكي

اخذها عشان العفش

دخلو اعمامي بالموضوع وجوني للبيت وقلتلهم المسألة مو مسألة شقة انا صبرت كثير واتحملت كثير

وهو خروجه من هنا وطلبه الطلاق لسبب تافه

قالولي خلاص روحي معاه لا تخلي الغلط عليكي وهو بيفرشها لك ويكملها واحنا ندخلها قبلك نشوفها

بابا شرط اني مااخرج معاه حتى يرجعله فلوس ايجار الشقة يقول هذا مايستحي اقل شي حشمتي

انا عمه وبعد محاولات منهم نزلوها 25 الف يدفعها واطلع

اتصلت في زوجي وقلت انا موافقة اروح معاك قال وبتشوفي اللي يسعدك قلتله اهم شي تجي لبابا

وترضيه هذا عمك ولما يشوفك بيسامحك وماياخذ شي منك قال طيب

كل يوم انا اتصل فيه وهو مايكلف نفسه يتصل واقوله هيا تعال هذا الوقت مناسب يقولي خير خير ويطنش

رحت معاه الشقة وشفتها وقال انا برضي ابوكي لا تشيلي هم وخلينا نبدأ نفرش البيت

كلمته بعد يوم وكنت زعلانة قلتله اتصل فيك كم مرة وماترد علية ليش تطنشني وسكت مارد وقفلت

رجع اتصل وقال اش يرضيكي بكيت وقالي تبغيني اسيب الشقة عشان تفرحي قلت ياليت عشان بابا

قال طيب بسيبها بس بشرط وطلب شي للاسف محرم في العلاقة ورفضت وقلت اطلب شي ثاني وطلبني

طلبات وقلت حاضر واوعدك وقفلنا على انه بكرا يجي لبابا ونمت مرتاحة وثاني يوم اتصلت فيه وقلت له فينك

متى تجي ورجعت الشقة قام صرخ وقال مين قالك بتركها انتي ماتبغي تجي معاية حتى لما كنا مخطوبين

ضحيت عشانك وخليتك هنا .....قلت له وانا ضحيت بسعادتي وراحتي عشانك واتحملت خياناتك الى الان

طنشني ايام بعدها اتصل وارسل رسايل وايميلات ومازال يطنش واخر شي بعد محاولات ورسايل جا لبابا

مع ابوه واعتذر له وقال ابغى زوجتي واولادي معاية وبفرشلها بيتها واكملها وتدخله عروسة وبابا شرط

ال25 مايتنازل عنها وقاله موافق

رجعنا مع بعض الحمد لله واخذني اخترنا مطبخ صغير على قدنا وكنت فرحانة اني بفرش بيتي اخيرا وبعدها

قال ماعندي اكمل لا صالة ولا مجالس قلت له مو شغلي انت وعدتني تكمل وامام بابا واعمامي

كم رمة توعدني تفرش وتكمل وتخلف كم سنة .....قال ماعندي ومو شرط علية وقلت له لما تقدر تفرش

بيتك تعال لزوجتك .....راح اشتكى لعمي الكبير واتصل عمي على بابا وقاله اللي صار وبابا قال من حقها

سنين مايفرش ولا يهتم ولايدفع ايجار ولا يصرف زي الناس ....بنتي اتنازلت كثير لهنا وخلاص واتخاصمو عمي

وبابا بسبب الموضوع

وزوجي الان رسلي رسالة كاتبلي فيها يا تجهزي نفسك واولادك وتجيني وحكاية ابوية وفلوس وفرش ما


اقبل فيه ولا الطلاق .....ربي عطاك من هنا للجمعه يازوجك ياطلاق

وطبعا رديت عليه قبل ماانتظر يوم الجمعه .....قلت طلاق وانتهى الامر

بكرا الجمعه خلاص وانا بجد نفسيتي تعبانة جدا ...يبغى يكرهني فيه يبغى يفرقني عن اهلي

ماادري اش يبغى ...وانا مستحيل مستحيل ازعل بابا اللي شالني انا واولادي طول حياتي ومراعي زوجي

وحبه اكثر من ولد اخ

حاولت اتصل فيه هالايام اللي راحت لكنه مايرد وطنشته خلاص ...لما رسلي هالتهديد لقيته عالماسن

وكلمته طنشني وطلع


هو متابع للمنتدى ومتأكدة بيقرا الموضوع .....للأسف انصدمت فيك ....تعبت معاك يازوجي ...حاولت اسعدك

لكنك ماتشوفني ودايما تطالع لغيري

مااستاهل يا ناس اللي يصير لي ................يقول انه اخر اهتماماتي بالله تنازلي وتضحياتي هالسنين

ماتدل اني احبه ....جاوبوني ليش كدا

الله ورسوله وصى بالنساء خيرا ...عاملوهم برفق ....بدون خيانات وبدون ترجيات عشان تصرفوهم وتهتمو

فيهم

انا اكتب وابكي لاني مقهورة ليتني تركته وقت غلطاته وخياناته ياليتني سويتها وارتحت


سامحوني طولت عليكم بس تعبانة جد تعبانة

أسفي على تصرفات هاالزوج
وعلى فتاه تطلق في بعد هذا لعمر
الله يعوضك حياة والله صعبة بها الطريقة
أظن أنك وهو ضحية السحرة والمشعوذين

__________________

الله يعوضك خير

__________________
لا اله الا الله

عبير حبيبتي حاسه فيك


الله يصلح بينكم والصلح خير


ترى أغلب البيوت لابد فيها من الصبر والتضحيه

وبالصبر تستمر الحياة ما في أحد مرتاح على طول

أحيانا الزوجة تكون متحمله المسؤوليه وكل شي وأحيانا يكون الزوج هو المتحمل كل شي سبحان الله

والتوفيق من عند الله

ارجعي لزوجك أبو أولادك وتعوذي من الشيطان ولا تسمحين لاي أحد يتدخل في مشاكلكم


وبعد فترة وعلى هداوة حاولي تصلحي بين زوجك وأبيك

ومن الان فهمي والدك بأن زوجك يبغى يعتذر من الي صار و عنده مشاكل في العمل وأنا ما كنت أدري عنها ووو......


هيا قومي ياعسل واعتذري من زوجك حشمة أولادك ترى الطلاق مو سهل

أختك الناصحة سديم

__________________


اللهم إني أسألك عيش السعداء ومنازل الشهداء والحشر مع الأنبياء...آمين

الله يعين

بالرغم من أن الطلاق أبغض الحلال عند الله

الله يكون في عونكم

زوجك مريض نفسي ومدمن صور اباحية للأسف

وانتي تحملت 9 سنين من الخيانات

و بنات "ال ...." والحرام دمروا علاقتج مع زوجج حسبي الله عليهن وحدة وحدة
أنا أدعي عليهن لأنهن ما حسن باللي حسيتيه من التعب والألم والاحساس بالقهر من ها الزوج كفاية الولادة وهم العيال !!! بعد زوج مهمل مثله !!! بصراحة وايد عليج

ولو تقرا يا زوجها اللي كاتبته ما أقول غير انك راح تخسر وحدة بجد تحملتك وكانت تبغي حياة زوجية سعيدة

يا ربي ليش ليش الرجال ما يحسون بالحريم ! أحس إني راح أبكي معاج والله
شي يقهر

الله يعوض عليج

__________________
الظلال تمد ايديها لنا !
هل يا ترى تكون ارفق علينا من الضوء؟

عبير حبيبتى انا من راى الاخت سديم ان ابغض الحلال عند الله الطلاق بابا شالك على العين و الراس و لاكن هذا بابا مش زوجك لك حياتك الخاصة بعيدا عن والديك انا عارفة انك استحملت كتير و لاكن هذة هى الحياة كلها مر و تعب و لازم نستحمل اكتر من كدة عشان او لادنا و عشان يتربوا مع ابوهم و امهم حبيبتى انا راى انك تتعوذى من الشيطان الرجيم و تقومى تصالحى زوجك و ابعدى فكرة الطلاق عن راسك تماما و انا عارفة انة فوق طاقتك لاكن تعالى على نفسك انت المرة دية كمان عشان الاولاد صالحية فى الاول و ارجعى بيتك و بعدين عيشى و خلاص صدقينى كل واحدة عايشة و مستحملة من الضرر اشكال عشان الامور تهدا و تمشى معلشى و تذكرى دائما اقوال الرسول فى التسامح و العفو و فى طاعة المراة لزوجها و دعى الامور بين زوجك و ابوك تحلها الايام و انت فايدك انة عمه لازم هيحصل الصلح فى يوم من الايام ان شاء الله و اكيد الامور هتهدا بينهم ارجعى لزوجك يا حبيبتى و ابعدى فكرة الطلاق عن راسك تماما و تذكرى لة انة وقف بجانبك اول زواجك كتير و تذكرى لة الحسن فقط و ارمى السىء وراء ظهرك و تحملى انها الحياة كلها مصاعب و تحملات و لك منى كل الامنيات انك تحافظى على بيتك و تذكرى دائما ان ابغض الحلال عند الله الطلاق و الله يوفقك لما يحب و يرضى و يوفقك لما فية الخير لك و لاولادك ان شاء الله

جزاك الله خير يااخي الكريم

اسأل الله العظيم ان يعوضني خيرا