السلام عليكم ورحمة الله

سبق وطرحت مشاركات وشاركتوني في رأيكم

وانا اليوم عندي بعد موضوع

انا انسان عاطفي وزوجتي ما تشبع هالشي فيني ما تحن علي ابد اتمنى انها تضمني بس ما قد سوتها من زمان مع اني احبها بالحيل وبينا عيال

انا ابيها تحن علي وشلون ؟ ، ما انبسط في يومي اذا ما قالت لي كلمه حلوه بس هي ما تتكلم ولا تحن علي الا لما انا اطلع منها هالشي ومو دايم تحس احيانا تتجاهلني

سؤال يا اخي
هل زوجتك شخصيتها قوية؟
وماتحب انك ترفضلها اي طلب؟
وهل هي جامدة بمشاعرها؟يعني ما تظهر انها تحبك او متضايقة او اي شيء ثاني؟

الحل سهل..

بما انك رجل اجلس معها وصارحها...يازوجتي العزيزه انا انسان كذا وكذا وابي كذا وكذا واتمنى كذا وانتي كذا,,

يارجال انتوا على بالكم ان الزوجه مخلوق فضائي ولا عندها وحي ينزل يقلها ترى زوجك يبي ويبي عاطفه في هالوقت,,

هي ماتدري وش الي في خاطرك انت وش تبي بالضبط؟؟وبعدينالمعروف ان الزوجه هي العاطفيه وهي الي تحتاج احد يحضنها ومعروف ان الرجل هو الي يبادربهالشي..وانت بماانك عاطفي وتحب زوجتك مره خلاص كل يوم تدخل البيت روح واحضنها مدة عشر دقايق عشان ترتاح وشوي شوي تلقاها تعودت

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

:*

عودها على طبعك
يمكن ثقافة البيت إلي طالعة منه منعدم عندهم الحضن والعاطفة
فيه بيوت ترى بارده مايحتضنون بعض ولابينهم عاطفة رسميين
كأنهم في شركة يشتغلون

فأنت عودها
إذا دخلت أحضنها وقول لها بالحرف الواحد وبصراحة
ترى أنا يافلانه إنسان تهمني هالأمور وهي عصب الحياة
الزوجية عندي
أبي عاطفة جياشة ولاتكتفي بالكلام زي ماقلت لك
عودها وكن أنت المبادر حتى ينكسر عندها حاجز التردد
والخجل والبرود
هي معتقده أن الحياة الزوجية بهذا الشكل والأحضان
بس في أوقات النوم فقط

أعيد تثقيفها من هالناحية وبإذن الله راح تشوف تغيير بس ها
يبغالك وقت مو مره مرتين وتقول مليت

:*

__________________

السلام عليكم ورحمة الله تعالى وبركاته

أخي كلام ارجال مع ارجال
هذه إمرأة بيديك تكون طوع أمرك ، وبحبك لها تكون طوع مشاعرك
المرأة ليست مبادرة بطبيعتها ، ولاتحب أن تبادر أيضاً ، تحب من زوجها المبادرة لتحس بأنها مرغوبة منة
بادر أنت وجدد مشاعرك ليس بالقول فقط ، وإنما أبحث عن المفاجآت العاطفية ، جميع النساء يحبون المفاجآت
وكذلك لاتجعلها تحبك فقط ، وإنما أجعلها " تعزك وتغليك " ، وهذا لايأتي إلا بالعشرة الطيبة والمزاح المقبول ( وحذراً أن يكون مزحك عن شيء فيها ) وعن طريق اللعب ، يوجد العاب كثيرة للمتزوجين جرب هذا .

أعلم بأن المرأة ك النحلة ، حساسة جداً ، فإن حاولت إيذائها بأي طريقة لسعتك ثم تموت مشاعرها تجاهك

عاملها برفق وستجد مشاعرها فياضة ، المرأة مليئة بالعواطف والمشاعر أياً كانت شخصيتها .

الله يوفقك .


هههههههههههههههههههههههههههههههههههههه عجزت أن أتوقف عن الضحك
أضحك الله سنك .

كل الحب لكم .

__________________
استغفر الله واتوب إليه

صارحها بهالشيء

النساء مو صعبات يجون بالكلام الحلو ويحنون بسرعة

المصيبة العظمى بالرجال ماعندهم قلوب

اجلس معها
كلمها باللي تحبه
فهمها باللي ما تحبه
قول لها ابيكي انتي تفهميني قبل ما تجي وحده غيرك وتفهمني
وان شاء الله تتفهم الموضوع وترجع افضل من اللي تتمناه ، ومدامك تحبها وبينكم عيال هذا رح يسهل عليك اشياء كثيره
والله يخليكم لبعض وما يحرمكم من بعض

لا تصارحها ولا شي

إنت احضنها واهديها وقلها الكلمة الحلوة بتبادلك كل شي سويته لها وأكثر

كذا المرأة أنت كرجل جرئها عليك بأفعالك وكلماتك وراح تشوف

هذي هي الدنيا
العاطفيين ياخذون اصنام
والاصنام ياخذون عاطفيين
ايه بس .. وش نقول غير اللهم لا اعتراض

الحل بيدك
انتي تقدر تخليها تسوي اللي انت تبيه
انت تجرأها وبادر بهالشي حتى للو تشوفها منحرجه شوي شوي راح تلاقيها تعودت وتسبقك ع هالشيً