أثق في زوجي .. ولكن هناك دخيل !!!
السلام عليكم
انا جديدة في المنتدى حبيت اطرح مشكلتي عليكم ارجو ان لا تخذلوني وتحرموني من ارائكم ونصايحكم
ولكم مشكلتي انا متزوجة من ست سنوات والحمد لله انعم علي بولدين صبي وبنت والحمد لله اعيش سعيدة مع زوجي اثق فيهوعمري لم اشك فيه للحظة لانه رجل محترم وذات اخلاق حميدة لكن مشكلتي يا اخوان انو مرة كنت برن من تلفون زوجي وحد بعتلو رسالة طبعا انا فتحتها لان ما في بيني وبين زوجي فرق هو يفتح تلفوني انا افتح تلفونو في ثقة لكن هي المرة وجدت الرسالة من فتاة تخبره عن دكتور وقالتلو ان احسن دكتور وكانت الرسالة مش مفهومة رحت لزوجي وسالتو مين هيدي فقال انها زبونة تاتي للمحل و تشتري اغراض طبعا صدقتو وتاني يوم نفس الموقف والله حصل بلصدفة اجت رسالة على تلفون زوجي وكان بيدي فتحتو وطلع اسم نفس البنت وعند ما فتحت الرسالة اعوذ بالله من اللي شفتو استغفر الله العظيم صورة فظيعة طبعا مخلة بالادب والله انا استحيت من هالصورة وطبعا هون بعد اللي شفتو كنت رح طق وكنت رح افتعل مشكلة لكني ضبطت اعصابي طبعا ما بدي بيتي ينخرب بسبب وحدة بدون اخلاق لان احنا نعيش ببلد غربي طبعا الاجانب ما بتفرق معهم رجل متزوج او لا المهم رحت لزوجي انا ماسكة اعصابي وقلتلو بدي اعرف ليش هي البنت ترسل هيك رسائل لما شاف الصورةحلف انو هي ترسلو بس هو ما برد عليها قللي انتي بتعرفي انوهالشي طبيعي عند الغرب وانو هو ما بيعطيها اهمية ومابحط هيك ناس براسو وسكتت وصدقتو بس الاضرب من هيك كنت بتكلم انا واخته وبالصدفة اخبرتني انو زوجها قال لها انو في وحدة بتشتري من عند زوجي اغراض بتحبو وبتبعتلو رسائل طبعا انا هون بدا عقلي ياخد ويجيب افكار سوداء وسالت زوجي بكل رواق صحيح هالبنت بتحبك ومعلقة عليك فقلي ليش تحطي هالموضوع براسك انا مستحيل فكر فيه مستحيل اتخلى عنك فقلتلو انا بوثق فيك بس بنات هي البلاد ما بيتركو الواحد بحالوويلفو عالشخص ليوقعوه قلي لا تخافي انتي والاولاد عندي بالدني قلتلو طيب صدقتك بس بصراحة راسي مشغول فزعانة طبعا مش من زوجي لان الحمد لله اقوم بواجبي على اكمل وجه وحقوقه كلها تصله ولست مقصرة معه باي شي حتى مع اهله والله الكل يحلف باخلاقي ورغم هذا كلو خايفة من هذه الشيطانه والله صرت بتمنى انو نروح نعيش بلد تاني لكن للاسف صعب كتير وشبه المستحيل ارجوكم اخبروني وانصحوني شو اعمل اثق بزوجي وانسى الموضوع او ارسل لها رسالة ابهدلها وقلا تبعد عنا والله محتارة وما عم اعرف افكر ارجوكم لا تخذلوني واعطوني نصايحكم
اختكم ريما لا تخذلوني
تم تغيير العنوان
التعديل الأخير تم بواسطة النور والحنان ; 04-02-2006 الساعة 08:44 PM