العادات الفلسطينية (الاردنية)
يا شاطرين يا امامير بدي احكيلكم هاي الحدوته
ما ادري ليش احب هذا الوجه
الخطبة : الخطبة عندنا هي نفسها كتب الكتاب يعني ماذون وشهود وكل شي بس احنا نسميها خطبة ويظل الناس يقولون هذه مخطوبة وهذا مخطوب لين يجي موعد العرس وفي فترة الخطبة ممنوع يختلي المخطوبين ابدا ( عند معظم العائلات ) يعني تروح تزور خطيبتك في بيتها وتتكلم معها لوحدكم بس تكون عين حماتك عليك وما تقدر حتى تاخد بوسة صغيره
او تروحين خارج البيت ويروح واحد معكم
بس الشاطر الي يعرف كيف يزبط وضعه ويضحك على الكل
المهم تبقى الخطبة عادة سنه او اقل حسب الاستعداد المادي والنفسي
طبعا لما تصير الخطبة تصير حفلة عند الخطيبة وتعزم عليها الجيران والاقارب والاصحاب يعني بس حفله نساء (غالبا وليس دائما ) يعني احيانا حتى الرجال يسوون حفله حسب ماديات العريس
وفي هذه الفترة لغاية ما يجي موعد العرس لازم تجيب هدايا لحماتك اكثر من خطيبتك حتى ترضى عنك والا
الى ان ياتي موعد العرس نفترض انه العرس يوم الجمعة ( ترى كلكم معزومين )
يوم الخميس بالليل يكون فيه سهرة للعريس عادة تكون في الحارة ويجيبون فرقة موسيقية ودبكة وتكون في مكان مناسب وواسع في الحارة ( يعني في الشارع او في ساحة داخل المنطقه الي يسكن فيها العريس ) طبعا هي حفلة للرجال وتكون الحريم واقفين على سطوح المنازل يتفرجون ويزغردون وتبدا الدبكة والرقص وفي اخر الحفلة يحطون الحناء للعريس
واحيانا يكون في حفلات لمدة ثلاث ليلال متوالية يعني ثلاثاء واربعاء وخميس واحيانا يكون في غداء ( ارز ولحم ولبن ) حسب القدرة
وفي يوم العرس الي هو مثل ما افترضنا انه يوم جمعة يكون فيه حمام للعريس عند احد الاصدقاء او الجيران او الاقارب يعني يجي اصدقائه ةيحممون العريس زين واذا تبون تعرفون ايش ممكن يصير بالعريس روحوا الي مقال :
نصائح للمعاريس قبل الزواج{ الدخول للرجال ممنوع للحريم}
وهناك اقرؤا قصة صارت عندي في البيت شخصيا راح تضحكون
وبعد الحمام يجي الحلاق عند بيت الرجال الي تحمم عنده العريس ويحلقله ويرتبه زين طبعا في اغاني شعبية راااااااااااااااااااااااااائعة لكل موقف يصير في هذه الحفلات يعني اغناي الحناء غير اغاني الحلاقة غير اغاني العرس غير اغاني حفلة الخطوبة
وبعد ما يحلق يجيبون سيارة ( بك اب ) (ونيت ) ويركبون عليه كا ميرا ومكبر صوت وتتجمع الناس في صفوف في مقدمتهم العريس ووالده وتبدا الاغناي والرقص وفي نفس الوقت يمشون طبعا الي بيت العريس طبعا طول ما هم يمشون في الطريق تطلع الحريم على سطوح المنازل ويرمون عليهم الحلويات من على الاسطح وزغاريد حتى يوصلون بيت العريس بعدين كل واحد يروح بيته ويرتاح اعريس شوي حتى يجي موعد حفله العرس بعدين يبلس البدله ويركبون السيارات ويروحون الي بيت العروس بصف طويل من السيارات مع التزمير (يعني هذا الصوت طااااااااااااااط مال السيارة )
لحتى يوصلوا بيت العروس يجي العريس ياخد العروس من يدها ويطلعها السيارة ويروحون صاله العرس (ممكن عرس مختلط ممكن لا حسب توجه العائلة الديني ) بعدين رقص واغاني وبعدين يروح العريس بعدين يزفون العريس لبيته او للمطار اذا كان طالع شهر عسل بالخارج مع التزمير وتزيين السيارات
طبعا كان في عاد قديمة والحمدلله الحين شبه تلاشت وهي انه لازم يكون في اثبات انه العروس شريفة يعني مجرد ما تدخلون غرفة النوم تجي حماتك وتقعد عند باب البيت وتنتظر يطلع العريس ومعاه شريطة (فوطة ) عليها دم اذعانا بانه العروس كانت طاهرة وعفيفة بس هذه العادة مو موجودة الحين
وااااااااااو والله شكلي خلاص بخطب