المشكلة تقول :
زوجي طيب وحنون وكربم لكنه صامت ولا يعبر عن رغباته وهمومه وأنا صريحه قوة ومتعوده ان اقول رايي عند اهلي وعند صديقاتي واتقبل الي يخالفني

قبل رمضان كنا عايدين من سفره وقال لي نبغا نجلس في شقتنا عشان رمضان

انا رفضت قلت ابغا اجلس شويه عند اهلي يومين ثلاثه

مباشره وافق ماناقش

بعدين قرروا اهلي يسافروا واستأذنته اسافر معهم وافق

وجلست كل رمضان وقال لي انا اجيك واخذك ونرجع لشقتنا عشان تطبخين لي

لما كلمني قبل العشر كنت تعودت على اهلي ونظامهم قلت ارجوك خلني الى العيد وافق

لكن تفاجأت انه يشتكي على اهله من اهمالي وتفاجأت انه تضرر كثير من العزوبيه وكان مشتاق لي شوق كبير جدا ويتمنى اني اخدمه في هذا الشهر

حتى في الأشياء الخاصة يشتري لي كل ما أريد وأتفاجأ أنه لم يتشري له أي شيء وخاصة عند المناسبات ، بل حين يشتري له بعض الاغراض لا يخبرني انه اشتراها

من المخطئ الزوج أم الزوجة ؟

وما الحل مع الزوج الذي تكون صفاته هكذا ، لانه ينضغط نفسيا دون ان اعلم وربما يجلس لوحده اذا نمت ويشرب الشاي ويجلس عند الجهاز وكأنه تخلص مني وربما هرب الى اهله اياما

الغلط من الزوجة برأيي ..
و هذا اسمه - إهمال منها - لزوجها ..

لكنه يوافق دائما هل يجب ان تعلم الغيب وتدخل في قلبه
لماذا يتنازل كل هذه التنازلات

واشكرك على المشاركة وتفعيل الموضوع

طبعا منك الغلط

انتي حسي وراك زوجك مسؤله عنه

لو الزوج تاركك ومسافر ولا مصروف ولا اي حق بتزعلين ؟

اكييد بيتضرر من العزوبيه لانه تزوج عشان تخدمينه وتقومين فيه وتملين حياته
ماتزوج عشان يكمل عزوبيته بين المطاعم

اختي خليك حريصه ع حياتك الزوجيه اعطيها وقت وجهد

هو قالك تعالي قبل العشر وانتي قلتي تعودت ع نظام اهلي
هو وافق
ليه ؟

اكييد خاف تعاندي زي المره الاوله

تدرين اهلي مسافرين ومبسوطين واقدر اسافر معهم
بس انا مارضاها لزوجي

ابي اهتم فيه واطبخ اكله وانظف بيته
والبارح ابوي اعطاني مبلغ كبير بالحيل
ولمح لي لو تبغون تجون هذي فلوسك

بس انا يهمني زوجي

فقررت انبسط بالمبلغ داخليا بالشكل الي يريحني

انتي مافكرتي في زوجك فكرتي في نفسك وراحتك

تعب من عنادك وطلبك بالمكوث عندهم

عقلك براسك واعرفي من نفسك انه وقت بيتك وزوجك

احنا الي تسوي زيك نقول ضيعة بيتها

مو لازم يقول
وخصوصا في أمور واضحة
انت عليك تحسي ان هالشيء يضايق!
مثل تركك له

__________________

انا اقولك كيف

مثلا قلتي بروح لاهلي طول رمضان وانت اجلس لوحدك
قالك خلاص موافق...

اعكس الادوار... تخيل هو قايلك بروح عند اهلي واجلسي في البيت كل شهر رمضان..
عادي عندك؟
اذا صار عادي عندك الشكوى لله وحاولي تسألين امك او اختك قبل ماتقررين...
واذا لا ممتاز استمري فكري بهذي الطريقة( يعني عكس الادوار)

الله يكثر من أمثالك اللي تحس بزوجها وتقدم. مصلحته على مصلحتها
تحية تقدير واحترام لك

هو يستناك تحسين من نفسك.. اسمها عزة نفس مش غلط

لما تنازل لك انتظر منك تكتفين وترجعين..

لكن تنازله فتح عليه باب ماينتهي لانك كل ماشفتيه وافق زدتي وزدتي..

هو تنازل لدرجة انك شرهانة عليه وانتي تاركته كل هذا الوقت وشايفته غلطان!

انا ضد السفر مع الاهل للمتزوجة.. الا اذا كان مكان قريب ووقت قصير وفي السنة حسنة.. اي شي بتسوينه تاكدي وفكري هل هو يقبل القسمة على اثنين او لا!

زوجك واضح انه طيب ويساير.. لا تستخدمين طيبته غلط لان هالنوع اذا انفجر يبيع..

اذا حاسة انه يهرب منك.. فتشي عن السبب قبل ادانته..

__________________

اختلافي عنك لا يعني اختلافي معك

بصراحة الزوج يبدو انه ما يعرف يواجه او يعبر عن افكاره بوضوح ولا له رأي