السلام عليكم...


اخواني واخواتي باالمنتدى بصراحه انا متابعه للمنتدى من فتره وحبيت اكتب مشكلتي اللي ما قدرت


اخبر فيها اي احد..


المهم انا متزوجه من 6 شهور وزوجي حنون جدا علي ويحبني و دايم يدور رضاي .. وهالشي هو اللي يخليني اكره نفسي

انا تفاجئت بعد العقد بانه اقصر مني (بـ10 سم ) وهالشي مأثر على نفسيتي ما احب اخرج معاه عشان ماحد يتكلم علينا ودايم اتهرب منه ..ساعات احس اني اكرهه لأنه يوم يتقدم لي كان عارف اني اطول منه وغير كذا مايهتم بمظهره كثير ..
بكيت كثير مع نفسي لأني مابي احسسه بهالشي


المشكله فيني انا والصراحه انا ما ادري ليش اسوي كذا او حتى ايش مشاعري نا حيته لما اكون معاه



ولما اشوف اثنين متزوجين ومبسوطين مع بعض اتمنى اننا نكون مثلهم هو ما قصر معاي لكن انا احس اني ما اعطيته اللي تعطيه الزوجه للزوجها من التدليل مع اني اضغط على نفسيتي كثير علشان ارضيه مع اني ما احب اسمعه كلمات الحب ....


اضحك واسولف معاه لكن تجيني لحضات ما احب اطالعه ,,وباالنسبه للسرير عادي متقبلته وما عندي مانع


انا ماني عارفه شعوري نحوه مرات احس اني احبه ومرات اقول لا وبيني


وبين نفسي احس لما اتركه ما راح احصل مثله !!

عارفه انه خلقة ربي وفي نفس الوقت مابي اظلمه معاي .. كيف اتقلب على شعوري ناحيته واتقبل طوله ..؟


اتمنى اشوف ردودكم..


تحياتي..

لاحول و لا قوة الا بالله

أنصحكـ بصلاة الإستخارهـ يـ أختي

و الصراحه صابون القلوب

وش ذنبه مسكين يحبكـ ويدور رضآ‘كـ وانتي متقلبه لا تضحكي ع نفسكـ ولا تضحكي عليه
أستخيري الله وربكـ راح يكتب اللي فيه الخير ..

على فكرهـ :

.. ( ياما ناس الله أخذ منهم جمال الجسد وعوضهم بجمال الروح ) ..

الله يسهل أمركـ ويكتب لكـ اللي فيه الخ ـير ..~

أنتي مقتنعه ان الشي هذا من ربي ..

ومقتنعـــه أنك ماراح تلاقي أحد مثلـه ..

كل اللي أنتي فيه من مداخل الشيطان ليفوز بتفرقتكم ويكرهك في زووجك الحنون ..

أنتي ذكرتي صفـات كثيره أيجابيه فيه والنقطـه السلبيـه الوحيده قصـره ..

نحـن البشر هكـذا دائمـا ننظـر للصفحـه البيضاء ولايلفت نظرنا سوا النقطـه السوداء ..

عـزيزتي ..
تغلبي على شعورك بتحبـيب هذه الصفه لكي .. وأنها أمر عادي جدا ..
ولستي أنتي الوحيده من أقترنت برجل أقصر منها ..فهذا ليس بعيب ..
تمتعي بصفاته الجيده ولاتلقي بمشاعرك على ماينغص عليها ..
قولي بينك وبين نفسك هو هكذا جميل حتى بقصره جميل ..
حتى يتقبل عقلك اللآ واعي هذه الفكره وتتحول هذه الصفه لشي يسعدك ويريح تفكيرك ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

سبحان الله مافي احد كامل جمال الروح اهم وابقى من جمال الجسد وخلي عنك كلام اناس والوساوس واستاسي مع زوجك الا اذا كنتي ما تبادلينه نفس المشاعر استخيري ربك وانشالله خير وصدقيني فهالزمن صعب الوحده زوج رومنسي وحنون ويحبها وماتكون فيه عيوب ثانية

هذي كلها وساوس شيطان انتي جالسة تنكدي على نفسك بنفسك
ووقت الطلعة من البيت البسي جزمة الله يكرمك بدون كعب

مشكلتك كلها عشان قصر زوجك
بس..

طيب تركتي كل محاسن زوجك وحطيتي نظرك على قصرة

يعني تعتبري هذا سبب معيب ..

لو حطي نفسك مكان زوجك .. شو الحل ؟

اتركي عنك هالتفكير وركزي تفكيرك على كل محاسنه
وتعامله ..
واحمدي الله على نعمه الزوج ونعمه التفاهم بينكم
غيرك يتمنى الي انتي فيه ..

اصحي من غفلتك تجاه زوجك ولاتضيعي
نفسك وحياتك واستقرارك بمجرد هالتفكير الي ما راح يعطي نتيجه..

داومي على لاحول ولا قوة الا بالله .. وعلى الاستغفار لو كل يوم 100 مرة

راح اعطيكي هالفكرة .. ويارب تجيب نتيجه ..
بس بشرط طبيقها ..

اولا اكتبي كل محاسن زوجك من تعامل او شكل
مثلا زوجي يعاملني بلطف ومحبة
زوجي يحبني واحبه
زوجي حسن المظهر ..
لاغنى عن زوجي فهو سندي واميري مثلا ..الخ

طبعا كل ما تريه في زوجك من امور جيده اكتبيها
ومعها جمله انا احب زوجي وهذا شعوري تجاهه بكل الاوقات ..

وعلقي هذه الورقه وضعيها في مكان كل ما تمري منه تقرأيها
ودوامي على هذا الحال ..
اقل شيء مده شهر

بالتدريج راح تشعري بالفرق وانه تفكيرك الحالي راح يتلاشى

وعقلك راح يبدل هذه الافكار الايجابيه مكان افكارك السيئه


وموفقه ان شاء الله ..

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

للاسف عيب زوجك ماراح يقدر يغيره
لانه خلقة ربنا
ولو على كلام الناس طنش تعش .. ماراح يرضيهم شي

احمدي ربك .. زوج حنون وطيب و يحبك بس قصير

احمدي ربك اعرف ممن تزوجن برجال معاقين وحياتهم اسعد مما تتوقعين

ومنهن تزوجت برجل كبير في السن قد ابوها

منهن تزوجت باصغر منها

احمدي ربك ولان شكرتم لازيدنكم

اعطي زوجك حقوقه الزوجية ... خافي من يوم يجي يمل فيه زوجك من تصرفاتك معه

ولا تهتمي بكلام الناس لانه ماراح ينتهي عند حد معين
كل شي تكلمو فيه وخاضو فيه و خربو بيه بيوت
انتبهي لا تخربين بيتك
وربي يوفقك

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما

طيب ليش وافقتي عليه وهو أقصر منك ؟؟؟

يعني الحين زوجتي ما تطلع معي للسوق لأنها اطول مني وانا اقول وش فيها تروح للسوق مع امها وأخواتها ولما اقولها نروح للسوق تقول لا انت تتعب تحن علي

أثرها تصرفني ومستحية تطلع معي لأني اقصر منها

الحين كشفتها

لا لا تحط في بالك هالشئ ..
العقليات تختلف وان شاء الله زوجتك اكبر من هالشئ
بس ترى التسوق مع الاخوات افضل بالنسبة لنا لانكم تمللون بسرعة ويبين في وجهكم وساعتها ما نعرف نتسوق ..اما مع الاخوات ما فيه مجال للملل و فرصة للتشاور واخذ الاراء..



بالنسبة لصاحبة الموضوع ..اقولها اصحي احمدي ربك على النعمة اللي انت فيها ..

__________________

المشكله قد تكون فيك لانك ربما من النوع الذي يهتم بالمظاهر ويعمل حساب لكلام الناس ويتأثر به فحاولي ان تعالجي هذه الخصله لانها تشتت الشخص

ثانيا هل قصر الزوج يؤثر علي السعاده بين الزوجين بالطبع لا وعن تجربه رأيتها فحماتي اطول من زوجها بكثير ولا استطيع ان اصف لك كم كانت تحبه ولم يشعرا بالخجل رغم التباين في الطول

بالنسبه لك حتي تتقبليه ادعي الله ان يؤلف بين قلبيكما وانظري الي عيوب الازواج لتعرفي نا انت فيه من نعم ومادمت تتقبليه كزوج في علاقتكم الخاصه فهذا يعني انك تحملي له مشاعر ايجابيه ولكنك تهتمي بكلام الناس وهذا عيب في حد ذاته

وساعديه علي الاهتمام بمظهره اشتري له ملابس علي ذوقك تحليه في عينك وعطور وشاور وستشعري بالفرق

__________________
اللهم اجعل عملي كله صالحا واجعله لوجهك خالصا واجعله عندك متقبلا