السلام عليكم

.. طبعا انا الآاااااااااااااااان طفشان من عيشتي .. وهذي قصتي

اولا اعرفكم بشخصيتي .. انا شخص رومانسي .. عاطفي جدا .. دقيق .. عصبي لكن اهدأ سريعاً .. منظم في اعمالي وياليت يتهيأ في لباسي ومعيشتي .. عمري 24 سنة .. وعمر زوجتي 20 سنة .. ناحيتي المادية تمام ولله الحمد .. طالب وأعمل .. متزوج من سنة و ست شهور !

قصتي منذ قبل الزواج كان تفكيري أن الزواج هو الاستقرار و الزوجة دورها الالزام والاهتمام بزوجها والمحافظة علية بشتى النواحي .. لكن طلع كل شي عكس ( لا أعم ذلك على الجميع ) لكن هذا اللي صار معي .. اجي احيانا و الغالب من العمل و ما أحصل الأكل جاهز .. تتوقعوا ايش قاعدة تسوي .. ياعلى النت أو تشوف التلفزيون .. طبعا انا ما كد ألزمته بوجبات ثابته مثل الناس يوميا تصدقون ان عدد المرات اللي طبخت فيهم أعدهم بإصابع ايديني .. البيت يجلس بالشهر و أكثر مايلمس بالتنظيف إذا قلت شي قالت : انا شخصيتي ماتتحمل اني انظف ولا أحب أطبخ لاني إذا خلصت طابخة أبي احد ينظف مافيه حل إلا الخادمة .. غريبة !! أولا اذا كانت الخادمة هي اللي راح تهتم انتي ايش فايدتك .. هذا بالنسبة للطبخ .. بالنسبة لتنظيف الملابس كانت الغسالة عندي فيها مشكلة وكانت تقولي لو الغسالة زينة كان كل يوم اغسل واكوي وتحصل ملابسك جاهزة .. رحت للسوق وشريت احلى غسالة عشان ترتاح ولايجهدها ..جت الغسالة غسلت مره .. مرتين .. ثلاث .. و بدت الرجعية وعدم الاهتمام من جديد .. أحيانا أطلع للعمل وانا ثوي غبر و لا تبالي بالموضوع .. سويت أكثر من طريقة .. لكن مافيه فايدة .. لكن الأمر ليته على هالأمور كان تهون .. اللي أعظم من كذا هو الطاعة .. أحياناً اعطيه أمر وترفض .. مثال : اقول نظفي لا أجي من دوامي إلا كل شي جاهز .. ولا فيه فايدة .. عاقبته و شلت النت والتلفزيون بدت تقرا كتب ومجلات !! .. أقول اشتغلي مو معقول الحالة هذي طفشت من هالعيشة .. تقول ما أتحمل حرام عليك !! هذي الكلمة اللي قاهرتني أنا ايش سويت عشان أسمعمن هالكلمة .. بدا الموضوع يتطور بديت اذا امرته بشي ماتبيه بس يرضين تقول تقبلني زي ما أنا يعني تتشرط وأكثر من مرة ياصل الموضوع للطلاق تقول كان ودك ايش اسوي امري لله .. يعني كأن الموضوع متساوي .. مع اني ما كد قصرت معه بأي شي أي شي تطلبه اجيبه .. أو اعطيها وعد واسويه .. احبه مووووت ومارتاح اذا شفته زعلانه أو مريضة .. لكن الدلال انقلب ضدي .. البنت عندها تفتح تربيتها غريبة بعض الشي .. متدينة وهذا الغريب .. وفي يوم من الأيام سألت عن سبب عدم الاهتمام وبعد إلحاح عن ذكر السبب ذكرته وليت اني ماسمعته .. تقول السبب شكلك الخارجي .. !! واسلوبي وطريقة كلامي !! أنا أول مره أسمع الكلام هذا من أي شخص .. تقول من يوم كنت صغيرة وانا كنت أحلم بشي مميز .. تقول أبي أطفالي يكونو مميزين عيونهم زرق أو زغر ... اقول الحمدلله على النعمة أهم انه يكون سليم وهي تصيح تقول ودي افكر مثلك بسمو قادرة .. ناقشه بالموضوع و انا مجروح من كلامه .. اقوله ليش مارفضتي من الشوفة الشرعية .. تقول ايش اسوي !! راحت .. ومره ثانية تقول اصلا كل البلد مثل شكلك !! يعني يرضيني إلاالجنه !! أقول يعني الآن لوشكلي زي اللي أنتي ترغبين كان تهتمين تقول يمكن .. طبعاً ياجماعة انا شكلي أميل للوسامة أكثر وهذي شهادة الناس عشان ماتقولو هذا مغرور .. عدّا الموضوع .. يوم صار بعد فترة بسيطة لاتتجاوز يوم .. كتبت رسالة اعتذار وانها تحبن وتعشقن و و و .... إلخ ومشيت الموضوع .. مع اني إلى الآن مو قادر انسى كل حرف قالته .. طبعا دايم هي تذكر انه مافيه فرق بين الرجل والمرأه في الحياة الاجتماعية .. هذي مجرد معلومة .. طبعا اهلها معطينها الحرية التامة وملقينها و جه أكثر من اللازم .. سبق واني جبت ابوها و لانفع بالموضوع ( مثل قولة سوو اللي تبون ) .. طبعا اذا بغيت اطلب شي يتنفذأحيانا لكن بغير طيبة نفس .. تعبت وااااااااااااااااالله تعبت وعلى فكرة هذا مو كل شي حتى زياراته لم أهلي واتصالها على امي أحيانا بالشهر مره ..تصعب الأمورر للغاية .. قريت مره من مذكراته ( أنه كل تأخرت ولا دخلت مع أهل الزوج يكون لها احترام أكبر من قبل ام الزوج و أخوات الزوج ) كل ما أطلب انها تجي معاي طبعا ماأخفيكم البنت تحبن وفي أدله نادرا ماتوضح لي الشي .. لكن تقهرن .. طبعا الآن حامل بالأشهر الأولى .. وراح أحدثكم عن الباقي بردود على حلولكم




تكفوووووووووووووووووون أفيدوووووووووووووووووون
لأني ما ذقت طعم الزواج إلا بيوم الزواج ..... اللهم طولك ياروح

كنت بسال هل هي حامل؟؟؟
وطلعت حامل طيب
تربية اهلها و وضحتها+عمرها صغير+ببداية الزواج احسها طولت وهي متنحة
يمكن زوجتك من النوع اللي مايتاقلم بسرعة
لكن اخوي فعلا اسلوب الاوامر العسكرية هذي مبغوضة جدا
حتى لو كان في بالها بتسوي هالشي بتتركه عناد لك
طور من حوارك معها وبلاها سالفة الشكل
شافتك و افقت وانتهى الموضوع
لكن خلك لبق وكلامك حلو وتعاملك طيب
واللي ما تلعلمته ببيت اهلها الله يعينك تعلمها
بس مو اسلوب شيلت النت والتي في
وهالحين حامل
يعني وقت دلالاها وراحتها
وتحمل وحمها
فانت اصبر هالايام الى ان يثقل حملها
وبعدها خير

أختي أم داليا

ممكن أسلوبي حق سنة ونصف جمعته بلحظة هو اللي خلا الموضوع ( عسكري ) !!
شتى الطرق استخدمتها .. من تعزيز .. وعقاب .. ومحو معزز .. إلا للأسف مافيه فايدة
بإستثناء أوقات الحمل لأني مااستخدمت أي قسوة لأني عارف المخاطر ..
بالنسبة للتأقلم يمر أيام تستغربي من دون سبب يجي اهتمام قوي يوم ويروح !! بس ياليت تبينين إصرارها على طلب الخادمة .. !!

أكيد عند أهلها خدامة
ومتعودة على العيشة بالخدم
انصحك تقرا قصص عن هوايل الخادمات وتوضحها لها
ان ما منهم الا عوار الراس
وقولها خلينا نتعاون انا وانت بحياتنا
وماراح اقصر معك خصوصا وانت حامل
ولا يحتاج انا نجيب احد يدخل بخصوصياتنا

	السلام عليكم ورحمةالله وبركاته اخي العزيز حااول انك تتفاهم مع زوجتك بتأني ورومانسيه لغة الحوار تفيد باغلب الاحيان لحل المشاكل الزوجيه حاول انك تخرجها من جوالبيت اعزمها بفندق او عزيمة عشاء بمكان هادي بعيد عن القلق وتفاهم معها برويه وبينلها وش كثر تحبها وقارن حبك وحبها وخلها هي تحكم قول لها اذا تحبيني راح تسعديني وماراح تسعديني الااذا.................الخ اشرحلها انت وش تبي منها بالضبط اتمنى من الله العلي القدير ان يوفق حالكم ويبعدعنكم المشاكل

الله يهديلك زوجتك
اولا شي النظافه في البيت واطبخ شي اساسي في الزوجه
والي يقولك زوجتك صغيره غلطان
الحين في هذا الزمن اللي اصغر من زوجتك بسنين تفهم وتقدر تفتح بيت
حاول تثير غيرتها اذا تقدر بس بلمعقول بدون تجريح يعني قل لها يحظ اخوي او فلان من الناس عنده زوجه مهتمه فيه وتحبه دايم وهو كاشخ وملابسه مرتبه وانه يقول ماعمره ودا ملابسه للمغسله وانك مره زرتهم بدون موعد ولقيت المجلس والبيت مرتب واكلها مره حلو

وانه مستحيل يلقا مثله حرمه سنعه
واذا تعرف وحده بهاذي المواصفات
وزوجتك تغار منها تكون ضربت عصفورين بحجر

وفهمها ان الخادمه في اول حياتكم غلط

تبي الصراحه الحل هاذا نفع معي
في اول زواجي
كنت مهتمه بكل امور زوجي الا ملابسه كوي مشي الحال وبعد محاولات زوجي تحمست وصرت حتي ملابسه الداخليه اكويها

ولي معه  ست سنين وانا ماغيرت عليه لاني مابيه يحس ان في احد محضوض اكثر منه

عاد انت وشطارتك
بس بدون اهانه ومن تحت لتحت

اذا هي من النوع اللي متربي ع الشغالات رح تتعب معها اجل

ريح نفسك وجيب شغاله وخلها سيريلانكيه رخيصه يعني وفك عمرك ...

هذا اذا انت بس متزعج من الكنيس والتنظيف... لكن لو لنت حابب تعدل فيها سلوكيا لك وللعمر.. لأن الشغاله مدتها سنتين وتروح مو العمر كله جالسه.. فعليك ببعض الافكار اللي تحت.. اللي يناسبك خذه واللي ما ناسبك طنشه

اذا انت معودها على اهتمامك طنشها

اقسى عليها شوي مو تكسر عظامها اقصد خليك مختصر في كلماتك
مثلا التفت في البيت وهي تشوفك وتأفف

مرر يدك على طاوله وهي مغبره تأفف

طالع فيها قول نفسي مره تحسين بالمصيبه اللي انتي تسوينها ..


كم مره لما تجي تلبس وهي موجوده .. قول آآآآآآآآآآآآآآآآآآه وهي بتسألك اشفيك قول اشفيني؟ وطالع فيها وكأنك تقول وتسأليني كمان؟

خوفها قول لها شوفي لي بنت حلال زيك بس تحب شغل البيت وتهتم فيني لأني ما احب اجيب شغاله اجنبيه ... الشغاله اللي بأجيبها اكيد بتخلينها تسوي كل شي حتى الطبخ واضح انها هي بتسويه ... فليش اجيب شغاله اجل ... اروح اتزوج بنت ناس وتطبخ لي ومحترمه لا وبعد اقدر اخلف منها وتقعد معاي العمر كله .. يعني اجي احسبها على مدى طويل تطلع اوفر لي من الشغاله .. مابتكلفني الا قيمة العرس.. لكن بأكسب اهتمام وحب مدى الحياه ...

لأن هذي وظيفة الزوجه .. مو نوم واكل وبس
لا كلللللللللل شي

اهملها شوي مثل ماهي هاملتك

طلبت منك سوق قول لها ما اتحمل حرام عليك

اشفيك متغير علي... قول لها تقبليني مثل ما انا بليييييييييز... القصد استخدم نفس الفاظها

استخدم معها نفس اسلوبها عشان تحس على دمها

اكشخ كذا في يوم ... وقول لها تصلح لك ملابس والعود والبخور وقول لها انا رايح زواج خويي .. ياحليله ماخذ الثانيه .. واطلع وشف لك مكان تتمشى فيه ... ساعتين لا تطول وارجع واعمل نفسك سرحاااااااااااااااااااااااااااااااان وكأن بالك مشول بشي

خوفها بحديث والله ما اعرفه بالضبط ... لكن فيما معناه ان اللي يتزوج الله ييسر له رزقه .. يعني انك مو خايف تتزوج مره ثانيه والله بيسهل لك الرزق

اذا جابت سيرة الشغاله .. قول لها اجيب ليش لا ... ورح اعمل جهدي انها تكون حلوه ..علشان ممكن اتزوجها... هي بتضحك .. انت طالع فيها قول لها اشفيك؟ واسكت .. هذا اذا ما بتتشجع وتقول لها انك بتتزوج من ثانيه


اسلوب زوجتك غلط .. وغير مقبول ابدا
فتحملها الله يعينك.. وياليتك جاي قبل لا تحمل لأن اغلب الردود الحين راح يقولون لك تحملها الين تولد .. وانها تتوحم ومو عارفه ايه ... يعني مابتلاقي الا الصبر الحين وواضح والله اعلم انك رح تجيب شغاله ع الاقل هالسنتين لبين ماتولد و يكبر النونو شوي وبعدين تستلمها انت تعلمها بأسلوبك

مع ان والله ان حتى الحامل تشتغل .. ماتوقف ابدا لكن اكيد مش بمثل كفائة اللي مو حامل

كان الله في عونك

آه نسيت اقول

اذا لاحظت عليها اي تقدم في اللي انت تبيه اشكرها وامدحها وشجعها

علشان تتحمس وتكمل وكل ماهبطت عزايمها ذكرها

قول لها كمان عيب عليك انا اعلمك ... هذا اذا هي ماتجاوبت معك او تنحت او عاندت.. لأن لما تقول لشخص كبير عيب عليك بيستحي فما بالك بحرمه .. اكيد بتستحي اكثر



تبي موقف يخليك انت تعرف انها فاهمه والا لا؟
واذا هي ممكن ترتب في هالدنيا والا بس اماني لا اكثر ولا اقل؟

سو فيها الموقف التالي وخليك دقيق تماما

رح اولا اي محل حلويات قريب منك وخذ لك صحن بقلاوه و معجنات

رح لعند تحت بيتك ووقف السياره

ارفع الجوال ودق عليها وكلمها بلهجه مسرعه وكأنك متفاجيء



قول لها بأجيب واحد من اخوياي .. المجلس جاهز؟

اذا قالت لا قل لها كم يبي لك

شف بالله كم بتطلب منك وقت.. اذا اكثر من عشر دقايق ارفض.. قول لها عندك عشر دقايق بس وبأدخل بالرجال .. لا اشوف غبار ولا شي
وبخري المكان.. وجهزي دلة القهوه وانا بجيب شي مع القهوه ماعليك



وخليك في السياره الله يعينك عشر دقايق .. لا تقول باخذ لفه ولا شي

وبس تخلص عشر دقايق .. اطلع لها

وادخل

شف المجلس

بتلاقيه يلمع


طالع فيها قل لها ها شفتي ما اخذ منك عشر دقايق التنظيف

والصاله داخل بعد 10 دقايق

وكل غرفه 10 دقايق على فرض ان شقتكم غرفتين

وحمامين الله يعزكم هذي عشرين دقيقه

المجموع = ساعه واحده فقط تنظيف وترتاحين

تقدر ساعتها . .تفبرك مثلا انك تقرا رساله وان الرجال اعتذر فيها

وتجلسون انتو تتقهوون وتمشي عليها الحركه وانت ساكت..

او تقول لها هذا درس لك عشان تعرفين ان اولا واخيرا انتي اللي بتنظفين

وانه ماياخذ وقت

وانه شي بسيط وسهل وهذا انتي مره شاطره عرفتي تصرفين نفسك في وقت ضيق

وهذي هديه لك القهوه وان حبي لك يزيد



اتمنى تعجبك الحركه .. ومره ثانيه الله يعينك

الله يعينك يا اخوي , هذي عقوبه مو زوجه مع فائق احترامي ..



بصراحه فقعت مرارتي تصرفاتها ..




عموماً أخوي زوجتك يبيلها شغل طويل , والله يعينك ان شاء الله على تصرفاتها , فأنا اولا أهنيك على طولت بالك وسعة صدرك وهذا المطلوب ..




ثانياً أحس أنك مدللها بشكل كبير مرررره , يا أخي إذا كنت كذا اركد وابالعربي لا تعطيها وجه لأن حرمتك واضح عليها انها من النوع اللي ما ينعطى وجه بصراحه ..




قال ايش قال تبي عيالها عيونهم خضر مدري زرق , والا شكلك الخارجي .. قول لها عدال يا بريتني .. الله يصلحها بس ..



وبعدين حسيت من كلامك انها غير مباليه وواثقه ان ما راح يصير شي , يعني هي حاطه في بالها أن الوضع ما راح يتغير أبد لأنها حست انك ما راح تسوي شي خطير , فلذلك استمرت على حالها ..



عموماً هي الحين حامل وهذي نقطه في صالحها , لكن ممكن بعدين يتغير وضعها بعد الولاده بسبب مولودها لكن هي إذا حست انك طفشت بجد يعني إذا حست أنك صرت ما تهتم فيها وصرت عادي معها وتعاملها معاملة (تطنيش بالعربي) يمكن انها تجتهد وتصير اموركم تمام , واذا ما صارت الاوضاع تمام فما راح يجيك ملام ابد خصوصاً ان اهلها عارفين وضعها وايضاً لان واضح عليك انك ابن حلال وطيب ..



وفقك الله أخوي

__________________
يالله ياللي بيدك الضيق وافراجه .. يا خالق الخلق يا قاضي حوايجها
تفرج لعين الذي اغفت بسوهاجه .. تجهز عليها الطواري لين تزعجها

أضحك الله سنك...

أؤيد كلام الأخ ميه بالميه
بعدين بالله كيف تتحمل عدم النظافه؟؟؟؟ سنه وست شهور كثيره باين عليك طيب وهي
قلهايا بريتني ترا كل شي يهون الا النظافه اذا بيت اهلك كذا ترا بيت اهلي ما كان كذا ابد ...
اعقلي والا ترا ما تردني الا زوجه ثانيه.

__________________
[type=612464][/type]

شكرا على جميع ماذكرتم

البنت هي شخصياً غريبة .. سويت معها شتى الطرق بالرومانسية و التعزيز والتشجيع وكل شي .. تتعدل يوم وترجع زي أول .. و أردى ..

أستاذ ( مشكلتي أصدق )
جربت معها الخطوة الثانية لكن مافيه منها فايدة .. قالت لي ليش أنت تلعب علي لها الدرجة أنا غبية .. ويوم من الأيام عزمت واحد من الشباب وقلتها نظفي ردت علي تقول اذا صارت مثل المرة اللي راحت ترى ماراح اسوي شي !!!
هي مدلله في بيت أهلها معاكم حق .. حتى اذا قلتها مثلا بالزواج من زوجة اخرى تقول من قال اني أصلاً اني راح اقعد معاك ومتزوج علي .. ابروح اسوي خلع !! طبعاً ادري ان هذا ثرثرة و مو مهمه و لا له الا تطبيقات شرعية و ثوابت ..


لكن شي مهم ... ترى الشي اللي اسويه معها اليوم تقدره و تنساه إذا بدت تطبق شي من تنظبف و غيره تسويه يوم وخلاص ماترجع له واحيانا ما تكمله تحب انها تطلع دايم بشكل حلو قدام الناس وقدامي عادي ..