ارجوكم انا بأمس الحاجة لنصحكم , اعاني من صغري بالحساسية الزائدة تجاه ما يقال لي ومازلت اعاني منها حتى اللآن اي مع زوجي والكل يعرف اهلي واخواتي معنى انه عندمايحدث معي سواء مع زوجي او الآخرين اي نقاش سواء كنت المخطئة او لا على طول ما اتحمل وابدأ بالبكاء وما اعرف اتكلم مو عشان انا مااريد الكلام لا بس احس ان الكلام ما يطلع لأن العبرة تأخذني وصدقوني حاولت عدة مرات اتغلب على الامر بس ما قدرت وحتى اثناء ما ابكي اسأل نفسي ليش تبكين الأمر ما يستاهل واحاول ان اهدأ بس غصبا عني والحين هذي المشكلة مسببة لي قلق مع زوجي وحتى أهلي دايم يقولون لي ( احنا ما قلنا شيء لك عشان تزعلي وتسوي لنا عزاء ) واقولهم عارفة بس ما ادري ويش سالفة الحساسية والزعل . أرجوكم ساعدوني ما احب زوجي ياخذ عني فكرة اني زعولة وما اتحمل شيء واني انا ما اقدر على كلامه لما يقول لي شيء و هذا طبع فيني وما احبه فكيف اغيره؟

في كل مرة تزعلين فيها صلي ركعتين .

__________________
من عليه اشكي همومٍ تحتويني وتحتويها
،،،،،،،،،،،،،،،،،، من يكون إلي بيمسح دمعتي يوم اشتكيله
اقفت عليا الدنيا يوم بالدمع جيت ارتجيها
،،،،،،،،،،،،،،،،،، ما بقى لي غير حـرفـي اشتكيلـه كـل ليله
آه يا قلبي تحمـل دنيتك واصبـر عـلـيـهـا
،،،،،،،،،،،،،،،،،، مــاهم إلي دوم قـالوا الصبر للفـرج حيـــله

يا حساسة انتي ..

ام حنين .. انا كنت مثلك لين صارت نعرة علي .. ويضربوا فيني المثل .. ويقولوا اني انتظر الموقف عشان ابكي ..

غاليتي .. الزمن يعلم اشياء كثير ..

يعني الدنيا ما تسوى والدنيا بريال ..

احيانا الواحد يعيش دور .. ويعيش الموقف بقوة ..

بالنسبة لي صرت ما اهتم بالعكس اذا كان نقد لاذع اقعد اسمع عشان اغير من نفسي للأحسن ..
اذا كان كلام جارح اسكت .. احيانا تخنقني العبرة .. بس احبسها وتعلمت اني ما اهتم .. الا للناس اللي اقدرهم
ولكن تفاجأت ان اقرب الناس لي تجرحني .. انصدمت ورجعت ابكي من جديد ..
احسن شي انك تتعذري لكل مقولة ما تعجبك ..
اتذكري حديث الرسول صلى الله عليه وسلم : (( التمس لأخيك بضع وسبعون عذرا)) صدقيني مارح تبكي ابدا وساعتها رح تصير دموعك غالية ..

لا تخافي بس جمدي قلبك شوي ..

بس اللي قاعد يصير للمسلمين والله يخلي الواحد يبكي دم من القهر .. اتذكري مصاب غيرك دايما .. رح يهون عندك كل شي ..

المشكله اللي تعانين منها عند اغلب النساء مو بس انتي
وصدقيني بعد مرور الايام ومع الحياة الزوجيه راح تتغلبين على هالمشكله
لانك راح تحسين ان دموعك اغلى من انك تنثريها على اي سبب
شدي حيلك

مشكلتك هذي عند ابني ذو العشر سنوات
حساس جدا
ومايقدر يناقش علطول يبكي ابغاله حل وعسى مايكبر معاه

ام جنين

عزيزتي حاولي ان تتذكري قبل ان تذرفي اي دمعه ان دموعك غاليه عليك

ودموعك ماتنذرف لاي كان ولا من ماكان

حاولي تحبيسها وتتخلصي من هالعاده لانها راح تتعبك وتحسسك بالضعف

حاولي وصدقيني راح تقدرين0

اتمنى لك التوفيق0

__________________

واضح عليكي من تسميتك بنتك



في أعتقادي أو حسب الخبرة أقولك أن هذا يكون سببة نوع الاحساس بمكان أو موقع أو موقف النفس

تخيلي طفل عمرة 7سنوات بجانب والدية يلعب ويكسر وصرخ علية والدة هل يتأثر؟

لايتأثر كثيرا لعدم أحساسة بالغربة أوغيرةون الممكن يكون سلبي لاكن ذالك حسب موقفة الذي يتخذة من والدة

لكن أخذنا الولد في مكان غريب

ردود الفعل ستكون مختلفة السلوك وغيرة سيختلف

أعطى نفسة أحساس بأنة في موقع غير موقعة وأهمها فقدان والدية

مجرد أحساسة بفقدان الوالدين دخل في نفسة الضعف والخوف وغيرة

لكن ماذا لوأسترد الذي فقد ؟ وهم والدية

لكن بحضور والدية لو قلت لة أقوى الكلام لن يتأثر

بل بالعكس ممكن يكسر المزهرية على رأسك

لكن أسمحي لي أن أدخل في شخصك وأكتفي بسؤالك فقط هل فقدتي أمرا معين أكسبك الضعف

ولا تنسي أنتي قلتي منذ صغرك ولا تنسي مستحيل تبكين من كلام يعجبك في أي نقاش

مؤكدمجهودك بدون جدوى ! معرفة السبب هو الحل

وهذا ممكن يكون زيادة محبة زوجك لكي وحنانة

تصدقين عاد يام حنين انا قضيتي ادمر من قضيتك بمليون مرة
أنا كنت مثلك بالضبط لكن ماكنت اخلي اخد يشوفني وانا ابكي كنت اتهرب واحيانا كثيرة ا هرب
بس الحين القضية كبرت صرت بدل ماكنت ابكي صرت اضحك حتى لو كان الموقف يغضبني وكنت وأنا اضحك أقلول لنفسي ليش اضحك ماادري
والله محتارة .ز حتى فكرت اروح لأخصائي نفسي حتى أشوف حل للمشكلة ..

اختي حماكي الله هاي المشكلة لايمكن حلها الا بزيادة ثقتك بنفسك والتخلي عن فكرة احساسك بالخوف والرهبة ممن هم حولك . يجب عليك زيادة ثقتك بنفسك بمحاولة عدم الاعتماد على الاخرين كوني قوية شجاعة و لاتترددي بطرح اي موضوع او المناقشة باي مشكلة قدمي رايك بكل صراحة دون خوف وبيني لزوجك الامور اللي بضايقك والامور اللي بتزعلك حتى يتجنبها واظهري له سعادتك بالامور التي تبسطك حتى يكررها ويركز عليها واكثري من القراءة والتكلم مع الناس والاصدقاء حتى تكون شخصيتك اقوى وتحولي دموعك لراي فعال ايجابي لان الدموع هي موقف سلبي اتجاه اي مشكلة وتزيد من خطورة المشكلة لان الزوج مع الايام يمل هذا التصرف ويعتاد عليه فيضطر للابتعاد عنك ويتجنب مناقشتك باي موضوع ولا تستغربي ذلك لانه معذور فاكثر الرجال لايعرفون كيفية التعامل مع دموع المراة . اتمنى لك التوفيق

ام جنين ...

المشكلة ماأظنها معقدة بس تأكدي ان الزمن وظروفه لازم بيتغيرك بس انت محتاجة ثقة بالنفس اكثر من اي شيء عشان تقدرين تتغلبين على هذه الصفة خصوصا وانت انسانه متزوجة .. خلك حاطة في بالك ان الدنيا ماتسوى ان الواحد يزعل روحه عشان اتفه الامور وترى كل اللي تسوينه مو زين عشان صحتك ... وانا انصحك انك اتحاولين في اسرع وقت تتغلبين على هذه المشكلة عشان زوجك مايحس بالملل منك وعشان اتخلينع يعرف ان دمعتك غالية