السلام عليكم
اليوم صار موقف بصراحه انا خايفه اعوف زوجي بسبب هالنقطه
كل شي ممكن ينحل ..
واتمنى القى حل قبل النفس تعوف
انا انسانه وربي له الحمد من بيئه ننبذ الكلام --- رجالنا ونسائنا
زوجي اذا عصب .. يبدا يسب بكلام بذيئ (مو موجه لي ) في الطريق غالبا للسياره دخلت عليه لواحد كان بيصدمه لواحد ياللاه يمشي بالسياره وهكذا ..
كلام ---
ولد .. امك ...من رباك .. وكلام اكبر
اكثر من مره نتشاجر عشان هالموضوع يقول غصب وتنفيس وربي عارفني ما اقصد ادعي لي
وبصراحه انا اتنرفز .. ويخوفي يجي اليوم اللي يقول لي هالكلام .. زوجي اذا عصب ممكن يقول كلام (يخرجه عن المله ) وهذا اللي هد حيل وبكيت اليوم منه .. مع انه وعدني قبل انه مايعيدها
انصح .. ينفر من نصايحي ويسكتني ..ولو ارسل بيعصب ..
الله يهديه بس
قلت له انت وعدتني ومن هالكلام قال ربي بيحاسبني انتي مالك دخل قلت انا زوجتك وجلوسي معك وكاني راضيه قال اسكتي لا ..
المهم سكت وطلب عشاء وانا ما اكلت وعصب .. المهم لما هدى حس على نفسه
وفتحت الموضوع اني انا خايفه عليك وهذا كفر لازم تخاف بس قال اوعد وكانه يسكتني
ادري انه مضغوط بالشغل وادري انه متضايق من الراتب وشايل هم الحج
بس ماتوصل لييين هالكلام كلام كبير الله يهديه ويلجمه بلجام من الجنه يجعله لا ينطق الا خير
زوجي يصلي الصلاه بوقتها وحتى يقومني للصلاه ويصوم ويستغفر ويذكر الله كثير
بس اذا عصب خلاص ينفلت لسانه ..
ايش الحل لاني ماتعودت ولا ابي اتعود وابيه يترك هالكلام الله لايعاقبنا



تم تعديل العنوان ليتناسب مع المضمون

اختي الكريمة حاولي انك تعالجي اصل المشكلة وليس ردة الفعل ،، يعني سب زوجك هو ردة فعله لشيء اغضبه ،، لكن اصل المشكلة هو ان زوجك يغضب بسرعه ويفقد اعصابة ،، يعني عصبي وغير صبور ،،معالجة الغضب هي بقرأت الاحاديث الشريفة عن الغضب وتطبيقها عمليا ،، قراءت الكتب عنها و حضور دورات عن السيطرة على الغضب ،، بالاظافة الى استعداد الشخص للتخلص من هذي العادة وهذا اهم شي بالموضوع ،، فماله داعي معاتبت زوجك على طبع جبل علية ،، فالطبع يغلب التطبع ،، ويصعب التخلص منه ،، فلازم تطولي بالك وابتعدي عن استفزازة ،، فهذا شي خارج ارادته ،، فانتي لو فيك طبع سيء وطلب زوجك التخلص منه بتعرفي مدى صعوبة هذا الشيء ،، لكن ليس عذر والانسان لازم يحاول يهذب نفس ويظبطها ،، والله اعلم ،،

ياليت لو تظيفي معلومه عن عمر زوجك لو سمحتي ؟

عزيزتي ملكآن
حتى تحافظي على زوجك لا تكلميه وهو بوضع الغضب ،صحيح السب واللعن حاجة سيئة.لكن ابوي واخواني مايحبون هالالفاظ لكن لما يكونو بنفس موقف زوجك يسبون ويلعنون بنفس العبارات الي ذكرتيها ،ولا ننطق بكلمة لأنهم بوقت العصبيه. وبنفس الوقت يشهد الله انا من عمري كله محد شتم الثاني لا ماما ولا بابا ولا حتى اخواني. يعني لا تخافي ولا تكبري المسألة ..
كبريها تكبر صغيريها تصغر...

__________________

يا حبيبتي دامك تروحين وتجين معاه ويقضي مشاويرك من سوق وحاجات ومواعيد
ماعليك من اسلوووبه على الناس هذا متنفس دامه ما غلط عليك اسكتي حالك حال اللي ماسمع
ترى للأزواج ما يحبون نصائح زوجاتهم

ياناس انا مو مشكلتي مع عصبيته انا
مشكلتي الفاظه كلامه والله مستصعبه اكتبها ..
يسب الذات الاهية اعتقد هنا ممكن تفهموني
اعرف هو ممكن مايكون مستوعب بوقتها ويرجع يستغفر .. بس انا خايفه عليه وخايفه ربي يعاقبنا ولا اقدر اسكت هو (مو دايم يقولها )بس كم مره قالها
اعوذ بالله من غضب الله

وما اخفيكم انه يقول ادعيلي ان ربي يهديني
ويستغفر ويندم
بس انا ماابيه يتمادى ولا ابيه يستهون فيها
يقول ربي غفور رحيم .. ربي يعلم مافي صدري
بس تعود ينفس عن غضبه كذا بالسب والشتم .. قلت مايخالف اهم شي مايسبني بس يقول هالكلمه ماقدرت اسكت
قبل اربع شهور قالها وتهاوشنا ووعدني
وقعدنا اكثر من 4 شهور ماقالها ورجع قالها امس

[QUOTE=اليزابيث 323;3450627]يا حبيبتي دامك تروحين وتجين معاه ويقضي مشاويرك من سوق وحاجات ومواعيد
ماعليك من اسلوووبه على الناس هذا متنفس دامه ما غلط عليك اسكتي حالك حال اللي ماسمع
ترى للأزواج ما يحبون نصائح زوجاتهم[/

عن اي سوق تتحدثون ؟؟؟؟ من تجاوز على الذات الالاهية فقد كفر والعياذ بالله

وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِؤُونَ* لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ {التوبة:65-66}

هذا هو زوجك اختي السائلة استفتي شيخ في امرك واعلمي ان ربي ما راح يتركك لو اتخذتي موقف شديد ولو معناته انفصالك عن هذا الرجل

يا اختي وانا اقرأ موضوعك حسيت نفسي ارجف من العصبيه الا تغارين على الله سبحانه وتعالى حين يتجاوز زوجك عليه؟؟؟؟ الغريبه انج خايفة يجي اليوم الي يتجاوز فيه عليج ليش منو الاهم انت ولا الله سبحانه وتعالى ؟؟؟؟

هل هو يكره الملتزمين دينيا؟
يعني يسب الملتحين؟
اذا مر من مسجد سب المصلين؟
وممكن يعصب ويسب اذا أذن بسبب تقفيل المحلات؟

اذا ايه.. فنفس نوعيه اللي تزوجته
ما له حل ابدا اختي
جربت النصيحة بشكل ودي
الصمت
اخذت موقف مره وزعلت (وصلت فيه يسب الرسول)

مع ذلك ما فاد
صرت معظم وقتي احط سماعه الجوال
والا اقرأ.. يعني اشتت تركيزي
حتى احمي نفسي من هالتلوث السمعي

انا زوجي يسب ويشتم الي يتجاوزه او مايعرف يسوق ع قوله لكن ماتوصل انه يسب الإله

واذا انتهى من كلامه واحنا في السياره بهدوء وبصوت منخفض أقوله إنتبه أولادك يتعلمو منك

فيقول صادقه نبهيني اذا شفتيني شطحت

لما يشعر إنه كلامه مو خاص فيه وانه قدوه رح يخفف

وبرضه كثرة النصائح بسبب خوفنا عليهم من العذاب مايتقبلوها لأنهم كبار وعارفين جزائهم ماهم محتاجين أحد ينصحهم



يعني ياأختي قولي عدل من نفسك إذا ماتبغى أحد أبنائك يقلدك

سب الذات الإلهية والعياذ بالله تستدعي فتوى في بقائك مع هذا الرجل أم عدمه ... المسألة عظيمة والوقوع فيها كفر مخرج من الملة .. اياك والتهاون في ذلك .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين