السلام عليكم ورحمة الله وبركاته
اولا احب اشكركم من كل اعماق قلبي على منتداكم الرائع
ولاني رآيت فيه الفائدة العظيمه باذن الله شجعني ذلك على البوح بما لدي

انا فتاة متزوجه عمري 23 وعمر زوجي 28 وعمر زواجنا سنتين ونص
نعيش في الخارج بسبب دراسة زوجي العزيز

اولا مااعجبني فيه هو اعتماد الاخرين عليه اي بمعنى هو محل ثقه ويستطيع ان يتحمل المسؤوليه بالاضافه الى حفاظه على صلاته وصومه والى اخره من هذه الاموره الدينيه بالاضافه الى وسامته 👍
ولكنه مهوس بنفسه ومفتون جدا
وهذا اعظم سبب للمشكلات بالاضافه الى غيرها

طيب خلوني اشرح لكم اكثر زوجي دائما عنده هو الصح واي رآي ثاني غلط ، ابدا مستحيل التنازل من ناحيته 👎 ، وانا طول هالسنتين والنصف اداري وامشي واسلك له

طبعا دوووم يسمعنى كلام عن شكلي بشكل عام وينتقدني ، عمري ماسمعت منه كلمه جميله كله بس ينتقد او يستخف دمه على راسي
حتى في علاقتنا الحميمية ابد مايسمعني كلام حلو يرضيني ويرضي انوثتي كله بس انا اسمعه الكلام الحلو والغزل !! تعبت من هالوضع بس دوم اسمع من البنات زوجي مايسمعني مايقولي مايسويلي اصبر نفسي ،،، الحمدلله على كل حال

المهم مع انه يسمعني كلام دوم مو حلو وينتقدني وبنات العالم كلهم جميلات الا انا ،،
الا انه يغاااار غيره ممرضه يعني شلون ?
انا راح اوضح عن طريق المواقف
اذا احد طالع فيني ينقلب علي وينجن انزين انا شسوي مالي ذنب!!
ممنوع اني اكلم الرجال يعني لو بطلب من المطعم او مثلا اذا رحت اتسوق اسال عن مقاس او شي ممنوع 😕 انزين ومشيتها وخليته هو اللي يسوي هالشي بدل عني وكان ماعندي لسان لكن المشكله الاعظم والاكبر انه هو مايحترم وجودي ويقعد يتمازح مع البنات اللي يشتغلوا سواء بالمطاعم او المحلات او او او !!
وكثير صارت بينا مشاكل بخصوص هالشي ونقاشات وحوارات ! ولكن لا حياة لمن تنادي !

ونظراته دووم مع الطارله اللي ورانا او اللي جنبنا ودوم لما نتمشى يطابع هنا وهناك مو مخلي وحده بحالها لدرجة صرت اطفش منه واتجنب الخروج معه واقوله روح انا مشغوله

ولدرجة انه اذا مر واحد حليو او طويل او جسم او ايا كان يطالع فيني يشوف انا اطالع ولا 😕
المشكله اني انا ولا على بالي هالامور المهم وصرت انتبه لهذا الشي بمجرد ماعرفت انه يتضايق احتراما له ولمشاعره

حتى احيانا يشكك فيني مره كنه ندور مطعم وكنا نتمشى وقلتله هناك فيه واحد طبعا هو كان معصب ومتنرفز 😡 طول الوقت لما رجعنا سآلته وليتني ماسالت قالي انت كذابه تآشرين على المطعم وانت هدفك تكحلين عينك !!! 😑 طفشت منه

وبعد فيه شي ثاني دووم يننعني اسوي شي حق نفسي يعني لو ابي اروح الصالون اصبغ يقول لا عاجبني لون شعرك ! واذا بغيت اسوي تريتمن بالكافيار وماسكات لشعري هم يقولي خسارة فلوس 😕 ولو ابي اريح واسوي مساج او تنظيف او تقشير هم بعد لا لا لا لا لا 😪 كله عنده ممنوع بالمقابل هو ينعم نفسه ويسوي كل شي لروحه
ي جماعه والله تعبت
حتى وقت الرياضه يقولي روحي سويلي شي ابي آكل اطبخيلي يبي يشغلني عشان مااسوي رياضه 😶
اذا شافني اقرا كتاب او ابحث عن موضوع كله بس ينكد علي

والله ي جماعه انسان عجيب غاااااارق في السوشيال ميديا سناب وانستقرام وتويتر وفيس بوك
كل وقته على هالبرامج بالمقابل لو شافني على هالبرامج يقولي طبعا مانت فاضيتلي وووووووووووووو ، طبعا ممنوع علي اتابع اي رجل بالمقابل هو متابع كل الحريم 😕
لا وبعد كل مرره يجيب لي صورة وحده يقولي ابيك كذا وابيك كذاك !!

صار بينا فراااغ كبير بشكل مو طبيعي هو مشغول بحياته وبدراسته وباللي هو فيه هذا غير صاحباته بالجامعه

ناقشته كثير وقلتله لو ماتبيني خلنا ننفصل للابد قام قال لي انت عقلك صغير ومعقده وماتفهمي شي !!

بصرااحه انا فكرت بالانفصال للابد ماودي اضيع عمري معاه خصوصا اننا ماعندنا اطفال
ومتردده وخايفه لانه يقربلي خايفه من المشاكل بين العايلتين

شوروا علي شسوي معه 😔
ولاشي من اللي حلمت فيه صار
حتى الوسط ، اضعف الايمان ي جماعه ماصار تعبت

حتى احتياجاتي مايلبيها ولا يهتم
حتى علاقتنا الحميميه ممله بكل رهيب ولا احس بشي معه
وعادة انا اللي اطلب منه واحاول واغريه بس طفشت وتركته وصرت اعوض بالبديل 😔


تم تعديل العنوان ليتناسب مع المضمون

قرأت و تمعنت لم اجد حل انسب من ان اصف زوجك بطفل
اعتقد ان عليكي معاملة طفل حتى يئتي الله بلفرج
هذه تصرفات اطفال
و هو يعتبرك لعبة ملك له و لا يدرك قيمة الشيء
حاولي تجديد الاسلوب و معاملة و اسئل الله ان يوفق بينكم

طفل ? اعامله كطفل ? يعني قصدك اسايره واسلك له 😕 واماشي واداري
كيف اعامل رجل كطفل !
انا اعرف دوم يقولوا الرجل طفل كبير بس يقصدوا فيها اشياء ثانيه !

زوجك يحبك بس يبي يظهر قدامك انه شخصيه وشديد يعني مايظهر لك الكلام الحلو والرومنسي لنه يفكر كذا ضعف في شخصيته ههههههاي كذا اغلب الشباب كذا تفكيرهم ثاني شي زوجك يقارن بيك وبين الاجنبيات لنه اغلبهم حلوين شقر وبيض هو قاعد يقارن بينك وبينهم بين نفسهم هذا الشيء راح يتعبه كثير لازم يعرف الناس مختلفين العرب مختلفين عن الاجانب في الجسم واللون والشكل كذا هو بيتعب نفسه راح يتعب بعدين المهم موضوعك مايوصل للطلاق دام مافي خيانه او علاقه قويه لاكن راح تتعبين مع شخصيته لين هو يغير من نفسه

يقارن ! اها ممكن المقارنه تسبب مشاكل ! الافضل يشوف نفسه بالاول 👣
انا مااحب امدح نفسي ولكن ليش تزوجني ?? زوجي عايش في امريكا من قبل لا يتزوجني ليش ماتزوج وحده منهم ??
عشان توضح الصوره انا لما تكلمت عن هالشي قصدت كل بنات العالم مو بس الاجنبيات اضف عليهم الفنانات والممثلات وبنات السوشيال ميديا
وعيونه مو بس طايرات في امريكا حتى في السعودية طايره عيونه 😪

انا ماابغاها توصل للطباق بس في نفس الوقت ادور على حل والا راح اضطر اختار الانفصال لاني ماقدر اعيش مع رجل بهذي المواصفات او هالشخصيه

النوع الي مثل زوجك لو كنتي ملكة جمال برضه راح يطالع ويقارن لنه خلاص تعود يناظر ويطالع الخلل ليس منك لاكن منه لازم هو نفسه يتعدل لاانصحك بالطلاق لنه هو نفسه مايقدر يتحكم بنفسه خلاص تعود لاكن هو يحبك بس مايقدر يترك هذه العاده النظرات والمقارنات ويعشق الجميلات عشان يترك ذا الشيء لازم خطوه خطوه بينه وبين نفسه ليس تدخل منك او من اي شخص يعني يقفل حسابته في السوشل ميديا ويترك اخبار الفنانات وكذا يعني

انزين شسوي ! كثير كلمته وتناقشنا ! المشكله ودي اعيش حياتي الطول بالعرض معاه بس هو كل شي ممنوع كل شي لا !
مانعني من كل شي بس هو بالمقابل مباح له كل شي حتى جوالي يفتشه !!
حتى مانعني اكون صداقات ، طفشت من حياتي معاه ملل رهيب

مع اني ماافضل ولكن هل ممكن ادخل احد من الخارج ?

هل الانسب ادخل شخص من الخارج ? شخص ثقه
او اهدده بالانفصال ?
اكره الزواج العائلي لان الانفصال صعب

اذا كان لديك رغبة في إكمال الحياة مع زوجك فعليك أولا أن (تركزي) كثيرا في تصرفاته و أفعاله ثم تضعي (حلا لردة الفعل المناسبة) التي تتماشى مع شخصيته و الموقف … عليك أن تضعي أفعاله العامة تحت ( المجهر) لا لتردي عليها بعنف و قوة و إنما لتتصرفي معها التصرف الذي يمكن أن (يثمر) مع شخصية زوجك ^^ ثقي أن هناك حلولا و نقاط ضعف ايضا يمكنك النفاذ منها لكن تحتاجي قليلا من التركيز و الذكاء …


ليس حلا مثاليا لكنها الحقيقة … هناك أسباب وراء بعض تصرفاته قد يكون زوجك قياديا أو من النوع الغيور (جدا) و قد يكون أيضا وراء تعامله معك سبب … ممكن يكون غير واثق من محبتك ( هكذا يرى) أو غير واثق من نفسه قد يكون يحبك بعمق بشكل يجعله (يتسلط) عليك و (يسيطر عليك) لان شخصيته انفعالية و (قد) تكون فيها نوع من التملك او السيطرة او القيادة غير المرنة ^^ ان كان من هذه النوعية فالحل يكون بتطمينه و اقناعه بان ما يفكر به غير صحيح اطلاقا من خلال تصرفاتك و افعالك وحتى ردودك عليه …
عندما يراك على الجوال يضطرب يظن انك مشغولة عنه و لا تهتمين به
هو يرى على الأقل دليلا أمامه ( وإن كان غير صحيح) يعزز الفكرة التي تدور في رأسه لذا عليك حين تريدين اقناعه بخطأ فكرته أن تكوني واضحة و ان تريه دليلا ينفي ما برأسه فلا يكفيه أن تقولي أن كلامه خطأ في كل مرة بل اجعلي افهالك دليلا و تعاملي مع الامر بدهاء و مداراة

قد يكون ما يفعله امامك هو رد فعل لما يحس به او تلك الافكار المغلوطة التي في رأسه … كونه شخصية انفعالية و قد يكون متسرعا من هذه النواحي ^^

على كل حال ركزي اكثر على شخصيته و تصرفي بما يناسبه اذا لاحظتي تطوره و هدوءه في بعض الجوانب في هذه اللحظة تستطيعين ابدا رغباتك و ان يراعي شخصيتك ايضا …


الله يعينك … و قبل كل شي استعيني بالله و ادعيه ان يدلك على التعامل الامثل و ان يوفقك بينكما

تقديري …

__________________

…|و يارب أنزل رحمتك على أهل القبور |…
(رحمك الله يا خالتي)

طفل امامك فقط و يحتاج لي تدليل
و هو رجل يعتمد عليه في الخارج
و هذا نمط حيات زوجك
يشعر انه من حقه ترك كل المسؤولية و تصرف بحرية
في بيته
اي انه سلمك بصورة غير واضحة زمام الامور اذا احسنتي التصرف
في المنزل فقط
عليكي بفهم مشاعر زوجك و عدم اتزانه في البيت
و هذه اسباب كافية لي تعلمي من اين تبدئي
و المطلوب هنا مسايرة زوجك و دعم اي موقف له بكل عفوية
و خلق جو بعيد عن المسؤوليات و ضغطات الحياة و اسئل الله توفيق