سبق وكتبت مشاكلي مع زوجي هذا اخر موضوع
http://www.66n.com/forums/showthread.php?t=266773
وعدت نفسي مراح افتش وراه بس اولى قبل لاينام مسكت جواله قلتله يفتحه لما شفت انه يرفض
انا حاسه انه يخونني حاسه فيه شي
رغم انه قدامي يحاول مايبين بل يبالغ يبالغ بشكل يخليني اشك
بس افهم ،احس من بعض تصرفاته
غير احساسي بخيانتهه
تفكيري انه قلبه مو معي
مرره شي يوجع
اصريت يفتح جواله
اشتعلت النيران بقلبي شكيت في نفسي اكيد في شي مايبيني اشوفه
في النهايه فتحه لي ونام
ورحت اشيك شفت رقم تكرر اكثر من مره اتصال
وفي اوقات دوامه بس لما يكون طالع من عندي
طبعا هو مو حافظ الرقم بس انا حافظته لما ركزت بالرقم
عرفت انها من الي كان يكلمهم زمااان
كل الي يكلمهم زماان قبل ماكشفه اعرف ارقامهم
وذي من ضمنهم
اتصلت عليها قبل شوي من جواله ماردت
موجود بجواله هي الي اتصلت بس مارد زوجي اكثر من يوم
كلها موجود بالجوال احمر يعني مارد
ايش اسوي الحين!!
اعرف نفسي مراح اصبر لازم اطلع كل الي بقلبي اول ماشوف زوجي
مره مقهوره
مره محترره
اشك انه يكلمها
ايش اسوي
احس اني مشتته
كيف اعرف اذا يخوني ولا
مادري كيف اتصرف
مرره محتر قلبي ،، احس بوجعع مدري ايش اسوي
حتى مانمت افكر كيف اتأكد كيف يرتاح قلبي
ابي اعرف الحقيقه ماتحمل حياتي كذا حتى لو الحقيقه مره
خلاااص ماتحمل بعد كذا يخوني و يلعب علي
اقوله يتصل عليها اول مايقوم من نومه واشوف من ردة الفعل!!!

لو كان يكلمها بيدري اني اتصلت وشفت الرقم
وبياخذ احتياطاته دام عرف انه ممكن ينكشف بذي الطريقه بس اذا مسكته من الحين وقلت يتصل ممكن اكشفهه
وقتها عاد ياخذ احتياطاته بكيفه بس تكون طريقتي عرفها
ايش تنصحوني

للحين اعاني من اثار خيانته
مرت سنه وللحين كل ماتذكر احس بناار بقلبي
من نكون متصافين ومن يكون قدامي احس بشوي راحه
من يطلع من عندي او من تصير مشكله بينا
اتذكر الموقف بكل تفاصيله
احيانا تمر اشياء عاديه
وفجاه القى نفسي اتذكر تصرف من زوجي ماكنت فاهمتهه قبل لا اكشفهه
تفاصيل التفاصيل قبل سنه ماكون ذاكرتها الحين بس يجي موقف يذكرني فيها واعرف ليه كان يسوي كذا
مثلا اليوم مر علي سؤال عن احلى موقف سواه زوجك ووحده قالت انو وهي مريضه زوجها مسك عيالها علشان تنام وترتاح وراح جاب لها دوا وسوا لها فطور
فجأه القى نفسي يمر علي موقف قبل سنه
سواه زوجي مره وحده كنا بننام حاول اني انام ويدلكني ومن يحسب اني نمت قام بكل هدوء وسكر الباب بدون صوت ولا عمره سواها انو يسكر الباب مو من عادته واعرف الان ليه سوا كذا
تعبت مو بيدي بس دايما
تجي مواقف تذكرني بمواقف انا اصلا ناسيتها كانت بحياتي قبل سنه
واعرف الان ليه يسوي كذا
فقدت ثقتي بنفسي وب انوثتي قدامه ادري اني جميله بس مو بالنسبه له
رغم دايم يبالغ في كلامه لي بس ماحس بقيمة وصدق كلامه لان لو كان فعلا يشوفني جميله او ع الاقل انثى ماخاني مراح لغيري
هذا الشي مرره يتعبني
اول مره افضفض بكل الي بقلبي هالشيء كاتمته من سننهه

معليش كلامي مشتت وملخبط
من القهررر

والله ياأختي الكريمه دائماً التفتيش والتدقيق على جوال الزوج بكل صغيره وكبيره تجلب المشاكل والهموم ادري ان الامر صعب للزوجه اذا عرفت ان زوجها يكلم من وراها ، المهم هو انتي تجاهلي هذا كله واهتمي بنفسك وببيتك وزوجك وكأنك ماعرفتي شي دائماً الازواج اذا كلموا وخانوا مرجعهم بالأخير للزوجه والاستقرار عندها والاخلاص لها تقدرين تقولين انها نزوه او كبوه من الرجل ، الافضل والاحسن تتركين البحث كأنك لاتعرفي شي ابدا وتدعين له بالهدايه وتهتمي بصلاتك وقيام الليل وان شاء الله ربي بيصرف هذا الامر عنه ، المهم لاتزيدين الفجوه بينك وبين زوجك مهما كان والله يشرح صدرك وصدر كل مسلم ومسلمه

ما في شي يبرر له خيانته لو كان فعلا يخون

انتي من جهتك اعملي اللي عليك , اهتمي ببيتك ونفسك وادي اللي عليك , وادعي ربك

والله ما ادري ليش الخيانات منتشرة هذه الايام , سواء من الرجل او المرأة , ياخي دام ربي انعم عليك بزوجة صالحة تهتم فيك وتحفظ بيتك , ليش تطالع للحرام

شي عجيب والله

اعانك الله وطمئن قلبك ورد زوجك لك ردا جميلا

يجب ان يكون حوار ونقاش ويعرف مافي نفسك وتطلبين منه اي طلب يريح ضميرك ويكون متعاونا جدا حتى ترتاحين وتعود الثقة من جديد بعد ان يحلف لك بتوبته وتركة لكل ما سلف .

او عليك بمراجعة اخصائي نفسي.

التركمات تولد انفجارات فحذاري.

عندك أطفال ؟

الله يربط على قلبك

تدرين وش اللي متعبك أكثر من خياناته؟
تفتيشك وراه نصيحه تبين ترتاحين اتركي جواله
ذكريه بالله بين فترة والثانية وادعي له
وثقي انه اذا فيه شي رح ينكشف لك بدون
ما تدورين وراه
والله التفتيش متعب لنفسيتك قبل كل شي
لأنك بس تبين تمسكين عليه الغلط
أذكر مره كنا بمكان عام وراح زوجي يكلم في السيارة
وهي مو من عادته وتعرفين الشيطان شاطر
قلت له من تكلم قال ليه وش فيه (هنا زاد الشك عندي قلت ايه
ما جاوبني اكيد فيه شي) قلت بس كذا ابي اعرف قال واحد من اصحابي
وانا للآن مو مصدقه فتحت جواله بعدين وتأكدت
اللي ابي اوصله لك انه ممكن فعلا زوجك تاب وقاعد يجاهد نفسه
والشيطان يوسوس
وحطي ببالك اذا كان يسوي شي بينكشف عاجلا ام آجلا
وادعي له دائما بالهداية

اصنعي لك حياه خاصه بعيد عن التفكير بالزوج وخياناته والأهم تكون خالصه لله