السلام عليكم .. انا عضوة جديدة احتاج اسمع نصائحكم على الموضوع اللي يشغلني

انا متزوجة من سنة ونصف تقريبا .. ما عندي اطفال .. معلمة ولله الحمد .. وزوجي موظف في شركة براتب بسيط..هو في مدينة تبعد عن مدينتي الف كيلو .. طبعا انا في مدينة اهلي .. حاولت انقل عنده وطلبت نقل بس رقمي متأخر يبي لي من خمس لست سنوات .. وزوجي حاول ينقل بس مديره مو راضي .. مشكلتي ان زوجي جاته وظيفة حكومية الحمدلله انقبل فيها و راتبه افضل من راتب الشركة بالاضافة كون فيها علاوات ومستقبلها حلو .. بس المشكلة انه في امكانية يتوظف في منطقتي قريبة مني بنظام شفتات يداوم كم يوم ويأجز كم يوم ويقدر يجؤ عندي .. وبالامكان يداوم ويجي بنفس اليوم لان المسافة بين مدينتي وبينها 300كيلو .. بس في واحد من زملائه اللي متوظف بنفس الوظيفة خوفه من العمل في مثل هالاماكن يقول فيها مشاكل وبعدين ممكن مايحطونك في هالمكان بالضبط .. ممكن يحطونك بمنطقة بعيدة مرة فالافضل انك تجي عندنا بالادارة .. طبعى الادارة بنفس المدينة اللي فيها وظيفة زوجي حاليا يعني كأننا ما سوينا شي .. طبعا زوجي طلب رأيي بصراحة ماعرفت اقوله رأيي من جهة ما ابي اضيع هالفرصة اللي راح يتحسن فيها دخله ومن جهة ما ابي يرجع يبعد عني لاني والله تعبت من البعد اغلب الايام انا عند اهلي ما كأني متزوجة وهو بعد يقول والله تعبت من التشتت وكل واحد بديرة .. قلت له الرأي رأيك استخير وقرر .. قال ابيك انتي تقررين .. قلت لا انت قرر اللي تشوفه سوه .. قال خي ان شاءالله ..


حنا جدا محتارين ونبي مساعدتكم رجاء .. والله تعبنا ونبي نستقر مثل باقي المتزوجين ..

وبانتظار ارائكم وتوجيهاتكم ونصائحكم..


تم تعديل العنوان ليتناسب مع مضمون الموضوع

وعليكم السلام ورحمة الله وبركاته ..
مرحباً أختي الكريمة ..
مهما كانت وظيفة زوجكِ وفي أي مدينة يسمح له فلا بد أن تلتحقي معه، لو ذهبت للصفحات القديمة كم من مشكلة طرحت بسبب جفاء الزوج وكله بسبب بأن الزوجة في مدينة والزوج في مدينة أخرى ..
حاولي أن تجدين وظيفة بالقرب من زوجكِ حتى لو براتب بسيط جداً ، أما هذا التشتت الذي أنتِ فيه لا ..
زوجكِ أهم من عملكِ وخاصة بأنكما في أول سنوات زواج وبحاجة لبعضكما ..
المشكلة ليست في وظيفة زوجكِ ، المهم أنتِ كوني معه في أي مكان يسمح له بالعمل ..
وفقكِ الله لكل خير ..

احترم رأيك اختي الكريمة..ولكنه كان يعلم جيدا اني معلمة وقد ابلغته في الخطبه باني لن استطيع النقل فقال لي انه من سينقل .. لكن لم يستطع .. فتنازلت وطلبت نقلي لمدينته لكن النقل سيطول .. والان جاءت هذه الوظيفة وعقدت الامر ..

اختي ممكن توضحين الاشكالية بالضبط هل جاته 3 وظائف حكوميه
وحده بمنطقتك انتي ونظام شفتات ؟
والاخرى الحكوميه بالمدينه التي تبعد 300 وممتازه ولكن زميل زوجك لا يمتدح الوظيفه
والاخرى المركز الرئيسي للوظيفه الحكوميه ولكن بمدينته

انا احترت

السلام عليكم ورحمة الله وبركاته ..
أختي الكريمة أسعدكِ فلا بد من تغيير معرفك لأنه لايصح بالتسمي بهذه الأسماء ، اطلبي منهم ..
بالنسبة لوظيفتكِ لو كان زوجكِ موفر كل شيء عليكِ ووو ولا تحتاجي المال حاولي أن تتنازلي ، لأنه بصالحكِ ..
المال الذي من الوظيفة لأنه زائل وليس أهم من إستقرار حياتكِ معه ..
وفقكِ الله لكل خير ..

لا ااؤيد تركها للوظيفه الوظيفه هي صمام الامان لها

تخيلي لو اختنا روح الطير ليست لديها وظيفه وش بيكون وضعها

خصوصا زوجها مقتنع وهو مو اشكاليته في وظيفتها اشكاليتهم وش يختارون

وهو ماتقدم وطلبها وهي معلمه الا وراضي فيها ويبي اكيد يكون فيه مصدر دخل اخر لهم

لا جاته وظيفة حكومية .. هو الان موظف قطاع خاص بس يقدر يداوم اسبوع ويجي عندي3اسابيع بس تظل وظيفة شركة وماهي مضمونة علاوة انه راتبها قليل ومافيها علاوات .. لكن الوظيفة الحكومية اذا داوم بمنطقة قريبة مني تبعد300كيلو فهي بنظفام الشفتات بس زميله اللي بالادارة بالرياض خوفه منها وقال دامهم قبلوك بهالوظيفة بامكاني اجيبك عندي بالادارة اللي بنفس مدينته حاليا .. طبعا لو داوم بالادارة يصير دوامه يومي 8ساعات واجازة يومين بالاسبوع يعني لو قرر يجيني راح يجيني يومين بالاسبوع .. هنا الحيرة هل يظل على وظيفته اللي بالشركة ويصير يجيني3اسابيع ويروح لوظيفته اسبوع او يتوظف حكومي ونرجع كل واحد بديرة..

انا اقترح وبدون جدال ولا حتى تفكير التي تبعد عنك 300 كيلو اهون بكثير ونظامها حلو وشفتات

واذا على مصاعب العمل طبيعي في كل عمل مصاعب وانتي سهليها عليه

وادعميه قراره بالموافقه على التي تبعد عنك 300

حتى الي موظفين جنب بيوتهم في دواماتهم تعب ومشاكل

دام اعطاك الخيار توكلوا على الله بعد الاستخاره

والله يكتب لكم مافيه خير

هو طلب مني رأيي .. وأنا رأيي نفس رأيك ..بس ماحبيت اقوله هالرأي عشان ماأبي بعدين اذا ما ارتاح فيها يجي يلومني .. ابيه من نفسه يقول هالرأي ..

لا هو طلب رايك وطبيعي اعطي رايك الي انتي مقتنعه فيه وواستودعيه الله

واستخيري