الحمدلله الله يتمم علي حملي ادعو الي سبق وقلت مشاكلي مع زوجي الي مادري شلون للحين عنده بس مكتوب الله يصبرني المهم مشكلتي اني تزوجت متاخر وقعدت كم سنه ابي احمل المهم تخيلوا يوم ططلعت النتيجه فرحت وكنت طالع مستوصف قلت له ودني نتعشا خلنا نحتفل
فرحانه ودي احد يدلعني قال لا قلت وجبه قال لا قلت يمكن تعبان صار من بكرى قلت خلنا نفرح هو مطلق وعنده طفلين بس كان ودها حمل يحاول بس انصدمت منه يقولي ليه نحتفل قولي الحمدلله واسجدي قلت وانا قلت شي قلت ابي استانس ودي بعشا ياخي فرحني كيكه شي جبر خاطر قلت الناس لاجتهم مناسبه فرحوا كان لي عشر بزران المشكله اول لاصارت مشكله وطلبت عشا وافق حاولت فيه من بكرى ودي افرح حتى من النكد ماقلت لامي ولاكلمتها قلت لاجيت افرحها تخيلوا جا وقال حجزت لك موعد عند الدكتوره حكومي بعد شهرين قلت ماراح اقعد شهرين ماروح وانا كبيره 35 وضعي غير قال بلاخرابيط مافيه روحه
انقهرت منه قلت انت لك شهر اي شي اطلبه تقول لا كارهني حملت حتى ماحاولت تفرحني جامل جبر خاطر دكتوره ماتبي اروح موعد مستكثر علي تبيني اقعد شهرين ماخذ حبوب اشيك على الحمل انا بنت عشرين وضعي غير وقعدت اصيح وتنكدت قال انتي لك فتره متنكده ليه انتي متوحمه علي قلت وش متوحمه عليه طلبت عشا صار وحم ابي تفرحني قلت ودني دكتوره صار وحم قال روحي عند اهلك اقعدي ثلاث شهور لاخلص وحمك وتعالي تخيلوا وداني عند اهلي وانا قعدت اسولف معه ابيه يفك شوي منتفخ ويسولف قلت متى تجي قالت ازين لك بعد ثلاث شهور قلت وش اقول لاهلي دخلت عليهم وجهي اسود حتى ماعلمتهم اني حامل ودي اكلم امه واعلمها وش صار وشرايكم حتى مالي خلق اعلم احد اني حامل متنكده لاحول ولاقوه الابالله


تم تعديل العنوان ليتناسب مع المضمون

شوفي حبيبتي أول شيء لازم تتابعي عند دكتورة و احجزي من الآن حتى تعملي تحاليل الدم و تعطيك فيتامينات و تشوف وضع الجنين وووو
ثاني شيء خليكي فرحانة و أنسي زوجك تفرحي لأنه في بطنك انتي و رح يطلع للدنيا و يونكس و تنشغلي بيه و تلاعبيه أن شاء الىه فرحته لا تخلي أحد يشربها لك و خبري أمك و الوسطي و ارتاحي و حافظي على صحتك
لا تحاولي تدققي في كلام زوجك ممكن لانه سبق و داق فرحة الأطفال و لحق على عياطهم و هواشهم ......تلاقيه مش متحمس زيك
و الف مبروك مسبقا

حبيبتي
الحمل هذا كنتي تنتظرينه
لو تسجدي شكر وبينك وبين نفسك تفرحي كافي
لا تشحذي فرحه من احد انتي فرحي عمرك وراعي عمرك
كان رحتي وبشرتي امك وشريتي كيكه عند اهلك وسويتي جو
ولا انتظرتي حد يفرحك
اهتمي بحملك هذا نعمه من ربي

الاشياء الجميله احتفلي وانبسطي فيها مع اهلك

لا تقولين يخصني انا وزوجي ..
الحمل يهمك انت بس مايهم زوجك
الفرحه لك انت ..مو لزوجك

انت تنتظرين هالشئ سنين وطال انتظاره
وزوجك لا انتظر ولا شئ ..
جايه ولدين سابقا وخلاص ..

انت دلعي نفسك بفترة الحمل وابحثي عن بالنت عن الحمل واقري عنه
وفري لك جو روقان ..

ولا يهمك لو تجلسين اكثر الوقت عند اهلك وتروحين لبيتك زيارات
اهم شئ راحتك ..

زوجك طلعيه ولا تضيعين وقتك بالعتاب معه والنشره وليش ماهتميت
لانهم اساسا مايهتمون ...

هذا هم ومو بس زوجك اللي كذا ..انا زوجي مايهمه كل فرحي علشان كذا مريحه راسي واللي اشركهم بفرحتي بناتي او اهلي

هو ما يبغى براحته ماراح اعمل مشكله وانكد على نفسي

لو مكانك ...
ادخل المطبخ واضبط كيكه واتفنن فيها واجهز مفرشي وشموعي واطلبه اروح لاهلي ..

اولا الف مبروك ربي يتمم لك على خير

اسعدي نفسك ولاتنتظرين مخلوق يسعدك حبيبتي

هوا لاشافك مبسوطه ومكيفه مع نفسك بيجي يقعد معك

وثانيا لا اويدك تقعدين ثلاث شهور ببيت اهلك وخاصه ماتوحتمي عليه تتوقعين رجال جالس لحاله ثلاث شهور ماحيحتاجك انتبهي

امسكي بيتك ودللي عمرك وخذي حقك من زوجك كامل مكمل بس باسلوب
هو مسوول عن مشاويرك تعبك خليه يوقف معك يساندك واعطيه حقه الرجل مايصبر هالمده كلها عن زوجته تجنبي مايمكن حدوثه

ولاتنسين الدعاء

__________________
ان لم تستطع التفاؤل ،،
فلا تخبر أحدآ أنك متشائم .

جزاكم الله خير وسعتوا صدري وصباح الخير
حبيت اقول عن وضعي اصلا هو وداني لاهلي وعندنا ضيوف اقوله بالسيارة متى تجي يقول خلك ثلاث شهور بالله وش تبون يكون ردي انا مخبيه الخبر ابي اقولهم لاشفتهم نكد علي دخلت عليهم وجهي اسود تقولي اختي وشفيك تخيلوا اقوله انت بس تفشلني عند اهلي وش اقولهم ابي اقول الخبر وانا مبسوطه المهم دخلت متضايقه وحاولت اني انسى الموضوع ونمت وماقلت لهم وش اسوي افكر اكلم امه تتفاهم معه وش مسويه انا طلب عشا واروح دكتوره وحم استغفر الله بسالكم متى اروح للدكتوره بخلي اهلي يودونه افكر اني اتركه جد ثلاث شهور وادي اخليها تسع اربيه يكفي متمحلته بس الي مزعلني متفشله منه عند اهلي شقول حامل قالي اقعدي عند اهلك

مبروك الحمل أختي
وتصرف زوجك غريب وخطأ
لكن خليكي أحسن منه
واصبري عليه ومع المعامله الطيبه منك
إن شاء الله يتغير

يعني انت رجال وشفت تصرفه غلط يعني معي حق ازعل المشكله متضايقه مره ولاعلمت اهلي انا عند اهلي مادري شقول اكلم امه وش اسوي

الف مبروك الله يتمم حملك
سوي لك موعد قريب وروحي وتابعي من البداية
وبشّري الوالدة وخواتك ليه حارمتهم يشاركونك فرحتك للآن ؟
ريحي هاليومين عندهم وارجعي بيتك واهتمي في صحتك وحملك وابعدي نفسك قدر الامكان عن التوتر

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

بيقولون ليش توك تعلمين جايه متضايقه واليوم سرحانه ماتعلمينا انك حامل وش مسوي زوجك وبقعد اصيح وافتح موال حيرانه