السلام عليكم ورحمة الله وبركاته

انا مشكلتي سنه كامله اعتقدت
ان كل مشاكلي مع زوجي وانه لايحبني
ويطنشني ولايصرف علي ومفضل أهله
بطريقة مستفزه يعني أخواته يبو السوق
وانا المستشفى ممكن يسحب علي ويوديهم
وانا احق
او مره جيت رايحه مشوار ومرينا نسلم
ونكمل لقينا أخواته يبغون السوق
ومصممين اليوم تودينا
طيب وانا مشواري طبعا ماتكلمت
انتظر هو يتكلم
وراح البقاله يجيب حلويات ع القهوة
مسكتني أمه قالت رايحين رايحين إنتي بس
روحي لأهلك أحسن قصدها الين يخلصو مشوارهم
مارديت وابتسمت وببالي انتظره
هو يهرج ويوم جا قال البسو هيا
ووداهم وسحب على مشواري
والله من القهر بغيت اموت كان بامكانهم
يروحو اليوم اللي بعده وانا كنت رايحه مشواري
كيف بهالسهوله يسحب ممكن بغت تجيني
وقتها سقطه قلبيه ويوقف قلبي من الغبن
وهكذا
حتى صرفيه مايصرف علي راتبه قليل وانا
متقبله ولكن القليل اللي يجيه يصرفه على
أخواته رفاهيتهم طبعا يعني ابوهم مايقصر
بشي لكن شهر استراحة ومره مسبح ومرا رحله
وهذي هو اللي يوفرها
وانا يقولي خلصت حتى اكل مانلقى نأكل
وأظطر اروح عند اهلي حتى يجي الراتب
الشهر اللي بعده وهكذا طول وقتي عند اهلي
ومره بنص الشهر جاته مكافأة وكنت عند اهلي
وبدل مايجيني راح وأخذ أهله ومشاهم باللي جاه
بالنسبة لي ما كنت أبغى تمشيه ابغاه يمسكها
ويصرف علينا وارجع لبيتي
كرهت إحساسي أني مشتته
حملت من اول شهر والحمدلله ربي رزقني
ببنوته وماشفت منه ذاك الاهتمام ولاهديه
ولامصروف زي الناس وجلست عند اهلي
الأربعين وبعدها طلبت فندق تغيير جو وقال
ماعندي قلت طيب نغير فرشة السرير
قال ماعندي بس يسكرها بوجهي
حالتي النفسيه كانت بالحضيض
وجاته دورة عسكرية وترك الشركه حقته
وراح الدوره ثلاث شهور تحملتها وجلست عند
اهلي وكان يوعدني الفرج قرب
وبعد غياب ثلاث شهور اول يوم جا تحمست
ولكن راح لاهله وأخذهم مشاهم وراح لاصحابه تعشى معهم
وبعدين جاني
بالنسبة لي ودي احس ان لي اولويه لو مره واحده بحياتي
واستمر الوضع حتى بعد مارجع
وقتها انا لجئت لربي اكثر رغم أني ولله الحمد
من البدايه مستعينه بربي
لكن بدأت أرقي نفسي واسمع سورة البقره
كل يوم
هدئت نفسي وغيرنا بيتنا لبيت أفضل
وبدأت ارى أمور ماكنت منتبهه لها
كنت غاضبه منه كيف يسوي فيني كذا ليه
يعاملني كذا هو يكرهني
لكن فجأة بدأت انتبه لاهله
مثلا لبسك مو حلو
لابسه شنقيطي
بيتك وسخ والله العظيم نظيف
ويقولون لي بيتك وسخ يشككوني بنفسي
ويرددون عالكلام عليه
بدويه ماتعرف تتشيك
مو زي الحريم ماتروحين سوق
ثم يسألونه لو خيروك تموت زوجتك
او أخواتك من تختار
ودايم يرددون احنا اولا
احنا اهلك
هي تتعوض احنا مانتعوض
هي بطرانه عندها فلوس خليها تصرف على
نفسها
وإذا مره بيوديني مشوار غنت أمه
زوجي جزمه وكلام كثير
إنّو انا ركبت على ظهره عشان بس بيوديني
مشوار وومره ساعدني بالبيت شافته أمه
وتقول يلا ع الحمام غسل الحمامات
هاه بكم تغسيلها
ولو مسك البنت بيلبسها
نادوه باسم حرمه يعني رجعت مثل الحرمه
وقتها رمى اللبس ومالبسها
وهنا عرفت
يتاثثثر بكلامهم
بدى شوي شوي ربي يهديه لي
وهنا بدأت الانهيارات والمشاكل
والتحريض والكره عيني عينك
لو جاب لي جوال قالت اخته جيب زيه
لو وداني تمشيه لازم مثلي
وشرط ما اروح معهم
وكل راتب يتصل ابوه ويسبه
إنتا جالس عند حرمتك وتارك أخواتك
ماتعطيهم ماتمشيهم رغم انه بيوديهم
لكن يوديني انا كمان ويصرف علي انا كمان
وهذا ذابحهم
مارست ابيت عند اهلي
زعلو حرمتك لصقه تعال نام عندنا
ليه ماعاد تنام عندنا رغم انه كل يوم والله
يمر عليهم ويجيب لهم اللي يبغونه
لكن هالشي مايكفي
تعبت من هالشي وتعبت كل ماراح لهم
اوسوس دحين يغيرونه
كرهت هالعيشه اللي كلها حسد
مره كنّا نتغدى وأمه عندنا
شوي تقول لولدها والله وسرت تعرف تاكل
هنا
لان اول الزواج ماكان يأكل عندي كويس
كان فقط عند أهله
على طول قام قال شبعت
كله كوم
واللي حصل اليوم كوم ثاني كان بيودي ابوه
المستشفى وبيوصلني بطريقه لبيت اهلي
دخل ينادي ابوه وتأخر
فجيت ورآه وقفت عند الباب والباب مفتوح
وشافوني قلت هاه نمشي ورد علي
لكن ابوه ماشافني
وقال حرمتك هذي عله كل ماركبت السياره
القاااها جالسه
على طول سحبت نفسي ورحت
كاااااانت صدمه حتى ابوووه
اللي حاطته فوق راسي شايفني عله
والله والله أني ما أكرههم
ودايم أعينه على بر أمه وابوه وكل شهر
يعطيهم ويعطي أخواته لو نكون بضيقه
ومهما أكون طيبه معهم شايفيني عله
وممتحنتهم
يبغوني زي اول سنه زواج جالسه عند اهلي
وهو جالس عندهم ويصرف كل ريال عليهم
كثييييييييير مواقف ماقلتها
لكن الخلاصه بعد كلام ابوه انا خلاص
مدري كيف أتحمل
لو ماعندي بنت وحامل ممكن تطلقت وارتحت
لي ثلاث سنين متزوجه
حتى شيب برأسي طلع والله
انا من بيئه مسالمه وناس طيبين
وعمري ماحد آذاني كثر هذولا
وانا اتأذى لأَنِّي اهتم
لو ماهموني ولو أني شريره
كان قلت مع نفسهم لكن اكره هالبيئه
طب دحين آش أسوي من جد
آش أسوي
لا اقدر اتطلق
لكن ما اعرف اتعامل معهم
وزوجي تعبت اخاف انه يتغير تعبت
وانا أجاهد عشان حقوقي
تعبت من كل شي


تم تعديل العنوان ليتناسب مع المضمون

حسبي الله ونعم الوكيل على الاهالي الي يهدمون بيوت عيالهم المستقره ويشتتون الاسر ..... والله الشرهه على الرجال الى فاتح سمعه لكل من هب ودب


الحين حبيبتي مطلوب منك :

امسكي بيتك واذن من طين واذن من عجين وياليت لو الاهل مايعرفون بمشاويركم يعني ابني لنفسك ولبيتك سد عالي من الخصوصيه بحيث مايدرون حتى انتى بالبيت او لا وزوجك شويه شويه بيتعود وحقوقك عوديه تاخذينها بالمسايس مصروف يمشي لك والبنت ولو تقدري بلحظات صفاء وروقان معاه تخليه يروح البنك ويسويلك اقتطاع شهوي افضل لان صعبه كل الراتب ينصرف على اشياء مالها داعي وانتو تجوعون


واهله لاجيتي بتروحين مشوار لا تمرينهم ماله لزمه صراحه ... وخلي الضحكه من الصرس للضرس ولاتنسين تمدحين زوجك كثير بالبيت

وبقولك شغله دامه يتاثر بالكلام

( روجي لنفسك ،،وخلك واثقه )

قعدتي معاه وكان خارج قبلها لاهله قولي فاتك يالحب سويت ذاك اليوم الاكله الفلانيه ررروعه واختاري اكله مجتمع زوجك واهله مايعرفونها

والا سويت الحلا مع هاك القهوه الى تكيف الراس بس لاتكثرين يعنى مره تكلمى مره خليه يجي يلقاك مسويه له شى غير متعود عليه كلمه حلوه من هنا وهناك واهله لاتجيبن سيرتهم ....شفتي لو سبتك امه واخواته ابد لاتجيبين سيره نهائيا خذي حقك بمجلس الحريم بالحقران وان ماقدرتي كلمه بالجبهه مع ابتسامه وثقه تفي بالغرض


وعلى فكره اخواته مردهم يتزوجون ويروحون امه وابوه ملزوم فيهم ومالك الا الكلمه الزينه وحاولي ام زوجك لاتعرف شيء حتى لو ساعدك بالبيت لا تبينين لها ذكرتيتني باول زواجي كنت عليميه ومره قلت والله اليوم كنت تعبانه وابو فلان غير حفاظه البنت واصلا ماكن فيها شيء مادريت الا امه قلب وجهها وعلى طول الرد بعدها توبه اتكلم حتى الام تغاااااار الي تبغاه لبناتها ماتبغاه لبنات الناس


المهم زوجك عيشيه جو امدحيه ليل نهار حتى لو جاب لك عصير من البقاله قولي جزاك ربي خير ربي يخليك لنا يالغلا ...االي يلقاه منك ماحيلاقيه من اخواته



بكذا بتسحبين زوجك لبيته وبيتعود ويرتاح معاك والله الله بالصبر

__________________
ان لم تستطع التفاؤل ،،
فلا تخبر أحدآ أنك متشائم .

الحياة الزوجية خط احمر مافي احد يحق له يتدخل او يتكلم وبالنسبة لوضعك فزوجك ضعيف شخصية او اعمى جاهل

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

الله يكون بعونك و الله هم ما يلتم... نفس المشكلة اعاني منها
اسأل الله لك فرجا قريبا من عنده

__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك

[img]http://im33.***********/edShu.gif[/img]

شوفي انا مريت بكل الي مريتي فيه ودامهم يضغطو عليه وينتقدوه الا مايحي يوم ويتغير واكيد انتي ملاحضه تغير ولو بسيط في زوجك

الفرج قريب باذن الله انتي حاولي تستميله لك اذا جرحوك لا تشتكي وتهدئي فيهم لا ابكي احرقي قلبه قولي انا اعتبرهم زي امي وابويه واخواتي ليه يعاملوني كذا ايش سويت لهم


......قولي انا اعرف مايبغوني وشكلي بيجي اليوم الي اروح لاهلي واطلب الطلاق ويختارو لك الزوجه الي يحترموها ويحبوهاوووووو

زوجك لازم يحس فيك

كنت زيك وتغير الوضع وصبرت والحمدلله ربي عوضني بأمور كثيره في حياتي

نصيحة زوجك متعلق في عائلة بحب و كره تصرفهم لكن هذه عائلته التي عاش معها كل السنين قبل ان يتعرف عليكي
الان الموضوع ليس يسمع كلامهم او يغير و يتقلب هذا لن يفيد في شيء
الخيرات التي انصح بها
ابتعدي كل البعد عن خلافات العائلة في حضور زوجك البيت
حاولي ان تستغلي انوثتك و كلامك الجميل في كسب قلب زوجك و ليس تصنع
بل لي احياء حياة جميلة خالية من شوائب
يجب عليكي ادراك امر ان حب زوجك لي اهله سنين لم تمضيها
لكن الرجال لديهم حسنة او سيئة تستغل
يحبون الكلام الناعم و تهوين الامور
لكي البدء في رسم خطة مستقبلية تغير زوجك و هي فقط بزيادة الحب
و من هنا يطغى حبك على كل الشوائب و بعدها بسير متل الخاتم في اصبعك الله يعينو ههههه
هيك متخيل الوضع حاولي تكسبي مش تمشي معو و تناقشي و تنصفي نفسك مقابل اهلو
و بعرف انو نقطة هاي عندو بس مطلوب منك تغير و تعديل
و ربنا يوفقكم و يسر امركم و يجعل ايامكم سعيدة

السلام عليكم ورحمة الله وبركاته
اول شي انا اتجه لكم بعد الله
لان ماعندي اخد يعطيني رأي بحياتي
وحتى لو بزعل او اتخذ موقف مااااحد يفهم
والله ما يفهمون ان الانسان عنده مشاعر
نطاقه وعنده كرامه وابسط شي
تحمليهم مو مشكله
او طنشي
او ممكن يقولون إنتي خبله سوي
وخططي ومايفهمون أني وصلت مرحله
انا نفسي ما ادري آش هي بس هالمرحله
ودي فيها اهرب من كل شي حتى لوين
أهرب مدري
والشي الثاني اللي خلاني اكتبلكم
لان من ردودكم واضح أنكم كبار وفاهمين
وآرائكم كثير حلوه
رجال ونساء طلبتكم اعتبروني
مثل انسانه من اهلكم تحبونها وتبغون مصلحتها
وإذا كان باين من كلامي أني انا غلطانه
تنصحوني حتى لو بقساوه اهم شي
أبغى امشي في طريق صحيح
واعرف اللي لي واللي علي
اللي خلاني اكتب
قبل أسبوع انزلت موضوع عن أهل زوجي
وخبرتكم بنهايته ان سمعت ابو زوجي بدون
لايشوفني يقول هالعله كل ما اركب السياره
القاها جالسه
رغم أني ما اضايقه بشي
وأمس بيروح مشوار وأول ماشافني
يقول لزوجي ان شايل ببنتك تبغاهم
يروحون معنا لا خلاص روح ما أبغى
وأخواته أسمعهم يقولون طيب خليها في
البيت ودي أبويه وارجعلها
طيب ماقال بيمر بي مكان
قال يا أبوي بوديك وارجعك وبعدين
اوديها
لكن لا مو عاجبه ولا عاجب أهله
ورجعت البيت
ومازعلت
كلمت اخويه وهو وداني عند اهلي
وعديت السالفه مثل ماعديتها المره الاولى
واليوم جمعه وأجازه قلت بروح لاهلي
الين عشره وارجع
ولما قلت لزوجي قال اووه اليوم بودّي
أبويه
بعدين قال خلاص اوديك وارجعله
يعني فيني عله او مرض معدي
مابيركب معي
واللي زعلني مو هو زوجي
عديتها مرتين وسار عنده الامر عادي
بدل مايقول او يفكر هووو انا آش سويت
يعني بدون سبب كره عيني عينك
بدل مايوقف معي سار مثلهم
لازم مانركب مع بعض
أهله سنتين من زواجنا
أخواته مايبغوني اركب معهم
ولا اروح معهم مشوار يقولون دايم
يومنا لحالنا لو عندي مشوار مهم
او مدري آيه لا مانبغاها
وهو احيان كان يقاوم هالشي ما انكر
لكن انا تعبت من هالمعامله
اقسم بالله دخلت عليهم وانا احبهم
ولا عندي نيه أخذ ولدهم منهم
لان هم معتمدين عليه اكثر من اخوه الكبير
اللي متبرئ منهم وزوجته قويه ودايم مشاكل معها
انا كنت احبهم وكانو من ورايه يحرضونه
ربي كشفهم لي واختهم الصغيرة علمتني
وانا كمان لاحضت بعدين
أمه تقولي ابوه يقول إنتي السبب زوجتيه
كان استفدنا احنا من كده
رغم انه والله مايجي راتب الا يعطيهم
كلهم أخواته اربعه وأمه وابوه حتى اخوه
الكبير راتبه اعلى من راتب زوجي
يلعب به هو وزوجته ويجي يأخذ منا واحنا
نضغط على نفسنا حتى يكفينا اخر الشهر
لان زوجي مايعرف يستلف من احد

وبرضو مو عاجبهم ويسبون
وانتا كنت تصرف علينا
وانتا كنت تودينا
وانتا تغيرت
ويكتبون اساميهم ويعلقونها بسيارته
يقولون عشان تتذكرنا
والله والله كل يوم هو عندهم
وأكثر من مره باليوم لأننا جنب بعض
ويجيب لهم كل ليله العشى ويريح ابوه
ويودي أخواته المدرسة ويرجعهم
ويقولون انتا نسيتنا
وانه بس جالس عندي يحسسونه بالذنب
وهو ....... يصدق
ياهو ياعالم بنجن
أمه تجي تبكي انتا ماتجيني
هو قبل كم ساعه كان عندها
هو يصدق من كثر مايزنون انه مقصر
ثم يحاول يعوض
وانا انضغط اكثر
أمه الله يشفيها اعتقد بعقلها شي
لانه مافيه واحده عاقله
بتقول لبنت ولدها اللي دوبها مولوده
على أساس توصيها تعالي ............
......................
................ وتحملت وسكت
رغم انه شي يكسر القلب
وغير كذا ماتخليلي شي بالبيت كل شي
تاخذه احيان أشياء ابغاها تأخذها
كل ماجوني اجلس أدس أشيائي كلها
حتى المطبخ احيان نشتري شي على قدنا
تاخذه وانا من جد انقهر يعني ماتعطيني
وقت اكل من هالحاجه يعني اشترينا
مثلا خمس حبات منقه تجي وتاخذ واحده
لها وواحدة تقول لفلانه ولفلانه وللعيله
كلها وتخلصها وانا مالحقت اكل لو حبه
منها
يعني لازم أخبئ اكسسواراتي
وأكلي وحلاوتي او تأخذها
تخيلو تعيشو هالعيشه
طبعا انا ما اخبي ما اعرف وأنسى ثم تأخذ
أشيائي واجلس مقهوره عليها وإذا قلت
لزوجي قال حلالها. حتى لو شفتيها أخذت
شي سوي نفسك ماشفتيها
ومن بعدها ماعاد أقوله احس حرام
اقهره وأحرجه مهما كان أمه
آش يسوي
طيب انا كيف اتصرف
كيف اشيلهم من داخلي بحيث
ماياثرون فيه ولا في نفسيتي
ولا في حيااااتي كلها
طبعا بكتب لكم اكثر
بس الان بكتفي
بهالقدر واسمع الردود

حااااسه فيك وعشت اللي عشتيه
والى الان ولدهم يوميا عندهم من يصحى من النوم واذا نامو اهله راح الاستراحه واخر الليل يجي عندي صار مرهق وقليل نومه وارهقني معااااه


تدرين اني كنت انهار واصيح واصااارخ كنت
لكن تغيرت
ترى زوجك تعبان امثر منك بين نااارين
كنت اعزمهن ويسبون ويااخذون بواقي الاكل

شوفي ياحبيبتي بقولك ايش تسوين ودعواتك
هالشي والله نفع معاااي 👌🏼👌🏼
...................
خليك رسميه جدا
..................
واذا جيتي جيبي قهوتك وحلاك معاك ولاتطولين
والله كان هالشي صعب علي
لان اختك اللي تتكلم كانت خبله ويوميا تروح لهم
وامه مابها فرق عن ام زوجي تقول لولدي اذاكبرت ............
.........................

...........................................

وكل حاجاتك يشوفونها ملكهم كل شي لولدهم لهم

...................

وبيتك قفليه انتي نفس حالتي لدرجه اخذت مفتاح بيتي وسحبته منها وقال زوجي بيتي ماتقفلينه عن امي
تخيلي وانا منسدحه بسريري الا اللي تتسمع وافتح الباب تركض للمطبخ ابي ثوم وبصل

اعوذبالله احسبها جني
قلت خوذي

امه خفيفت ظل تدخل علي

عانيت وبكيت وشكيت وونيت وكل شي سويته مانفع

الاستغفار والدعاء والقوه يالطيبه
.....................

....................

بيتك قفليه سبق كنت مثلك صرت اقفله اقول اخااف

والله والله اني بعد مااحترمت نفسي وقدرت نفسي وابعدت عنهم واهتميت ببيتي وعيالي وسكرت بابي واجيهم مره بالاسبوع واذا عزمتهم قفلت كل شي
افتح لهم المجلس بس ومجهزه كل شس من الليل الا الطبخه
زي سلطات وحلا اجهزهن بثلاجتي
ومااسولف عن حياتي لهم ومااخذ واعطي معاهم يسالوني واجاوب مدري
صرت غااامضه

متى صحيت من غفلتي ؟؟بعد الله ثم هالمنتدى الاعضاء زي البلسم ع القلب
وبعد ما اكلت .........عنده هو واهله
كنت شغاله لامه متخيله
كنت برمضان اروح لها يوميا اشتغل لها

صح كنتاتحسر ع السنين اللي كنت دجاجه بها
لكن والله انها علمتني الكثير وتعلمت

ما تتألمين الا وتتعلمين
وكل دقه بتعليمه
اذا كنتي تتعلمين وتنفذين هذا شي جمممممميل جدا 👏🏻👏🏻

اول كل يوم ابكي من سواتهم فيني وكلامهم علي وتسبني عيني عينك وتدقني وترمي كلام سم ومستحيل تمدحني

الحين من كثر ماني رسميه محد يقدر يتكلم علي

والله اني اليوم طلبت زوجي اعزمهم للغدا ويقول لا مابي مشااكل
قلت مافيه مشااكل انا ووقفت الكل عند حده
وعزمتهم وكالعاده محد يساعدني بس ابتغي بذلك وجه الله
كنت اعزمهم كل اسبوع مرتين
الحين مره كل شهرين
قامو واثنى ع الاكل
اول يقومون مايقولون يعطيك العااافيه


شفتي ان الوحده تحط خط احمر للناس
وكل ماابعدتي وصرتي رسميه يصير لك الف حساب ويصير لك تقدير واحترام


شفتي هالكلااام ولاشي
عندي لك كلام كثير

لكن بس افضى اقووولك

والله مابي الا دعواتك انا
لاني جربت اللي انتي جربتيه وذقت مرارة هالشي

لي عوده بس داواتك لي ربي يسخرلي زوجي ويرزقني الوظيفه

بقي زوجي نشطب ع كم امرر معاه ونزين الحياه هههههه

.
.
تم دمج الموضوعين لترابط المحتوئ

.

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

اما يكتوبن اساميهم ويلزقوها بالسياره هههههه.
اي شي حاجتك تخصك .. قفلي عليها ... ولا يعرفون عنه .. يعني وصلت للاكل بهذه الطريقه ! ...وخلك رسميه معهم
ولا تجبين سيرتهم امامه لانه منحاز لهم دون عدل وما راح يتحمل انك تتكلمين عنهم ..

زوجت اخوه .. كيف ياخذوا من زوجك ويستغلوه ؟.. ممكن تذكرن مثال ..