السلام عليكم ورحمة الله وبركاته

اولا انا طرحت مشكلتي هون بهذا المنتدى لانه يوجد تفاعل من قبل الاعضاء، واتمنى ان تساعدوني ،ولا تبخلوا علي بالنصحية


انا مخطوبة (عقد قران )عمري22سنة جامعية الحمد لله انا جميلة هادية بطبعي كتومة

خطيبي عمره 32 سنه موظف حكومه بياخد نصف الراتب بيصرف على نفسه بس (دخان حكالي مو كتير بيدخن واهلي تفاجئوا بس سمعوا انو بيدخن وبنزين واشتراك الانترنت )موظف من سنة 2009 عندو شقة مو جاهزةمن الالف للباء بس فيا الشغلات الضرورية متل ما عم يحكيلي وهلا عم يضيف اشياء ثانوية (ماشوفت شي بس هو بيحكي هيك)

مشكلتي انا مخطوبة منذ 3شهور تقريبا
اشعر بتصرفات غريبة من خطيبي لا اعلم اذا كان بخيل ام يواجه عبئ ماديا ومضغوط
** مواقف من اول يوم خطوبة :
1- عند دفع المهر اعطاني المهر ومع حق الشبكه بس طلع حق الشكبه الي اعطاني ياه قليل شوي ،اهلي كملوا حق الشبكه منهم الشبكه عبارة عن عقد ومحبس بس وحتى الفستان ما فرحت فيه واهلي اشتروا الي فستان .. مع انو بنفس الفترة بنات اخوه خطوبو واكيد هما بيعرفوا سعر الذهب والشبكه وانو المفروض الفستان على العريس هيك الاصول عنا....

2- هوا بيزورني مرة بالاسبوع واول تلات زيارات تقريبا جابلي حلو واخر مرة عطر وشاله ومن بعدا لهلا ما شوفت اشي بيجي وايدو فاضية مع انو اخر فترة اخد الراتب كامل وهوا وضعه منيح مو متحاج حد يتصدق عليه...

3- بعد اسبوعين تلاته من الخطوبة اشترى الي بطاقة كرت *رصيد لجوال* *وحدات* سعرو وسط
ولكن بعدا كل اسبوعين واكتر صار ببعت رصيد قليل *ارخص شي*
يعني الرصيد خلال ساعتين بيطير كلو
من تاريخ 25/8 لهلا ما بعت شي

4- مكالماته رن اول يوم كتب الكتاب واعتذر انو مو جاي عالعشا لانو عندو ضيوف والمكالمه كانت اقل من 3دقايق وبعدا رن عليا بيستفسر عن شي كمان مكالمته اقل من 3دقايق
لما ارن عليه من جوالي بيفتح خط عليا هو بعرف انو رصيدي قليل كتير

اول الخطبه حكالي انو متعود يبعت رسائل مو مكالمات لانو مو متعود ع المكالمات *حكيت لحالي يمكن بحب يوفر رصيد * ومشيتها صرت ابعتلو رسائل

رسائله ببعت رسالة مرة وحده بالاسبوع قبل مايزورني بيحكيلي انو جاي بعد ساعه مثلا
اول الخطبه بعتلي رسالة دينية قصيرة برمضان
انا كل يوم او يوم بعد يوم ببعتلو رساله عاديةمو حب وعشق بس هلا اخر اسبوعين وقفت لانو ما عم يرد على رسائلي برسلو رسالة على الفاضي مرة او مرتين عبرني ورد على رسائلي
ولكن لما ابعتلو رسالة استفسر او اسالو عن شي بيطنش مع انو صرت اكتبله باخر الرسالة لا تطنش، بس هو بيطنش
قبل ما يزورني بشي ساعتين ببعتلي انو جواله كان مغلق او معطل وهلا شاف الرسالة هالحركه عملها مرتين وهو بيكون كذاب لانو بعتله الرسالة بالاول الاسبوع وهو موظف مابيقدر يقعد يوم كامل بدون جوال ؟!
كان فيا ارن عليه مشان اعرف انو جواله فاتح مو مغلق بس ما حبيت بينلو كزبو..

5- اول الخطبة سالني اذا عندي واتس او فايبر او فيس حكيتلو عندي فيسبوك ضيفني من بعدا بعتلو رسالة انو يضيفني عالفيس مشان نحكي محادثة مجانا
ما حبيت احكيلو وجه لوجه بعتلو رسالة بس هوا طنش ، ما بعرف ليش مو حاب يضيفني صديقة عندو ..

6- يعني لا رنه ولا رسائل بس بشوفه مرة وحده بالاسبوع
الاسبوع هاد اعتذر لانو مريض بعتلي رسالة طبعا وبعرف انو كزاب والاسبوع الي قبله نطرني لاكتر من ساعه ونص وانا عم استناه بعتلو رسالة قام رد عليا برسالة انو هلا عند قرايبه مشان فرح ابنهم مع انو الفرح كان تاني يوم مو نفس الليلة هون انصدمت فش حيا ولا اخلاق تخليه يبعت رسالة يعتذر او حتى فش سبب يخليه يكون في الليل عند قرايبه قبل الفرح بيوم يعني هوا تارك الاسبوع كلو وراحلهم قبل بالليلة وبالليل كمان *حجه هاي*

7-المفروض الفرح كان بشهر 8بس تاجل مشان ظروف وكل ما ييجي عنا
امي بتسالو حددت يوم العرس .. مرة بعتلو رسالة كنت بسالو عن يوم العرس قام بعتلي رسالة انو زعلان ليش امي بتسالو عن يوم العرس وهو وقت ما بدو يحدد يحدد وهو انسان عنيد جدا وما حدا الو دخل فيه كل هاد مشان سؤال امي احرجني والله كتير خجلت احكي لامي حكيلتها لا تسالي العريس مشان هو مضغوط و ألفت حكي من عندي حتى امي ما تزعل وتكرهه والله ما فيها شي بس تسالو

6- بس ييجي عنا بيحكي عن شغله وانو بدو يجيب وبدو يعمل وانو اشترى الاشي القليل الي بيشتريه بكبرو كتير وبحسسني انو شاري هديك الشغله العظيمة
بيحكي انو وضعه احسن من غيرو هو مجهز بيتو وغيرو خاطب ولسه ما عندو شي بحسو بستحقر الناس وانو كبير
هاد مضمون حديثنا لا بيحكيلي بحبك ولا اي كلمه حلوة
بضل ساكته وبقلبي مليون شغلة...
عنا بياكل مكسرات وعشا وحلو ومشروبات انواع

_7 يوم عيد الاضحى حكالي الي دار بينو وبين امه حماتي
ما بعرف شو صار بس تقريبا اختو فاتحه جوالو وقرت رسائلو وحاكيه لامها وامه عاتبته انو لازم يهتم فيني وميكونش جاف والعريس حكى لامو انو هوا كان زعلان مني لانو هو رن عليا14مكالمه وانا مرديتش عليه والعريس حكى لحالو خلص ما بدو يرن على العروسة يمكن هيا بتخجل تحكي وكمان حاكي لحماتي انو مطول بالو عليا حتى اثق فيه واتعود عليه..
(يعني يوم العيد جاي يحكي هيك ، هو بيحكي وانا بدي اصرخ من البكي )ليش هيك ، حكيتلو انا ما شفت امك ولا حكيتلها يمكن حدا فتح جوالك وشاف الرسائل وحلفت انو ما حكيت لامو شي اصلا ما كنت زعلانه ولا شي بشوف وبلاحظ تصرفات وبصبر عليه بحكي لحالي كل منطقة عاداتهم وتقاليدهم وطبعهم بختلفوا عن المنطقة التانية وكل انسان تفكيرو ومعتقداته بتختلف عن الانسان التاني يعني بحط مليون مبرر لتصرفاته مع انو كبير بالعمر المفروص يكون اوعى من هيك
هوا كزب على امه وحكالها انو رن عليا14مرة وبكل وقاحه بيحكي هيك شو استفاد هلا صغرني قدام امه وكبر حالو ، بيعاملني انو انا صغيرة وبعرفش شي وهوا الانسان الكبير الي مستحيل يغلط وفاهم كلشي صح خبير بكلشي
مع العلم انو محكيتش لامي عن هاي القصه وكزبته لانها راح تواجهه بس ساعات بفكر انا واجهه واسالو ليش عملت هيك ليش كزبت
وانا خلال 3شهور مكالمتين وصلتني منه بس واقل من3دقايق
ولما ارن عليه بحسسني انو موفاضي مشغول ما بسمع غير طيب طيب بضطر افصل مع انو برنش عليه غير للضرورة

8-عيد الفطر اول عيد النا عيدتو الي كانت اقل وارخص شي يعني والله الاب مابيعطيها لبنتو
الخطيب بعيد خطيبتو اشي تدل ع قيمتها خاصه انو اول عيد النا حكيت مو مشكلة بس كمان كررها بعيد الاضحى.

انا الحمد لله اصغر بنت لاهلي ومدلله كتير وعاقلة كتير
وشو ما اطلب اهلي بيوفرولي يااه
الحي الي انا ساكنه فيه واهلي ناس متعلمه وضعهم المادي منيح ناس بتعرف الواجب وعندا اخلاق وبتحترم البنت وبيحطوها تاج ع راسهم هيك قرايبي ومتعودة على هيك

مو قصه انو بدي هدايا ولا كلمه حب بس ازا الخطوبة هيك كيف الزواج بكرا
مع العلم انو الحي الي هوا ساكن فيه مشهورين بانهم ناس جافه حريصين كتير على المادي لانو غالبهم ناس مو متعلمه
بس خطيبي مثقف وموظف وضعه منيح ومو مسؤول عن اهلو مشان احكي وضعه المادي تعبان
واهلو فيه منهم ناس موظفه ومتعلمه وضعهم منيح بس امه حريصة شوي


هوا بيعرف انو هوا العريس السابع الي تقدملي
وصار النصيب ما كنت بعرفو قبل الخطبه بس اهلي سالو عنو واخي سال عنو حكولهم طيب محترم ومابتدخل في حدا وهيك شغلات واهلو مو مصدقين انو وافقنا عالخطبة علما انو انا وافقت لانو اهلي موافقين ولا الي اي قصه حب سابقةة كنت مشغولة بدراستي


بس انا بحسو بخيل ما بعرف هل انا السسبب
لانو لما يزورنا بيكون بينا مسافه ولبسي مستور مو مفرعة ..الوانه هادية وبنسق بالبسه
بحط مكياج خفيف عيوني حلوة بس بببرزها وشعري ناعم وطويل يوم بفردوا على ظهري ويوم بعمل تسريحه خفيفة

مابقرب حدو بسايرو بالحكي

يمكن خجلي او هدوئي عملوا حواجز بيناتنا يعني مو حلوة انا ابادر بشي
انصحوني شو اعمل ، مو حابة احكي لامي ولاختي المجوزة شي بحب ابين انو خطيبي مريحني نفسيا مع انهم شايفين كلشي وحاسين انو اديش بخيل
خطيبي بيعرف اني كتومة ومو راح احكي لاهلي عن كزبته على حماتي او تصرفاته معي معقول لهيك عم يتمادى ومو عاملي قيمة
انا عندي كرامة واحيانا بندم انو وافقت عليه بس لما شوفت الكل بيشحعني وافقت ...لعله خير






بحس انو بس نحكي كتير راح تنزال حواجز او يحس بحبي الو واهتمامي فيه حاولت انو نحكي عالفيس بوك بعتلو كذا رسالة عجواله بس كان بطنشني

ساعات بفكر ابعتلو رسالة عجواله واحكيلو اقبل طلب الصداقه مني لانو هوا صديق عند خالي وانا براقب حسابه بحس نشط عالفيس بوك
بس بخاف يفكرني بنت سيئة وعم العب من وراها ويحكيلي كيف عرفتي فيسي مع انو كاتب اسمو واسم عيلتو

وقبل شوي بعتلو رسالة عجوال لانو امبارح اعتذر عن الزيارة لانو مريض بعتلو سلامتك وكالعادة مطنش
ما بعرف هو بطنش برود منو ولا بتخسر للرصيد
انصحوني مششان الله والله صرت احكي مع حالي
تصرفاته بتكرهني فيه مو مهتم فيا ابدا او هيك تصرفاته بتدل

مع العلم انو صديقو الروح بالروح حكى لزوجته اول خطبتنا انو هوا *خطيبي* بحبني من زمان و زوجته حكتلي لانها صديقتي ولما سالت خطيبي اول الخطبه انت كنت بتعرفني قبل الخطبة حكالي ولا شوووفتك -_-

ساعات بحسو ببالغ بالاشي بيكبر الموضوع قدامي وبس ييجوا اهلي ويحكيلهم نفس القصه الي حكالي ياها بحس انو كان بضيف بهارات....

اختي موضوعك طويل شوية.. السؤال؛ ليش ساكتة؟ ليش قبلتي بهالخطيب بالذات؟ وانتي هل تريدينه كزوج أو لستِ مرتاحة...

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

أختي الكريمة شام .. تكلمي مع أهلك أبوك وأمك وقولي لهم أنا أحس الرجل فير متحمس لي ولا يرد علي ولا أدري هل هو ندمان انه خطبني ؟ أو أنه لم يتعود عليّ !!!

بعدها يتكلم معه أحد أفراد العائلة ويقول: يا فلان الله يخليك تحمل بالبنت أكثر لأنها مرتبكه منك وتحس أنك لست رغبان بها ولا تبادلها الحماس والشوق .. فإذا أنت ندمان على الخطبة وتريد تفسخها فلا تستحي فربما أنت تسرعت وخطبت الفتاة التي لا تريدها .. وأنت وهي لازلتم على البر والانفصال قبل الانجاب افضل من انك تتزوج امرأة لست متحمس لها ونحن لا نريد الانفصال ونتمنى لكما حياة سعيدة ولكن نريد نعرف هل عندك ملاحظة على أختنا أو أنت لم تتعود عليها وهي تلح عليك وتضغط عليك؟ نريد نعرف سبب عدم حماسك.

وإن شاء الله بعد الكلام معه بالكلام الطيب يعتدل الوضع .

أنا لا اعتقد أنه بخيل وانما هناك سبب لعدم الرد والاسترسال ، فإما انه ليس راغب أو أنه لم تعود عليك ويحتاج لوقت حتى يتعود على انسان جديد . وإن شاء الله يكون السبب الثاني وليس الأول .

اشكركم على ردكم والله يوفقكم يا رب

صراحة انا من الناس الهادية و الخجولة وهو لاحظ هاد الاشي
لهيك غالبا بحط الحق على نفسي انو يمكن انا السبب الاساسي
وهو حب يخليني على راحتي او فارق العمر بينا 10سنيين التفكير مختلف
مع انو تصرفاته اصغر من عمرو بكتيررر


بس التصرفات الي ذكرتها لم اجد لها اي مبرر

اخي انا خطيبي ما كنت بعرفه قبل الخطبة
بس صديقتي واخته وخالتي هدول جيران بعض وساكنين حد وبعرفوا انو كان بشوفني كتير وهو اختارني بارادته ؟ ولما سالته اذا كان بعرفني قبل الخطبة حكالي لا ولا شوفتك


من ضمن تصرفاته الكذب برسله رساله في الليل لاني بشوف تعليقه عالفيسبوك بيرد عليا الفجر بيحكي كنت نايم مشان الدوام وهلا شوفت الرسالة ...مع العلم هو ما بعرف حسابي
يعني بلاحظ انو بيكذب عادي حتى مو محترم عمره ولا رجولته

ليش وافقت عليه
بالنسبة للبلد والبطالة هو افضل عريس تقدملي
سالوا عنو محترم طيب بشتغل عندو بيت لحالو هو بصلي وبيصوم وبيقرا قران
كلن شجعوني وحسسوني اذا ما وفقت عليه راح اخسر اشي كبير وما راح ييجي غيرو

بعتذر على الاطالة ، بس حاولت اختصر الموضوع وهاد الي طلع معي

ارى تصرفاته عادية خصوصا من حيث المادة لا ارى بخل
ثانيا قد يكون هذا طبعه
فانا شخصيا لا احب الكلام الكثير خصوصا بالهاتف و ارى الرسائل افضل

يعني انتي مو مرتاحة معه، بس قابلة فيه عشان وضعه المادي صح؟

اختي اقول لك لا تستصغري نفسك وتستعجلي رزقك..

فكرة انه ماراح يجي افضل منه.. غلط. لو انتي مرتاحة مو مشكلة.. بس فترة الخطوبة الرجل بيكون ميت عالبنت ومشتاق لها ومدللها.. طبعا كل واحد ودرجة اهتمامه لكن ما توصل للتطنيش وعدم الاهتمام! يعني لما يكذب عليك شو معناته؟ شو بيفكر لما يكون بيشوف النسج تبعك طالع عالشاشة؟ بيقول "حلّي عني مو وقتك هلا".. الاخ ماله نفس ويكذب بوقاحة.. لو انتي زاعجتيه بالمكالمات ومضيقة عليه نفهم انه ضاق.. بس بحالتك لا.. لكان شو راح يصير بعد الزواج؟؟

كمان زوجك مو مصدق حاله مسوي بيت.. هذا تفكيره.. مسيطر عليه الجانب المادي حتى في محادثاتكم.. واعتقد والله اعلم راح يعذبك في المصروف.. راح يدقق معك في الصغيرة والكبيرة.. هو متعود على هذا النظام مع نفسه.. متعود المصروف بالحساااب بس هالشي مايتفع بعد الزواج.. من اقبح الصفات في الرجل المحاسبة والتدقيق في المصروف بشكل دائم..

يالنسبة لي زوج دخله متوسط بس قلبه كبير وسخي وبشوش افضل من زوج دخله جيد بس كل همه جمع المال والتوفير حتى العواطف ماعاد الها مكان بقلبه..

حاليا كل شي امام عيونك.. وشفتي صفات ماتقبلتيها.. اعطيه فرصة، قوليله الي مضايقك، وشوفي ردة فعله..

بس اذا ضل بهالحال وقبلتي تتزوجيه فتحملي النتيجه.. هو ماغصبك على الزواج.. انتي الي اختاريتيه بسبب وضعه المادي واهملتي جوانب اخرى..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

تصرفاته طبيعيه ..
يعني تبغين ع الطالعه والنازله هدايا مثلا !!
وتوكم .. الزواج تجربه جديده عليكم .. يمكن هو من النوع الخجول او طبعه ما يحب يتصل ..

ثانيا .. فتره الخطوبه تراها للتعارف التام بين الزوجين ..
اساليه بشكل مباشر ليش مقصر معك اذا هو فعلا مقصر . !!

واساليه عن حالته الماديه .. مافيها شي عيب ولا حراام ..

جزاك الله خير خيووو ،،وان شاء الله اذا كان هيك طبعه يتغير

الله يجزاك كل خير خيتو ..وشكرا على اهتمامك بالموضوع وربي يفرج همك ويرزق السعادة

وضع اهلي المادي احسن من وضعو بكتير
وراتب ابي ضعف راتبه مرتين وامي وخيو موظفين
بس هو يعني ما كان ناقصو شي
الخطاب التانيين منهم كان بدو تنزوج ونسافر برا البلد اقامه ومنهم ساكن مع اهله ومنهم بشتغل عسكري ومنهم اول الجامعة ما كان حاب اني كمل تعليمي

هوا بس سالوا عنو رجال محترم اخلاق عندو دخل شهري ساكن لحالو
وكمان جار خالتي .
وخيو سال عندو ومدحو كتير
وانا كنت رافضته مشان العمر بس عرفت انو كل عيلته ربنا واهبهم بالذكاء
تشجعت كتيرر لاني بحب كتيرر النجاح والتفوق وتمنيت بالمستقبل عيلتي تطلع ذكية متلهم
مو مشان المادي والله


اول الخطبة حكيتلو بدي كمل ماجستير وخاصة انو تخصصي مرغوب حكالي بلاها محدا ملاقي وظيفة هلا ...

كتير بفكر صارحه بكلشي واعرف تفكيره طبعه ليش هيك ، بس بخاف من النتيجة


وشكرا كتيررر الك مرة تانية وان شاء الله ربي يفرجهاا

خيو يا ريت القصة قصة هديهاا كان امرها بسيط ، والحمد لله اهلي مو مقصرين معي بليرة
ووضعي منيح من يومي لبسي بسيط ومحترم ومتعلمه وبتعامل مع غيري ع اساس اخلاقو مو ع اساس ماديتوو
يعني شبعانه عند اهلي والناس الي بتفهم بالاصول والواجب ما بتخلي حدا يدلها وينبها انو قصرت بالواجب
بس ليك انا من هلا بحس عم اصرف عليه وكاني انا العريس وبقوم بالاصول
عنه*سعر الشبكه ناقص ..وما فيه فستان خطوبة*
ولابيرن ولا بيعت رسالة لو مرة وحدة بالاسبوع
يعني من يوم العيد لهلا ما شوفتو ولا رنه ولا رسالة غير انا ابعت
هيك هي المحبة عند **البعد جفاا خيوو

غير هيك الكذب اكتر من موقف لاحظته بكذب والشغلة مو حرزانه
يعني رجال طويل وعريض وعم يكزب على اشي تافهه
غيرر انو واجبوو ما بيقوم فيه وبدو حد يحكيلوو
كل هاد طبيعي