السلام عليكم
هذي اول مره اكتب فيها في هذا المنتدى وعسى ان اجد حل لمشكلتي وهي
انا سيده تزوجت من سنتين زوجي مدمن معسل اتوقع كذا ليه ؟ لانه تخيل من اول اسبوع زواج صارحني انه يعسل وانه عصبي مع انه كان ينكر هذا الشي قبل الزواج لاتقولون الغلط من اهلك ما سالو والله اهلي ما قصرو بس الحظ من اول اسبوع زواج في سفرتنا كان لما نرجع الفندق ننام يحطني ويطلع ساعه يقول بروح اصلي ويروح وهم يصلون وما يرجع الا بعد ما يطلعون من الصلاة بوقت كثير طبعا رايح يعسل اعتراف منه بعد مرور سنه رجعنا لبيتنا كنا في مدينه بعيده عن مدينتنا بحكم عمله ولساتني عروس كان يطلع الساعه 11 او 12 ومايرجع الا2 احيانا 2 ونص ماكنت اعرف احد في المدينه كنت اخاف اجلس لحالي بس شوي شوي تعودت وتعرفت على الجيرانا وزوجات اصحابه ارتحت شوي وطبعا ازواجهم مع زوجي مستاجرين استراحه للمعسل يوميا وكان زوجي لما يرجع بدري طبعا بدري عندهم 2 يتمسخرو عليه انه خايف من زوجته وهم على الفجر يرجعو بيوتهم هو بصراحه والحق يقال مو مقصر معي في شي طيب وحنون ومايرد لي طلب يطلعني كل يوم يمشيني ويقوم بواجباته الزوجيه الظروريه والغير ظرويه ويخاف على مشاعري بس هذا المعسل اتوقع ينافسني في زوجي يعني زوجي دايم يقول انا ماقصرت معك في شي بس اسمحيلي في هذي الساعتين واسمح له بس طفشت يوميا صار ادمان وظروري الساعه 12 في الاستراحه لما اطلب اطلع معه يطلعني بعد صلاة العشاء مباشره حتى نرجع بدري ما يتاخر لدرجة انو في يوم من الايام طب علي حرامي الصبح وطبعا كان في الدوام ودقيت عليه وبعد وما هديت شوي وانحلت المشكله وجت الساعه 12 في الليل قالي خلاص بطلع !!! بجد مو شي يقهر زوجتك ميته خوف لسى ما استوعبت الصدمه من الحرامي تروح وتخليني ليه وش في المعسل يخليه يقسيك على زوجتك !! وبعد فتره جانا قرار النقل ورجعنا مدينتا وكنت فرحانه خلاص الشله مافيه واخذنا شقه قريبه من اهله بس يبدو ان المشكله مارح تنحل ابد الاخ بدل الاستراحه بالمقهى يوميا من 11 الى 2 والاربعاء والخميس يخليني عند اهلي علشان يكمل السهره الى الفجر ولما اقوله ما ابي اروح لاهلي يعصب ويقول فرصتي الاربعاء ابي اسهر وما رح ارتاح واخذ راحتي وانتي في البيت خليك عند اهلك علشان ما اشيل همك واسهر الى الفجر والله مليت نفسي اطلع معه مثل من الساعه 10 الى 1 لا هذا حلم يقول تبين شي اي مكان ابشري بس لك من الساعه 6 وممكن قبل الى الساعه 11 ونص بالكثير حتى ما يتاخر على المقهى لاتقولون في قنوات فضائيه لا والله مقهى شعبي مافيه غير شياب وكم قناة فضائيه عربيه بس هذا ادمان والله تعبت حاولت بكل الطرق ابعده عنه يجن جنونه لدرجه يقول حدك انا ماقصرت معك في شي طبعا هو صادق بس ابيه يترك المعسل احسه ضرتي يشاركني فيه لدرجه اني قلت له خله يوم ايه ويوم لا رفض طيب خله العصر رفض يقول انه ينام ولا يخفيكم اذا طلع من الدوام بدري مستحيل يمر البيت لا يروح المقهى واذا جاء وقت الغداء جاء في عز الحر وياليته يكفيه عن الليل ابي حللللل مليت بجد احس المعسل بيدمر حياتي وانا حطيته في راسي خلاص يا انا يا اهو

المعسل و مقاهي الشيشة بلاوى بلي بها مجتمعنا

لكن الحمد لله عندنا في الرياض قرار من امارة الرياض ان جميع المقاهي تسكر الساعة 1 في الليل

و الله مدري وش الحل لك لكن عليك بالدعاء و الالحاح بالدعاء

و ان شاء الله يبدل الله حال زوجك و يترك عنه هذا المنكر الخبيث

__________________
لا اله الا انت سبحانك اني كنت من الظالمين

توني خاطب يعني راعوا شعوري

ياعزيزتي

المشكله مو في المعسل المشكله فيه هو

يعني بإعتقادك من 11 الى 2 كلها يقظيها يعسل

لا

أعتقد عنده فراغ يحتاج إنك تكلمينه وشيلي موضوع المقهى لا تحطينه في بالك

لانهم ما شاء الله عليهم بعض الاوقات يشوفون نقطة الظعف وين ويمارسونها


واللحين صار اللي يدخن أو يشيش هذا عاقل بالنسبه للي عندهم بلاوي ثانيه لاتحطين في بالك إنها عيب أو خلل في شخصيته لأنه من كلامك حسيت مو مقصر معك




أبحثي عن السبب

ربما حاجه نفسيه

أو حب للتغير إذا يحس بملل


الله يوفقك ويكتب لك الخير


تحيــــــــــــــــــــــــاتي

__________________

اختي الاجودية اعرف لك ناس كثيرة يعسلون من بعد العشاء الى الفجر

يعني من 11 الى 2 شي طبيعي

__________________
لا اله الا انت سبحانك اني كنت من الظالمين

توني خاطب يعني راعوا شعوري

والله شيء عجيب

أنا قاعده أتخيلهم معقوله قصدي متقطع الوقت بين سوالف ومعسل

الله يشفيهم


مع هذا مانعتبر الشيء هذا شيء عادي

لابد البحث عن السبب

امين اختي الاجودية


بس المعسل مثل الدخان يعني اوله دلع و اخره ولع

و اذا تركه الانسان يحس انه لازم يعسل

بالمختصر هو ادمان

====

مدري اختي محرومة2006 هل هو حل او لا

وانتي ادرى بنفسك هل ممكن انه يجيب المعسل في البيت بدال ما يقضي وقته في المقهى

و تبدين في محاولة مساعدة زوجك في الاقلاع عن المعسل

او انه بيضرك اكثر ؟!


الله يكون في عونك

__________________
لا اله الا انت سبحانك اني كنت من الظالمين

توني خاطب يعني راعوا شعوري

اخوي OutOfRange زوجي يعسل في .... المقاهي اللي ماتسكر الا الساعه 3 الفجر وبعدين مستحيل اخليه يجيبه عندي في البيت ينوم عنده في المقهى ولا يدخله بيتي !!
الاجوديه ما ادري والله المشكله فيه والا في الشيطان المعسل والله تعبت انا مو مقصره معه في شي واذا كلمته غلبني بطيبه وطلبني هذا الشي وانحرج منه وفي نفس الوقت يتقطع قلبي عليه

صعب تركها

مو علشان المعسل لانه تعود على الجلسه والسوالف ومقابلة الشباب

صعب تركها

صدقيني حتى لو عسل في البيت ............... برضوا حيروح المقهى

__________________


من المواضيع التي تشرفت بكتابتها ونقلها
كيف تطيل عمرك وكيف تزيد من حسناتك .....
الدعاء بظهر الغيب ... أدخلوا وشاركوا بالدعاء !!!!!
الدعاء أعظم أنواع العباده وموانع قبول وأستجابة الدعاء !!!!!
الدعاء المستجاب !!!!!

رب يهديه لك يا اختي