ما اعرف كيف ابتدي .... يمكن لاني من النوع الكتوم اللي ما يبين مشاعره لاي شخص و هذا يمكن كان السبب في حالة الاكتئاب اللي انا عايشتها الحين
انا تزوجت و عمري 17 و بكمل الحين تقريبا 3 سنوات ، مشكلتي اني بديت اكره زوجي و ما صرت اتحمله ...
اكيد بتسالوني ليش ؟ بس هذا السؤال اللي ادور له اجابة . في بداية زواجنا مثل كل الزواجات طبعا كان فيه مشاكل بيني و بينه من ناحية سلوك و تصرفات كلا مني و منه و خاصة تصرفاته هو كنت انتقده على تصرفاته الطايشه و اسلوبه كنت احس اني اكبر عنه و عاقلا اكثر منه ، هو اكبر عني 10 سنوات يعني الحين عمره 30
كنت دوم اقوله ليش اتسوي جيه ؟ تتصرف كانك مراهق في ال15
كان يحب يغايضني و يضايقني و احيانا يتحرش فيني عشان نتضارب كنت احاول افهمه ان اللي يسويه غلط و احاول ابتعد عنه عشان اتجنب اي مشكله لاني انا بسرعة اتنرفز و انفعل و هو كان خبير في ضغط هالزر اللي يخليني افقد اعصابي كنت اترجاااه اتعرفون شو يعني اترجاه انه يتركني و ما يزيد المشاكل كنت اسير لغرفة ثانية و اتجنب اني نواجهه بعض عشان ما اغلط عليه و لا اسمع كلمة جارحه منه بس هو كان يلاحقني و يفرض علي اني اسمعه و كنت اكره هالشي و عقب ما يخلص و يجرحني يسير عني و يتم نص ساعة و يي عندي و يسوي عمره انه ما صار بس انا فقلبي امووت من الغصة بس اتغاض و اسكت و احيانا اطنشه و لا اكلمه لين اليوم الثاني.
غير عن هالمشكلة كانت عندنا مشاكل جنسية اللي اثرها السلبي لين الحين كل ما اتذكرها اتم اصيح و احس بقهر ليش اني سكت عن اللي كان يسويلي .
الحين هو يحاول يغير من طرق المداعبة بس المبدأ لين الحين موجود . زوجي دفش في المعامله و في كل شي تقريبا حتى في كلامه معاي .
الشي ثاني انه مد يده علي اكثر من مره انا ما ابرئ نفسي انا يمكن كنت سبب انه اخليه يتنرفز بس طبعا ردا على اسلوبه لان ما ينفع معاه الطيب بس ما توصل للضرب و خاصة اني تربيت في بيت ما انضربت لا من ابوي و لا امي بالعكس كنت دلوعة
من فترة بسيطه صار خلاف بيني و بينه و سرت عند هلي و قلتلهم اني ما بردله و ابي اتطلق ، حاول زوجي انه يهدي الوضع و و عدني انه بيتغير بس انا اتغير و احاول اني ما اعانده . مر اسبوعين وتعامله اوكيه معاي تغير 180 درجه انا اتوقع لان حس اني كنت جاده في موضوع الطلاق بس عادت حليمة لعادتها القديمه
الحين انا عايشه حالة اكتئاب ما احب اكلمه او اشوفه من يقرب جنبي احس اني برجع قمت اسرح واايد في عالمي الخيالي اللي انا نسجته. ما قمت احب اطلع مكان حتى عند هلي تغيرت شخصيتي قبل و بعد الزواج . كنت كارهه كل اللي حوليي حتى اني ارد اتذكر اللي كان يسويلي اياه و المشاكل اللي بيننا اكرهه زياده مب قادرة انساها
على فكره من اسبوع بديت اخذ حبوب منع الحمل و حبوب تنظيم هرمون الحليب الوالدة الله يحفظها اتقول هالادوية ممكن اتاثر على الوحده و نفسيتها فقالتلي وقفي عنها بس انا ما اتوقع من الحبوب لان هاي مشاعري من مده طويله بس يمكن ان الحبوب ساعدت اني اوصل لمرحلة الاكتئاب
الحين انا في بيت هلي و زوجي يحاول يرجعي بس انا مب طايعه احس نفسيتي ارتاحت يوم اكون بعيده عنه و الحين مفكره اطلب الطلاق لاني ما قمت اتحمل الوضع زوجي متمسك فيني بس انا ما اتحمل و الاسوأ اني قمت اقوله بويهه انا اكرهك و ما ادانيك بس هو يحاول يراضيني بس من اقعدد اردد هالكلام يقول اذا هالوضع بيستمر بطلقج اقوله شو تتريا اشوي يعيد حساباته يقولي انا ما استغني عنك و هالشي محسسني بتانيب الضمير لان احس اني يالسه اظلمه بكلامي
انا الحين مب عارفه شو اسوي
ابا شووركم !!!! و دعاائكم اللي ان الله يكتبلي الخير
ما احبيت ادخل فالتفاصيل عشان ما اطول عليكم
و السموحه
الاشراف /عفوا تم تعديل العنوان ليناسب مضمون المشكلة
11-03-2008, 09:07 PM
ضوابط المشاركة
العرض العادي
