السلام عليكم ورحمة الله ومبارك عليكم الشهر جميعا ويارب يجمعنا دايما على خير
بصراحة انا اتفقت مع زوجي انه يجي ياخذني نهاية الشهر القادم من عند اهلي ومرتبين نسافر اوربا عشان نراجع دكتور بخصوص الحمل بس حاسة اني راح ابوز البرجرام كله اشتقت له حيل وابيه يمي وخايفة اذا رحت له تصير مشكلة ودي اجلس اكبر وقت ممكن عند اهلي حتى نشتاق لبعض زيادة ومنها يتغير طبعي شوي اتجاهه واخف من السؤال عنه
يارب لا تحرمني من زوجي والله بدونه ماسوى شى احبه كثير وفي نفس الوقت احيانا يقهرني بس مالي صبر عليه والله هاوشته قبل شوي ورجعت صالحته حتى مقدر على الزعل
عندي مشكلة ثانية ياجماعة الخير دايم لما اخاصم اختي ولا امي مقدر على الخصام مع العلم ان هما يقدرون بس انا اتعذب هل هذا يدل على ضعف شخصيتي ولا قلبي طيب ؟ والله لي اخت ياجماعة مدري اشلون قلبها لو مو اختي كان دعيت عليها هي اصغر مني وترفع صوتها علي وماتحرتمني ودايم احذرها بس في نفس الوقت مقدر اخاصمها ماحب اعيش في مكان فيه زعل وحتى مع زوجي من نتخاصم انا دايما الي ابادر بالصلح
معلش يا ادارة لا تنقلون موضوعي الي مكان اخر فانا اشوف نفسي اقدر اناقش في قسم المتزوجين وشكرا لكم

__________________

وعليكم السلام أختي الفاضله اسأل الله العظيم رب العرش الكريم أن يرزقك من فضله ذريه صالحه وتكونى أنتي وزوجك وأولادك في جنه الفردوس امين بالنسبه لزعلك مع أمك أنتي لاتستطيعي ان تدخلي الجنه إلا بريضاها معلش أختي حتي لو هى غلطانه ابدئ انتي بالصلح لأنها أمك وأنتي لاتعرفي قيمه الأم بعد عمر طويل لها صدقيني أنا في محنه محدش واقف جمبي إلا امي وأبي بعد الله أما بالنسبه لأختك أنتي تعلمي حديث النبي{خيركم من يبدأ بالسلام} فأنتي كده خير منها ولكي الاجر نصيحه لا تتغير فأنتي فيكي مكارم الأخلاق{معذره أنا مش فاهم مشكلتك مع زوجك لأني لا افهم اللغه الشاميه بس عموما ربنا يوفقك لما يحب ويرضي أنه ولي ذلك والقادر عليه}

__________________
{{صبر جميل و الله المستعان}}

انتي حبووبه مرة ترى انا مثلك بالضبط ضميري شغاااااااال ما احب اجواء الزعل اصيح لو ماغلطت عايدي انتي انسانه بمعنى الكلمه وحبوبه وحنونه ومرحه دليل انك ماتحبين الزعل وربي يوفقك ويحقق امانيك يالغاليه ليت كل الناس مثلك....

جزاك الله اللف خير على الدعاء لي والله اني فرحت كثير
اخي الفاضل انا مو من الشام ربما مدري وشفيها اللهجة بس الي اقوله اني والله مقدر على زعل احد
وحبيت اطرح سؤالي هل تسامحي وهروبي من الزعل يدل على شخصيتي الضعيفة ولا قلبي طيب ومقدر والله عجزت احلل نفسي انتم لكم التحليل
ووالله يجزاك الجنة على دعائك لي

__________________

فديت روحك ياام عزام والله انك رفعتي من معنوياتي الله يرقع قدرك في العلين
حبيبتي والله تعبت كثير من نفسي دايم انا الي ابادر بالصلح نفسي احد من اهلي ولا زوجي يجون ويرفعون من معنوياتي ويصالحوني حتى انا محتاجة لكذا
تخيلي اذا خاصمت اي احد من اهلي او زوجي مقدر انام واتعب جسديا ونفسيا وقلبي يجلس يعورني لين اروح لهم واصالحهم حتى لو غلطو بحقي مدري ليه انا كذا احيانا اتمنى لو اني قاسية القلب عشان الناس تهابني واحيانا اقول الحمد الله الي ربي نقى قلبي من الغل والحقد والله احترت يام عزام كيف اساير حياتي مع البشر
تخيلي حتى زوجي ماعطيه فرصة يصالحني اليوم قلت والله مافطر ولا يجي بزوري شى الا لمن اصالحه حرام علي افطر واخليه مضايق هذا اذا كان تضايق لان زوجي من النوع الي يطنش ولا يسوي اهتمام للزعل ويصكها نومة مو زيي اجلس احترق
واختي مرة حقودة يا ام عزام مدري وش اقول واعيد عنها لا تحترمني ولا لها تقدير لي والله اني ماخلي شى الا واسويه لها من هدايا واعطيها فلوس لانها مو متزوجة ولا لها مدخول ولو خاصمتها امي مااتخلى عنها واقول لامي عيب تقطعي الكلام مع بنتك واقوم اصلح بينهم وهي لو شافت امي هاوشتني تفرح وتحقد احيانا اخاف ادعي عليها لانها تجرحني واحيانا لمن اشوف نظراتها الحادة اقول حقودة بس بروح انا اصالحها رغم اني الكبيرة والمفروض يكون لي احترامي
دعواتك يام عزام

__________________

اختي

انت انسانه اصيلة وطيبة وحنونه ... ولا يهمك ... واصلي ولا تفقدين ثقتك بنفسك انتي الصح ومن هم حولك .. يجب ان يقيموا انفسهم ((( خليك كذا عاملي الناس باللتي هيا احسن ... رح يجي اليوم اللي يقدرون لك هالشي)))

يسر الله امورك

أختيالفاضلة سوف أختصر في مقالي لكن انصتي له
كثرة المشاكل مع الزوج و المشادة الكلامية تفقدك حب زوجك لأن الرجل يحب المكان الهاديء و إذا لم يجد راحته في بيته بحث عنها في مكان آخر

ربي يسعدك ياشيخه وربي حبيتك يازينك ويازين بياض قلبك..عادي يالغلاخليك على مانتي عليه مع امك واختك وكل الناس بس زوجك لا حاولي تشدي شوي اما اذا انتي الي زعلتيه فلازم انتي تصالحيه لكن اذا غلط عليك ماينفع انتي تصالحيه لازم تخليه يحس بخطاه شوي ويعتذر لك..بس صدقيني اذا كان زوجك اصيل وشهم رح يحبك مثل مانتي ولارح يستغلك..ربي يسعدك ويخليلك زوجك وتجتمعون ببعض باقرب وقت...احبك فالله ويارب يجمعنا تحت ضل عرشه يوم لاضل الا ضله..ااامين.

__________________

وانا بعد احبك في الله يالغالية
الله يجزاك الفردوس الاعلى ويرزقك ماتتمنين ويجمعني وياكم بجنات عرضها السماوات والارض على سرر متقابلة
والله حبيبتي احترت من نفسي تدري يالغالية امي تقولي اليوم انتي مزعجة وماحد يحبك قلت لها اجل يحبون اختي الي حقودة ونظراتها مثل السم ؟ قالت الناس تفضل الساكت يعني حقود وساكت عادي وهو ناوي لك على مصيبة لكن الي زيي تزعل وترضى بسرعة مايحبونها ويشفون انها ضعيفة والله العظيم اني اتعب نفسيا لما اتزاعل مع احد الحين الشغالة زعلانة وودي بس تجي هي تبادر وتكلمني عشان اكرمها ماجات وفي نفس الوقت حسيت انها صعبة بحقي اني اروح انا لها وخاصا لمن امي هزئتني عندها
الله كريم يالغالية الله يعوضني ذرية اشبع من حنانهم واتهي فيهم وانسى امي والعالم

__________________

انتي قلبك ابيض وعايشه بالفطره واللي مثلنا ما له مكان بين الناس


لنا الله اهدي شويه وخففي هواش ما رح نقدر نصلح الناس ونصفي قلوبهم وتصير بيضا مثلنا


اكثري من الاستغفار خففي هواش ووابقي قلبك ابيض

وعن زوجك اصبري شويه وما تخربي على نفسك السفره لاروبا

ما تنسينا من الصور

__________________
http://live.gph.gov.sa/
اللهم اني استودعك اولادي