رد : ماذا نريد من شريك حياتنا؟؟؟؟
ياحلو الواحد يفضفض ويطرح رغبته ويتأمل بالرغبه ((تفائلو بالخير تجدوه))
ابيها شي واحد فقط لاصار بتكون كملت حلمي,,,,
تبتعد عن شماعة كلمة ((زوج)) لان هالكلمه وراها كل المشاكل,, لاقصرت بدون قصد اتهمتني وتهجمت انت الزوج انت المسئول انت ماتحبني الخ....
لان هالشي احسه فيه اتكالية من الزوجة لزوجها مثل الطفل يوم يكون مع ابوه , اشتريلي لعبه, مشيني , جيبلي عشا الخ..
ولاقصر الوالد مع طفله باحد طلباته ان مابكا بتحز بخاطره لانه متكل عليه ,,,
والزوجه ماتبكي لاقصر بحقها الزوج بس تشيل تشيل لين تنفجر وتحاسب نفسها ليه وافقت عليه مايودي ولايجيب ولا ولا ولا
واخس شي لما كل واحد يدخل الحياه الزوجيه برمي المسئوليه كامله على الثاني ,,
مثل, الرجل ينام ويصحى يبي الفطور قدامه, يروح عمله يرجع الغدا جاهز الخ....
الزوجه , ليه متاخر ماتعرف وراك زوجه وبيت , وسواق وقت مابغيته مشوار وداني,يكملي كل متطلباتي ماديا ومعنويا , الخ...
هالمثال لادخل كل واحد الحياه الزوجيه وراسم هالشي بمخيلته ويعيش عيشة الملوك (( بيمص حمر اخرتها))
بس يوم تكون العلاقه الزوجيه مبنيه على الصداقه كل مين بيعذر الثاني لاقصر بيصارحه بيكون فري معاه ,
بيحس ان الي امامه صديق يتحاور معه يتصارحون , اما تفكير الجهله زوجه يعني تطبخ وتكنس وانا اتعب بلقمة العيش وهي ماسوت اليوم عشاء ولازم ادبها وتعرف ان وراها زوج< خف علينا يابروسلي
وكلامي اذا كان تقصير يعني مره مرتين حتى لو تكررت على فترات طبيعيه, اما لو كان او كانت خير شر مهمل او مهمله هذي فيها كلام ثاني
المشكلة بفئة النساء قلوبهم رهيفه تسمع لكل من هب ودب وماتجي ليلة زواجها والا وهي مبيته النيه على اساليب وافكار الي سمعتها منهم
ومشكلة الرجال يدخل على انها بتتربا على يده ويتامر وينهي كانه يتحكم بريموت كنترول يسمع كثير عن((الرجال قوامون عالنساء)) <<حافظها بالضمة والكسره والفتحه والسكون ملاحظه : هذي وجهة نظري وهذا رائيي , لاحد يناقشني فيها , اطرح رأيك لعل وعسى شخص يستفيد
التعديل الأخير تم بواسطة الهدوء عنواني ; 08-09-2012 الساعة 05:19 AM