السلام عليكم ورحمة الله وبركاته ...

محتااره وماعندي احد افضفض له و ينصحني غيركم
ما اقدر اقول للوالدة لاني ما ابي تصير مشاكل بين زوجي واهلي

راح اتكلم بتفصيل ...
تنا متزوجه لي سنه و9 شهور عندي بنت عمرها 9شهور عمري 21 زوجي اكبر مني 10 سنين
من اول شهر تزوجت فيه وزوجي كنت احس انو امه تأثر عليه بس كان يخبي
كنا نتفق على انا تخرج نتمشا ويقول اتجهزي بس اروح عند امي واجيك وانا ما اصدق خبر الا اروح اجهز كل شيء وشوي الا جاي بحجه مراا الجو مو مناسب ومره يحس انو تعبان وووووووو

وكنت امشي الامور ...
كنت احب امه واخته واغلب وقتي عندهم بس اكتشفت انهم مو مرتاحين لي وان امه كانت تبغاه لبنت اختها
انا ماحملت الا بعد 3 شهور من زواجي وكنت كل ما اروح لهاا تقول انا ادري ان ولدي ماراح يجيب عيال واني ما راح اشوقهم وووو
وانو لو خلف ما راح يجيب مثل بنات ولدها الكبير ...
ودايم تدقني بالكلام الى ان كرهت الروحه لها وصرت ما اروح لها الا لما اروح لاهلي اجلس 5 دقايق وامشي
بعد ما حملت صرت انام عند اهلي كثير بسبب نفسيتي والتعب فكانت تلح على زوجي الا يرجعني للبيت لدرجه وقت نفاسي امي لاحظت هذا الشي كانت هي تعبانه بين الحياة والموت وكمان ما تبغاني اجلس عند اهلي فأمي كلمت زوجي وقالت مين راح يهتم فيهاا انا ماني مستغنيا عن بنتي انت اذا ماتقدر تجلس فالبيت بدونها تعال عندنها فالبيت نجهز لك غرفه ..
والى حد الان وهي كل ما رحت لاهلي تجلس تبكي وتقول ابي اشوف البنت (( بنتي ))
نجي للبيت البيت شبه فاضي من الطعام اجلس اسبوع كامل واكثر وانا كل يوم اكتب له الاغراض ولا يجيبهاا الا بكلوع الروح واذا جابها نص الاغراض ناقصه يمر على امه وتاخذ منهاا وتسيب لي الفاكه على حبتين وثلاث وساكته
ناقصه اشياء ضاروريه للبيت من يوم ما تزوجت وانا اطلب منه ولا كأني اكلمه وامه اليوم تطلب وثاني يوم ينفذ
اليوم رحت مع زوجي عشان نشتري لامه قطيفه جديده انا تعبت من الحر ورحت للسياره ولا جاء يشغل المكيف لي فعصبت
المهم قلت له مر اي بقاله واشتري لي مويه المهم اول ما جاب لي المويه شربتها فجلس يهاوش ليش اشربها قدام الناس فعصبت قلت له هذا جزاتي خارجه مع الحر والشمس الحنااانه عشان خاطر غيري ...
جلس يهاوش ويسب ويقول انتي وصخه ونجسه وقلبي اسود
والله قرفت نفسي ...
ما اقدر اتمشى ولا اخرج عشان امه مايقدر يسيبها لحالها وعلى العلم ان عندها ولدين غيره وبنت والبنت عله ثانيه على قلبي
مره رحت لعمتي فأستغربت من حركات حماتي جلست جنبي وبسرعه راحت وبعدها جات جلست جنبي وبعد شوي نظرت فالجوال اكتشفت انو احد حاول يفتح القفل اكثر من مره
فعرفت انها هي ليش ما ادري ...
وتوصلت لشيء بس ما اقدر اقوله لانو خاااص
وفي بدايت ايام زواجنا سافرنا لما رجعت رحت لعمي وكان زعلانه حتى الحمدلله على السلامه ما قالت لي لما خرجت قال لي زوجي ان امه زعلانه عشان ما اخذنا اخته معانا
طبعاً اخته كبيرا بالسن وما تزوجة ووين مارحت لازقه فيني ...
ومره قلت لشغالة عمتي انها تجي تشتغل3ايام بالاسبوع عندي وراح اعطيهاا اللي تبغاه المهم ما شفت الا زوجي يسب ويشتم فيني ما خلا شيء ما قاله يقول مالك شغل فيهاا هذا لامي ...
المهم اذا راحنا نتسوق كل شوي عمتي تتصل وتسوي قلق لزوجي اخر شي نرجع وتجلس تقول كلفتي عليه وتعبتيه ووو
ومره رحنا نتمشى واحنا خارجين قابلناها قالت وين رايحين رد زوجي بوديها لاهلها واستغربت من تصرفه
والمهم وكانت كل شوي تتصل اخر شي قال لها زوجي انه بمدينه ثانيه نتمشى لما رجعنا باليل قالو لنا انها عبت عليهم وودوها المستشفى وبعدها صار يمشيني الا بعد طلوع الروح
صارت حياتي كلها نكد بنكد كله بسبب اخته وامه ومشاكلهم يجي منكد وطفشان ويجلس يسب بأخته ابي اطلب شي يهاوش يقول انتم قرف وانتم وجع وانتم منكدين علي حياتي طبعاً قصده انا وامه واخته ...

صرت افكر بالطلاق كثير ...
على العلم اني كنت احبه من قبل ما يخطبني هو ولد ولد عم ابوي بس صرت اكره حبي له

وفي مشكلة ثانيا هو كان يحب بنت عمته وكان مخطوب لها بس هي تزوجة غيره وجلس بعدها تقريباً 8 ماتزوج وكره النساء على قولته مره من المرات كنت رايحه لزواج ولما رجعت ماقل لي حتى حمدلله على السلامه علماً بأن الزواج بمدينه ثانيه وجلست قدامه ابي يمدح فيني يتغزل ولا كأني قدام بني ادم جلس يسأل عن زواج وووو وسألني عن عمته ومين جاء معاها من بناتها والله اني شفت بعيونه لمعه لما ذكرت اسمهاااا
خرجت على طول من الغرفه جلست ابكي
رجعت وتهاوشت معاه جلس يبكي ويحلف انه يكرهاا وانو هي كلمتة بعد زواجها بسنه وسبها ولا عطاها وجه
ومره في ملكت احد اقاربي يقول انو شاف عيالها وانهم حلوين

اسفه ما اقدر اكمل نفسيتي تعبت زياده ....

والشيء اللي ما اقدر انساه
انو في ثاني اسبوع من ملكتنا جلس يتكلم عن خطيبة ويبكي وكيف هي تركته وانو استحاله يحب احد ويسلمه قلبه ابداً
يومها ذبحني وعرف ان كنت اوهم نفسي قبل انو كان يحبني لاني كنت كثير اصادفه فبيت جدتي وكان يبتسم لما يقابلني
ربي يسامحه

طيب ياقلبي انتي عندك بنت حرام تتركينها وتتطلقين زوجك ماخانك كان يحب كان فعل ماضي
والان انتي معاه وانصحك من اخت تحب اختها لاتتركين زوجك ابد ولاتروحين بيت اهلك كثير والله لتندمين
والطلاق ضياع لك ولبنتك
انا مثلك بالضبط وقصتك ماتفرق عن قصتي ابد وبيني وبين زوجي 10 سنين وصار بيني وبين اهله مشاكل اكثر منك وكان يحب بنت خاله بس بعد 8 سنين من زواجنا خانني زوجي مو مع وحده اكبر عدد تتخيلينه من البنات طلع معاهم وكلهم اعمارهم 40 سنه ومافوق السبب كنت اروح بيت اهلي كثير وانام عندهم كل اربعاء وخميس وبعدها اكتشفت الطامه الكبرى ومع كذا ماطلعت من البيت وماطلبت الطلاق
نصيحتي لك امسكي بيتك وزوجك قبل مايطيح بيد بنات الحرام ولاتتركينه ابد ولاتخلينه يروح شبر بدونك وحاولى تتدلعين عليه وكوني اسده قبل ماهو يكون اسد وياخذك لحم ويرميك عظام.

يسلمو حبيبتي ربي يصخر لك زوجك بس انا تعبت ما اقدر
احبه وصعب اعيش مع مواحد يحب غيري
ما استحمل
تعبت والله تعبت

الله يعينك والله وضعك يحير مرة.... استخيري وادعي ربك انه يكتبلك اللي في الخيرة لك..

__________________
اشهد ان لا إله الا الله وأن محمدا رسول الله

انا ما احس بالراحه معاه

دايم يقول انا يمكن تخلى عنك عشان امي
ومره قال انه مو هو اختارني ابوه هو اللي اختارني له وانه كان يبغى بنت جيرانهم بس ابوه رفض

دايم يحسسني اني مو مهمه عنده واني عله بحياته

أنت مشكلتك الرئيسية في العلاقة بينك و بين أم زوجك و حماتك و عدم اتفاقكم و هذا اللي خلى المشاكل توصل بينك و بين زوجك
تقربي من أم زوجك ,حتى لو كان صعب في البداية , اعرفي مفتاحها اش تحب من سوالف , امتصي غضبها . احرجيها بكرمك , تذكريها بهدية ,بطبخة , خليها تكون راضية عنك حتى تبعد عن التدقيق في حياتكما
شفتي كيف سالفة الشغالة , هذه تحسب ضدك لأن الشغالة لأم زوجك و عليك استئذانها مسبقا قبل ان تطلبي الخدمة من شغالتها , فهي بذلك انزعجت لتصرفك
استشيريها في بعض الأمور , التي لا تتعلق بحياتك , كأن تشاوريها بشراء قطعة ملابس لبنتك و اي نوع يناسب و هكذا من سواليف تشعرها انك تحبي تاخذي و تعطي معها و رأيها يهمك
هي شكلها تحب زوجك ,و تشعر أنك ملكتيه و بعدتيه عنها, فأثبتي لها العكس و خليها الكل بالكل

أيضا لا تشتكي لزوجك , إذا قالت كلمة تزعجك او تصرفت تصرف مزعج ,لأنه يبدو زوجك فاض به الكيل من المشاحنات بينكم , فلا تشتكي عنده حتى لا تكون كالشعرة التي قصمت ظهر البعير

حينما تكسبين أم زوجك , ستصفو حياتكما نوعا ما و تسترجعي حب زوجك , لأنه مع هذا الجو المشحون , حتى الحب يخف و الجفا يزيد , فانتبهي ,

__________________

عزيزتي عندما تتخلصين من المشاكل مع أم زوجك و عدم الإتفاق
سيندم تلقائيا على هذا الكلام و سيثبت لك العكس بأفعاله
انت خلي الجو يصفى بينكم ليصفى له ذهنه ليحبك أكثر من قبل

__________________

ربي يلطفني بلطفه هو كره مني كلمت ابي اروح عند اهلي ارتااااااااااح
لاني نفسيتي زفت صرت اكل فالمسكنات بشكل مو طبيعي

طيب ايش ردك على كلامة عن خطيبة وسؤاله عنها ؟؟؟؟
على العلم من ثاني اسبوع من ملكتنا كان يبكي بكي عرفت ساعتها انه مو يحبها يعشقها
كان يقول جرحتني ووووو