مرحبا بنات
انا مخطووبه من فتره قصيره ... قرابه 3 شهوور ...
خطيبى انسان خلووق ومحترم ويحبنى وااايد ... اذا شايله غرض يشيله من يدى ما يحب يتعبنى
ومره كنت نازله من على الدرج وكنت بطيح شوى واصرخ الا قط روحه قدامى ومسكنى وقام يطالعنى بلهفه تعورتى ؟؟
يبطل لى باب السياره لو انا معاه عمرى ما ابطل الباب ما يخلينى .. لو شنو عجبنى حتى لو ما قلت ابيه يشترى لى اياه .. دايما يحب يكوون يده بيدى ... لو ما جلست جنبه يقولى انتى مليتى منى ؟ يحب يكون كل جنبى جالس .. كل يوم يصبح عليى بمسج ويتصل اكثر من مره باليوووم ويهتم بأقل التفاصيل فينى ....

المشكله ..
انه ما يقولى كلام حلووو
ومره اقوله ليش مادلعنى بالكلام الحلو وانا ادلعك .... !!!!
قالى ... انا مادلع بالكلام يبى لك وقت تفهمينى وقام يضحك

شنو قصده؟؟ ما فهمت !!! وشلون انا ادلعه هو ما يتكلم واايد كتوووم ولما اسئله يقولى مع الوقت بتفهمينى
شنو رايكم ؟؟؟؟؟؟؟؟؟؟؟؟؟

هلا أختي... الله يخليلج هذا الريل.. ما شاء الله عليه..

هو يمكن يقصد أنه بدال ما يدلعج بالكلام.. بيدلعج بالفعل, أنه يحسسج بأنج أميرة..

يمكن لسانه مب متعود على الكلام الحلو... لا تخافين شوي شوي بيقولج إن شاء الله..

تحياتي.

فديتج والله ومشكووره على الدعوه الحلوووه
لانى خايفه اكون مقصره معاه

قومي صلي ركعتين شكر لله انه ربي رزقك بهالرجل

وبكره بعد الزواج رح يعبر لك عن حبه بشكل غير


هم كذا.. التعبير عن العاطفة عندهم مرتبط بالفعل


الله يهنيكم يا رب ويتمم لكم على خير


ونصيحة لوجه الله.. لا تقولي لحد من صديقاتك عن طريقة معاملته له وارقي نفسك وارقيه

مااشاء الله تبارك الله الله يهيئنكم يارب بي بعض ويتمم فرحتكم

اكيد زي ماقالوا الاخوات انو مايعرف يمكن يعبر غير بي الفعل

حصنى نفسك دايماااا والله يكفيكم شر العيون

__________________
ياررب ارح قلبي وعوضني خير

ماشاءالله تبارك الله ربي يزيده تسخيرلك وارقي نفسك ولاتشيلي هم بكره اذا تزوجتو بيدلعك بافعاله وصدقيني اهم شي بالرجل افعاله موكلامه الله يتمم لك على خير

هذه قاعدة ولكل قاعدة شواذ:

الرجل يعبر عن حبه لزوجته بالفعل وليس بالكلام

هذه طبيعة كثير من الرجال

وما دام أختي ما بعدكم تعرسون (طبعا أتوقعكم مملكين) أقترح إنكم تأجلون الطلعات والروحة والجية إلى بعد الزواج حتى ما تملون أو لا سمح الله حتى ما يقع شي تتحسفون عليه بعدين

يعني كل شي بوقته حلو

الله يهديكم ويسعدكم

حبيبتي حصني نفسك و زوجك بالقران و الاذكار

و لا تتكلمي مع قريباتك و صحباتك عليه العيين حق و الحسد مذكور

ان شاء الله ياااربي دوووم هكذا ودوم مبسوطين و ربي يجمعكم بسرعة و يبعد عنكم الشر يااااااارب

اغلب الرجال هكذا حبيبتي يدلعوا بالقعل مش بالكلام .... بس انتي لا تغيري دلعك له

لانه برضو يعجبهم يسمعوا الكلام الحلو من زوجاتهم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ههههههههه
اكثر من هيك تبي دلع .... والفعل افضل من الكلام
كفايه انه يرسلك مسج كل يوم .. وصدقيني في رجال ما يعبرون بحبهم بالكلام ولكن بالفعل

ربي يخليكم لبعضكم

__________________

شكرااا على دعواتكم حبايبى والله يعطيكم مثل ما عطانى واكثر ...
ما تكلمت الا لانى احبه واخاف ما اوفيه حقه اخاف اظلمه

طيب انتوا يالرجال اذا واحد شخصيته كذا يحب زوجته ادلعه بالكلام ولا بالافعال ولا الاثنييين ياريت تفيدونى