السلام عليكم مدري من اين ابدا موضوعي
بس سوالي كيف اشبع زوجي من جميع النواحي
زوجي كان مسافر للبحر . ومعه اصداقاءه
وبعد مارجع قعد يتكلم عن رحلته
المهم من ضمن السواليف انه فيه 3 من الاصدقاء معهم دربيل وقاعدين يشوفون البنات اللي يسبحون بالبحر😰😖😱
وانه هو و3 ينامون والباقي للاسف يسهرون لي 9 عشان يشوفون العوايل اللي يسبحون
😔اللهم عافينا في ابتلو فيه وفضلنا على كثير من خلقه )
الصراحه بجد تضايق من هالموقف لاحول ولاقوه الا بالله للاسف فيه رجال مايغضون البصر لهالدرجه وصلو طبعا ماحسست زوجي اني متضايقه عادي
عاد اقوله انت سويت مثلهم وانا اضحك 😎يقول لا وش اشوف عاد
المهم قعدت اتكلم مع زوجي انه اكيد زوجاتهم مقصرات بالفراش والا ليه كيذا يسون قال لا يمكن لانهم مااخذو حريم حلوات (الواحد منهم عندهم اقل شي 4 اطفال واعمارهم 45 )فيكونو محرومين
معقوله انا مااصدق عشان الجمال يطلقون البصر لهدرجه

انتم ايش رايكم وخاصه الرجال ايش السبب اللي يخلي الرجل مايغض بصره لهدرجه دربيل
الناس وصلو للقمر وحنا للحين
يناضرون بدرابيل😖😭
الله يهديهم ويسخروهم لزوجاتهم ويسخر لي زوجي ويبعده عن الحرام وشباب المسلمين

🌹🌹🌹







تم تغيير العنوان ليتناسب مع المضمون

__________________

بصبصة ي حبيبتي ﻻ اكثر وﻻ اقل
وﻻ تخلي زوجك اكبر همك
خلي دينك محور حياتك راح تكسبي الدنيا واﻻخرة

يام فيصل النظر الاولي لة والثانية لشيطان
والشوف بحر .ولكن الي قاعد اشوفة بالاسواق
لبس بعض الحريم الله يهديهم مثل الي يقول
طالعوني فاذا صلح حال المراة صلح حال الرجل
ولكن من الدين والمرؤة غض البصر عما حرم الله

__________________
سبحان الله وبحمده سبحان الله العظيم

من البصبصة يأتي الزنى وضياع الأنساب والأسر وكسر مشاعر الأيتام وفقرهم.

البصبصة ذنب وحين نستهين بالذنب يكون كبيرا عند الله جل جلاله ، والصغيرة حين نصر عليها ونستهين بها تكون كبيرة وربما أكبر من الكبيرة وقال ابن القيم رحمه الله :
" الإصرار على الصغيرة قد يساوي إثمه إثم الكبيرة أو يربى عليها " .


من الدين أن يكون زوجها أحد همومها

وحين نهتم بأزواجنا ونجعلهم شركاء في حياتنا كلما أرضينا ربنا وزادت سعادتنا



والمعذرة على الرد

__________________

ههههه أهم شيء زوجك مسوي نفسه طالع منها ! ياحليلك الله يرزقني سلامة قلبك وحسن نيتك 😊

لكن ما أقول غيير الله يخلف علييك إنتي وزوجك ! حطيتوا البلا في الحريم ، لا والله البلا في اللي تاركين حريمهم وعيالهم ورايحين يتبطحون على هالشواطئ !! والواحد فيهم عينه تقول زرقاء اليمامة !!

بالنسبة لسؤالك ليش يسوون كذا

1) مافيه خوف من الله يردعهم .
2) لأن العين بحر وبني آدم طماع وما يملى عينه غير التراب.

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

..أكتفي بهذا الرابط الجميل..
...أتمنى يفيد زوجك ...

لما قلت بصبصة قصدت انو مو شرط زوجاتهم مقصرين مو جالسه تسال عن السبب
انا خمنت انو هذا السبب وﻻ جالسة احقر الموضوع بالعكس جدا ازعجني تصرفهم
ولما قلتلها اهتمي باخرتك مو معناه تهمل زوجها
هذي وجهة نظري حبيبتي ولك وجهة نظرك

هههههههههههههه بس اعجبتني دبلوماسية زوجك بالرد ..تلقينه اول واحد بصبص ومسوي فيها ..كلهم كذا،،ع العموم الزوجه مالها اي دخل ببصبصة الزوج ..يا اما ضعف الجانب الديني او هو طبيعته يموت بالحريم والبصبصه حتى لو تزوج اربعين

الرجال بشكل عام يحبوا البصبصه على قولتكم 😅

لا لا مو الكل الاغلبيه 😆

البعض يمكن عندهم حب الفضول يعني نظره ويكسرها والبعض يحللوها تحليل ويفصفصوها 😒 والبعض إيمانهم قوي وخوفهم من الله يمنعهم من هذا الشي والله يهدي الجميع