المشاركة الأصلية كتبت بواسطة *&* لولو *&* جزاك الله خير اخي الكبير لكن اذا الاهل مو قابلين بالمعدد .. في نفس الوقت اللي قابلين فيه وراضين لبنتهم بقائها بدون زواج وسعيدين بقرارهم ... ولا مفكرين يسعون بالبحث عن زوج لبنتهم لو تجلس بدون زواج طول عمرها ... بمعنى ثاني غاسلين يديهم على الأخر .... كلمه قلتها اخي (((لاتخدعي نفسك بمزيد من الأنتظار ))))...الكااااااااااااارثه الكبيره اذا صار الأهل هم المخدوعين ... انا مااسمي اللي سمونه اهلي صبر هو الصبر بمعناها الصحيح ... لا والف لا ... انا اسميه قبر .. وقبر لي انا ...وهم اللي دفنوني فيه .... ونهايه الحكايه والمأساة هذي ايش ؟؟؟؟ نهايه الصبر اللي يرغبوني فيه كل يوم بعد يوم ايش ؟؟؟؟ راح يقولون ماجاك النصيب اللي يسوى ويستاهل ... ومو معقول اي واحد يطق باب بيتنا نزوجه .... وقضيه اشباع الغرائز هي مو عارفينها ولا فاهمينها ولا مفكرين ولا حاسين فيها تدرون ليه ؟؟؟ لأنهم متزوجين ... لأن غريزتهم وفطرتهم اكتفت ... لأنهم شبعوا ومستحيل يحسون بالجوعان ... مستحيل الشبعان يعرف حقيقه انسان جائع ومقدار الألم اللي يعانيه حتى لو كان ييصرخ ويتاوه قدامه من الألم .... ولو فكرت البنت بالتصريح او مجرد التلميح في انها تبغى فقط تشبع غريزتها .. ماتبغى عريس VIP حسب مواصفاتهم .... ايش راح يكون الرد عليها ؟؟؟ انتي ماتستحين ... انتي منتي صاحيه ... اكيد انتي انهبلتي ... لكن الغلطه مو غلطتك .. غلطتنا اللي ماعرفنا كيف نربيك ... وبعد سلسله الأتهامات هذي يكون الصمت ابلغ من الكلام

اذا كان سبب عنوستك هم الاهل
فالحل هو


المصارحة سواء منك او بأن توسطي شخص له تأثير عليهم

والله الاهل مساكين يتمنون لنا الخير واحسن زوج
تخيلي انا ما انكر ان كان لهم دور في عنوستي من خلال الرفض لمن تقدم

حتى جاء الدور على اختي الاصغر مني
بدأ الخطاب يتهافتون عليها من عمرها 18
وظل الاهل يرفضون حتى وصلت الى سن 23
وكل حجتهم انها افضل ممن تقد لها وهناك فارق في المستوى العلمي والثقافي والشكلي
ويتمنون شخصا يناسبها
كل اللي تقدموا لها لا يحملون حتى شهادة الثانوية واغلبهم عسكريين
ولا يتميزون لا شكل ولا ثقافة ولا شي
فقط يناسبون بالعمر والاصل

لكن طلعت احسن مني
اخذت تبكي عندي كوني اقرب وحدة لها وقالت انا لا اريد ان اصبح عانس بكل صراحة
وانتي شفي حالك شنو انفعتك شهادتك وشكلك
قاعدة بلا زوج ولا عيال
جعلتني ابكي وارثى لحالي
وطلبت مني مساعدتها في اقناع اهلي
حيث تقدم لها واحد لا يميزه شي (شهادته متوسطة ويعمل بالشرطة)

والله ما ادري شلون قررت اساعدها
وواجهت ابوي واخواني
وكلمتهم وقلت لهم
الى متى الرفض؟؟ كل اللي تقدموا ما اعجبوكم بسبب الشهادة والوظيفة
لكن هذا الواقع
هذا مستوى عيالنا
اغلب الشباب يا شرطة او جيش وشهادتهم اقل من الثانوية
وان وجدت من لديه شهادة جامعية ووظيفة زينة تلقاه يضع مليون شرط وشرط في زوجته

وصدقوني مثل ما قالت اختي الشهادة تجمل الرجل امام الناس لكن لا تنفعني ان لم يعاملني بحب واحترام

قلت اختي استخارت وارتاحت لهذا الشخص وموافقة
انت يا ( ابي واخواني) اسألوا عن اخلاق الرجل ومدى التزامه بالدين وسمعته بين الرجال
ان وجدتم عليه شي ارفضوا
لكن اذا اخلاقه زينه ومحافظ على الصلاة يكفي للقبول

والله العظيم كان صعب علي ان اكلمهم وان يصدر مني هذا الكلام
وحدثت مشادة كلامية بيننا وكنت اتحمل كلامهم الغير منطقي
كل كلمة والثانية اختك افضل منه وهي اعلى شهادة وشكل وثقافة
ونحن ننتظر الأحسن

قلت لهم هل لا توجد بنت الا بنتكم
البيوت متروسة بنات
والعرسان مو على كيفكم
يمكن هذا اخر واحد يأتيها
ردوا وقالو ا توها عمرها 23 لا زالت مرغوبة

وبعد محاولات مني
وافق ابي واخوتي
لكن تدرين شنو قالوا

وافقوا وهم غير راضين عن الرجل
وقال ابي بكره اختك راح تندم لانه لا يناسبها ويمكن راح تشوف نفسها عليه
وكنت اتمن لها الافضل لكن اذا اهي موافقة كيفها

وألحين اختي تزوجت والله انها سعيدة معاه ورفحانه وكل يوم طلعات معاه
وانا شوفي حالي مدفونة بين أربع جدران
والسبب اني لم اجد احد يقف معي في هذه العمر

ووحدة من اهلنا عانت من نفس المشكلة لكنها كانت اقل جمالا
ولم يتقدم لها الا شخصين
وعنما رفض ابوها الشخص الثاني
والله انها ما استحت
وكلمت امها وبكت عندها
تقول انا مو من جمالي العرسان يتقدمون لكم كل يوم
وطلبت موافقتهم
ابوها زعل من موقفها لكنه وافق لرغبتها
والان مر على زواجها 6 سنوات وهي سعيدة مع زوجها