هلا يا قلبي ..الله يسهل لكم عمرتكم و زيارتكم ويردكم سالمين غانمين ...
مكة كل حاجة فيها حلو ..فكرتك حلوة بالنسبة للعود والبخور ..وممكن تاخذي زمزم .. هو احلى هدية من مكة .. وأحلى هدية واعظمها ..انك ما تنسينهم من الدعاء في اشرف وأطهر مكان ..
من المدينة المنورة
عندك التمر عجوة هدية مميزة من المدينة المنورة على ساكنها افصل الصلاة والتسليم ..
إذا كانت ميزانيتك طيبة ممكن تاخذي لأمك وحماتك ذهب ..طبعا اشياء بسيطة يا خاتم او اسوارة ..
المحلات إللي قريبة من الحرم تلقي فيها شغلات كثيرة حلوة وتصلح هدية ..الله يعينك ..انا احترت معاك
__________________
التعديل الأخير تم بواسطة gawlp ; 23-04-2009 الساعة 12:45 PM
ماء زمزم- التمر للبلاد خارج السعودية-المسواك- السباح-السجادات -الكتب-الجلابيات -الطرح-الساعات فيه ساعات قيمتها مو غاليه- لوحات للتعليق عليها الاذكار تعلق على الحائط وقيمتها حلوه وموجودة عند المكتبات القريبة من الحرم وتبقى للذكره سنوات واجرها كبير لك
حبيتى الله يتممها عليكى بالخير ان شاء الله من المدينة طبعا الرطب والتمر اذا حتجيبى منهم يكون اطيب من المدينه اما باقى الاشياء بمكة والمدينة نفس الشئ والبنات ماقصروا فى وضع الافكار للهدايا واذا تحبى تجيبى اكسسوار كمان فيه محلاتة تبيع اشياء مررره حلوة وفيه اشياء تقليد للذهب والمجوهرات كمان بتعجب بعض الناس اللى يحبوا لبس الاكسسوار او الذهب وسجادة الصلاة فى منها يجى مبطن وسميك شوية للى عنده مثلا مشكلة بالركاب او الارجل عامة بتكون هدية حلوة ونافعة جدا واذا حبيتى تجيبى اشياء هدايا لعدد كبير وتبغى تكون رخيصة فى حجابات ملونة هناك مررررررررررررة سعرها رخيص اشوف ناس كثيرة تيجى العمرة وتشترى منهم طبعا اذا يلبسوا الوان يعنى بلد خارج السعودية
وطبعا البخور والعطور مثل ماذكرتى من قبل والحنة للى يحبوا لانى الصراحة اشوف ايضا ناس كثيرا يجى للعمرة من معارفنا او شئ ويطلبوا الحنة وطبعا تلقينها عند العطار
__________________
اللهم بارك لى فى اولادى وزوجى وعوضنا خيرا مما فقدنا
احبائى فى الله سحابه وتيرا
والله ما قصرتم جزاكم الله خير على الهدايا الجميله
وان شاء مش حنساكم من دعائى لكل عضوات المنتدى الحلوين
الله ينول كل واحده اللى فى بالها يا رب
__________________
اللهم صلى وسلم وبارك على سيدنا محمد وعلى أله وصحبه اجمعين
سبحان الله وبحمده سبحان الله العظيم