السلام عليكم ورحمة الله وبركاته
انا بصراحة مش عارفة ابدأ منين ...........
بصراحة حاسة انه كدة كدة مافيش حل الا باذن الله طبعا لكن بكتبلكم جايز اطلع باى نصيحة مفيدة وياريت دعاء طبعا........
زوجى الحبيب علطووووووووووووووووووول قاعد على الكمبيوتر واتكلمنا فى الموضوع دة مرارا وتكرارا لغاية ما انا يئست وخلاص عارفة انه مفيش حل للموضوع دة خلاص الا باذن الله
لدرجة ان انا طول ما انا شايفاه قاعد عليه طول ما انا حاسة انى بشيل منه اكتر واكتر وبيبعد عنى اكتر وحاسة انى خلاص مابقيتش صافيه له خلاص ومش عارفة اكون صافية وكرهت اتكلم فى الموضوع دة خلاص والله زهقت
لدرجة ان ماما عندى يومين بتقولى انتى لية مش لابسة حلو ومتزينة كدة المفروض ان انا لس فى الاول عروسة شوية بقالى اقل من 6 شهور قلتلها
خللى الكمبيوتر يتزين له قالتلى اية هو ضرتك واللا اية......... قلتلها دة حتى لو كان ضرتى كان هيبقى فى عدل يوم ويوم.........يوم ليا ويوم ليه
وكانت عايزة تكلم زوجى فى الموضوع قلتلها لا...........لانى خلاص بجد قلت كل الكلام اللى يتقال
وحتى انتو مش عايزاكو حتى تحطو حلول لأن خلاص حاسة ان الموضوع مافيهوش كلام تانى بس اللى يقدر يدعلنا بظهر الغيب يا ريت.........
بس مش المشكلة فى كدة بس..............المشكلة انه حتى كل ما افتح سيرة انى عايزة اروح لبيت ماما تحصل مشكلة..........طااااالت المدة او قصرت........
لدرجة انى مرة بقولة بقالى شهر ما رحتش فرد عليا وفى نص كلامه قالى ماتحسسنيش انه ادمان.......
بالله عليكم يا جماعة مين فينا اللى ادمان.......... هو مدمن الزفت الكمبيوتر واللا انا مدمنه اروح اللى بقولة بقالى شهر مارحتش
يعنى هو لا عايز يقعد معايا ولا عايزنى اقعد معاهم ........... انا بجد مستغربة بقولة يعنى انت عامل بيا اية على الاقل لما اكون مش موجودة مش هتلاقى حد يضايقك وتقعد على الكمبيوتر براحتك........يعنى حاببنى كدة وانا قاعدة لوحدى ؟؟؟؟؟؟؟؟
هو المفروض اننا بنحب بعض والمفروض ان هو طيب حتى انا دايما لما كنت بتخيل انى بشتكى منه كنت بتخيل انى اول حاجة هقولها انه الحمد لله طيب ربنا يبارك
بجد بجد بقيت اخاف افتح السيرة دى معاه
اخر مرة اتكلمنا فيها ......... وعادى كنا بنتكلم ونهزر قلتله هو انا مهما ماقلتلكش ان انا عايزة اروح لماما مهما طالت المدة انت مش هتقول؟؟
وكان الرد..........
كان قاعد على الكمبيوتر طبعا قام وهو بيقولى اية هو اسبوع واسبوع وراح فتح التليفزيون ..رحت وراه وقفلت التليفزيون بهزار وقلتله بما معناه ان انا بكلمه راح اتغير وكلمنى باسلوب وحش وقالى افتحى التليفزيون......فتحته........قالى على الصوت.........عليته.............قالى مش فاكرة حاجة كدة كمان وعملتها وقعد يتفرج علية فضلت واقفة بصالو كدة باستنكار شوية لغاية ما ضحك وقالى تعالى.........
بس انا بقى بجد كنت جبت اخرى خاااااالص ومشيت وانا متضايقة جدا جدا جدا منه.......وبصراحة علشان الامانه هو اتضايق من حركة قفل التليفزيون لما عملتها برضو قبل كدة بس انا عملتها بهزار وانا متضايقة من الاهمال اللى اهملهولى وانا بكلمو........
واقولكم يا جماعة اخر مرة رحت فيها كانت يوم 11 _6 ورجعت يوم 16-6 ونسيت حتى اقولة ان اخر مرة دى كان بقالى كتيييييييييير ما رحتش علشان كنت حامل فى اول وتانى شهر وماينفعش اروح طريق طويل مش فاكرة المدة كانت اد اية بصراحة بس يمكن حوالى شهر ونص والمهم ان انا فاكرة ان انا كنت قاعدة بقى بمزاجى بعد يوم 16-6 فترة علشان كان فرح اخت زوجى وهتتزوج جمبى فكان ذوق منى مش عايزة اسيبها وامشى
لكن طلع ان الموضوع بقى عادى ان انا ما اروحش بالشهر
بقولة برضو بقالى حوالى شهر مارحتش........علشان المرة اللى فاتت رحت فى اخر الشهر التانى والمرة دى قربت على اخر الشهر التالت .........قالى لا دى بتتحسب من تاريخ رجوعى مش من تاريخ مرواحى..........؟؟؟؟؟؟؟؟؟
يعنى ساعة ماكلمتو كان بقالى حوالى 3 اسابيع مش اسبوع واسبوع زى ما هو بيقول؟
وانا اللى بيصعب عليا يا جماعة ان انا فى كتب الكتاب مارضيتش أكلمو فى الموضوع دة خالص واقولو هروح كل اد اية ولا حاجة لانى عارفه انه طيب واحسن من ازواج اخواتى فى نظرى......وكنت بتخيل ان انا مافيش حاجة هعوزها الا ويعملهالى علشان هو طيب
فصعبان عليا اوى اللى بيحصل دلوقتى وخصوصا انه مش عامل بيا حاجة اوى وعايش مع الكمبيوتر.....
(((((((((شوية مدح فية))))))))
....................وعلشان الامانه يا جماعة هو لس طيب بس اكيد احسها اكتر وانا صافيه له ومتصالحين بس انا بجد بجد خلاص مش عارفة اصفى
..................هو قبل موضوع الحمل قلتلو بطريقة حلوة انى اروح يوم كل اسبوع وماكانش عندة مانع بس انا اللى كنت بخاف اروح مواصلات لوحدى علشان بابا مايتضايقش وفى نفس الوقت مش عايزة اقول لزوجى يوصلنى قبل الشغل علشان مايتعبش ويكره يودينى لان المسافة حوالى ساعة او ساعة ونص مواصلات وفى نفس الوقت ماكانش راضى انى أبات......فكنت برضو متضايقة جدا لان النتيجه انى مش عارفة اروح من ساعة ماتزوجت وانا اللى كنت بحسب انى اكتر واحدة فى اخواتى هيكون الموضوع دة سهل بالنسبة لى باعتبار ان زوجى طيب؟؟؟؟؟؟؟؟؟
خلاص بجد كرهت أتكلم كمان فى الموضوع دة بس عايشة فى حالى الفترة دى ومش عارفة أصفالو خالص خالص
وساعة اخر مرة لما مشيت زعلانة......رجعت بعد شوية .وقلتلو (((((((بس وانا منهارة من جوة))))))
بص لو يرضيك ان انا ما أكلمكش فى الموضوع دة خالص طول حياتى هعمل كدة......قالى لا........قلتلو خلاص قولى الفترة اللى ما أفتحش الموضوع دة خالص معاك بس بعدها لما اقول هروح ماتحصلش مشكله..........بجد خلاص اتعقدت..........وضغطت علية جامد جامد جامد علشان يقول الفترة.......وقالى انتى عايزة تروحى كل اد اية....قلتلة مش مهم انا المهم انت تكون راضى امتى وضغطت علية ومارضيتش انا اقول...........بعدها قالى انا كان نفسى تروحى كل خميس وترجعى الجمعة...قلتلو ولية لأ........قالى علشان الحمل قلتلو خلاص بعد التالت عادى المهم بعدها قالى خلاص
.................. كل شهر 3 أيام. .....................
أة يا جماعة لو أقولكم الصدمة اللى اتصدمتها لما قال كدة.........بس بجد كنت منهارة وقالى انتى كدة راضية سكت وكنت أصلا بكلمو فى موضوع اية الحاجات اللى متضايق منى فيها علشان اغيرها......سكت وانا منهارة من جوايا وقعد يسألنى ها انتى كدة راضية وانا مش برد وبس بقولة ها اية الموضوع اللى بعدة
قعدنا كتير احنا الاتنين نقول كدة لغاية ما مقدرتش وبكيت ورحت فى الصالة وقعدت ابكى ابكى وقلت اقرا قران علشان يهدينى وانا ببكى ومنهارة وهو كان قاعد ساكت شكلة متضايق جوة ...........المهم هديت نفسى علشان كنت عايزة اخلص معاه الموضوع ودخلت بحسبه لس قاعد مكانه متضايق.........
تخيلوووووووووووووووووووووووو................يا جماعة لقيته بيعمل اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
.............اللى بجد بجد بجد صدمنى اوى اوىىىىىىىىىىىىىىى.........
لقيتو عادى خااااااااااااااالص................
...................((((((((((((((((((قاااااااااااا ااااعد على الكمبيوتر ))))))))))))))))))))).................
تخيلو؟؟؟؟؟؟؟؟؟؟؟
ومن ساعتها يوم الثلاثاء وانا مش طايقة أصالحو ولا أكلمو ولا أصفالو ولا حاجة خالص............
بس كنت عايزة أسأل سؤال؟
انا لو عملتلو كل اللى هو عايزة بس من غير ما أكلمو ولا أهزر معاة عايزة أرضيه ويبقى وراضى بس بأى حاجة غير انى أكلمو عادى وأصفالو لأنه مش بأيدى
هل أنا كدة ماأخدش ثواب....(((((((أيما امرأة ماتت وزوجها عنها راض دخلت الجنة ))))))))))
بجد عايزة أرضيه بأى حاجة غير أنى أكلمة عادى بجد مش قادرة وطول ما أنا شايفاه قاعد على الزفت دة بشيل منه أكتر
أرجوووووووووكم ادعولنا واسفة كتير انى طولت عليكم
وياريت ياريت تنصحونى وتدعولنا ربنا يهدينا ويرضا عنا ويجعلنى زوجة صالحة وهو زوج صالح...
وأرجوكم شجعونى انى اكتبلكم تانى لانى بجد من النوع اللى بستصعب اوى افتح اى موضوع وببقى حاسة انى مش هعرف اقول حاجة...........ارجوكم شجعونى
والسلام عليكم ورحمة الله
10-07-2009, 07:31 AM
الحياة ليست وردية مشاكل ما بعد الزواج غير المتوقعة
ضوابط المشاركة
العرض العادي
