مرحبا
راح ادخل بالموضوع على طول
انا متزوجه مالي الا سنتين
في ليلة رمضان الماضي كنت في بيت اهلي وهو في
الاستراحه كلمته وطلبت منه باسوورد ايميله على
اساس باخذ منه اشيا لي وعطاني اياه
دخلت الايميل
عمري ماتخيلت زوجي ينحط لهالمستوى
رسايل افلام اباحيه من واحد معه في الدوام
وواحد ثاني ماعرفته
ماقدرت اسكت وارسلت له مسج طوويل اني مصدومه فيه
ووو وقلت له اني ماراح ارجع وبجلس عند اهلي
جا وحاول فيني اجي معه وانا مصره*
بعدها ترددت خصوصا اني كنت حامل وهذا طفلي الاول
وكنت في شهوري الاخيره
راجعت نفسي وعدلت عن قراري ورجعت معه
لاني اعرف نفسي لو جلست خلاص ماراح ارجع ابد
اعتذر وبكى وقال ان ماله دخل وهم اللي يرسلون*
يعني يبرر لنفسه ( مع العلم ان بعض هذه الايميلات مفتوحه)
بصراحه ماصدقته تماما
راضاني ومر الموضوع
بس للاسف ماقدرت ارجع اثق فيه مثل قبل
بعدها في شوال بدأ الدوام وكان في شغله وانا في بيتي
فتحت ايميله ومافي شي تغير ومن نفس الشخصين
رسلت له كلام كثير من كثر انفعالي مااتذكر ايش كتبت
بس مجمله اني فقدت الثقه فيك ووو
جا فورا من شغله وجلس يبكي ويقسم انهم اللي يرسلون
والاشيا المفتوحه يكون فاتحها بالغلط بس ماشافها
ماصدقته طبعاا وانا منهاره ابكي هو رمى اللاب توب
في الارض وقال مابيه اذا هو سبب زعلك ووو
*انا ماقصرت بشي
وهو كذلك بس ليه يسوي كذا ماله مبرر
سكت لان ولادتي كانت قريبه وكنت اساسا
نفسيتي تعبانه وخايفه من الولاده
وجات هالسالفه زادت نفسيتي سوء
ولدت ورجعت علاقتنا حلوه بس طبعا صرت
اشك فيه مااقدر غصب عني
والان قبل اسبوع*
كان نايم فتحت الايفون حقه علي احد برامج المحادثة
كنت ابي اشوف محادثة له مع هذاك الشخص
صاحبه في الدوام وشفت البقيه
ادري تصرفي غلط بس مو بيدي
كنت ابي اشوف شي يجبر خاطري
يررجع ثقتي فيه
بس للاسف خاب ظني كانت هنا المصيبه
شفته راسل لكثير اشخاص صورة مناطق حساسه من الخلف
عذرا بس للتوضيح وواجهته يقول هذا رجال عادي!!!!!!!
وراسل لشخص قريبه 5 مقاطع اباحيه
جنيييت وصحيته من النوم وواجهته
قال مالك حق تفكين جهازي ومن هالكلام
بعدين قلت له انت المره الماضيه قلت ان هم اللي يرسلون لك ومالك دخل
وهذاك ارسلت انت طحت من عيني انا اول مره احس اني اكرهك*
ورحت لميت ملابسي وملابس ولدي
مسكني وهو يبكي ويعترف انه غلطان
بس يقول ان اللي هو ارسل له هذا واحد معه في الاستراحه( يقرب له)
وكان ماسك جواله وقت ماجاه هالمسخره من صديق الدوام
وحلف انه ماشافهم وهذي اول مره
انا ماصدقته لان قريبه اللي معه بالاستراحه
صايره بينهم محادثه قبل ليرسل له زوجي الروابط
قال له ارسل لي شي مخصوص
رد زوجي بضحك وقال له مالومك ( قريبه زوجته نفاس)
مشكلتي احبه مااحس اني اعرف اتاخذ قرار حاسم
يمكن هو عارف هالشي
عشان كذا متساهل!
انا مدري كيف اتصرف لانه بجد طاح من عيني
اذا مابينا ثقه كيف بنعيش مع بعض مدري
احس بغصه مهمووومه نحب بعض متفقين كثير
نحب بعض كثير متفقين حيانا حلوه بس هالشي نسف كل شي حلو سواه لي
حسسني انه يستغفلني**
*هو الان مسافر للشغل ابي اعرف اذا جا كيف اتصرف معه
علما باني اكلمه عادي قبل لايروح بس واضح الزعل علي
وقلت له سو اللي تبي ماعاد يهمني تبلد احساسي
وهو راضاني ويحاول يبين انه طبيعي
من سافر كل يوم يكلم بس مادقيت عليه ولا مره وكل كلامي ردود لاسئلته
بس اذا جا مدري كيف اتصرف مخي مشوش

نسيت اقول اني كنت مفكره بخطوه جريئه
وهي ارسال رقم الشخص اللي يرسل لزوجي
للهيئه يتفاهمون معه بطريقتهم
بس الان ترددت اخاف يجر زوجي
مافيني على الفضايح متفشله ان زوجي كذا حتى من نفسي
شرايكم ابلغ ولا ؟ لانه مايياس لما تهاوشنا على الايميلات
الغى زوجي ايميله وصار يرسل له على الجوال
يعني مو كاف شره عنا ابد

للعلم زوجي باع الايفون بعد هواشنا

مقدره احساسك...

بس ياعزيزتي بعض الاصدقاء مايستحون على وجيههم..يرسلون صور ومقاطع حتى لو عارفين انه هذا الشخص متزوج. يعني هدفهم ينشرون الفساد في الارض

.حتى لو لقيتي الرساله مفتوحه زوجك مايدري وش فيها وطبيعي يفتحها عشان يشوف..مضمونها ومو شرط يكون فاتحها معناه راضي..

واكبر غلط انك قمتي ولميتي ملابسك وقررتي تروحين بيت اهلك...خلي الموضوع بينك وبينه ولاتطلعين مشاكلك برا البيت..مدام زوجك مو مقصر معك ويصلي وعمرك ماكشفتيه يكلم بنات ومو مخبي عنك أرقام سريه ولا يطلع كثير من البيت ويتركك..فماله داعي تروحين لبيت اهلك وتكبرين المشكله..

انتي انصحيه وتعالي له من باب الدين...وقوليله ماكان المفروض يخلي اصدقائه يرسلون له هذي الصور او يمسكون موبايله لانه ماراح يستفيد شي غير خراب بيته وممكن يخسرك..وقوليله انك من حقكك تشوفين وش عنده ومن حقك تمنعينه اذا شفتي منكر..واهم شي انك ماتتهاونين وتبينين انك زعلانه..

وحده من صديقاتي مرت عليها نفس مشكلتك واحد من زملاء زوجها في العمل يرسل صور فاضحه على ايميل زوجها....واظطرت هي ترسل عليها نفس الصوره من ايميل زوجها على اساس انه زوجها الي راسل وكتبت تحتها .. طلب بعدم الارسال هذا النوع من الصور..لانها لاتليق لي..

ومن بعدها امتنع هذا الزميل من الارسال نهائيا...

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

شفتي ان بعض الاصدقاء مايستحون..شياطين انس اعوذ بلله منهم..لاتبلغين هيئه ولاغيره...

اهم شي زوجك يمنعه ويطلب منه مايرسل...

الحين دام زوجك باع الايفون خلاص كلمي زوجك و حسسيه انك واثقه فيه واطلبيه يحافظ على ثقتك.. ولعاد تجيبين له سيرة قريبه هذا.. ولو فيه شي ربي بيكشفه لك..مره ثانيه..وقتها اتخذي القرار المناسب..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

ليه الغرور
اشكرك على ردك .. زوجي يقول انه قال لصاحبه لاترسل لي بس مافيه فايده منه
يبدو اني ماوضحت بعض الاشياء صح
انا اقصد ان زوجي يتلقا هالاشياء من صديق من الدوام وشخص ماعرفت اسمه لانه لقب
وشفت في جواله ان زوجي راسل لقريبه مقاطع على الايفون وانكر انه شافها بس بحجة ان قريبه
طلبهم لان قريبه هذا كان ماسك جوال زوجي .. هذا الي حاز بخاطري وقاهرني
زياده انه جالس ينشر هالاشياء وان كانت على كلامه اول مره وتحسف
بس ولو هالشي مو سهل .. انا قلت له جمله مدري يمكن هي الي اثرت فيه .
قلت له اخاف تدور الدنيا وتنشر الناس اعراضنا : (
اشكرك على ردك .. الله يعطيك العافيه

الله يهديه ويسخره لك...

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

::
غاليتي لاتكبري الموضوع بعض الرجال فيما بينهم يتبادلون
مثل هذه الأمور وأحاديثهم أكثر جرائة ولايرون بأساً بهكذا
مزاح رغم أن فيه مخالفات شرعية وأثم كبير لكن بعض الأصحاب
يفعلون مع بعض هكذا
::
فلاتهدمي بيتك لهكذا سبب
ولاتفتشي خلفه كثيراً
أو تعطي لنفسك الحق بتجاوز خصوصيته
بتصفح جهازه وتفتيشه في غيابه وغفلته
عيشي حياتك دون مطارادات وتفتيش ومراقبة
الرجل لايحب أن يكون مراقب أو تفتش أغراضه

::
أستودعي الله سمعه وبصره وفؤاده وشهوته
وأدعي له بالهداية وقومي بنصيحته بين الفينة
والأخرى وبإذن الله سيهتدي
::
و أرآها مشكلة لاتستدعي الغضب العظيم
وترك المنزل وتعكير حياتك

::
وفقك الله وهدى زوجك

::

أختي ..
أنتي زوجه ولستِ أم.. نظره للحرام ذنبه عليه وليس عليك..
صدقيني اكلمك كصديقه لي تعاني من نفس المشكله
زوجها ينظر للحرام..
لكن هو رجل .. ادعي له بالهدايه لمحي له بانك تحبي أن يكون البيت مبني على الطاعه
وفقط..
أما إنك تنهارين وتغضبين وتتركين البيت فليس من العقل ولا الحكمه ولا حتى طريقة النصح..
اهدأي ولا تفتشين بجواله أو إيميله لتأكدي لنفسك شكوكك
هذا أنتي تأكدتي ماذا استفدتي؟
هدم بيتك..
هل الأمور تنحل بهذه الطريقة؟
يا أختي يكفي إن زوجك كل ما زعلتي بكى وجاء يراضيك..
يا أختي زوجك يحبك وشاريك لكنه مبلي ..فأعينه على ترك المنكر بإسلوب محبب
فهو زوجك وليس ولدك كما ذكرت..
وانصحيه بالتحبب والتودد ..
قولي له كل ما نظرت لشيء حرام تذكر ولدك..وتذكر أنه يجلس بنفس مجلسك
وينظر إلى ما تنظر..

** وعني أنا أرى أنه حرية شخصية ولا يحق لك منعه إنما نصحه ..
لكن طريقتك كأني أجبرك إجبار بترك النظر الحرام؟
هل أنتي بمدرسة ؟
استهدي بالله .. واستعيني به
وادعي لزوجك

أختي الكريمه:

امين يارب
مشكورة ،، ربي يسعدك