السلام عليكم ورحمة الله


راح ادخل بالموضع على طول لاني لااجيد المقدمات
اختي عمرها 17 سنه وهي اصغر خواتي كل خواتي تزوجو وانا ايضا كلنا كنا على قدر من الادب والتربيه ونخاف من اخواني والوالد والحمدلله انسترنا اختي هذي سوت في بيتنا الي مايتسوا باقولكم كم مثال وانتم احكمو
مرة طلبت من امي تروح الصالون تقص شعرها امي ماوافقت دخلت غرفتها زعلانه وماطلعت منها الا والبنت قاصه شعرها بوووووي الكل انصدم قالت استئذنتكم ماوافقتم طبعاانضربت الين قالت امين يعني الموضوع ماعدا كذا

مثال ثاني مرة جيت عند اهلي زيارة وقعدت اهرج معاها لاحظت البنت كل لبسها كم طويل استغربت وبعدين تبين لي انو مقطعه يدها بأله حاده بحيث انها مسويه شكل نجمه وبعد النقاش معها قالت متفقه مع صحباتها انو كل الشله تسوي نفس العلامه طبعا صحباتها لهم تأثير جداا عليها بما انو كل اخواتها تزوجو

مثال اخير وهو الاهم طبعا البنت قاصه بووي ومسويه النجمه هذي وكأنه وشم البنت صارت تنقز شعرها وتلبس ملابس عيال ومافي شكله ذرة من الانوثه لدرجه لو طلعت الشارع محد يدري انها بنت وتتصور وترسل لصحباتها المهم مرة وحده من خواتي اكتشفت انها حاطه صورتها بموقع تعارف طبعا الكل كلمها وطاح فيها تهزيئ وهجدت شويه وقلنا ياااهااادي الي صار انو اليوم وبصدفه وحده ترسل لي صورة وتقولي هذي مين؟؟؟؟؟

شفت الصورة الا وتطلع صورة اختي قلت لها يخلق من الشبه اربعين وانا عااارفه ومتأكده انها اختي لانها مغطيه وجهه بنظارة بس عرفت ديكور البيت .....المشكله مو هنا


المشكله انو صاحب زوجي تقدم لاختي انسان واعي وعاقل وعمرة 29 وكانت له تجربه زواج سابقه وماكتب الله لهم نصيب مدة زواجه 6 شهور بدون اطفال
انا بدوري كلمت امي وامي رحبت وبقوة لهذا الخطيب ...امي غرضها تبيها تعقل قلت لها انتم ماقدرتم عليها ليش نظلم الادمي قالت انا وابوك تعبنا فيها يمكن لو تزوجت تعقل والله ياجماعه قاعده اضرب اخماس في اسداس كيف بتعيش مع رجال وتصونه والله ثم والله اني تعباااانه منها كل مرة تحلف وتوعدني وترجع في كلامها حرمناها من النت والجوال راحت شربت كلوركس عقليتها صغيرررره وصحباتها لاعبين بعقلها نقلناها من مدرستها لمدرسه خاصه عشان تبعد عنهم

ارجو عدم نقل الموضوع انا كتبته في قسم المتزوجين لاني اريد حل من لهم تجارب من اخوات او قرايب بمثل عمرها وتصرفاتها وتزوجو ابغى حل من المتزوجين برائيكم نخليها تتزوج ولا نفركش الموضوع ونرد لرجال علما بان الزواج في العطله الصيفيه

الله يحرم على وجهه النار الي يرد علي ويلقى لي حل

ولماذا تتزوج ؟؟
هل وظيفـة الزوج أن يربي زوجتـه ؟؟؟؟
هل ترغبيـن بأن يدعي الزوج أن يدعي عليكم وعلى أمك وعلى أبيك حينما تورطونـه بأختـك ...
اتقوا الله ... مستقبل الشباب ليس لعبـة

أنا لو مكانك ، بأشيل يدي من الموضوع ..
و هي عندها عقل ، لا تلوموا صحباتها ..

فين أخوانها ما يأدبوها ؟

__________________
من اجل التغيير الفعال لانفسنا.. يتوجب علينا تغيير مفاهيمنا اولا..

ماذا لو كان الضحية الزوج وظلت البنت على تصرفاتها وعقليها الحمقى؟

__________________
ياصبحِ لاتِقبل !!
عط الليل من وقتك..

جزاكم الله خير علي الردود
انا كاتبه الموضوع عشان القى عندكم حل او تصرف يوعي بنت طايشه انا وخواتي متزوجين وبعيدين عن اهلي الي في القصيم والي بجدة والي بالجنوب واخواني متزوجين وكمان مو في الرياض واحد من اخواني موجود وكان يدخل يضرب ويطلع يضرب الين راحت المستشفئ من قوة ضربه انا شفت الضرب مو حل جذري معها لانها تقابلك بالعناد
يااخ نت مان احترم رأئيك ومتابعه ردودك لاكن انا غير مؤيدة لزواجها وذكرت اني قلت للوالدة انتو ماقدرتو عليها ايش ذنب الولد
اختي عصاميه لكي كل الود وانا افكر اكنسل الموضوع وعشان كذا طلبت مشورتكم وكيف مانلوم صحباتها اذا كل صحباتها بنص عقل ومن عاشر قومآ اربعين يوم صار منهم يعني تفكيرهم همجي زي بعض
واقعي لحد الالم شرفني مرورك علي صفحتي الله يهديك مين قالك اننا زوجناها عشان تقول يدعي علينا واتقو الله ان شالله اننا متقينه بس ياخي انتم تعرفو تصرفات المراهق ومراهقت زمان غير ايامنا الان
بالله عليكم ابغا جواب شافي ماابغا توبيخ ووين اخوانها مايربوها واتقو الله والزوج ليس وظيفته تربية الزوجه انا عارفه الكلام هذا كله لو انا مااخاف الله ومااخاف علي مصلحة اختي مانزلت موضوع واستشرتكم فيه

انتم بدمورها اذا فرضتم عليها الزواج فرض... بصراحة اشوف انه كبير شوي عليها بالاخص انك وصفتيه بالعاقل و هي الله يعين عليها...

بس انتم حاولو معاها بالطيب و اللين قبل لا تحاولو معاها بالضغظ و الغصب..

__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك

[img]http://im33.***********/edShu.gif[/img]

.
.
.

أختي في الله إستخيري في تكملة الموضوع أو الرد بالرفض...مع إني أرى صعوبة ذلك وهي في مثل مزاجيتها هذه ولكن الله أعلم منا بما تؤول اليه الامور بعد الزواج

وبالنسبة لأختك لما لا تتقرب منها أحد قريباتك والتي تكونين على معرفة بأخلاقها وتكون معها صداقة وطيدة لعل وعسى تغير أفكارها وتميل اليها

أسأل الله ان يلهمك الصواب

__________________

الله يجزاك خير اختي رينول
احنا ماغصبنا عليها والله البنت موافقه انا بصراحه ماتهمني موافقتها قد مايهمني ان البنت تعقل انا ادري انه لسى في فترة مراهقه
وماابغا اظلم الرجال هو صحيح عاقل بس كمان الواحد يتزوج يبغا يرتاح

أختي الكريمة أقدر موقفك وقلقك من شأن أختك.

أختي هذا العمر متعب بشكل رهيب إذا أتخذ هذا الطريق وأصر عليه، بعض المراهقات يشعرن أن طريق الكول والجاذبية بأتباع التقليعات الجديدة والمستوردة، وبالتالي لايعلمن أبعاد تلك السلوكيات، القضية تكمن في حب لفت الأنتباه واثبات الذات وتصرفات المراهقين في ذلك كثيرة ومتنوعة ولا شك أن عامل الصديقات من أكبر المؤثرات، يبدو أن أختكِ لا تقبل الحوار أبداً، وأرى أن الحل الأمثل هو الحوار ثم الحوار بالعقل والمنطق وآثار سلوكياتها المستقبلية، كثير من المراهقات ممن أنتهجنَ هذا السلوك ليس لديهن تصور كبير وأبعاد وخطورة تصرفاتهن الحالية على مستقبلهن، في رأيي أن تزويج البنت وهي لم تتب من عملها هو جريمة بحقها قبل أن تكون بحق الزوج، فمن الرحمة لها ألا تتزوج إلا أن رجعت وعادت وهدأت عن أفعالها، نحن نلوم الفتيات اللائي يعملن أعمال أقل منها فكيف بحالها.

الزواج رائع جداً لأي فتاة بشكل عام، والبنت بعد أن تصل تقريباً للعشرين تبدأ تعي أهمية الزواج وتكوين الأسرة وغير ذلك من أشياء فطرية، أجمالاً ضد تزويج المراهقات سواء كانت المراهقة عاقلة أو غير عاقلة، بالرغم من أن التجارب أثبتت أن هناك الكثير من المراهقات منهن بأعمارها قد تزوجنَ ونجحن.

سؤالي: هل تعلم أختكِ أنه تقدم إليها خاطب؟ وإذا كان الأمر كذلك هل هي موافقة؟ وهل هي متحمسة لذلك؟

أجيبيني وسوف أكمل..

__________________
ياصبحِ لاتِقبل !!
عط الليل من وقتك..

فدى امي الله يرضى عليك
بأذن الله استخير
والله مافي احد قريب منها الكل متزوج وبعيد واقاربنا ياحريم كبار يااطفال مافي احد من سنها عشان كذا حسيت البنت انجرت مع صحباتها بما انها مالها شخصيه تتحكم بنفسها بل هي تساق مع افكارهم
والله لما اكلمها واعاتبها تجلس تبكي تقول انا طفشانه انا مليت ماعندي احد متنفسي الوحيد المدرسه قلت لها لاتوطي راس ابوك واخوانك تقول ابشري وحاضر بس ماثق فيها عندي تخوووف من الجاي