السلام عليكم
وكل سنه وانتم طيبين
انا كتبت لكم معاناتي مع زوجي العصبي جدا صبرت عليه كثير ولكن تمادى في الزعل الي ماله داعي والعصبيه انا الحمدلله ماقصرت في شي لا في البيت وترتيبه ولا في تربيت عياله ولا في المطبخ وضيوفه تدرون يعزم اليوم فطور بكره سحور ويالله انا والله ماهمني تعبي بس انه يزعل ويعصب من ولا شي والله يصحى من النوم وهوه معصب وكمان مايقول تسلمين على العشاء تدرون وش يقول ابغى عشاء بكره زي اليوم.
عشان تعرفون انه موصاحي مره كان عندنا عشاء والشغاله بلغلط حطت فناجين الشاي في صحن يختلف عن صحن الأباريق وزعل وعصب وقال لوشفتي صديقي وش مسوي كأن الي رتب له فندق خمس نجوم ويالله من التهزيئ والسب وجلس 3ايام مايكلمني حتى السلام مايسلم.
هدا وانا اجي من المدرسه على المطبخ والله مااعرف نوم الظهر او العصر وما انام الا وانا خلاص هلكانه وليته عاجب المهم انا طفشت ومليت وقلت لاخوي الكبير يكلمه لان خلاص ماعرفت وش اسوي معاه وجات الفرصه في ثالث يوم العيد وكان الاخ يسوي اخلاق من يومين لانه اول يوم العيد ماقالي كل سنه وانتي طيبه ولاشي معصب هزأني وطلع المهم كلمه اخوي وعصب وقال مافينا شي نسي الاخ وطلع وانا طبعا رحت مع اهلي وجلس زوج اختي الكبيره يكلمه وقاله فكر وش كنت تسوي خليت زوجتك بهدا الشكل والله صارشكلي يحزن لااكل ولا اشرب وصرت ادا شفته داخل البيت اخاف منه وحتى ادا دق جوالي يجيني مغص تخيلو هادي حياه والله مليت والحين له سته ايام لاكلمنا ولاشي وش تتوقعون بيطلق او بيحسن من اخلاقه وش الحل هل كان تصرفي صح والا لا ؟

__________________

أعانك الله ياغالية

أكثري من الإستغفار والدعاء له وقراءة القرآن وخاصة سورة البقرة والصدقة

أخرجي من بيتك الصور المحرمة وأفتحي إذاعة القرآن والله يعينك ويسخر لك

__________________

صدقيني يا اختي هذه العباده اللى تسوينها بطاعة زوجك افضل من كل العبادات وتاخذين فيها

اكبر الاجور من الله سبحانه وتعالي اكثر لأنه اذا المرأه عبادتها لله وطاعه زوجها هذا شغلها الشاغل في الحياه

فرتاحي اجرك كبير جدا هذا اول شي ثاني شي اسأل الله سبحانه وتعالي انه زوجك يرحمك ويعاملك

بالمعروف والرحمه لانه هذه علاقه زوجيه حب وحبيبه وليس جيش ومعسكر لازم الزوج يفهم هفوات

الزوجه لانها حبيبته ومش وحده في معسكر الجيش الانضباط بلدقيقه والثانيه


واصلي صبرك عليه وطاعتك وثقي ثقه عمياء انه اجرك اكبر الاجور من الله سبحانه وتعالي.

ولكن هو صدقيني انه يحبك بما تفعلينه كثير الحب ولكن تفاهمي معاه بهدوء وقوليله هذا الاسلوب

ماينفع تفاهمي معاه باسلوب جميل وفي وقت مناسب وبيتفهم ان شاءلله .

وعليكم السلام ورحمة الله وركاته

وكل عام وأنتِ إلى الله أقرب

ماوضحتي يااختي هل كلمتيه أنتِ بنفسك عن هذا الموضوع وتفاهمتي معاه؟

هل سبق وزعلتي منه لتصرفاته؟؟؟وماذا كانت ردة فعله؟؟



أما الأن فما بيدك غير الإلتجاء لمن بيديه تقليب القلوب أن يهدي الله زوجك ويصلحه ويسخره لكِ ويحنن قلبه عليكِ
وأكثري من الإستغفار فسبحان الله يفرج الله بها الهموم



ونصيحتي لكِ إسحبي منه الكلام الجميل سحباً.....ومع الأيام سيتعود عليه

فمثلاً إذا طلب منك عمل عشاء مثل عشاء الأمس قولي له : معناه الأكل عجبك....إعترف وقل إن الأكل كان زين

وإذا مارضى يقول ...قولي له من باب المزح مابسوي عشاء إلا إذا قلت إنه عجبك وقلت تسلم إيديكِ



وإذا عصب على شيء ردي بهدوء أبشر ولا يهمك بس لاتزعل إنتبه لصحتك صحتك غالية عليّ ياحبيبي

وإذا غلط عليكِ وأنتِ ماسويتي شيء أسكتي ولاتردي وبيني إنك زعلانة....وإذا هديت أعصابه عاتبيه بلطف ويني له أنه أهانك وزعلك



الله يسعدكم ويسخر لكم ويهنيكم يارب

__________________