السلام عليكم ورحمة الله وبركاته
انا احترت ومش عارفة اتعامل ازاي مع زوجي خد فلوس من اهلي علي انهم سلف وطبعا انا اللي روحت وطلبت منهم وقلتلهم هو هيرجعهم اول الشهر وعدي شهرين وقلتله عشان مش كان معاه فلوس ومتضايق عشان بياخد من اهله كتير قلتله هستلف من اهلي تاني بس نحاول نرجهم لو كل شهر جزء قالي طيب خدت الفلوس منهم وعدي شهر بقوله هندفع الفلوس ازاي يقوللي نفضي زمانهم نسيو وهما كان عليهم ليكي فلوس والفلوس اللي عليهم دي من قبل مايعرفني اساسا وكان دهب وخدوه وقالولي هيرجعو تمنه ويقولي جهزوا اختك بكذا وانتي نفضولك ويعتبروهم من اللي عليهم طبعا رفضت وهو زعل واتخانقنا وشايف ان كلامه صح ويقوللي اساسا لو قبلو ياخدوهم منك هينزلو في نظري ده اتصرف معاه ازاي وافهمه ازاي وياتري هو صح ولا انا اللي صح اني مش عايزه يبقي عليا ديون رغم ان اهلي بيجيبوللي لبسي وحاجاتي واكل لبيتي وحاجات لابني وامي عرضت عليا تعمله مشروع واما كنا هننقل وهو كان شايف ان التكاليف غالية امي قالتله هساعدك ومتحملش هم حاجة وبصراحة الحاجة اللي تحسب ليه انه بيصرف فلوسه علينا بالنص بس ساعات بيجيب لنفسه لبس وانا لا ويقوللي ده اهلي قالولي هاتلك انت لبس بالفلوس دي وزوجتك اهلها جابولها لبس السنه اللي فاتت وهما عارفين انه مش بيجيبلي لبس ولا اي حاجة ده غير اسلوبه المستفز انا احترت مش عارفة اعيش مرتاحة معاه بقيت ببعد عنه يوم ورا يوم لدرجة انه اخر مرة قربلي كنت مخنوقة منه وهو مش بيحس بحاجة واي حاجة يسمعها من هنا ويطلعها من هنا ساعدوني افهمه واتصرف ازاي معاه

تم تعديل العنوان ليتناسب مع المضمون

اولا كان يستلف من اهله.
وانت اقترحتي يستلف من اهلك..
والموضوع الفلوس القديمة الي لك
ومن قبل مايعرفك
كيف عرف الا عن طريقك...
المقصد من كلامي السابق
ان هذه افكارك واقتراحاتك....
الان خلاص...
خليه هو يتصرف ويحل اموره المالية
بدون اقتراحات......
وانا عندي قاعدة ان مافي انسان يتأخر
عن سداد الدين الا اذا كان مضغوط ماديا
وماعنده....
واكيد لو تحسنت ظروفه
بيسدد كل التزاماته المادية.....

محدش ضربك على ايدك تتسلفي من اهلك
هو الرجل ويدبر نفسه

انتي دورك توجهيه وتسانديه وتدعيله وتريحيه
لكن ما تخديش دور زميله الراجل وتتسلفي علشان تساعديه

الغلط غلطج...
المفروض يشتغل .. لا تستلفين عشانه
و لا تسمحين لأهلج يعطونكم تموين حق البيت او اغراض حق ولدج
اللهم اذا الغرض حقج انتي.. بس حق ولدج او للبيت لا
هذي مسؤوليته هو خله هو يدبر نفسه ..
والمفروض ما تقولين له عن اللي خذوه اهلج منج قبل الزواج

__________________

حاجة الناس إليكم من نعم الله عليكم ، فـ لا تملوا النِعم ☁✨

فعلا انا غلطت لان نادرا لو حد قدر اي حاجة الزوجة بتعملها عشانه وبالنسبة انه اما اموره تتحسن يسد دي مش ناوي يعملها ده انا بقوله اما اموت مش عايزه يبقي عليا دين لاهلي يقوللي اما تموتي هبقي انا اتصرف لو كان ناوي مكنتش اتكلمت في الموضوع اساسا وخاصة انه مبلغ مش كبير بس هو علمني الدرس كويس انه مش هيقدر اي حاجة اعملها

كنت مفكرة اني كده بساعده واخليه ميحرجش نفسه مع اهله لانهم كانو بيتضايقو

فعلا غلطت بس فكرت ان الزوجة المفروض لو تقدر تساعد زوجها متتاخرش بس حسبتها غلط وانا لما حكيتله علي الفلوس بتاعتي ده كان زمان وحتي لو ليا فلوس هو مالوش دعوة بيها واهلي الحاجات الي بيجيبوها بتبقي حاجات بسيطه اي اهل بيجبوها لبانتهم ويمكن اكتر وهو حاليا لسهمش عايز يشتغل بيعتمد علي مرتب بيجيله من فلوس مشغلها وقليلة وبياخد من اهله وهما بيضايقوو وكل مرة يقولو ليه لحد امتة بدال ما تجيبلنا وبيدوله الفلوس اغلب المرات بعد ما يضايقوه بكلمتين وهو يجي يشتكيلي واما يبقي مش معانا وعايز ينزل ياخد فلوس يقعد ينفخ ويقول هروحلهم ينكدو عليا شوية فقلت اخفف عليه مرتين تلاته كل مرة كانو ٢٥٠ جنيه يعني مبلغ لايذكر كل اللي عليه لاهلي ٦٥٠ جنيه مش كتير لو سدد كل شهر ٢٠٠ من اربعة الاف بياخدهم كل شهر عشان شكلي امام اهلي وعشان ده دين علينا وهو عارف اني خدتهم باسمه لكن اما اقوله خلاص انا هتصرف وهسددهم لو هشتغل مخصوص يقوللي عشان انتي هبلة ومش شايف ان ده حرام شايف انه عادي مسددش مقابل حاجات كانت بيني وبين اهلي وكمان شايف ان اهلي لو خدوهم يبقو وحشين وانا عايزة اعرفه غلطه اعرفه ازاي

هونيها وتهون
مهما كان هم اهلك ماهم اغراب...
يعني اكيد بيقدرون ظروفك..

احس صعبه تتدخلين
الزوجه كيف يكون تعاونها مع زوجها
توقف معاه بتقديرها له وصبرها على ظروفه وتدعيلو
بس انها تروح تتسلف له هالشي طبعا
مايعتبر انك وقفتي معاه
بالعكس ورطتي نفسك بينه وبين اهلك

المهم والاهم
الحل اللي تبغيه..
هو برأيي انك تهدين شوي وتنسين الكلام كله مع زوجك قفليه تماما
وصيري حاولي تجميعين المبلغ
واعطيه اهلك بدون مايعرف زوجك قولي لأهلك هذا السلف زوجي يرجعه لكم
وقفلي الموضوع مع زوجك
عشان مايقول ازاي اخذوهم ويتغير تعامله مع اهلك ويطيحون من نظره

ثانيا ..بعد هالموقف انتبهي تكررين هالفكره
لاتتسلفين له لو ايش ماكااااان
يعني حليها انتي زي ماورطتي نفسك بنفسك
وربي يسهلك الامور