بصراحه محتاره كثير في مساعده زوجي
المجتمع والي حواليني خلونا نتعقد
قريب بإذن الله راح نسكن منزل او نصف بيت دبلوكس
وزوجي هاليومين يحاول يجتهد يخلص قبل ما يحل علينا الإجار
بس راح نسكن باثاثنا الى ان ربي يرزقنا ونأثث

بس انا مقتهره اروح ببعض اثاثي من ضمنهم غرفت النوم
وتوني بعت طقمين ذهب جابو لي سعر حلو

وحابه أشارك ببعض التأثيث من فلوس الذهب ومتردده احيانا
فكرت افاتح زوجي واقوله أني اذا حطيت بالبيت مبلغ يرد لي على الاقل نصف المبلغ

وليه فكرت يرد له نصف اذا ربي رزقه لان ماني موظفه
وماعندي المبالغ الكبيرة
شرايكم

__________________
الحمد لله على نعمه وفضله وكرمه ..

شوفي اختي
على حسب زوجك اذا هو لاينسى الجميل ومن النوع اذا اخذ الشئ منك يرجعه فاأنتي سااعديه ..

اما اذا كان جحوود ونكران بالجميل فلا تسااعديه ..

هذي وجهة نظري

والله يكتب لك اللي فيه الخيير

أولا مبروك عليك الشهر ... ومبروك عليك البيت الجديد ... اسمحي لي اختي ... صراحة ودي اطلع شيء بخاطري ...

ياحليل الرجال السعودي ... يكد الليل و النهار علشان يعيش اهله في حياة كريمة ... وياليت يسلم من كلام زوجته ... انت وينك مانشوفك ماتجلس معنا ليش مصروفي قليل ... العيال رايحين المداري يبون فلوس شنط و و و الرجال عنده ارتباطات عنده وجهه قدام الناس بالعزايم ... والأخت أهم شيء جب جب الخ ... والي يذبحني اذا صارت مدرسة ... وتقول انا مالي دخل بك البيت اجارة فواتيرة النت الموية و المطبخ ... ولا ابيك تجيب لي شغاله ... سلامات ... وين عايشين ... أنت وين تقديرك انه تسامح معك و خلاك تروحين وتتركين البيت و اكيد راح تقصرين في حقوق البيت ... وأخر شيء الوحدة تفكر أنها متفضله علي ابو ابوه لو اعطة قرشين ونسيت أن حياته كلها لتأمين حياة كريمة لأسرته يعني ما عمرنا سمعنا ان فيه رجال حط البيت بجيبة و ترك اهله بالشارع بل البيت لأهله و المشكلة الناس تطلبه ديون و متسلف من الخلق علشان مين ؟؟؟؟ و الله أحيانا أشوف حياة الغرب أحس فيها شئ زين وشين بنفس الوقت ... الزوج والزوجة متشاركين بكل شيء ... اجار البيت الفواتر وكل واحد يشتري بفلوسة الي يبي يعني غير ملزوم في احد ... لكن حنا للأسف أن الزوج صاير أب ... وياليت انها تملي عيونهم ... تروح للحريم وتحش زوجهااااا برجولة والرجال شغله الشاغل كيف يخلي اسرته اسعد اسرة بالحيا ة ...

آسف اختي الكريمة ... لكن حبيت أطلع شيء بخاطري ...

أما نصيحتي لك ... أما تعطينة عن طيب قلب وتقولين هذه مشاركة مني في بيت أسرتنا الكريم ... والله لا يهينك كم من مأت الألوف دافعها بالبيت ولو كان عندي اكثر كان شاركتك ... وهذا كل الي معي ...

أو خليها معاك ... و الله بيرزقه البركة بالباقي ...

__________________
أنتم رائعون بجمال روعة القمر ... وهذه أولى الثمرات و النجاحات قادمه و بحول الله سأخبركم بكل نجاح كما أخبرتكم بكل ألم ... أنتم تستحقون أعلى وسام في العطاء و التآخي ... كم أحبكم ...

والله اذا انتي مو موظفه

المفروض من الاساس ما بعتي الذهب ، بس ما دامك بعتي اذا هو يستاهل ساعديه لأن البيت لكم كلكم ، واذا في خاطرك شي لا تساعدينه وارضي بالأثاث العادي او القديم ، اسمحي لي صراحه انتي ما حطيتي الموضوع الا انك متردده كثير فخلي فلوسك عندك احسن من المشاكل .

__________________
استغفر الله الذي لا إله إلا هو الحي القيوم وأتوب إليه

همه فوق القمه مشكوره ياقلبي
وزوجي احين تضمنه لكن بعدين ما ادري زوجي طيب ومايقصر عليه
لكن كما قلت هو له راتب ومدخول شهري وانا ما عندي الا ذهبي وشيئ من المال في حسابي
وبصراحه مادري

حياة افضل حياك الله
وردك شبيه برد زوجي او المتوقع من زوجي
راح يقول انا قادر وان شاء الله ما احتاج لاحد
وراح يقهرني رده وبكون تحسفت ان عرضت عليه
مازلت محتاره ان بغيت أساعد واضمن شيئ من حقى مافيها عيب

__________________
الحمد لله على نعمه وفضله وكرمه ..

ان شاء الله الف مبروك ولا تنسى لما تدخلي البيت تقولي < اعوذ بكلمات الله التامات من شر ماخلق> ثلاث مرات
والله يباركلكم فيه
اما تعطينه والا لا بصراحه ياليت تستشري مختص احسن .حتى لو شاركتيه تكوني مرتاحه اكثر

أختي الكريمة لامانع من عرض المساعدة ... بغض النظر هل سيوافق يأخذها ام لا ... من باب انه بيتكم كلم ... لكن لا تقولين رجعها ... أما تعطينة و خلاص تنسيها يعني لا تجلسي تمنيها عليه ... و إما خليها معاك ... و تنفعك بدل ماتطلبيه في المستقبل يكون عندك ما يخفف عبئ المستقبل علي زوجك والله يدم المودة والحب ...

__________________
أنتم رائعون بجمال روعة القمر ... وهذه أولى الثمرات و النجاحات قادمه و بحول الله سأخبركم بكل نجاح كما أخبرتكم بكل ألم ... أنتم تستحقون أعلى وسام في العطاء و التآخي ... كم أحبكم ...

ساعديه هنود وما تطلبي منه انو يرجعهم

وكل ما اعطاكي مصروف دخري منه وارجعي اشتري ذهب قطعه ورا قطعه

طالما انه يعاملك بالحسنى فلا تبخلي عليه

مبارك البيت الجديد وقولي له حلو انو ندخل بعفش جميل اذا اقدر اساعدك

__________________
http://live.gph.gov.sa/
اللهم اني استودعك اولادي

مو بالضرورة رايي يناسب الجميع، كل بيت و له ظروفه. لكن انا كزوج تعرض علي زوجتي قرض ( عملية مالية) ما رح اقبلها. في بداية حياتي احتجت مبلغ لتجارة. زوجتي عطتني تحويشة عمرها بدون ولا كلمة ولا حتى طلبت منها شي. الحمد لله لما ربنا فتحها علينا رديت لها اضعاف مضاعفة بدون ما تطلب.

اختي يمكن وضعكم مختلف و لكن اللي احب اقوله لا تجرحي زوجك. و اذا تبين تساعدينه على سبيل القرض قولي له بدبر لك مبلغ من اهلي من صديقاتي و انت رجعه بمعرفتك.

الله يوفقكم.

أعطيه بدون ماتشرطي عليه يرجعها أو لا تعطيه