السلام عليكم ورحمة الله وبركاته

كيف الحال؟

وحشتوني كثير

انا العضوة توته وزوجها اذا فاكريني

طبعا ما اقدر ادخل باسمي القديم بسبب ان زوجي دخل بخلاف بسبب موضوع واوقفوا تفغيل اسمي مع اني مالي ذنب باللي يسويه زوجي

ماعلينا من هالكلام

اللي يعرفني يعرف ان عندي بنت وعمرها الحين 3 سنوات ماشاء الله تبارك الرحمن

حاليا انا اعلمها على دخول الحمام ولي 3 اسابيع والحمدلله ان طول هالفترة مراقبة ومهتمة بدخولها الحمام الا اذا كانت نايمة يعورني قلبي اصحيها في البرد بس اللي ابي استفسر عنه ان بنتي ماتجي تقول لي انها تبي تدخل الحمام لازم انا اللي اقول لها علشان تدخل واخذها بنفسي وادخلها ابي اعرف متى تبدأ تقول لي انها تبي تدخل الحمام مع العلم ان في هذي الفترة اذا دخلت الحمام وعملت بي بي اعطيها شوكولاته واذا يوم كامل ماعملت بي بي بالحفاض لها اللي تبغاه يوم ثاني وتعمدت استخدمت معها هذا الاسلوب بدل القوة لان ما ابي اخوفها من هالشي ابي افهمها ان هالشي وسخ ومكانه الحمام .

فسؤالي متى بنتي راح تبدأ تقول لي ابغى اروح الحمام لان نفسي ادخلها روضة اطفال تتعلم؟:

ومشكورين مقدما

نفس طريقة بنتي لما علمتها اول شي جلست كم شهر ماتقول ابغى حمام بس كنت اوديها بعد كل صلاه هذي طريقتي
بس لازم تكونين صبورة وهادية عشان تتعلم بسرعه لاتصارخين اذا عملت باليل خصوصا بالبرد بعد سنه من تعلم بنتي كانت تتبول بالليل ايام الشتاء وماكن ابد اهاوش ولا اعلق كانه شي عادي لاني كنت خايفة انها تنتكس

أختي بس حبيت أقولك تخلصي من الحفاظ نهائيا في النهار حتى لا تتذبذب ابنتك ..

والله اني ما اصارخ بالعكس اذا دخلت اعطيها شوكولاتة او اوديها البقالة تشتري اللي تبغاة

وبالليل ما اصحيها قلت اول اعلمها في النهار واذا صارت تروح لحالها اعلمها على الليل

الكل قال لي هالفكرة بس انا ماعندي شغاله بحيث تساعدني بتنظيف المكان اللي تنجسه بنتي لان عندي دوام من الساعه 8 الى الساعة 4 يادوب الحق على تعليمها في الفترة المسائية وام زوجي ماتقصر تعلمها في الصباح

اقتباس:

المشاركة الأصلية كتبت بواسطة كرز وفراولة الكل قال لي هالفكرة بس انا ماعندي شغاله بحيث تساعدني بتنظيف المكان اللي تنجسه بنتي لان عندي دوام من الساعه 8 الى الساعة 4 يادوب الحق على تعليمها في الفترة المسائية وام زوجي ماتقصر تعلمها في الصباح

أتفهم ظروفك ... ولكنك تحكمين على تعليمك لها بالفشل بهذه الطريقة

فسنها جدا مناسب ولكن الأسلوب وقع فيه الخطأ رقم واحد الذي تقع فيه الأمهات ...

ستعاني الطفلة ولن تعرف متى يمكنها الطلب ومتى يمكنها أن تستخدم الحفاظة ...

وانتي التي ستعاني في النهاية ولا تقومي بمعاقبتها بعد ذلك لأن الاسلوب خطأ منذ البداية ...

طيب يصير البسها كلوتات الخاصه بتعليم الحمام لانها تكون مصنوعة من الفوطة الجهه الملامسة للجسم ومن البلاستيك من الخارج لان بصراحة شريتهم واحس مو متشجعة استخدمهم؟؟

ترا انا كسولة خصوصا من بدا دوام المستشفى

كرز حبيبتي ترى انا زيك علمت بنتي وهي تلبس الحفاظ وبعد فترة شلته وخليته بس في وقت النوم وبالرغم من ان بنتي كانت تتجاوب بعض الاحيان احس اناهه تتراجع يعني ممكن تتبول فجأة في ملابسها وهي خلاص تعلمت
عشان كذا لاتكتأبي لما تشوفي بنتك عملتها على نفسها رغم انها كانت متجاوبه لاسابيع وترى الحمام يحتاج شهور
الحين عمر بنتي 4 وبتدخل بعد كم شهر 5 واللي معذبني ماتعرف تغسل نفسها وتصر ان الشغالة او انا اغسلها ودخلتها روضه ولما تروح الحمام تبكي لين يرسلون خاله تغسلها رغم انها تعرف بس احسها خوافه شويه

اقتباس:

المشاركة الأصلية كتبت بواسطة كرز وفراولة طيب يصير البسها كلوتات الخاصه بتعليم الحمام لانها تكون مصنوعة من الفوطة الجهه الملامسة للجسم ومن البلاستيك من الخارج لان بصراحة شريتهم واحس مو متشجعة استخدمهم؟؟ ترا انا كسولة خصوصا من بدا دوام المستشفى

حقيقة لا أعرف جدواها فأنا لم أستخدمها لأبنائي من قبل .. ولكن ان كانت ستقوم بالتبول فيها بشكل عادي مثل الحفاضة ولن تفرق مع اللي متولي البنت في ذلك الوقت لأنها في نظره ( حفاضة ) فلا أظن أنك غيرتي شي من هذا الخطأ ..

مشكورة اختي وماقصرتي انا الحمدلله علمت بنتي كيف تنظف حالها من الحين يعني لما تدخل الحمام انا بس اراقب وهي تسوي كل شي